ااااااخ ،يا امي يا امي يا اميييي
امي :مالك يابت بتكوركي؟
حنين: امي والله في زول ضربني في راسي قلتها وانا مخلوعة ومتألمة من الضربة وكانت صفقة في الجبهة وقوية تجيب الصداع..!
امي :زول شنو يابت قولي بسم الله..
حنين:والله ياامي زول ضربني في راسي شديد،
قامت نعمة ولعت النور وهدأتني
امي جات قعدت جنبي تقرا لي ساي ونعمة جنبي وسهيلة وخالتي نايمين ولاجايبين للدنيا خبر ، جا غيث من برندة وراء،
مالكم في شنو؟
حنين: ماف شي شكلي كنت حلمانة ياخ خلاص اطفو النور ..
طفو النور ورجعنا رقدنا تاني وانا حاسة بالضربة بتنتح في راسي لمن مصدعة وعيوني مزغللة ، قريت ماتيسر من القران وحلف النوم كان يجي وابتدت الاصوات تظهر..!
حنين دي انتي؟
امي؟ انتي صاحية؟
اي صاحية
دي انتي البطقطقي؟
لا والله ياامي ، اخيرا لقيت زول سمع معاي يعني ماكنت بتخيل ولابتوهم..!
سكتت امي وسكت انا والمرة دي قلبي اتقوى بي امي
والطقطة وقفت بمجرد ما امي سالتني.
غفيت فترة ومااظنها فترة قصيرة صحيت مخلوعة من صوت جري ماطبيعي في البرندة القدام وكان صوت كم كراع يعني مازول واحد.
والمؤذن اذن للفجر، مااتجرات اعمل اي حاجة بس اتجمدت مكاني لحدي ماالجري وقف.
بقيت اصحي في امي ، صحت وصحيت الباقيين للصلاة
صلينا وعاينت يمين شمال في البرندة مافي اي اثار جوطة ، عرفت فيما بعد انو دايما الجن الكافر لمن يسمع صوت الاذان بجري يتدسا عشان الاذان بحرقو.
يتبع...