ကံကြမ္မာဖျက်ဆီးခြင်း ဧကရာဇ်၏ ခရီးလမ်း စာစဉ် (၂၅)
မူရင်းရေးသားသူ - lazySageDao
ဘာသာပြန်သူ - Fortuna(ကြည်ဖြူ) (ရိုးရာ)
အခန်း (၃၄၀) : နတ်ဘုရားမ၏ အမျက်ဒေါသ
ချပ်ဝတ်နတ်ဘုရားလျူက တရားထိုင်နေရာမှ မျက်လုံးပွင့်လာခဲ့သည်။ အကယ်၍ တစ်ယောက်ယောက်သာ သူ့ကို အနီးကပ် ကြည့်လိုက်ပါက သူ့ မျက်ဝန်းအတွင်း ထူးဆန်းသည့် သင်္ကေတများ ဖျတ်ခနဲလက်သွားသည်ကို မြင်ရလိမ့်မည်။ သူက အချက်ပြမှုတစ်ခုကို ရရှိလိုက်သည့်အလား တည်နေရာတစ်ခုကို လှမ်းကြည့်လိုက်သည်။
" အခုအချိန်ကျလာပြီလား"
ထို့နောက် သူက ဉာဏ်များစွာ ပြုံးလိုက်သည်။ ချပ်ဝတ်နတ်ဘုရားလျူ၏ နဂိုမောက်မာမှုများက ပျောက်ကွယ်သွားပြီဖြစ်ကာ တည်ငြိမ်အေးဆေးသည့် အပြုအမူတို့ အစားထိုး ဝင်ရောက်လာလေသည်။ သူက လွန်ခဲ့သည့် တစ်နှစ်ကလူနှင့် မတူညီသည့် လူတစ်ယောက် ဖြစ်သွားဟန်ပေါ်သည်။
သူက သူ့ကျောင်းဆောင်မှ ထွက်လာကာ ကောင်းကင်ဘုံဗိမာန်အတွင်း လျှောက်သွားလိုက်သည်။ သူ သွားလေရာတိုင်း လေ့ကျင့်နေသည့် နတ်ဘုရားများစွာကို မြင်လိုက်ရသည်။ ထိုနတ်ဘုရားများက သူ့အား မြင်တွေ့သည့်အခါ သူတို့၏မျက်ဝန်းများက ချက်ချင်းဆိုသလို သွေးနီရောင် သင်္ကေတအဖြစ် ပြောင်းလဲသွားပြီး သူ့အား ဦးညွှတ်လာကြသည်။
သူက ကောင်းကင်ဘုံဗိမာန်ရှိ အရာအားလုံးကို ပြန်လည်ကြည့်လိုက်ပြီးသည့်နောက်တွင် ယခုအရိပ် ဖြစ်နေသည့် ချပ်ဝတ်နတ်ဘုရားလျူသည် သူ့ဘာသာသူ တွေးလိုက်မိသည်။
ဒီနှစ်တွေမှာ ငါ သွေးပူးကပ်ခြင်း ကျိန်စာကို အသုံးပြုပြီးတော့ မီးနတ်ဘုရား ပိုင်နက်အများစုကို ကျူးကျော်နိုင်ခဲ့တယ်။ ငါ မထိနိုင်ဘဲ ကျန်ရှိနေတဲ့ တစ်ခုတည်းသောနေရာက မီးနတ်ဘုရားရဲ့ ကောင်းကင်ဘုံဗိမာန်ပဲ ...
စောင့်ကြည့်နေတဲ့ စည်းမျဉ်းတွေအောက်မှာ နတ်ဘုရားတွေကို တိတ်တဆိတ် ထိန်းချုပ်ဖို့ အရမ်းကိုခက်ခဲလွန်းတယ်။ ပြီးတော့ စတေးမှုက မထိုက်တန်ဘူး။ အခု အားလုံးက မရဏနယ်မြေအပေါ် အာရုံစိုက်နေကြတာဆိုတော့ အခု လှုပ်ရှားဖို့ အချိန်ကောင်းပဲ ....
