حنين، حنين اصحي زمن محاضراتك قرب..!
هو بالله الليلة في جامعة اففف ، ابوي
بابا، بابا ، ابوووي..!
ابوي: ايوا.
حنين: صبحت كيف؟
ابوي: الحمدلله
حنين: كرعيك كيف؟
ابوي: والله ماقادر احركهم.
حنين: ربنا يشفيك حبيبي.
اتلبست وطلعت على الجامعه وحضرت اول محاضرة وانا متنحة ماقادرة اركز مع الدكتور، قلبي كلو في البيت.
انتهت المحاضرة ومشينا الكافتيريا انا و احمد زميلي.
احمد: ماعلى بعضك، شكلو راسك لسة مأجز.
حنين: ابوي تعبان يااحمد.
احمد: الف سلامة عليو، مالو؟
حنين: انكسرت فقرة في ظهرو.
احمد: وقع؟
حنين: والله بدون سبب احمد: حاجة ماعادية، خلاص بعدين بنمشي معاك انا وعبدو و جدو نطمن عليو.
حنين: تسلمو ومابتقصرو.
اتصال:
الو..!
وعليكم السلام .
حمزة: كيف اصبح ابوك واخوك.
حنين: الحمدلله ابوي كويس، الليلة قدر يشرب الشاي اما اخوي ماضربت ليو والله .
حمزة: اتصلي عليه وذكريه لازم اليوم نقرأ عليه.
حنين : ان شاءالله.
الو..!
حنين:ابو حسام كيف اصبحت ياقلب؟ ابو حسام: الحمدلله، اها ابوي بقى كيف؟
حنين: الحمدلله ، انت بعدين ماجاي عسان تواصل؟
ابوحسام: والله ياحنين مامتأكد.
حنين: اهاااا دا الكلام المابنفع، مايصح تقطع علاجك.
ابوحسام: كدي نشوف لي بعدين.
حنين: لاماتشوف ، لازم تجي.
ابوحسام: ما حأوعدك يااختي.
اصبت باحباط لكن في النهاية كل زول بي راحتو.
يلا يا احمد استأذنك انا ، زمن اللاب قرب.
حنين ياحنين..!
حنين: اهلييين اشرف
اشرف: كيفك؟ ، وين انتي يازولة؟
حنين: قاعدة والله بس لي اسبوع ماجيت.
اشرف: كيف ايلاف؟
حنين: ياخوي العقبة ليك ايلاف اتزوجت زمااان.
اشرف: بالله؟! مبروك والله.
حنين: ليه بتسال؟
اشرف: ساي، ماسمعتي بالحصل لي امجد؟
حنين: مالو؟
اشرف: بقى مسحلب وساب الجامعة وطفش من البيت.
حنين: اجي..!!
اشرف: دا الحصل.
اكيد دي ايمان، ايمان عملت عملتا وانتقمت من امجد شر الانتقام ، اي صاح هي قالت عمتا بتقدر على امجد، يمكن كانت قاصدة كدا؟
نزلت رصيد وفورا اتصلت عليها في السعودية.
وبعد سلام وبدهاء قدرت ادردق ايمان بالكلام
حنين: اها عمتك قدرت تتفاهم مع امجد؟
ايمان: ههههههه لا قدرت عليو شديد، وصلتك الاخبار ولاشنو؟
حنين: ماحرام عليك؟
ايمان: لاحبيبتي دا المفروض يحصل.
حنين: لو في زول بنتقم كان مفروض تكون ايلاف، انتي ياحبيبتي الخشيتي غلط في الولد ولو انو مابنفع ليها ، لكن برضو حبيبها.
ايمان: صحي ايلاف عرست؟
حنين: عرست عشان نيتا طيبة، الله يهديك ياايمو ويرزقك بود الحلال.
ايمان باستخفاف: امييين امين، جايبة لي عريس ولاشنو؟ ههههههه.
حنين: هههههه وليه اجيبو ليك انا عمتك بتسوي في شنو.
غاظتني الهبلة بس رديت ليها الصاع صاعين. تاني حاولت ارطب الجو خفت من شرها تقوم تعمل لي ايلاف مصيبة تفرقا من راجلا ، دي مامضمونة.
دخلت اللاب و انتهينا وبقيت مارقة معاي ناس احمد وجدو وعبدو عشان يطمنو على ابوي.
يتبع...