رانيا:يلا يامزة تصبحي على خير..
حنين: وانتي من اهلو .
استعدلت للنوم لكن
من وين اليلة يجي النوم بعد كلام خديجة ودموعا البتترجاني بيها.
نومي ياشيخة اصلك من يومك عاطفية، وانتي برضو من حقك تكوني زوجتو وتغيري عليو طالما هو شاريك وعايزك من قلبو، حتى كمان وعدك يسوقك تعيشي معاو في مراكش، المغرب العربي المن زمان نفسك تزوريه ان شاءالله حتعيشي فيهو مع البتحبيو..
نمت على الاحلام الوردية وكيف اتخلص من الشر المكنون في قلب خديجة المتألقة.
__________________________
الو..!
حنين: والله ياامي مشتاقة ليك كيفك ياامي.
امي: الحمدلله ياماما وانتي كيف مع الجامعة؟
حنين: الحمدلله ، مش الليلة مفروض عملية ابوي.
امي: العملية ماحيعملوها قالو ماحتنفع معاو.
حنين: ليه؟
امي: الفقرة طلع كسرها بسيط وبتتعالج بجرعات الكالسيوم والعلاج الطبيعي.
حنين: الحمدلله الحمدلله ياامي يستاهل كرامة، سبحان الله ياامي قبل يومين حلمت بي دكتور بقول لي ماحنعمل العملية ماحتنفع ليو.
طلعت من الجامعة مبسوطة وغشيت اشتريت تمر وبقيت ادي الشفع في السوق والناس القاعدين في الارض وبشرت اعمامي وعماتي.
الاخبار الحلوة دي بتجيب لي صاحبا قروش، عموما اليوم داك طلعت بقرابة ال300 جنيه.
اشتريت بيهم عباية واااسعة، عشان شيخ حمزة ما كل مرة يقعد يديني محاضرات عن الحياة والموت بسبب العباية والاسكيرت والطرحة، الراجل دا معقد شوية ، لكن استفدت حاجات كتيرة في حياتي منو ، حقا انا ممتنة لك.
رانيا: ايوا كدا تمام ، احسن من عبايتك الفضيحة يافضيحة.
حنين: بعدا بقيت الزوجة الصالحة ههههه.
رانيا: برضو ماعايزة توريني خديجة قالت ليك شنو.
حنين: قلت ليك انسي،انتي مسافرة متين؟
شهر 4 القدامنا دا ان شاءالله.
حنين: بالسرعة دي؟؟
رانيا: بمشي الامارات هناك بخلص اجراءاتي
حنين: كويس غيرتي رايك من روسيا، المانيا احسن ليك.
رانيا: غيري انتي كمان رايك من القراية هنا وتعالي معاي المانيا.
حنين: هههه بري اخير لي بلدي دا .
يتبع...