ကံကြမ္မာဖျက်ဆီးခြင်း ဧကရာဇ်၏ ခရီးလမ်း စာစဉ် (၂၆)
မူရင်းရေးသားသူ - lazySageDao
ဘာသာပြန်သူ - Fortuna(ကြည်ဖြူ) (ရိုးရာ)
အခန်း (၃၆၂) : စိတ်ငြိမ်းချမ်းခြင်း
လျူမိန်ရှုကို သတ်ပြီးသည့်နောက်တွင် ဝမ်ဝေ့က စိတ်အေးချမ်းသွားသလို ခံစားလိုက်ရသည်။ သူ့စိတ်အခြေအနေက အပြောင်းအလဲ ဖြစ်မသွားပေ။ သူက သေခြင်းတရားသည် ကျင့်ကြံရေးလောက၌ ပုံမှန်ဖြစ်နေသည့်အလား အသားကျနေပြီ ဖြစ်၏။
သူက သေခြင်းတရားနှင့် အရေထူနေပြီဟု ပြောနိုင်လေသည်။ ကံကြမ္မာစွမ်းအားတချို့ကို နားလည်ပြီးသည့်နောက်တွင် သေမျိုးများသည် ကျင့်ကြံသူလက်များ၌ သေဆုံးရသည်က သေမျိုးများ၏ ကံကြမ္မာသာဖြစ်ကြောင်း သိလာသည်။ သို့သော်လည်း သူက ချီကံကောင်းမှုကို စစ်ဆေးပွဲတွင် ဖြစ်ပျက်ခဲ့သည့်အရာများနှင့် စိတ်ခုနေမိသေး၏။ ထို့ကြောင့် သူက လျူမိန်ရှုအား သတ်ဖို့ရာ ကြံစည်ထားခဲ့သည်။
သူက သူမ၏ ခန္ဓာကိုယ် မြေပြင်ပေါ် လဲကျသွားပြီး ဝိညာဉ်ဖျက်ဆီးခံရသည်ကို ကြည့်နေရင်း စိတ်အေးချမ်းသွားသလို ခံစားလိုက်ရသည်။
ဝမ်ဝေ့က အသာသက်ပြင်းချလိုက်သည်။ သူက လက်ကို မြှောက်ကာ သူမ၏ ခန္ဓာကိုယ်အား မီးရှို့ပစ်လိုက်၏။ ထို့နောက် သူက လတ်တလောလေး ရရှိထားသည့် မကောင်းဆိုးဝါး နတ်ဘုရားခန္ဓာ ဆင့်ကဲခြင်း ၁၂ မျိုးကျင့်စဉ်အကြောင်း အမှတ်ရသွားပြီး သူ့စိတ်ထဲ အတွေးတစ်ခု ပေါ်ထွက်လာသည်။
ထို့ကြောင့် သူက ပျောက်ကွယ်တော့မည် ဖြစ်သည့် သူမ၏ ဝိညာဉ်အပိုင်းအစတချို့ကို ချက်ချင်းစည်းပိတ်လိုက်သည်။
" မင်းက သူမကို မြှပ်နှံခွင့်တောင် မပေးဘူးလား" သားရဲမွေးမြူရေးတောင်ကြားမှ အစစ်အမှန်အုပ်ချုပ်သူတစ်ယောက်က ပြောလိုက်သည်။
" သူမ သတ်ခဲ့တဲ့သူတွေထဲမှာ မြှုပ်နှံခွင့်မရတဲ့သူတွေ ဘယ်လောက်တောင် များလိုက်သလဲ။ အကုန်လုံးကို သူမရဲ့ သားရဲတွေကနေ ဝါးမျိုသွားတာလေ" ဝမ်ဝေ့ ပြန်ဖြေလိုက်သည်။
" မင်းက သူတို့ရဲ့အသက်နဲ့ မင်းရဲ့အပြုအမူကို တရားမျှတတယ်ဆိုပြီး အကြောင်းပြချက် သုံးနေတာလား" အစစ်အမှန် အုပ်ချုပ်သူတစ်ယောက်က ပြောလိုက်သည်။
" ခင်ဗျား ပြောတာမှန်တယ်။ ကျုပ်က ကျုပ်ဘာသာကျုပ် မျှတနေအောင် လုပ်ဖို့ မလိုဘူး။ သူမရဲ့ ခန္ဓာကိုယ်က ကျုပ်အတွက် အကျိုးရှိတယ်။ အဲဒါကြောင့် ကျုပ် ယူလိုက်တယ်။ သူမက ကျုပ်ရဲ့ ဧကရာဇ်လမ်းစဉ်မှာ အားဖြည့်စွက်စာ ဖြစ်လာလိမ့်မယ်"
အစစ်အမှန် အုပ်ချုပ်သူက ခဏမျှ တိတ်ဆိတ်သွားပြီးနောက် ထပ်ပြောလိုက်သည် " အတွေးတစ်ချက်နဲ့ ဗုဒ္ဓဖြစ်လာနိုင်သလို အတွေးတစ်ချက်နဲ့ နတ်ဆိုး ဖြစ်သွားနိုင်တယ်တဲ့။ ကြည့်ရတာ အမွေခံသားတော် ဝမ်ဝေ့က အဲဒီလို စိတ်အခြေအနေ ရောက်နေပြီ ထင်တယ်။ ဒါပေမဲ့ မင်းက နောက်ထပ်မိုယွင် ဖြစ်မလာအောင် ဂရုစိုက်သင့်တယ်။"
ဝမ်ဝေ့က မျက်မှောင်ကြုတ်ကာ ကြည့်လိုက်သည်။ မိုယွင်က ကောင်းကင်ဝါးမျိုခြင်း ဧကရာဇ်၏ နာမည်ဖြစ်ပြီး ထာဝရဧကရာဇ် ဖြစ်လာပြီးသည့်နောက်တွင် တစ်ကမ္ဘာလုံးကို ဝါးမျိုပစ်ချင်ခဲ့သူ ဖြစ်၏။
