|| Unicode ||
ဖုန်းက တုန်လာပြန်သည်။ ရန်ရိ ငုံ့ကြည့်လိုက်လျှင် လုရှန့်ကျင်က နံပါတ်ပြောင်း၍ messageတစ်စောင်ပို့လာတာပင်။
{ လိပ်စာပေးပါ... ငါမင်းကို လာခေါ်မယ် }
ရန်ရိ နှုတ်ခမ်းထောင့်တွေတွန့်ခနဲ့ဖြစ်သွားပြီး ကျစ်ဟမြီးသေးသေးလေးဖြစ်အောင် စုချည်ထားသည့် မီးခိုးဖျော့ရောင်ဆံပင်တွေကို ဖွဖွလေး ပွတ်သပ်လိုက်သည်။ သူ့ခြေထောက်နှစ်ဖက်စလုံးက ထိုင်ခုံမြင့်ပေါ်မှာ ရှိနေပြီး မျက်လုံးတွေကဝေခွဲမရစွာဖြင့် စခရင်ကို တွေဝေလျက် ကြည့်နေခဲ့မိသည်။
လုရှန့်ကျင်က သူ့ကို ဖုန်းနံပါတ်ပြောင်းပြီး သူ့ကို ဆက်သွယ်လာကာ လာခေါ်ပေးမယ်လို့ ပြောသည်။ သူတို့နှစ်ယောက်ချစ်ခဲ့ကြတုန်းကတောင် လုရှန့်ကျင်ဟာ သူ့ကို ချော့ဖို့ ဒီလောက်စိတ်ရှည်ပေးတာမျိုး မပြဖူးခဲ့ပါချေ။
" မင်း ဘာတွေလုပ်နေတာလဲ? " ရန်ရိ ခေါင်းငုံ့၍ ဆံပင်တို့ဖြင့် မျက်လုံးတွေကို ကာလိုက်သည်။ စခရင်ပေါ်ကလက်ချောင်းတွေက တုန်နေကာ နှင်းဆီရောင် နှုတ်ခမ်းသားတို့က အနည်းငယ် ပွင့်အာလျက် သွားဖြူဖြူလေးကနှုတ်ခမ်းကို သွေးထွက်အောင် ကိုက်လိုက်သည်။
" ငါ ငါတို့အရင်တုန်းက လာဖူးတဲ့ဘားမှာ "
စာကြောင်းတိုတိုတစ်ခုပြီးနောက် အဲ့ဒါကို မပို့ခင် Edit Columnမှာပဲ သုံးမိနစ်လောက်ကြာအောင် ရှိနေခဲ့သည်။
ခဏလောက် တိတ်သွားပြီးမှ လုရှန့်ကျင် မေးလာတာက
" ငါတို့က ဘားတွေအများကြီး ရောက်ခဲ့ဖူးတာပဲကို ။ ဘယ်တစ်ခုလဲ? "
ရန်ရိ မျက်လုံးတွေ မှိုင်းဖျသွားရကာ သူ့ညာလက်က လက်သူကြွယ်ကို ငုံ့ကြည့်လိုက်မိ၏။
တကယ်ပဲလုပ်ခဲ့တာလားလို့တောင် သူ သံသယနည်းနည်းရှိမိသည်။ သာမန်လူတွေက ဒီလို မရှိရင်လဲဖြစ်တဲ့ အရာမျိုးကိုတကယ် မမှတ်မိကြတာလဲ ဖြစ်နိုင်ပါသည်။
သွေ့ဖျီဘားတွင် စုံတွဲတွေထားခဲ့တဲ့ ပိုစ့်စကဒ်တွေ ဖုံးလွှမ်းနေသော နံရံတစ်ခုရှိသည်။ယင်းသည် ငွေရှာဖို့အတွက် ဘားပိုင်ရှင်ရဲ့ လှည့်ကွက်တစ်ခုမျှသာပင်။ သို့ပေမယ့် တစ်သက်မှာ တစ်ခါပဲ ဒီကိုရောက်ခဲ့တဲ့ ချစ်သူရည်းစားတွေအဖို့တော့ ပို့စကဒ်တစ်ခုဟာ ဖျောက်ဖျက်လို့မရနိုင်သေးတဲ့ ပဲ့တင့်သံလေးဖြစ်နိုင်ပါ၏။
![](https://img.wattpad.com/cover/304366828-288-k159930.jpg)
YOU ARE READING
နားရွက်ရှည်အိမ်တော်ထိန်း || ဘာသာပြန် || 『Completed』
Romance" ငါ အိမ်ပြန်လာတိုင်း နှင်းဆီပန်းတစ်ပွင့် အမြဲတမ်းယူခဲ့တယ်။ပြီးတော့ ငါ့ကို သူကြည့်ပေးမယ့် တစ်ခဏလေးမှာ ငါ့ရဲ့Alpha ကို ပြောမိမှာက ' ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ် ' လို့။ သူ့အိတ်ကပ်ထဲက နှ...