النفاثات في العقد

الجزء 64

الاثنين 16 ابريل 2012 :

مطار الخرطوم-صالة المغادرة:

يعني خلاص حتخليني براي؟
رانيا: مامتخيلة افارقك يا اختي.
حنين: يعني لو كنتي قريتي هنا مالو..

حنين ورانيا اخوات جمعتهم الايام وعلاقة اكتر من خوة يمكن.

الليلة رانيا مسافرة وانا عاجزة اعبر عن الجواي،معقول السودان يبقى لي من غيرا؟
بس لازم تسافر تشوف مستقبلها ربنا يوفقا ويسدد خطاها..

النداء الاخير..
حنين:خلي بالك من نفسك حبيبتي ربنا يبعد عن اولاد وبنات الحرام وماتنسيني من دعائك دايما ادعي لي.
رانيا: وانتي كمان خلي بالك من نفسك وخلي بالك من اختي واياك تفرطي في طريق ربنا واياك الشيطان يبقى ولي عليك اياك.

سافرت رانيا وخلت البلد فاضية وبائسة .
على قد مابكيت على قدر ماكنت بدعي ليها ربنا يحميها ويديها الفي مرادها.

ايناس: يلا ياحنين صلاح صاحب خالي منتظرنا يلا عشان نوصلك البيت.
حنين: خليني انا برجع براي.
ايناس: لا رانيا وصتني عليك وانا بمشي بالوصية.

يتبع...