ထိုလူ၏ စကားများက သတိပေးချက် သို့မဟုတ် အဖတ်ဆယ်ဖို့ ပြောသည့်စကားများနှင့် တူနေသော်လည်း ဝမ်ဝေ့အတွက်မူ သူ့ဆိုလိုရင်းအား နားလည်လေသည်။ ထိုသူက သူသည် နောက်ထပ် မိုယွင်ဖြစ်မည်ဟု ကောလဟာလများဖြန့်ကာ ကမ္ဘာအား သူ့ကို သတ်ဖြတ်ဖို့ ချောက်ချနေခြင်းသာ ဖြစ်၏။
ဤလောကအတွင်း အားကောင်းပြီး ရူးမိုက်သည့် ထာဝရဧကရာဇ်တစ်ပါး မွေးဖွားလာသည်ကို အလိုရှိကြမည် မဟုတ်ပေ။
ထိုအရာကို သဘောပေါက်ပြီးသည့်နောက်တွင် ဝမ်ဝေ့က အားပါးတရ ရယ်မောလိုက်သည်။ ထိုသို့သော ခြိမ်းခြောက်မှုက နောက်ခံမရှိသည့် သာမန်လူများအပေါ် အလုပ်ဖြစ်ကောင်းဖြစ်နိုင်သော်လည်း သူက ဘယ်သူနည်း။
ဤကမ္ဘာရှိ အားအကောင်းဆုံး ဂိုဏ်း၏ အမွေခံသားတော် ဖြစ်ပေသည်။ ဂိုဏ်းချုပ်၏ သား၊ ဧကရာဇ်မျိုးနွယ်နှစ်ခု၏ အမွေဆက်ခံသူလည်း ဖြစ်၏။ မည်သူက သူ့အား လာရောက်စွက်ဖက်ရဲမည်နည်း။
" ခင်ဗျားတို့ရဲ့ အင်အားစုလေးက ကျီမိသားစုနဲ့ ရင်ဆိုင်ဖို့ အတော်လေး ရုန်းကန်နေရတာပဲ။ ကျုပ်တို့ တာအိုအခွင့်အလမ်းဂိုဏ်းကသာ ခင်ဗျားတို့ အရှုပ်အထွေးကြား ဝင်ပါလာပြီး ကျီမိသားစုကို ထောက်ခံပေးလိုက်ရင် ဘယ်လိုဖြစ်သွားမယ် ထင်လဲ။ ခင်ဗျားတို့လူတွေ ဘယ်လောက်ကြာကြာ ခံနိုင်မယ် ထင်လဲ"
ဝမ်ဝေ့က ပြန်လည် ခြိမ်းခြောက်လိုက်သည်။ ထိုစကားများကို ပြောလိုက်သည်နှင့် တခြားသော အစစ်အမှန် အုပ်ချုပ်သူများ၏ မျက်နှာထားက ချက်ချင်းဆိုသလို ပျက်ယွင်းသွားလေသည်။
ယခု သူတို့အနေဖြင့် မဟာဧကရာဇ် ပြုစုပျိုးထောင်ပေးမည့် အိပ်မက်က သေဆုံးသွားပြီဖြစ်ရာ သူတို့အနာဂတ်က မှောင်မိုက်သွားလေပြီ။ သူတို့ဂိုဏ်းကို ပြန်ရောက်သွားသည်နှင့် သူတို့အနာဂတ်က ပိုမိုဖိနှိပ်ခံရတော့မည် ဖြစ်၏။ ထို့ကြောင့် သူတို့က တစ်ယောက်နှင့်တစ်ယောက် အလျင်အမြန် ဆက်သွယ်လိုက်ပြီးနောက် ထွက်သွားဖို့ ဆုံးဖြတ်လိုက်ကြသည်။ သူတို့က လျှို့ဝှက်နယ်မြေမှ ထွက်သွားစဉ် တာအိုအခွင့်အလမ်းဂိုဏ်းမှ လူများကိုလည်း သတိကြီးကြီး ထားနေသည်။
" သခင်လေး ဘာလို့ ဒီအခွင့်အရေးကို ယူပြီး သူတို့ကို မသတ်လိုက်ရတာလဲ" ယန်းချန်က မေးလိုက်သည်။
" အခုက အချိန်မကျသေးဘူး" ဝမ်ဝေ့က တည်ငြိမ်စွာ ပြောလိုက်သည်။
" တကယ်လို့ ကျွန်တော် ခန္ဓာကိုယ်သာ ဒီမှာ ရှိတယ်ဆိုရင် ခင်ဗျားတို့အားလုံးနဲ့ ပေါင်းပြီးတော့ သူတို့ကို သတ်မိလောက်တယ်။ ဒါပေမဲ့ အခုလက်ရှိအင်အားနဲ့ဆိုရင် သူတို့ကို သတ်ဖို့ အချိန်ကြာလိမ့်မယ်။ အခုက အချိန်ဖြုန်းနေလို့ မဖြစ်ဘူး"
ယန်းချန်က ခေါင်းညိတ်လိုက်သည်။ ဤသည်က သူ ခံစားမိသလို ဖြစ်၏။ သို့သော် သူ့အနေနှင့် သခင်လေး၏ လတ်တလော သူ့ကမ္ဘာဦးစိတ်ဝိညာဉ်အပေါ် ကျရှုံးမှုများသည် သူ့အပေါ် သက်ရောက်မှု ရှိသွားတာလားဟု သိချင်နေမိသည်။
ထို့ကြောင့် သူက စိတ်အေးမိသွားသည်။
" ကောင်းပြီ။ တခြားသူတွေ ဝင်မလာနိုင်အောင် အစီအရင် ခင်းထားတာ ကောင်းလိမ့်မယ်" ဝမ်ဝေ့က ပြောလိုက်သည်။
