النفاثات في العقد

الجزء 01

كثيرا مانسمع بقصص يصعب علينا تصديقها، قد نقول انها محض صدفة او ضرب من الخيال او حتى قد نقول انها قصص حكيت للتسلية في مجالس السمر ،هذا ماكنت اقوله في نفسي حين يحدثني احد عن السحر وان فلان مسحور رغم ايماني الجازم بوجود السحر والمس والعين الا انني ظننت انه في الماضي.

مرت سنوات على سلسلة هذه الاحداث ولازلت اتذكرها جيدا كما الامس.

في 2009 اتوفت حبوبة خالة امي رحمها الله جينا البلد لي واجب العزاء وهناك وصلنا انا وامي وتوجهنا فورا لي مدينتي في ولاية الجزيرة ، وصلنا و انتهى اليوم الاول الكان حافل بالاستقبال والحزن معا" ، وبدأنا تجهيز فرشنا للنوم ولكن لاحظت مرة ود خالتي بتعاين لي كتير مماوصلت وبنظرات فيها البرود ...

قلت في نفسي يمكن لانها لم ماشافتني من قبل لما تزوجها فيصل ود خالتي ماحضرنا الزواج لاننا ماكنا في السودان.

اتجاهلتها ومشيت اجيب باقي الفرش من جوة، ولمن دخلت جات وراي وقالت حننوم انا وهي جوة عشان الحوش مزحوم بي خالاتي وبناتهن رحبت بالفكرة ولمست من كلاما الطيبة والظرافة .

طلعنا الفرش ودخلنا الغرفة الاخيرة ونمنا، صحيت على صوت كم زول بتهامسو حولين سرير سهيلة مرة ود خالتي افتكرتها لوهلة بتتكلم مع بناتا لكن عاينت ليها لقيتا في اخر نومة وبنوتاتا نايمات في السرير التاني وفجاة صوت الهمس اختفى، مااشتغلت بالموضوع ونمت ولكن المرة دي صحيت على صوت طقطقة في الشباك ،عاينت حول الشباك وكان مفتوح وضوء القمر ينفذ منو وماشفت زول ، قلت في نفسي دا ناتج عن الارهاق وماف شي يستدعي القلق .

يتبع....

ملاحظة: 1- شخصية حنين هي الشخصية المتكلمة في القصة.

2- القصة كتبتها بأسلوب بسيط فأنا لااجيد الاسلوب المنمق واتمنى اقدر اوصل ليكم عبر كتيرة ودمتم..