ထို့နောက် အရိပ်က တခြားနယ်မြေမှ သူ့မိတ်ဆွေများဆီ ဖိတ်ကြားချက် ပို့လိုက်သည်။ နယ်မြေမတူသည့် နတ်ဘုရားအမျိုးမျိုးနှင့် တွေ့ဆုံခြင်းက ပုံမှန်ဖြစ်လေသည်။ အထူးသဖြင့် သူတို့၏ ခေါင်းဆောင်များက မိတ်ဆွေရင်း သို့မဟုတ် မဟာမိတ်များ ဖြစ်နေသည့်အခါတွင် ဖြစ်၏။
တချို့ကိစ္စများတွင် နတ်ဘုရားတစ်ပါးက သူတို့၏ သစ္စာရှိမှုကို ပြောင်းကာ တခြားအထွတ်အထိပ် နတ်ဘုရားတစ်ပါးထံ ခစားဖို့ ရွေးချယ်တတ်ကြသည်။ ထိုအခြေအနေက ရှားပါးလွန်းသော်လည်း မတွေ့ရှိရခြင်းတော့ မဟုတ်ပေ။ သို့သော်လည်း ထိုအရာက အထွတ်အထိပ် နတ်ဘုရားနှစ်ပါးကြား စစ်ပွဲကို ဖြစ်ပွားသွားစေနိုင်သည်။
နတ်ဘုရားတစ်ပါးက ယုံကြည်မှုစွမ်းအားအတွက် အားကောင်းသော အရင်းအမြစ် ဖြစ်ပေသည်။ အထွတ်အထိပ် နတ်ဘုရားများက သူတို့ကို ခစားနေသည့်လူကို တခြားသူဆီ မည်သို့ ပေးနိုင်မည်နည်း။ အထူးသဖြင့် ထိုနတ်ဘုရားများက သူတို့ဘာသာသူတို့ ကိုးကွယ်ယုံကြည်မှုများ ရှိထားသည့် လေဟာနယ် နတ်ဘုရားအဆင့်ဆိုလျှင် ပိုဆိုးပေသည်။ သူတို့အတွက် အရှုံးအကြီးကြီး ဖြစ်လာလိမ့်မည်။
တစ်ပတ်ကြာမြင့်ပြီးသည့်နောက်တွင် တခြားနယ်မြေမှ နတ်ဘုရားအများစုက အရိပ်အား လာတွေ့ကာ ဂုဏ်ပြုပေးကြသည်။ အကြောင်းမှာ အထွတ်အထိပ် နတ်ဘုရားအသီးသီးကြားမှ တင်းကြပ်သည့် ဆက်ဆံရေးများကြောင့် တခြားလူ၏ နယ်မြေအတွင်း ဝင်ဖို့အတွက် သင့်တော်သည့် လောကဝတ်များ သို့မဟုတ် စာရွက်စာတမ်းများစွာ လိုအပ်ပေသည်။
အထွတ်အထိပ်နတ်ဘုရားက သူ့နယ်မြေအတွင်း တခြားနတ်ဘုရားများ ဝင်လာပြီဆိုလျှင်လည်း သိကြလေသည်။ ဤသည်က သူတို့နယ်မြေအတွင်း ဝင်ရောက်ကာ တခြားနတ်ဘုရားများ၏ ယုံကြည်မှုစွမ်းအားများကို တိတ်တဆိတ် မစုဆောင်းနိုင်စေရန် ဖြစ်၏။
များပြားလှသည့် လူဦးရေကြောင့် အရိပ်၏ တွေ့ဆုံပွဲအတွက် တစ်လတာ အချိန်ယူလိုက်ရသည်။ ကြာနေရသည့် အကြောင်းအရင်းမှာ နတ်ဘုရားအများစုကို တစ်ခါတည်း ဧည့်ခံဖို့အတွက် ခက်ခဲနေ၍ ဖြစ်သည်။ ထို့ကြောင့် သူက သူ့ပွဲကို သေးသေးလေးတွေအဖြစ် ပြန်လည်ခွဲလိုက်ရသည်။
ပွဲစတင်သည့်အခါ အရိပ်က အားလုံးဆီ ရောက်လာကာ စကားပြောဆိုခဲ့သည်။ သူက လတ်တလော ပြုလုပ်ထားသည့် နာမည်ကျော် ဝမ်းနည်းမှု မေ့ပျောက် သေရည်ကို ထုတ်တိုက်လိုက်သောကြောင့် ဧည့်သည်များက ပျော်ရွှင်သွားကြသည်။