အမှန်အတိုင်းဆိုရလျှင် သူက အားပါးတရ တိုက်ခိုက်လိုသော်လည်း ထိုလူများ၏ တုံ့ပြန်မှုကြောင့် အနည်းငယ် စိတ်ပျက်သွားလေသည်။ နှစ်များစွာ ကြံစည်လာပြီး အရင်းအမြစ်များစွာ သုံးလာပြီးသည့်နောက်တွင် သူတို့၏ အိပ်မက်များက ကြေမွသွားသော်လည်း သူတို့၏ တုံ့ပြန်မှုက တွက်ချက်နေဆဲ ဖြစ်၏။
မည်သူကမှ စိတ်ခံစားချက်သက်သက်ဖြင့် သူ့အား မတိုက်ခိုက်လိုကြပေ။ ဝမ်ဝေ့က ထိုအကြောင်းအရင်းသည် သူ့နောက်ခံကြောင့်သာ မဟုတ်ဘဲ ထိုလူများသည် သေခြင်းတရားကို ပို၍ ကြောက်ရွံ့ကြောင်း သိလေသည်။
အချိန်အကြာကြီး နေလာပြီးသည့်နောက်တွင် သူတို့က ကိစ္စအဝဝကို လုပ်ကိုင်ရာ၌ ပိုမိုသတိထားကာ သေခြင်းတရားကို စတင်ကြောက်ရွံ့လာကြသည်။ ဤသည်က သားရဲမွေးမြူရေး တောင်ကြားရှိ လူများ၏ ပြဿနာပင် မဟုတ်ပေ။
သူတို့ဂိုဏ်းမှ အစစ်အမှန်အုပ် ချုပ်သူတချို့လည်း ထိုသို့ဖြစ်နေကြောင်း သတိပြုမိလေသည်။
ဝမ်ဝေ့က ထိုအတွေးများကို အလျင်အမြန်ဖယ်ရှားကာ တခြားသူများ ဝင်ရောက်လာသည်ကို တားဆီးဖို့ အစီအရင် ခင်းကျင်းလိုက်သည်။
ထိုအစီအရင်က ထိုလူများနှင့် ပူးပေါင်းချိုးဖျက်သရွေ့ ပျက်စီးသွားနိုင်သော်လည်း သူတို့အား အထဲရှိ ကံအပြောင်းအလဲ အခွင့်အရေးအား ရယူနိုင်ဖို့ အချိန်အား ဆွဲဆန့်နိုင်လိမ့်မည်။
အရာအားလုံး ပြီးဆုံးသွားသည့်နောက်တွင် ဝမ်ဝေ့က ဗဟိုချက်ဆီ ဦးတည်သွားလိုက်သည်။ သူ့လမ်းတွင် နဂါးဦးချိုရှိသည့် ရုပ်သေးရုပ်များနှင့် ရင်ဆိုင်ခဲ့ရသည်။ သူက ချက်ချင်းဆိုသလို ထိုရုပ်သေးရုပ်များအား စည်းပိတ်ကာ နောက်ပိုင်းတွင် လေ့လာဖို့ သိမ်းဆည်းထားလိုက်သည်။
ထို့ကြောင့် ဝမ်ဝေ့၏ လမ်းက ထင်ထားသည်ထက် ပို၍ လွယ်ကူနေသည်။ သူက ရုပ်သေးရုပ်များသည် ထင်ထားသည်ထက် ပို၍ အားနည်းနေကြောင်း တွေ့ရှိလိုက်၏။ သူတို့အား ထောက်ပံ့ပေးထားသည့် စွမ်းအားက ပျောက်ကွယ်သွားသလိုမျိုး ဖြစ်သည်။
အစီအရင်များတွင်လည်း အတူတူသာ ဖြစ်၏။ အားလုံးက သိသိသာသာ အားလျော့ကျသွားသည်။ ထို့ကြောင့် သူတို့က နောက်ပိုင်းမှသာ လေ့လာဖို့ ဆုံးဖြတ်လိုက်ပြီး အရာအားလုံးကို အတင်းအကြပ်အားဖြင့်သာ ချိုးဖောက်သွားတော့သည်။ နောက်ဆုံးတွင် သူက လျှို့ဝှက်နယ်မြေ၏ ဗဟိုချက်သို့ ရောက်ရှိသွားပြီး အထဲကို မြင်လိုက်ရသည်။ ဤသည်က မြွေသတ္တဝါနှင့် တူပြီး ဦးချိုနှစ်ခု ရှိသည့် အရိုးများ ဖြစ်သည်။
" ဒါက နဂါးအကြွင်းအကျန်လား"
ဝမ်ဝေ့က အံ့ဖွယ်အသိစိတ်ဖြင့် ပတ်ဝန်းကျင်ကို စစ်ဆေးကြည့်လိုက်သည့်အခါ ထောင်ချောက်များ ရှိမနေပေ။ ထို့နောက် သူက ထိုသတ္တဝါနားသို့ ချဉ်းကပ်သွားကာ စစ်ဆေးကြည့်လိုက်သည်။
အရေပြား သို့မဟုတ် ကြေးခွံက ပျောက်ကွယ်သွားပြီ ဖြစ်၏။ အရိုးများ၏ ပုံသဏ္ဌာန်နှင့် ကျန်ရှိနေသည့် အားကောင်းသည့် အရှိန်အဝါများအရ နဂါးဟု ပြောနိုင်ခြင်း ဖြစ်သည်။
