နားရွက်ရှည်အိမ်တော်ထိန်း || ဘာသာပြန် || 『Completed』

Chapter 62

|| Unicode ||

ကျန်းမာရေးအခြေအနေ တည်ငြိမ်သွားပြီဖြစ်ကြောင်း အတည်ပြုပြီးနောက် ရန်ရိဟာ ပြန်လည်ထူထောင်ဖို့ရန်အတွက်အိမ်ကိုခေါ်သွားခံရ​၏။

အိမ်အသစ်က မူလဗီလာလို ကျယ်ကျယ်ဝန်းဝန်းမရှိပေငြား လုရှန့်ကျင်ရဲ့ ကုမ္ပဏီနဲ့တော့ တော်တော်လေး နီးလေသည်။

Decoration ကတော့ အထူးပင် တရုတ်စတိုင် ဒီဇိုင်းဖော်ထားသည်။ လုရှန့်ကျင်က သစ်နက်ပရိဘောဂအဆက်လိုက်ကိုရွေးချယ်ထားပြီး အိမ်အသစ်မှာ ထားထားတာကြာပြီပင်။ အခုဆို ထုပေါင်ပေါင်လေးကအိမ်မှာ အမြဲ ကြမ်းပြင်ကို ခြေဗလာနဲ့နင်းတတ်တာကြောင့် အိပ်ခန်းကိုလဲ နူးညံ့တဲ့သိုးမွေးကော်ဇောနဲ့ လွှမ်းထားရလေ​၏။

မိသားစုက ရန်ရိကို ပြုစုစောင့်ရှောက်ဖို့ နာနီတစ်ယောက်ကို အလုပ်ခန့်ခဲ့သည်။ လုရှန့်ကျင်ဟာ ရံဖန်ရံခါမှာတော့ မလွှဲမရှောင်သာဆိုသလို အိမ်မှာမရှိနိူင်ပေ။ ကလေးကို တစ်ယောက်တည်းထားခဲ့ဖို့ဆိုတာက အလွန်အန္တရာယ်များသည်လေ။

သူက ပြင်းထန်တဲ့ စွမ်းအင်ဖြည့်စွက်ဆေးရည်ကို ယူရန် အန်းဖေးယဆေးရုံသို့ သွားခဲ့သည်။

ကနဦးမှာတော့ ဆေးစပ်ဆရာဝန်က သူ့အား သာမန် စွမ်းအင်ဆေးရည်တွေကို အသုံးပြုရန် အကြံပေးခဲ့​၏။ ပြင်းထန်သည့်ဆေးရည်တွေက A3 အဆင့်ဂလင်းများကိုထောက်ပံ့ပေးဖို့ရာပဲ အထူးတလယ် ပုံစံထုတ်ထားတာဖြစ်သည်။ ဒီလောက် အဆင့်ကို အတင်းအဓမ္မသုံးစွဲခြင်းကခန္ဓာကိုယ်ကို လှုံ့ဆော်ပေးဖိုရာ မလုံလောက်သည့်တိုင် အများကြီး ထိခိုက်စေမှာလဲမဟုတ်ပါချေ ။

လုရှန့်ကျင်က ဆေးကိုယူ၍ ဆေးသွင်းခန်းကို သွားလိုက်သည်။ ဆေးသွင်းခန်း၌ လူနာအတွက် ဝန်ဆောင်ပေးမယ့်သူနာပြုomegaနှစ်ယောက်ရှိနေ​၏။ တစ်ချိန်တည်းမှာပဲ တံခါးကို လျှောက်လာတဲ့ မစ္စတာAlphaကို သူတို့ သတိပြုလိုက်မိပြီး တစ်ယောက်ကိုတစ်ယောက် စိတ်လှုပ်ရှားစွာနဲ့ တစ်ချက်ကြည့်လိုက်မိကြသည်။

ဆေးရုံက ဒီalphaကို သတိထားမိကြတာ ကြာချေပြီ။ သူက ဆေးရုံမှာ တစ်ခဏမျှ နေနေခဲ့တာဖြစ်သည်။သူတို့ သခင်လေးရဲ့ သူငယ်ချင်းလို့လဲကြားမိကြသည်။ သူက အခုမှ ၃၀ပြည့်ထားတာဖြစ်ပြီး အောင်မြင်တဲ့ အသက်မွေးဝမ်းကြောင်းလဲရှိနေပြီဖြစ်သည်။ လုရှန့်ကျင်သာ ရန်ရိအကြောင်း အလေးထားမနေပါရင်Omegaတွေရဲ့ ဆာလောင်နေတဲ့ မျက်လုံးတွေကို သတိပြုမိလောက်မည်ပင်။