Young Master And His Demon Army [ဘာသာပြန်] Completed

Chapter - 31 (U+Z)

(unicode)

သခင်ငယ်နှင့် သူ၏ နတ်ဆိုးစစ်တပ်

[ဘာသာပြန်]

အခန်း - ၃၁

နတ်ဆိုးရဲ့ စွမ်းအား။

" ဘယ်လိုခံစားရလဲ နင်ငါ့ကို လှည့်စားရလို့ကျေနပ်လား "

အမန်ဒါက ရယ်မောရင်းနဲ့ပဲ ပြောလိုက်တယ်။ သူမကို တကယ်ကို အရူး တစ်ယောက်လို ရယ်မောနေတာ။ အမွှာတွေက ခုချိန်ထိ ဘာကိုမှ မတုံ့ပြန်ဘူး။

" မင်းတို့ နှစ်ယောက်လုံးရဲ့ ပစ္စည်းတွေကို ရှင်းဖို့ ငါကြိုးစားနေတာကြောင့် မင်းတို့နှစ်ယောက်စလုံး ငါ့ကို ထိခိုက်နစ်နာစေတယ်လို့ မင်းအဖေကို ငါက ပြောတဲ့အခါ သူဘယ်လို တုံ့ပြန်မှာလဲလို့ တွေးမိတယ် "

စီဟန် နဲ့ လီယိုတို့နှစ်ဦးရဲ့ ​မျက်လုံးတွေက နီရဲလာတယ်။ ပြီးတော့ သူတို့နှစ်ယောက်လုံးရဲ့ မျက်ဝန်းမှာ မျက်ရည်တွေကျနေပြီး  နာကြည်းမှုတွေနဲ့ ပြည့်နက် နေတယ်။

" ရပ်လိုက် "

" ... "

ငါမနေနိုင်တော့ဘဲ နေရာကထွက်ပြီး အော်ပြောလိုက်တယ်။ သူတို့ သုံးယောက် လုံးက လှည့်ကြည့်တော့ ငါ့ကို သတိထားမိသွားတယ်။ စီဟန်နဲ့ လီယိုက အံ့သြသွားပုံ ရပါတယ်။

" အက်ဇာ... "

လီယိုက ထစ်အစွာနဲ့ ငါ့ကို ခေါ်လိုက်တယ်။

" အိုး... အချစ်ကလေး "

အမန်ဒါကလည်း အော်လိုက်တယ်။ သူက ကျွန်တော့်ဆီ လျှောက်လာပြီး သူမရဲ့ သွေးထွက်နေတဲ့ လက်ချောင်းတွေကို ညွှန်ပြတယ်။

" မင်းရဲ့ အစ်ကိုတွေက ငါ့အပေါ်ကို ဘာလုပ်ခဲ့တယ်ဆိုတာကို ကြည့်စမ်း၊ ဒါက ဒေါသထွက်စရာလို့ မထင်ဘူးလား "

သူမက ငိုယိုပြီး သွေးတွေကို လက်သုတ်ပဝါနဲ့ သုတ်ရင်း ပြောလာတယ်။

" ရပ်လိုက် မင်းက ယုတ်မာတဲ့ စုန်းမပဲ "

" .... " 

အမန်ဒါက ငါ့စကားကြောင့် အံ့အားသင့်စွာနဲ့ မျက်လုံး ပြူးသွားတယ်။

" မဟုတ်ဘူး အက်ဇာ "

စီဟန်က ငါ့ကိုတားဖို့ ကြိုးစားတယ်။ ဒီစုန်းမကို နှိုးဆော် လိုက်တာဟာ ငါတို့အားလုံးအတွက် ပိုကြီးတဲ့ သင်္ချိုင်းတွင်း တစ်ခုကို တူးလိုက်တာနဲ့ အတူတူပါပဲ။ ဒါပေမယ့် ငါအခု ဒါကို ဂရုမစိုက်တော့ဘူး။ ငါ့အစ်ကိုတွေကို သူမ ဒီလို ဆက်ဆံတာကို လက်မခံနိုင်တော့ဘူး။ သူမကို ငါ့မိသားစုအပေါ် ဒီလို လုပ်တာကို ခွင့်မပြုနိုင်တော့ဘူး။