ထိုအရှိန်အဝါက လွှမ်းမိုးမှု ပြရုံသာမက မြင့်မြတ်တော်ဝင်ဆန်မှုကိုလည်း ပြသနေသည်။ ထိုသတ္တဝါက မိုးမြေ၏ မျက်နှာသာအပေးခံရသည့် သားတော်အလား ဖြစ်၏။ ထိုအရာက မွေးဖွားကတည်းက မြင့်မြတ်လာသည့်အလား သက်ရှိအားလုံးက ထိုအရာကို လေးစားသင့်ပေသည်။
အကယ်၍ သာမန်ကျင့်ကြံသူသာ ဖြစ်နေပါက သူတို့သည် ထိုအကြွင်းအကျန်များအနား ချဉ်းကပ်ရဲမည် မဟုတ်ပေ။
ထိုစဉ်ဝမ်ဝေ့က နဂါးအရိုးများကို သေချာကြည့်ရှုနေသည်။ သူ့ အတိတ်ဘဝတွင် နဂါးများက ဝတ္ထုအများစုတွင် သာမန်တွေ့နေကြ သက်ရှိများသာ ဖြစ်၏။ ဇာတ်လိုက်အများစုက မိမိုက်နေဖို့အတွက် နဂါးစွမ်းရည်တချို့ သို့မဟုတ် နဂါးမျိုးနွယ်မှ မင်းသမီးကို လက်ထပ်ခြင်း သို့မဟုတ် နဂါးသွေးမျိုးဆက်ကို သူတို့၏ ခန္ဓာကိုယ်အတွင်း စုပ်ယူကာ သူတို့၏ အင်အား သို့မဟုတ် ပါရမီကို မြှင့်တင်ခြင်းများ ရှိတတ်ကြသည်။
ဝမ်ဝေ့အတွက် ကံဆိုးသည်က သူ နေထိုင်သည့်ကမ္ဘာတွင် နဂါးများ မရှိတော့ပေ။ သူတို့ ပျောက်ကွယ်သွားသည်မှာ နှစ်သန်းထောင်ချီ ကြာမြင့်နေပြီဖြစ်၏။ သူ ဝူဟုန်ဆီမှ ရရှိထားသော သတင်းအချက်အလက်အရ နဂါးနှင့် ဇာမဏီကဲ့သို့သော ပင်ကိုသက်ရှိများက ဒိုင်မေးရှင်းအနိမ့်သို့ ထွက်သွားကြပြီး အဆင့်တက်လှမ်းသွားကြသည်ဟု ဆိုသည်။
အကယ်၍ သူသာ အစစ်အမှန်ကို တွေ့လိုလျှင် မဟာဧကရာဇ်ဖြစ်လာပြီး အဆင့်တက်လှမ်းသည်အထိ စောင့်စားမည်။ ထို့ကြောင့် သူက နဂါးကို ပထမဆုံးအကြိမ် မြင်ရသည့်အတွက် အရိုးပင်ဖြစ်နေစေကာမူ စိတ်လှုပ်ရှားနေမိသည်။
ထို့နောက် သူက စစ်ဆေးကြည့်ပြီးသည့်နောက်တွင် မျက်မှောင်ကြုတ်လိုက်မိသည်။
" နဂါးရဲ့ စွမ်းအားအများစုက အချိန်ကြာလာတော့ ပျောက်ဆုံးသွားပြီ။ ကျောရိုးတစ်ခုပဲ ခြွင်းချက်ကျန်တယ်။"
ထို့နောက် သူက အရိုးကို ထိလိုက်သည်။
" မာကြောမှုက ဧကရာဇ်တစ်ပိုင်း အသုံးအဆောင်ကို လုပ်ဖို့အတွက် လုံလောက်တယ်။ ဧကရာဇ်လက်ထဲမှာဆိုရင် သူတို့က ဧကရာဇ်အသုံးအဆောင် လက်နက်တောင် ဖြစ်လာနိုင်တယ်။ ကျွန်တော်အတွက်ကတော့ ဒီအရိုးကို အသုံးပြုပြီး မကောင်းဆိုးဝါးနတ်ဘုရားခန္ဓာ ဆင့်ကဲခြင်း၁၂မျိုး ကျင့်စဉ်ကို ကျင့်ကြံတာ အကောင်းဆုံးပဲ။ ဒီအရိုးနဲ့ဆိုရင် ပထမဆင့်ကဲမှုအနည်းငယ်ကိုတော့ အလျင်အမြန် ကျင့်ကြံနိုင်လိမ့်မယ်။
မဟုတ်သေးဘူး။ အနည်းဆုံးတော့ ဆင့်ကဲပြောင်းလဲမှု သုံးခုလောက်အထိ ကျင့်ကြံနိုင်လောက်တယ်"
ဝမ်ဝေ့က ကျေကျေနပ်နပ် ခေါင်းညိတ်လိုက်ပြီး အရိုးကို သိုလှောင်လက်စွပ်အတွင်း ထည့်သိမ်းဖို့ ပြင်လိုက်သည်။ သို့သော်လည်း သူ မသိမ်းနိုင်ခင် အာကာပြင် လှုပ်ခတ်မှုကို ခံစားမိလိုက်သည်။
ထို့နောက် သူက အထွတ်အထိပ်အဆင့် လေဟာနယ်ပိတ်ဆို့ခြင်းအဆောင်ကို ချက်ချင်းဆိုသလို ထုတ်ကာ အသက်သွင်းလိုက်သည်။ ထိုအဆောင်စာရွက်က လေဟာနယ် တုန်ခါမှုနေရာသို့ ပျံသန်းသွားကာ အားကောင်းသည့် လှိုင်းအားတစ်ခု ထွက်ပေါ်လာပြီး ဖြတ်သန်းလာသည့်အရာကို တားဆီးဖို့ ကြိုးစားလိုက်သည်။ သို့သော်လည်း အနည်းငယ် နောက်ကျသွားလေသည်။
သူမ၏ နဖူးအထက် မီးတောက်ပုံစံ ပါရှိသည့် မိန်းမလှတစ်ဦးက လေဟာနယ်ထဲမှ ဖြတ်လျှောက်လာသည်။
