|| Unicode ||
2019-4-18 09:00 AM
——
နာ့ရှီ ပင်လယ်မျက်နှာပြင်အထက် ၊ အပျော်စီး ဇိမ်ခံသင်္ဘောတစ်စင်းက နှစ်ရက်ကြာအောင် ကျောက်ချထားခဲ့သည်။
ဝေးလံလှသော ကောင်းကင်ယံမှ အမဲစက်လေးတစ်စက် ပေါ်လာခဲ့၏ ; အမဲလိုက်တောရိုင်းမိသားစုရဲ့ သင်္ကေတ ရေးဆွဲထားသော ဟယ်လီကော့ပတာတစ်စင်းက တဖြည်းဖြည်းချင်း နီးကပ်လာကာ ကုန်းပတ်ပေါ် ဆင်းလာချိန်၌ ပန်ကာကြီးတွေက တစ်ဝေါဝေါမြည်ဟည်းနေသည်။ လေကြောက ရှေ့ကို တဟုန်ထိုး ပြေးဝင်လာတာကြောင့် ကုန်းပတ်ပေါ်မှာ စုဝေးနေကြတဲ့ မင်းမျိူးမင်းစိုးတွေမှာ သူတို့ရဲ့ ဦးထုပ်နားပန်းတွေကို ကိုင်ထားလိုက်ရသည်။
အစေခံတစ်ယောက်က ကျားသားရေခံထားသော လှေခါးနားသို့ တိုးကပ်သွား၏။ လုရှန့်ကျင်က ဟယ်လီကော့ပတာပေါ်မှဖြည်းဖြည်းချင်း ဆင်းလာသည်။ ပုခုံးပေါ်က မှင်နက်ရောင် မြေခွေးသားမွေးကုတ်အောက်၌ သူက လက်ချုပ် Suit အနက်ကို ဝတ်ထားသည်။ သူက နေကာမျက်မှန်ကို ချွတ်လိုက်၍ သူ့ဘေးနားက လိုက်လာတဲ့လူထံ ပေးလိုက်၏။ အေးစက်စက်မျက်လုံးတစ်စုံမှာ အရာရာကို မုန်းတီး၊ လျစ်လျူပြုထားခြင်းတွေ လက်ကိုင်ထားသည်က်ို ချပြထားပြီး နက်ရှိုင်းကာအဆုံးမဲ့လျက်။
အနက်ရောင်ဝတ်ထားသော သက်တော်စောင့် အတန်းလိုက်က အောက်ဖက်မှာ ရပ်နေခဲ့၏။ သူတို့က စနစ်တကျ ဦးညွှတ်လိုက်ကြပြီး နာမည်ခေါ်လိုက်ကြသည်။ " လုသခင်လေး "
လုရှန့်ကျင်က တည့်တည့်ကိုပဲ ရှေူးရှူလိုက်ပြီိး ကုန်းပတ်ပေါ်က ထီးတစ်လက်အောက်မှာ လက်ဖက်ရည်သောက်နေသည့်သက်လတ်ပိုင်းအရွယ် Alpha ထံကိုသာ လျှောက်သွားသည်။ သူက အကြီးကို ဦးညွှတ်လိုက်၍ နှုတ်ဆက်လိုက်၏။ " အန်ကယ် "
ငါးဆယ်ဝန်းကျင်အရွယ်ရှိ Alphaကရေဒီယိုမှလာသော ငြိမ့်ညောင်းသာယာသည့် အော်ပရာကို အေးအေးဆေးဆေးနားထောင်နေပြီး ညာလက်မှာ ဖောင်တိန်ကိုင်ထားရင်း အင်္ဂလိပ်စာအုပ်တစ်အုပ်မှာ မှတ်ချက်တွေရေးခြစ်နေခဲ့သည်။သူက လုရှန့်ကျင်ကို နွေးထွေးစွာ နှုတ်ဆက်လာ၏။ " ရှောင်ကျင်.... မင်းမလာတော့ဘူးထင်နေတာကွာ ဟားဟား "
YOU ARE READING
နားရွက်ရှည်အိမ်တော်ထိန်း || ဘာသာပြန် || 『Completed』
Romance" ငါ အိမ်ပြန်လာတိုင်း နှင်းဆီပန်းတစ်ပွင့် အမြဲတမ်းယူခဲ့တယ်။ပြီးတော့ ငါ့ကို သူကြည့်ပေးမယ့် တစ်ခဏလေးမှာ ငါ့ရဲ့Alpha ကို ပြောမိမှာက ' ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ်၊ ငါ သူ့ကို ချစ်တယ် ' လို့။ သူ့အိတ်ကပ်ထဲက နှ...