“Hayyy...” Nasa veranda si Princess. At walang magawa. Sa totoo lang, may ginagawa naman siya kanina. Sa kusina. Yun lang, pinatigil siya ng mama ni Aeroll. Magpahinga na lang daw siya.
Wala si Aeroll. May pinuntahan ito. Parang kahapon din, wala din ito sa bahay. Mukhang may pinagkakaabalahan ito na hindi niya alam.
“Princess.”
Napalingon siya sa likuran niya. “Tita Amanda.”
Lumapit ito sa kaniya. “Naiinip ka ba?”
“Medyo po. Ahm... Tita, hindi naman po sa ayaw ko na dito. Pero nakakahiya na po kasi. Magaling naman po ako. Natanggal na rin yung cast ko nung isang araw. Pwede na po siguro akong umuwi sa bahay.”
Hinaplos nito ang ulo niya. “Hindi ka naman istorbo dito, Princess.”
“Pero, Tita...”
Lumungkot ang mukha nito. “Ayaw mo na ba dito?”
“Naku, Tita! Hindi naman po sa gano’n. Masaya nga po ako dito. Promise! Kaya lang kasi...”
Ngumiti na ito. “Wag ka ng mahiya samin. Tutal naman, magiging future daughter-in-law na din naman kita soon.”
“Tita!”
“Oops!” Napahawak ito sa bibig nito. “Me and my big mouth. Pero totoo naman diba?”
Umiwas siya ng tingin. “Wala pa po sa isip namin ‘yan.”
“Pero do’n din naman ang punta ninyo.” Huminto ito saglit. “Sa isang relasyon, hindi naman kailangang paabutin ninyo pa ng ilang taon bago ninyo ma-realize na gusto ninyong makasama ang isa’t isa habang buhay. Mararamdaman ninyo na lang bigla ‘yon. Ang mahalaga, yung mga taong pagsasamahan ninyo pa. At yung mga pagsubok na darating sa buhay ninyong dalawa. And how the two of you will face them together na walang bibitaw sa inyong dalawa.”
“Tita...”
“Maybe you can start calling me ‘Mama’. What do you think?” Tinapik pa nito ang balikat niya. Hindi siya makasagot.
“Naku, mamita! Wag ninyo pong i-pressure si Ate Princess. Kayo din, baka mag-alsa-balutan ‘yan.”
Napalingon siya sa likuran nila. Si Shanea. Kasama nito si Jed.
“Magandang tanghali, Tita.” bati ni Jed.
“Magandang tanghali din, Jed.” ganti ni Tita Amanda dito. “And Shanea.” baling nito dito.
“Oops! I’m sorry po sa pakiki-epal ko. Sige po, ituloy ninyo lang ‘yan. Dito lang po kami ni Jed.”
“May pupuntahan pa tayo, Shanea.” Jed said.
“Ooops! Oo nga pala! I almost forgot. Magbibihis lang ako.” Nilingon siya nito. “You want to go with us, Ate Princess?”
“Hindi siya pwedeng sumama.” kontra ni Jed.
Kumunot ang noo niya. Edi wag! Sinabi ko bang sasama ako?
“Ay! Oo nga pala. Date lang pala namin ni Jed ‘to. Don’t worry, may date din naman kayo ni Aeroll sa—“ Tinakpan ni Jed ang bibig nito.
“Stop talking. Go upstairs and change.” utos ni Jed dito. “After ten minutes, babalikan kita. May kukunin lang ako sa bahay.”
Sunod-sunod na tumango si Shanea bago nagpaalam sa kanila. Nag-excuse din si Jed sa kanila.
“Tingnan mo nga naman.” Napalingon siya kay Tita Amanda. “Si Jed lang talaga ang tanging nakakapag-patahimik sa kadaldalan ni Shanea. Hindi ko akalain.”
BINABASA MO ANG
Love at Second Sight (FINISHED!!!)
Romance#880 ROMANCE Do you believe in love at first sight? Na-experience mo na ba 'yon? How about LOVE AT SECOND SIGHT? Pwede kayang mangyari' yon sa dalawang taong sa unang pagkikita pa lang, kaaway na ang tingin sa isa't isa?