***********
ကံၾကမၼာဖ်က္ဆီးျခင္း ဧကရာဇ္၏ ခရီးလမ္း စာစဥ္ (၂၆)
မူရင္းေရးသားသူ - lazySageDao
ဘာသာျပန္သူ - Fortuna(ၾကည္ျဖဴ) (႐ိုးရာ)
အခန္း (၃၆၂) : စိတ္ၿငိမ္းခ်မ္းျခင္း
လ်ဴမိန္ရႈကို သတ္ၿပီးသည့္ေနာက္တြင္ ဝမ္ေဝ့က စိတ္ေအးခ်မ္းသြားသလို ခံစားလိုက္ရသည္။ သူ႔စိတ္အေျခအေနက အေျပာင္းအလဲ ျဖစ္မသြားေပ။ သူက ေသျခင္းတရားသည္ က်င့္ႀကံေရးေလာက၌ ပုံမွန္ျဖစ္ေနသည့္အလား အသားက်ေနၿပီ ျဖစ္၏။
သူက ေသျခင္းတရားႏွင့္ အေရထူေနၿပီဟု ေျပာႏိုင္ေလသည္။ ကံၾကမၼာစြမ္းအားတခ်ိဳ႕ကို နားလည္ၿပီးသည့္ေနာက္တြင္ ေသမ်ိဳးမ်ားသည္ က်င့္ႀကံသူလက္မ်ား၌ ေသဆုံးရသည္က ေသမ်ိဳးမ်ား၏ ကံၾကမၼာသာျဖစ္ေၾကာင္း သိလာသည္။ သို႔ေသာ္လည္း သူက ခ်ီကံေကာင္းမႈကို စစ္ေဆးပြဲတြင္ ျဖစ္ပ်က္ခဲ့သည့္အရာမ်ားႏွင့္ စိတ္ခုေနမိေသး၏။ ထို႔ေၾကာင့္ သူက လ်ဴမိန္ရႈအား သတ္ဖို႔ရာ ႀကံစည္ထားခဲ့သည္။
သူက သူမ၏ ခႏၶာကိုယ္ ေျမျပင္ေပၚ လဲက်သြားၿပီး ဝိညာဥ္ဖ်က္ဆီးခံရသည္ကို ၾကည့္ေနရင္း စိတ္ေအးခ်မ္းသြားသလို ခံစားလိုက္ရသည္။
ဝမ္ေဝ့က အသာသက္ျပင္းခ်လိုက္သည္။ သူက လက္ကို ေျမႇာက္ကာ သူမ၏ ခႏၶာကိုယ္အား မီးရႈိ႕ပစ္လိုက္၏။ ထို႔ေနာက္ သူက လတ္တေလာေလး ရရွိထားသည့္ မေကာင္းဆိုးဝါး နတ္ဘုရားခႏၶာ ဆင့္ကဲျခင္း ၁၂ မ်ိဳးက်င့္စဥ္အေၾကာင္း အမွတ္ရသြားၿပီး သူ႔စိတ္ထဲ အေတြးတစ္ခု ေပၚထြက္လာသည္။
ထို႔ေၾကာင့္ သူက ေပ်ာက္ကြယ္ေတာ့မည္ ျဖစ္သည့္ သူမ၏ ဝိညာဥ္အပိုင္းအစတခ်ိဳ႕ကို ခ်က္ခ်င္းစည္းပိတ္လိုက္သည္။
" မင္းက သူမကို ျမႇပ္ႏွံခြင့္ေတာင္ မေပးဘူးလား" သားရဲေမြးျမဴေရးေတာင္ၾကားမွ အစစ္အမွန္အုပ္ခ်ဳပ္သူတစ္ေယာက္က ေျပာလိုက္သည္။
" သူမ သတ္ခဲ့တဲ့သူေတြထဲမွာ ျမႇဳပ္ႏွံခြင့္မရတဲ့သူေတြ ဘယ္ေလာက္ေတာင္ မ်ားလိုက္သလဲ။ အကုန္လုံးကို သူမရဲ႕ သားရဲေတြကေန ဝါးမ်ိဳသြားတာေလ" ဝမ္ေဝ့ ျပန္ေျဖလိုက္သည္။
" မင္းက သူတို႔ရဲ႕အသက္နဲ႔ မင္းရဲ႕အျပဳအမူကို တရားမွ်တတယ္ဆိုၿပီး အေၾကာင္းျပခ်က္ သုံးေနတာလား" အစစ္အမွန္ အုပ္ခ်ဳပ္သူတစ္ေယာက္က ေျပာလိုက္သည္။
" ခင္ဗ်ား ေျပာတာမွန္တယ္။ က်ဳပ္က က်ဳပ္ဘာသာက်ဳပ္ မွ်တေနေအာင္ လုပ္ဖို႔ မလိုဘူး။ သူမရဲ႕ ခႏၶာကိုယ္က က်ဳပ္အတြက္ အက်ိဳးရွိတယ္။ အဲဒါေၾကာင့္ က်ဳပ္ ယူလိုက္တယ္။ သူမက က်ဳပ္ရဲ႕ ဧကရာဇ္လမ္းစဥ္မွာ အားျဖည့္စြက္စာ ျဖစ္လာလိမ့္မယ္"
အစစ္အမွန္ အုပ္ခ်ဳပ္သူက ခဏမွ် တိတ္ဆိတ္သြားၿပီးေနာက္ ထပ္ေျပာလိုက္သည္ " အေတြးတစ္ခ်က္နဲ႔ ဗုဒၶျဖစ္လာႏိုင္သလို အေတြးတစ္ခ်က္နဲ႔ နတ္ဆိုး ျဖစ္သြားႏိုင္တယ္တဲ့။ ၾကည့္ရတာ အေမြခံသားေတာ္ ဝမ္ေဝ့က အဲဒီလို စိတ္အေျခအေန ေရာက္ေနၿပီ ထင္တယ္။ ဒါေပမဲ့ မင္းက ေနာက္ထပ္မိုယြင္ ျဖစ္မလာေအာင္ ဂ႐ုစိုက္သင့္တယ္။"
ဝမ္ေဝ့က မ်က္ေမွာင္ၾကဳတ္ကာ ၾကည့္လိုက္သည္။ မိုယြင္က ေကာင္းကင္ဝါးမ်ိဳျခင္း ဧကရာဇ္၏ နာမည္ျဖစ္ၿပီး ထာဝရဧကရာဇ္ ျဖစ္လာၿပီးသည့္ေနာက္တြင္ တစ္ကမာၻလုံးကို ဝါးမ်ိဳပစ္ခ်င္ခဲ့သူ ျဖစ္၏။
