النفاثات في العقد

الجزء 07

نرجع لي ونستنا انا وغيث
واصل كلامو : عارفة يا البنو سهيلةدي فيصل قال عندها نفسيات
قاطعتو: انا كمان حسيت كدة وتصرفاتا غريبة وحكيت ليو بموقف التونكة ، ضحك بي صوت عالي وكانت ضحكتو غريبة لحد مااتضايقت منو وقلت : شميتك ياغيث ، قال : لقيتي ريحتي كيف ، غلبني الضحك وبقيت اضحك وخصوصا لمن عترت ليو الطوبة انتقمت حقي في الضحك ...
قربنا لي لفة البيت ونحن بتونس وكان في صوت مشي ورانا مسافة سامعين صوتو ولمن وصلنا اللفة الصوت اختفى مااتنبهت للحاجة دي لكن غيث انتبه انو الصوت اختفى ونبهني اتلفتنا ورانا ماف اثر اي زول ، ساد صمت رهيب ماف واحد فينا فتح خشمو قال كلمة لحد ماوصلنا البيت، امي : اتأخرتو كدا وين ودا شنو الشايلينو سجمي باسطة وبارد الناس تقول شنو حبوبتم ماهاماهم.
شلنا الباسطة والبارد دخلنا بيهم جوة واتلمينا اولاد الاهل كلنا وجات معانا سهيلة
اكلنا واتونسنا ،قمت اجيب لي تلفوني من الشاحن ،
البنو بلوزتك مشروطة ! قالا يوسف ود خالتي بي ضحكة،
سجمي مشروطة وين عاينت محل عاين وكانت الصدمة لقيتا مشروطة وكانت كبيرة شديد نص التونكة اتشقت كيف ومتين؟ انا قبيل اتفحصتها لمن شبكت في الحديدة ماكان فيها شي، زعلت واتغبنت للنها كانت عاجباني شديد، مشيت جبت تلفوني مسكلت لي ابوي كم مرة مارجع لي ، الساعة 9 بكون في الشغل هسة.

يتبع...