(unicode)
သခင်ငယ်နှင့် သူ၏ နတ်ဆိုးစစ်တပ်
[ဘာသာပြန်]
အခန်း - ၉၆
အိမ်ကျွန်များ။
ဗိမာန်တော်ထိပ်မှာ ငါက ရပ်နေတုန်း တာဝန်ကျတဲ့ ဗိုလ်ချုပ်တွေ သူတို့အလုပ်ကို သူတို့ လုပ်နေတာကို ငါမြင်တယ်။ အရှေ့ဘက်မှာ အိုင်အိုရှိနေပြီး အလယ်မှာတော့ လေ့ကျင့်နေတဲ့ နတ်ဆိုးတွေနဲ့ ပြည့်နေတဲ့ ကျယ်ဝန်းတဲ့ လေ့ကျင့်ရေးကွင်းတစ်ခု ရှိပါတယ်။
သဟဇာတမဖြစ်တဲ့ နတ်ဆိုးတွေကို ရံဖန်ရံခါ အပြစ်ပေးရ လိမ့်မယ်။ မြောက်ဘက်မှာ နတ်ဆိုး ဗိမာန်တွေကို အများဆုံး ဆောက်ထားကြတယ်။ လာဗင်ဒါက အဲဒီဘုရားကျောင်းတွေကို သူမရဲ့ ရုံးခန်းအဖြစ် အသုံးပြုခဲ့တယ်။
သားရဲပုံဆောင်ခဲတွေကို သိမ်းဆည်းမဲ့ သိုလှောင်ရာ အဖြစ် အသုံးပြုတဲ့ ဗိမာန်တစ်ခုရှိတယ်။ ရိန်းဂျားတွေရဲ့ ကင်းထောက်ထားတဲ့ အမည်မဖော်လိုသော နတ်ဆိုးတွေကို ထားရှိလေ့ရှိတဲ့ ဘုရားကျောင်းတစ်ခု။ ပြီးတော့ နောက်ဆုံး ဗိမာန်တော်တစ်ခုက သတင်းအချက်အလတ် ပေးရာ ဌာနအဖြစ် အသုံးပြုရပါမယ်။
ဒါဆို အနောက်ဘက်မှာ ပျူမိုထက် ပိုကြီးတဲ့ ဧရာမ ဘုရားကျောင်း တစ်ခု ရှိပါတယ်။ သူ့ကို ဒီအတိုင်းကြည့်ရရင် ကယ်လီစတိုက ထိုဗိမာန်တော်ကို အသုံးပြု၍ သားရဲ အမျိုးအစား နတ်ဆိုးများကို သိုလှောင်ကာ မတူညီသော လှောင်အိမ်များတွင် ထည့်ထားခဲ့တယ်။ ငရဲခွေးလှောင်အိမ်လိုပါပဲ။ ပျူမိုရဲ့ ကိုယ်ပိုင်လှောင်အိမ် စီးဘားယပ်စ်ရဲ့ လှောင်အိမ်၊ ပြီးတော့ အခြားသော သတ္တဝါတို့ရဲ့ လှောင်အိမ်။ ငါကဒါတွေကို ကြည့်ပြီး ကျေနပ်စွာနဲ့ပဲ ခေါင်းညိတ် လိုက်တယ်။ အခု အားလုံးအဆင်ပြေသွားပါပြီ။
" သခင် "
ငါ့နောက်ကွယ်ကနေ လီလစ် ရဲ့ အသံကို ငါကြားတယ်။
" အင်း "
" အခု သင့်တော်တဲ့ ဝန်ထမ်းတွေကို သခင့် အလိုအတိုင်း စုဆောင်းပြီးပါပြီ "
နောက်ပြီး လီလစ်ကို ငါ့အိမ်အတွက် ကျွန်တွေကို ရွေးခိုင်းတယ်။ ဟုတ်တယ် ငါ့ကျွန်တွေက နတ်ဆိုးတွေ ဖြစ်ကြလိမ့်မယ်။ ငါ့အစောင့်တွေလား။ အိမ်ဖော်လား။ ဥယျာဉ်မှူးတွေလား အားလုံးက နတ်ဆိုးတွေပဲ ဖြစ်ရမယ်။
ESTÁS LEYENDO
Young Master And His Demon Army [ဘာသာပြန်] Completed
Acción(UniCode) 'ချစ်ခြင်းမေတ္တာလို့ ပြောရင်၊ ငါချစ်မိတဲ့သူက မင်းဆိုတဲ့ လူတစ်ယောက်တည်း အတွက်ပဲ' (Zawgyi Code) 'ခ်စ္ျခင္းေမတၱာလို႔ ေျပာရင္၊ ငါခ်စ္မိတဲ့သူက မင္းဆိုတဲ့ လူတစ္ေယာက္တည္း အတြက္ပဲ'