ထိုအသစ်ဖန်တီးထားသည့် မြင့်မြတ်သေရည်က အရသာကောင်းမွန်ရုံသာမက လူအများအား သူတို့၏ စိတ်ထဲမှ လိုအင်ဆန္ဒများအား ယာယီပုံရိပ်ယောင်အဖြစ် ပြောင်းလဲပေးနိုင်လေသည်။ ထိုအရာက သူတို့အား လက်တွေ့မှ လွတ်မြောက်ကာ ဝမ်းနည်းမှုများကို မေ့ပျောက်သွားစေလေသည်။ ထို့ကြောင့် ထိုနာမည်တွင်နေခြင်း ဖြစ်၏။
သေရည်အပြင် တေးဂီတများ၊ ကခုန်ခြင်း၊ ပြဇာတ်နှင့် တိုက်ပွဲများပင် ပါရှိလေသည်။
အားလုံးက ပျော်ရွှင်နေကြစဉ် လေဟာနယ် နတ်ဘုရားတစ်ပါးက အားလုံးကို တိတ်တဆိတ် စောင့်ကြည့်နေလေသည်။ အထူးသဖြင့် ချပ်ဝတ်နတ်ဘုရားလျူကို ဖြစ်၏။ သူက သေရည်ကို သောက်လိုက်ရင်း သူ့မျက်ဝန်းက အားလုံးကို စစ်ဆေးနေဟန်ပေါ်သည်။
လူအချင်းချင်း၏ စကားဝိုင်းမှ အပြုအမူ၊ မျက်နှာအနေအထားနှင့် အခြားအရာများလည်း ပါဝင်သည်။ သူက ထိုသို့လုပ်နေစဉ် အရိပ်က သူ့ဆီ အပြုံးလေးဖြင့် ချဉ်းကပ်လာလေ၏။
" နတ်ဘုရားဟန် ပွဲကို သဘောကျရဲ့လား" အရိပ်က မေးလိုက်သည်။
" နတ်ဘုရားလျူ"သူက သေရည်တစ်ငုံသောက်ပြီး ပြန်ဖြေလိုက်သည် " တကယ်ကို သေရည်ကောင်းပဲ။ ဘယ်လိုလုပ် ဒီလိုအရာမျိုး လုပ်နိုင်လဲဆိုတာ သိချင်မိသား။ နတ်ဘုရားလျူက တကယ်ကို ပါရမီရှိတာပဲ ဖြစ်ရမယ်"
နတ်ဘုရားဟန်က ပြုံးနေသော်လည်း သူ့စိတ်ထဲတွင် တခြားတစ်ခုကို တွေးနေလေသည်။
ဒီနှစ်တွေတစ်လျှောက်မှာ နတ်ဘုရားလျူက တော်တော်လေးကို ပြောင်းလဲသွားတယ်။ သူ့ရဲ့ သဘောထားက ပြောင်းလဲသွားပြီးတော့ မိတ်ဆွေတွေတောင် ဖွဲ့နေတယ်။ ဒီတစ်ချက်ထဲက သူ့ကို သံသယရှိဖို့ လုံလောက်နေပြီ။ အထူးသဖြင့် လက်ရှိအခြေအနေမျိုးမှာ ပြီးတော့ ဝမ်းနည်းမှုမေ့ပျောက် သေရည်လိုမျိုးပေါ့။
ဒီလိုမျိုး နတ်ဘုရားတစ်ပါး လုပ်ထားတဲ့ သေရည်က သူ့ဘဝတစ်လျှောက်လုံး သေရည်ကို လေ့လာနေတဲ့ သေရည်နတ်ဘုရားထက်တောင် ကောင်းနေတယ်ဆိုတာ ဘယ်လိုလုပ်ဖြစ်နိုင်မှာလဲ။ ဒါက ယုတ္တိမရှိဘူး
နတ်ဘုရားလျူက ပြင်ပအကူအညီသာ မရှိနိုင်သရွေ့ပေါ့။ နမူနာအနေနဲ့ဆိုရင် ငါတို့ကမ္ဘာကို ကျူးကျော်လာတဲ့ အပြင်လူတွေပဲ။
" ဒါက ပါရမီနဲ့ ဘာမှမဆိုင်ပါဘူး။ ကံကောင်းလို့ ဖြစ်သွားတာပါ။ ခင်ဗျားလည်း သိတဲ့အတိုင်း ကျုပ်အပြင်လူတွေနဲ့ တိုက်ပွဲရှုံးနိမ့်ပြီးတဲ့နောက်မှာ ကျုပ် နာကျင်မှုတွေကို မေ့ပျောက်ချင်တော့ သေရည်သောက်ချင်တယ်။
ဒါပေမဲ့ ကံဆိုးတာက သေရည်နတ်ဘုရားရဲ့ သေရည်က အရမ်းကို ဈေးကြီးလွန်းပြီးတော့ ကျုပ် အလိုဆန္ဒကို မဖြည့်စည်းပေးနိုင်ဘူး။ အဲဒါကြောင့် ကျုပ်ဘာသာကျုပ် လုပ်ကြည့်ဖို့ ပြင်ခဲ့တာ။ ကြည့်ရတာ ကံကောင်းသွားတယ် ထင်ပါတယ်"
