Palubog na ang araw, sasapit na ang gabi.
Ang nagdaang maghapon ay magiging guni-guni.
Sisilip ang kalungkutang dala nitong gabi.
Mga pagkasiphayong may kalakip na pighati.
Piliting 'wag isipin ay ' di maiwasan.
Hinihiling na sana ito'y kathang isip na lamang.
Pait ng nakaraan at kirot na naranasan,
Sa pag-agos ng luha sana ay mahugasan.
Pagpikit ng mata, sana ito'y malimutan.
Masasayang pangyayare ang siyang panaginipan.
Upang kahit papaano ay maaliw ang isipan.
Sa pagkabigong dulot ng mapaglarong kapalaran.