ထိုလူ၏ စကားမ်ားက သတိေပးခ်က္ သို႔မဟုတ္ အဖတ္ဆယ္ဖို႔ ေျပာသည့္စကားမ်ားႏွင့္ တူေနေသာ္လည္း ဝမ္ေဝ့အတြက္မူ သူ႔ဆိုလိုရင္းအား နားလည္ေလသည္။ ထိုသူက သူသည္ ေနာက္ထပ္ မိုယြင္ျဖစ္မည္ဟု ေကာလဟာလမ်ားျဖန႔္ကာ ကမာၻအား သူ႔ကို သတ္ျဖတ္ဖို႔ ေခ်ာက္ခ်ေနျခင္းသာ ျဖစ္၏။
ဤေလာကအတြင္း အားေကာင္းၿပီး ႐ူးမိုက္သည့္ ထာဝရဧကရာဇ္တစ္ပါး ေမြးဖြားလာသည္ကို အလိုရွိၾကမည္ မဟုတ္ေပ။
ထိုအရာကို သေဘာေပါက္ၿပီးသည့္ေနာက္တြင္ ဝမ္ေဝ့က အားပါးတရ ရယ္ေမာလိုက္သည္။ ထိုသို႔ေသာ ၿခိမ္းေျခာက္မႈက ေနာက္ခံမရွိသည့္ သာမန္လူမ်ားအေပၚ အလုပ္ျဖစ္ေကာင္းျဖစ္ႏိုင္ေသာ္လည္း သူက ဘယ္သူနည္း။
ဤကမာၻရွိ အားအေကာင္းဆုံး ဂိုဏ္း၏ အေမြခံသားေတာ္ ျဖစ္ေပသည္။ ဂိုဏ္းခ်ဳပ္၏ သား၊ ဧကရာဇ္မ်ိဳးႏြယ္ႏွစ္ခု၏ အေမြဆက္ခံသူလည္း ျဖစ္၏။ မည္သူက သူ႔အား လာေရာက္စြက္ဖက္ရဲမည္နည္း။
" ခင္ဗ်ားတို႔ရဲ႕ အင္အားစုေလးက က်ီမိသားစုနဲ႔ ရင္ဆိုင္ဖို႔ အေတာ္ေလး ႐ုန္းကန္ေနရတာပဲ။ က်ဳပ္တို႔ တာအိုအခြင့္အလမ္းဂိုဏ္းကသာ ခင္ဗ်ားတို႔ အရႈပ္အေထြးၾကား ဝင္ပါလာၿပီး က်ီမိသားစုကို ေထာက္ခံေပးလိုက္ရင္ ဘယ္လိုျဖစ္သြားမယ္ ထင္လဲ။ ခင္ဗ်ားတို႔လူေတြ ဘယ္ေလာက္ၾကာၾကာ ခံႏိုင္မယ္ ထင္လဲ"
ဝမ္ေဝ့က ျပန္လည္ ၿခိမ္းေျခာက္လိုက္သည္။ ထိုစကားမ်ားကို ေျပာလိုက္သည္ႏွင့္ တျခားေသာ အစစ္အမွန္ အုပ္ခ်ဳပ္သူမ်ား၏ မ်က္ႏွာထားက ခ်က္ခ်င္းဆိုသလို ပ်က္ယြင္းသြားေလသည္။
ယခု သူတို႔အေနျဖင့္ မဟာဧကရာဇ္ ျပဳစုပ်ိဳးေထာင္ေပးမည့္ အိပ္မက္က ေသဆုံးသြားၿပီျဖစ္ရာ သူတို႔အနာဂတ္က ေမွာင္မိုက္သြားေလၿပီ။ သူတို႔ဂိုဏ္းကို ျပန္ေရာက္သြားသည္ႏွင့္ သူတို႔အနာဂတ္က ပိုမိုဖိႏွိပ္ခံရေတာ့မည္ ျဖစ္၏။ ထို႔ေၾကာင့္ သူတို႔က တစ္ေယာက္ႏွင့္တစ္ေယာက္ အလ်င္အျမန္ ဆက္သြယ္လိုက္ၿပီးေနာက္ ထြက္သြားဖို႔ ဆုံးျဖတ္လိုက္ၾကသည္။ သူတို႔က လွ်ိဳ႕ဝွက္နယ္ေျမမွ ထြက္သြားစဥ္ တာအိုအခြင့္အလမ္းဂိုဏ္းမွ လူမ်ားကိုလည္း သတိႀကီးႀကီး ထားေနသည္။
" သခင္ေလး ဘာလို႔ ဒီအခြင့္အေရးကို ယူၿပီး သူတို႔ကို မသတ္လိုက္ရတာလဲ" ယန္းခ်န္က ေမးလိုက္သည္။
" အခုက အခ်ိန္မက်ေသးဘူး" ဝမ္ေဝ့က တည္ၿငိမ္စြာ ေျပာလိုက္သည္။
" တကယ္လို႔ ကြၽန္ေတာ္ ခႏၶာကိုယ္သာ ဒီမွာ ရွိတယ္ဆိုရင္ ခင္ဗ်ားတို႔အားလုံးနဲ႔ ေပါင္းၿပီးေတာ့ သူတို႔ကို သတ္မိေလာက္တယ္။ ဒါေပမဲ့ အခုလက္ရွိအင္အားနဲ႔ဆိုရင္ သူတို႔ကို သတ္ဖို႔ အခ်ိန္ၾကာလိမ့္မယ္။ အခုက အခ်ိန္ျဖဳန္းေနလို႔ မျဖစ္ဘူး"
ယန္းခ်န္က ေခါင္းညိတ္လိုက္သည္။ ဤသည္က သူ ခံစားမိသလို ျဖစ္၏။ သို႔ေသာ္ သူ႔အေနႏွင့္ သခင္ေလး၏ လတ္တေလာ သူ႔ကမာၻဦးစိတ္ဝိညာဥ္အေပၚ က်ရႈံးမႈမ်ားသည္ သူ႔အေပၚ သက္ေရာက္မႈ ရွိသြားတာလားဟု သိခ်င္ေနမိသည္။
ထို႔ေၾကာင့္ သူက စိတ္ေအးမိသြားသည္။
" ေကာင္းၿပီ။ တျခားသူေတြ ဝင္မလာႏိုင္ေအာင္ အစီအရင္ ခင္းထားတာ ေကာင္းလိမ့္မယ္" ဝမ္ေဝ့က ေျပာလိုက္သည္။
