النفاثات في العقد

الجزء 11

مرت دقايق كتيرة من مارسلت الرساله ،
حولين صينية الشاي كنا قاعدين نشرب الشاي ونتونس والجو كان بارد نوعا ما وسهيلة لسة في حركة العين بتاعتا دي ماعايزة تخليني في حالي وانا اتبسمل واتعوذ واقرا في سري ، قعدت جنبها :
سهيلة مالك انتي كل مرة بتعايني فيني ؟
قالت لي انا مابعاين فيك بكون سرحانة ماتفهميني غلط،
انا مصدعة وماقادرة اقعد داخلة جوة ارقد قالتا سهيلة وهي صارة وشها.
حنين: ماتكوني زعلتي من سؤالي.
سهيلة : مازعلانة.. بس مما صليت جسمي كلو بدا يوجعني ورجلي متشنجة.
حنين: بسم الله ياسهيلة دا كلام شنو؟
قاطعتنا خالتي صافية :مالكم .. مالا سهيلة ؟
كل من في الصينية انتبه
حنين : مافي حاجة بس سهيلة مرهقة وداخلين انا وهي جوة.
في اللحظة دي تلفوني ضرب، رفعت امي التلفون بماانو جنبها عاينت ليو ،
امي : تعالي دا ابوك..! قالتا عشان لقت نعمة وغيث وسهيلة وخالتي مركزين..
شلت التلفون وقلبي وقع في الارض
حنين : الو..؟
امام : السلام عليكم كيف ياروحي؟
حنين : الحمدلله كيفك انت ؟
امام : البركة فيكم في حبوبة فاطمة .. رسلت ليك رسايل كتيرة في المسنجر عسى ولعل تخشي تقريها ، انا اسف ياقلبي ، وقعد يعتذر ومااداني فرصة ارد حنين: حصل خير حبيبي والله يجازي الدخل بينا..
بالمناسبة بت خالتي عايزة تتكلم معاك
قبل ما اتم كلامي خطفت التلفون سلمت عليو واتونست حبة وادتني التلفون
قالي انا جاي عليكم
قلت ليهو ماف داعي تجي وانت عارف المجتمع صعب و..و..و.وو.
امام : خلاص ياقلبي البجيب ليك المشاكل مابسويه. بس خلي بالك من نفسك شديد .. انا راجع ابوظبي بعد يومين ان شاءالله..
بعد يومين؟؟؟ انا ماصدقت اجي السودان عشان اشوفك تقول بعد يومين ،قلتها في نفسي
امام : الو الو؟ اموني انتي معاي؟
حنين: ايوا حبيبي معاك بس....
امام : بس شنو؟
حنين: لا مافي حاجة !!
امام باصرار : لا.. في
حنين: ماممكن تأخر سفرك شوية
امام : ياريت والله اقدر بتمنى الاقيكم انتي وخالتي.. لكن اجازتي انتهت من اسبوع وانا اتاخرت شديد والادارة بتاعة الشركة رسميين جدا و..... ،قاطعتو
خلاص يا امام انت بترغي كتير كدا خلاص فهمت الله يوصلك بالسلامة .. قلتها وانا مابين زعلانة ومابين لازم ارضى بالواقع..
امام : زعلتي..؟
حنين: لا ماف حاجة بتزعل دا شغلك وللزم ماتفرط فيهو..
قلتها وانا متصنعة الرضا عشان مايتحسس..
جرينا الونسة وانتهت المكالمة.

يتبع....

ملاحظة: شخصية حنين هي نفس الشخصية المتكلمة