النفاثات في العقد

الجزء 66

مشيت الجامعة ونفسياتي على غير العادة مبسوطة لكن كانت حاصلة لي حاجة غريبة بقيت ما لي نفس اسلم او اتكلم مع زول حتى صحباتي بقيت اتضارى منهم ماعايزة اشوفهم.
انتهى اليوم الدراسي وقعدت افكر في الحصل امس وبحاول استوعب العملتو .
لقيت روحي بنصاع لي كلام ايناس وصلاح وكبيرهم الذي علمهم السحر وماقادرة ادافع عن نفسي وديني.
تقريبا انا هسة في نص الوحل لاقادرة ارجع ولاقادرة اواصل .
الساحر زي متعاطي الرذيلة ، ايوا السحر والرذيلة واحد ، والرذيلة عمرها ماكانت زنا وشذوذ بس.
مابرضو السرقة رذيلة ،واكل اموال الناس بالباطل رذيلة، وهتك اعراض الناس رذيلة، والكذب رذيلة والغيبة والنميمة والسخرية رذيلة، والسحر اكبر رذيلة في حق نفسك وحق غيرك بتشمل الساحر والبمشي للسحرة.

شلت شنطتي ومشيت البيت نمت بلا احساس و الليلة صحيت على حلم قرمزي ، الشيطان لمن يشوفك ماشي في طريقو بزين ليك الحياة وبخلي احلامك جميلة تحلم بانك ملك او لابس دهب والدهب والماس محاوطك من كل مكان بس اهم شي تمشي وفق اهواء ابوه ابليس.
_______________________
اتصال..!
الو...!
السلام عليكم.
حنين: وعليكم السلام.
حمزة : كيف حالك وكيف حال والدتك ووالدك؟
حنين: الحمدلله وكيف انت وللا خديجة وعيوشة؟
حمزة: بخير الحمدلله، اتصلت عليك كتير لكنك ماتجاوبينيش خير ان شاءالله؟
حنين: شوية مشغولة.
حمزة : حسبتك انسيتيني.
حنين: ههههه عايز الصراحة اي نسيتك.

حمزة: واش تقولي؟
حنين: قلت السمعتو انا نسيتك.
حمزة: لما؟
حنين: حمزة قلت ليك مابنفع اتزوجك، انت متزوج وعندك بت وغير كدا مرتك مامتقبلة فكرة زواجك عليها.
حمزة: زوجتي راح كلمها وان شاءالله كتفهم عليا.

حنين: انت بالنسبة لي حاجة تانية وبتمناك من قلبي لكن موقفي صعب مع خديجة.

شيخ حمزة الحبيتو وماعاينت لي عمرو ولا حالتو الاجتماعية ولا الفرق البيني وبينو الليلة انا برفضو بكل تأنيب ضمير من اجل دموع زوجتو وحبها ليو ماعايزة اخرب وانكد عليهو حياتو، مرات انت بتضحي بحاجة غالية عندك عشان في زول انت مقدرو وماعايز خاطرو ينكسر.
انا جربت كسر الخاطر ولقيتو حار وجعو مابنطاق
نهيت علاقتي مع شيخ حمزة مع اني كان ممكن اتزوجو وما اسأل في مرتو ولاغيرا ، بس شيخ حمزة مانسى العشرة البينا وكان بسأل مني ومن اهلي من فترة لي فترة وانا ماكان نسيانو بالساهل علي وعانيت كتير عشان انساو برضو ماقدرت.

يتبع...