အမွန္အတိုင္းဆိုရလွ်င္ သူက အားပါးတရ တိုက္ခိုက္လိုေသာ္လည္း ထိုလူမ်ား၏ တုံ႔ျပန္မႈေၾကာင့္ အနည္းငယ္ စိတ္ပ်က္သြားေလသည္။ ႏွစ္မ်ားစြာ ႀကံစည္လာၿပီး အရင္းအျမစ္မ်ားစြာ သုံးလာၿပီးသည့္ေနာက္တြင္ သူတို႔၏ အိပ္မက္မ်ားက ေၾကမြသြားေသာ္လည္း သူတို႔၏ တုံ႔ျပန္မႈက တြက္ခ်က္ေနဆဲ ျဖစ္၏။
မည္သူကမွ စိတ္ခံစားခ်က္သက္သက္ျဖင့္ သူ႔အား မတိုက္ခိုက္လိုၾကေပ။ ဝမ္ေဝ့က ထိုအေၾကာင္းအရင္းသည္ သူ႔ေနာက္ခံေၾကာင့္သာ မဟုတ္ဘဲ ထိုလူမ်ားသည္ ေသျခင္းတရားကို ပို၍ ေၾကာက္႐ြံ႕ေၾကာင္း သိေလသည္။
အခ်ိန္အၾကာႀကီး ေနလာၿပီးသည့္ေနာက္တြင္ သူတို႔က ကိစၥအဝဝကို လုပ္ကိုင္ရာ၌ ပိုမိုသတိထားကာ ေသျခင္းတရားကို စတင္ေၾကာက္႐ြံ႕လာၾကသည္။ ဤသည္က သားရဲေမြးျမဴေရး ေတာင္ၾကားရွိ လူမ်ား၏ ျပႆနာပင္ မဟုတ္ေပ။
သူတို႔ဂိုဏ္းမွ အစစ္အမွန္အုပ္ ခ်ဳပ္သူတခ်ိဳ႕လည္း ထိုသို႔ျဖစ္ေနေၾကာင္း သတိျပဳမိေလသည္။
ဝမ္ေဝ့က ထိုအေတြးမ်ားကို အလ်င္အျမန္ဖယ္ရွားကာ တျခားသူမ်ား ဝင္ေရာက္လာသည္ကို တားဆီးဖို႔ အစီအရင္ ခင္းက်င္းလိုက္သည္။
ထိုအစီအရင္က ထိုလူမ်ားႏွင့္ ပူးေပါင္းခ်ိဳးဖ်က္သေ႐ြ႕ ပ်က္စီးသြားႏိုင္ေသာ္လည္း သူတို႔အား အထဲရွိ ကံအေျပာင္းအလဲ အခြင့္အေရးအား ရယူႏိုင္ဖို႔ အခ်ိန္အား ဆြဲဆန႔္ႏိုင္လိမ့္မည္။
အရာအားလုံး ၿပီးဆုံးသြားသည့္ေနာက္တြင္ ဝမ္ေဝ့က ဗဟိုခ်က္ဆီ ဦးတည္သြားလိုက္သည္။ သူ႔လမ္းတြင္ နဂါးဦးခ်ိဳရွိသည့္ ႐ုပ္ေသး႐ုပ္မ်ားႏွင့္ ရင္ဆိုင္ခဲ့ရသည္။ သူက ခ်က္ခ်င္းဆိုသလို ထို႐ုပ္ေသး႐ုပ္မ်ားအား စည္းပိတ္ကာ ေနာက္ပိုင္းတြင္ ေလ့လာဖို႔ သိမ္းဆည္းထားလိုက္သည္။
ထို႔ေၾကာင့္ ဝမ္ေဝ့၏ လမ္းက ထင္ထားသည္ထက္ ပို၍ လြယ္ကူေနသည္။ သူက ႐ုပ္ေသး႐ုပ္မ်ားသည္ ထင္ထားသည္ထက္ ပို၍ အားနည္းေနေၾကာင္း ေတြ႕ရွိလိုက္၏။ သူတို႔အား ေထာက္ပံ့ေပးထားသည့္ စြမ္းအားက ေပ်ာက္ကြယ္သြားသလိုမ်ိဳး ျဖစ္သည္။
အစီအရင္မ်ားတြင္လည္း အတူတူသာ ျဖစ္၏။ အားလုံးက သိသိသာသာ အားေလ်ာ့က်သြားသည္။ ထို႔ေၾကာင့္ သူတို႔က ေနာက္ပိုင္းမွသာ ေလ့လာဖို႔ ဆုံးျဖတ္လိုက္ၿပီး အရာအားလုံးကို အတင္းအၾကပ္အားျဖင့္သာ ခ်ိဳးေဖာက္သြားေတာ့သည္။ ေနာက္ဆုံးတြင္ သူက လွ်ိဳ႕ဝွက္နယ္ေျမ၏ ဗဟိုခ်က္သို႔ ေရာက္ရွိသြားၿပီး အထဲကို ျမင္လိုက္ရသည္။ ဤသည္က ေႁမြသတၱဝါႏွင့္ တူၿပီး ဦးခ်ိဳႏွစ္ခု ရွိသည့္ အ႐ိုးမ်ား ျဖစ္သည္။
" ဒါက နဂါးအႂကြင္းအက်န္လား"
ဝမ္ေဝ့က အံ့ဖြယ္အသိစိတ္ျဖင့္ ပတ္ဝန္းက်င္ကို စစ္ေဆးၾကည့္လိုက္သည့္အခါ ေထာင္ေခ်ာက္မ်ား ရွိမေနေပ။ ထို႔ေနာက္ သူက ထိုသတၱဝါနားသို႔ ခ်ဥ္းကပ္သြားကာ စစ္ေဆးၾကည့္လိုက္သည္။
အေရျပား သို႔မဟုတ္ ေၾကးခြံက ေပ်ာက္ကြယ္သြားၿပီ ျဖစ္၏။ အ႐ိုးမ်ား၏ ပုံသဏၭာန္ႏွင့္ က်န္ရွိေနသည့္ အားေကာင္းသည့္ အရွိန္အဝါမ်ားအရ နဂါးဟု ေျပာႏိုင္ျခင္း ျဖစ္သည္။
ထိုအရွိန္အဝါက လႊမ္းမိုးမႈ ျပ႐ုံသာမက ျမင့္ျမတ္ေတာ္ဝင္ဆန္မႈကိုလည္း ျပသေနသည္။ ထိုသတၱဝါက မိုးေျမ၏ မ်က္ႏွာသာအေပးခံရသည့္ သားေတာ္အလား ျဖစ္၏။ ထိုအရာက ေမြးဖြားကတည္းက ျမင့္ျမတ္လာသည့္အလား သက္ရွိအားလုံးက ထိုအရာကို ေလးစားသင့္ေပသည္။
