النفاثات في العقد

الجزء 49

امي: ابوك قال يرجع السعودية عشان يتعالج.
حنين: وعايز يرجع متين؟
امي: اقرب حجز.

حنين: والرقيه؟
امي: انتي عارفة ابوك عنيد ومامصدق انو معمول ليو عمل.
حنين: بس هو شاف بي عينو الحصل ليو.
امي: ابوك مامقتنع بالعلاج الروحي، دا حال الاطباء .
حنين: كلامك صاح ياامي ، مالو برضو خلي يجرب العملية ان شاءالله تنجح يارب ، بالمناسبة ابو حسام قال ماحيقدر يجي معناها اكلم الشيخ مايجي.
امي: اصلو الزول العندو سحر عوارضو اكتر منو.

اتصال:
اهلين رانيا..
رانيا: كيف امسيتي؟
حنين: الحمدلله وكيف انتي واختك.؟
رانيا: اها مستعدة الليلة؟
حنين: ماعارفة اقوليك شنو يا اختي ابوي رفض يواصل واخوي اتحجج .
رانيا: كلمتي شيخ حمزة؟
حنين: كلميو انتي.
رانيا: حاضر، اسمعيني ايناس عايزة تتكلم معاك ضروري.
حنين: اديني ليها.
رانيا: لا مافي التلفون، عايزاك تجي البيت.
حنين: شنووووو!!! لالالا البيت لا عليك الله.
رانيا: لازم تجي واحسن تجيها برضاك بدل تجيبك طايعة.
حنين: لا بالله ماعلى كيفها، ماعايزة اقابلها انا حرة ولو عايزة تتكلم معاي بالتلفون حياها الله غير كدا ماعندي طريقة.
رانيا: اختي وانا عارفاها.
حنين: اختك اختك اختك، ياخ اختك دي تطلع شنو لو انتي خايفة منها انا مابخاف يلا وخليها توريني جنونها ديل بعملو شنو وصلي ليها كلامي دا.
رانيا: مستحيل وبعدين انتي ماتنفعلي شديد كدة ، اسمعيها عايزة تقول ليك شنو.
حنين: لا اسمعها ولاتسمعني فكينا عليك الله.
رانيا: براحتك.
صراحة انفعلت مع رانيا وسمعتها كلام هي ماليها ذنب فيهو.

ايناس ممكن تكون عايزة شنو مني ؟؟

يتبع...