Love at Second Sight (FINISHED!!!)

Chapter 38

“Nandito ka lang pala, kanina pa kita hinahanap.” Mula sa pagkakatingala sa langit, napalingon si Princess sa likuran niya.

“Bhest.” Lumapit ito sa kaniya. “Lasing na ba sila?” tanong niya.

“Bawal daw maglasing. Si Lola Remy lang daw ang pwedeng maglasing.” Biro nito. Si Lola Remedia ang tinutukoy nito. May kasiyahan kasing nagaganap sa loob ng bahay. Get together dahil bukas uuwi na sila ng Bulacan. Nando’n din ang mga pinsan nila Harold na nakasama nila nung isang araw. “Ikaw wala ka pa bang balak pumasok?” Nandito kasi siya sa garden.

“Mamaya na.” Tumingala siya sa langit. Narinig niyang napabuntong-hininga ito. Alam niyang magtatanong ito.

“May problem ka ba?” See? Nagtanong nga ito.

Hindi siya sumagot.

“May problema ka nga.” Mula sa gilid ng mata niya, nakita niya ding tumingala ito sa langit. “Si Aeroll ba?”

Napalingon siya dito. “Pano’ng napasok sa usapan si Aeroll?”

Nakita niyang ngumiti ito. “Nagsalita ka din.” Nilingon siya nito. “Napansin ko lang, mula ng dumating kami sa bahay ng Lola Conchita niya, hanggang sa dumating kayo kahapon at hanggang ngayon, hindi kayo nagpapansinan. Nag-iiwasan kayo. May problema ba?”

Tama ito. Nag-iiwasan sila. Pero hindi siya, si Aeroll ang lantarang umiiwas sa kaniya pag-uwi nila kahapon. Hindi man lang siya nito magawang tingnan sa mga mata niya. Kaya ang ginagawa niya, siya na  din ang kusang umiiwas dito. Kaya ang kinalabasan, parehas silang nag-iiwasan.

Ang problema niya ngayon: Anong problema nito? Anong problema niya? Anong problema nilang dalawa? Hayyy... ang gulo. Masyado na tuloy silang halata ng mga tao sa paligid nila.

“Wala naman.”

“I know you, bhest. It’s about Aeroll, right?”

Kilala na nga siya nito. Hindi niya na kailangang sumagot. Umiwas na lang siya ng tingin dito. Tumingala na lang uli siya sa langit. Na ginawa din nito. Ganito naman talaga sila pag nag-uusap. Lalo na pag may problema silang pinag-uusapan. Parehas lang silang nakatingala sa langit na parang may makukuha silang sagot sa mga stars na nakikita nila.

“Bhest, naniniwala ka ba sa love at first sight?” tanong nito.

“You know I don’t.”

“Eh, sa love at second sight?”

Hindi niya alam kung bakit, pero nag-flashback sa isip niya ang eksenang ‘yon. Ang eksenang ‘yon sa bus terminal. The second time na nagkita uli sila. Nang makita niya si James na may kahalikang iba.

“Okay lang ‘yan. No one will hurt you again. I promise.”

Napapikit siya ng mariin. Tanda pa niya ang reaksyon niya ng sinabi ni Aeroll ang mga salitang ‘yon. Her heart thumped like crazy. Ang weird. Bakit gano’n?

“I don’t know.”

Silence.

“Bhest, how did you know that you love him?”

“Si Harold? Ang lokong ‘yon.” Ramdam niya ang saya sa boses nito. “You know that I didn’t believe in love. Nakakain ba ‘yon? Mabubusog ba ko no’n? Yun ang lagi kong tanong pag napapasok sa usapan ang love na ‘yan.” Huminto. “But the first time I laid my eyes on him, I felt something creeping inside my heart. Kinabahan ako, bhest. Akala ko may sakit na ko sa puso.”