အကယ္၍ သာမန္က်င့္ႀကံသူသာ ျဖစ္ေနပါက သူတို႔သည္ ထိုအႂကြင္းအက်န္မ်ားအနား ခ်ဥ္းကပ္ရဲမည္ မဟုတ္ေပ။
ထိုစဥ္ဝမ္ေဝ့က နဂါးအ႐ိုးမ်ားကို ေသခ်ာၾကည့္ရႈေနသည္။ သူ႔ အတိတ္ဘဝတြင္ နဂါးမ်ားက ဝတၳဳအမ်ားစုတြင္ သာမန္ေတြ႕ေနၾက သက္ရွိမ်ားသာ ျဖစ္၏။ ဇာတ္လိုက္အမ်ားစုက မိမိုက္ေနဖို႔အတြက္ နဂါးစြမ္းရည္တခ်ိဳ႕ သို႔မဟုတ္ နဂါးမ်ိဳးႏြယ္မွ မင္းသမီးကို လက္ထပ္ျခင္း သို႔မဟုတ္ နဂါးေသြးမ်ိဳးဆက္ကို သူတို႔၏ ခႏၶာကိုယ္အတြင္း စုပ္ယူကာ သူတို႔၏ အင္အား သို႔မဟုတ္ ပါရမီကို ျမႇင့္တင္ျခင္းမ်ား ရွိတတ္ၾကသည္။
ဝမ္ေဝ့အတြက္ ကံဆိုးသည္က သူ ေနထိုင္သည့္ကမာၻတြင္ နဂါးမ်ား မရွိေတာ့ေပ။ သူတို႔ ေပ်ာက္ကြယ္သြားသည္မွာ ႏွစ္သန္းေထာင္ခ်ီ ၾကာျမင့္ေနၿပီျဖစ္၏။ သူ ဝူဟုန္ဆီမွ ရရွိထားေသာ သတင္းအခ်က္အလက္အရ နဂါးႏွင့္ ဇာမဏီကဲ့သို႔ေသာ ပင္ကိုသက္ရွိမ်ားက ဒိုင္ေမးရွင္းအနိမ့္သို႔ ထြက္သြားၾကၿပီး အဆင့္တက္လွမ္းသြားၾကသည္ဟု ဆိုသည္။
အကယ္၍ သူသာ အစစ္အမွန္ကို ေတြ႕လိုလွ်င္ မဟာဧကရာဇ္ျဖစ္လာၿပီး အဆင့္တက္လွမ္းသည္အထိ ေစာင့္စားမည္။ ထို႔ေၾကာင့္ သူက နဂါးကို ပထမဆုံးအႀကိမ္ ျမင္ရသည့္အတြက္ အ႐ိုးပင္ျဖစ္ေနေစကာမူ စိတ္လႈပ္ရွားေနမိသည္။
ထို႔ေနာက္ သူက စစ္ေဆးၾကည့္ၿပီးသည့္ေနာက္တြင္ မ်က္ေမွာင္ၾကဳတ္လိုက္မိသည္။
" နဂါးရဲ႕ စြမ္းအားအမ်ားစုက အခ်ိန္ၾကာလာေတာ့ ေပ်ာက္ဆုံးသြားၿပီ။ ေက်ာ႐ိုးတစ္ခုပဲ ႁခြင္းခ်က္က်န္တယ္။"
ထို႔ေနာက္ သူက အ႐ိုးကို ထိလိုက္သည္။
" မာေၾကာမႈက ဧကရာဇ္တစ္ပိုင္း အသုံးအေဆာင္ကို လုပ္ဖို႔အတြက္ လုံေလာက္တယ္။ ဧကရာဇ္လက္ထဲမွာဆိုရင္ သူတို႔က ဧကရာဇ္အသုံးအေဆာင္ လက္နက္ေတာင္ ျဖစ္လာႏိုင္တယ္။ ကြၽန္ေတာ္အတြက္ကေတာ့ ဒီအ႐ိုးကို အသုံးျပဳၿပီး မေကာင္းဆိုးဝါးနတ္ဘုရားခႏၶာ ဆင့္ကဲျခင္း၁၂မ်ိဳး က်င့္စဥ္ကို က်င့္ႀကံတာ အေကာင္းဆုံးပဲ။ ဒီအ႐ိုးနဲ႔ဆိုရင္ ပထမဆင့္ကဲမႈအနည္းငယ္ကိုေတာ့ အလ်င္အျမန္ က်င့္ႀကံႏိုင္လိမ့္မယ္။
မဟုတ္ေသးဘူး။ အနည္းဆုံးေတာ့ ဆင့္ကဲေျပာင္းလဲမႈ သုံးခုေလာက္အထိ က်င့္ႀကံႏိုင္ေလာက္တယ္"
ဝမ္ေဝ့က ေက်ေက်နပ္နပ္ ေခါင္းညိတ္လိုက္ၿပီး အ႐ိုးကို သိုေလွာင္လက္စြပ္အတြင္း ထည့္သိမ္းဖို႔ ျပင္လိုက္သည္။ သို႔ေသာ္လည္း သူ မသိမ္းႏိုင္ခင္ အာကာျပင္ လႈပ္ခတ္မႈကို ခံစားမိလိုက္သည္။
ထို႔ေနာက္ သူက အထြတ္အထိပ္အဆင့္ ေလဟာနယ္ပိတ္ဆို႔ျခင္းအေဆာင္ကို ခ်က္ခ်င္းဆိုသလို ထုတ္ကာ အသက္သြင္းလိုက္သည္။ ထိုအေဆာင္စာ႐ြက္က ေလဟာနယ္ တုန္ခါမႈေနရာသို႔ ပ်ံသန္းသြားကာ အားေကာင္းသည့္ လႈိင္းအားတစ္ခု ထြက္ေပၚလာၿပီး ျဖတ္သန္းလာသည့္အရာကို တားဆီးဖို႔ ႀကိဳးစားလိုက္သည္။ သို႔ေသာ္လည္း အနည္းငယ္ ေနာက္က်သြားေလသည္။
သူမ၏ နဖူးအထက္ မီးေတာက္ပုံစံ ပါရွိသည့္ မိန္းမလွတစ္ဦးက ေလဟာနယ္ထဲမွ ျဖတ္ေလွ်ာက္လာသည္။