အရိပ်က သူ့မျက်နှာအထက် ပြန်လည်တွေးဆဆ အမူအရာဖြင့် ပြောလိုက်သည်။
ဒီနေ့ အထွတ်အထိပ် နတ်ဘုရားတွေက ငါ့ကို သံသယရှိနေပြီလား။
အရိပ်က တွေးလိုက်မိသည်။ သို့သော်လည်း အစီအစဉ်များက အသက်ဝင်နေပြီဖြစ်၍ ကိစ္စမရှိတော့ပေ။
" ခင်ဗျားဘာသာ အပြစ်တင်ဖို့ မလိုပါဘူး။ ကျုပ်တို့ကြားမှာ ကျရှုံးမှုကို မခံစားဖူးတဲ့သူက ဘယ်သူရှိမှာလဲ။ အရေးအကြီးဆုံးက ပြန်လည်ထနိုင်လာဖို့ပဲ"
ကြမ္မာနတ်ဘုရားမကများ မှားနေတာလား။ ဒီနတ်ဘုရားနဲ့ပတ်သက်ပြီး ဘာမှမှားယွင်းနေတာ မရှိဘူး။ မဖြစ်သေးဘူး မဖြစ်သေးဘူး။ ငါ နတ်ဘုရားမစကားကို သံသယ မဖြစ်သင့်ဘူး။ ငါ့အလုပ်က ပြောတဲ့အတိုင်း လုပ်ဖို့ပဲ။ အခု ဆက်လက်စောင့်ကြည့်တာပဲ ကောင်းမယ်။
သူတို့ ခေတ္တမျှ ဆက်လက်စကားပြောပြီးသည့်နောက်တွင် အရိပ်က တခြားသူများထံ သွား၍ပြောလိုက်သည်။ ထိုစဉ် နတ်ဘုရားဟန်က အားလုံးကို ဆက်လက်စောင့်ကြည့်နေသည်။ ကံဆိုးစွာဖြင့် ပွဲပြီးဆုံးသွားသည့်နောက်တွင်ပင် သူက ဘာမှမတွေ့လိုက်ရပေ။
ထို့ကြောင့် သူက ပွဲမှထွက်လာပြီးသည့်နောက်တွင် ကြမ္မာနယ်မြေရှိ သူ့ခေါင်းဆောင်ထံ သတင်းသွားပို့ခဲ့သည်။
အဖြစ်အပျက်ကို ကြားပြီးသည့်နောက်တွင် ကြမ္မာနတ်ဘုရားမက မျက်မှောင်ကြုတ်ကာ စဉ်းစားလိုက်သည်။ သူမက အားကောင်းသည့် ဝိညာဉ်ဖြင့် နတ်ဘုရားဟန်၏ ခန္ဓာကိုယ်ကို စစ်ဆေးကြည့်လိုက်သော်လည်း ဘာမှမတွေ့ရပေ။ ထို့ကြောင့် သူ့အား ပြန်လွှတ်လိုက်၏။
ကြမ္မာနတ်ဘုရားမက ပြောလိုက်သည် " ရှင်တို့တွေရော ဘယ်လိုထင်တုန်း။ တစ်ခုခုများတွေ့ခဲ့သေးလား"
" မတွေ့ဘူး" ရှင်သန်ခြင်း နတ်ဘုရားမက ပြောလိုက်သည် " တခြားအထွတ်အထိပ် နတ်ဘုရားတွေအကုန်လုံးကလည်း အကုန်စစ်ဆေးပြီးသွားပြီ။ ဘာမှမူမမှန်တာ မသိရဘူး"
" ဒီလူတွေရဲ့ နည်းလမ်းနဲ့ဆိုရင် တစ်ခုခုရှာတွေ့နေတာမှ ထူးဆန်းနေဦးမယ်" ကြမ္မာနတ်ဘုရားမက ခဏရပ်လိုက်ကာ " ငါ နတ်ဘုရားလျူကို ဖမ်းပြီးတော့ စစ်ဆေးကြည့်ရမယ်"
" မီးနတ်ဘုရားက ဒါကို ခွင့်ပြုမှာ မဟုတ်ဘူးဆိုတာကို သိတယ်မလား"
" ကိစ္စမရှိဘူး။ သူ တကယ်လို့ ငါ့လမ်းမှာ ဝင်ရှုပ်တယ်ဆိုရင် သူ့ကိုပါ သတ်ပစ်မယ်" ကြမ္မာနတ်ဘုရားမက တည်ငြိမ်စွာ ပြောလိုက်သည်။
" အရာအားလုံး အဆင်ပြေရဲ့လား" ရှင်သန်ခြင်း နတ်ဘုရားမက မေးလိုက်သည်။
" ငါ့အချိန်က ဖြည်းဖြည်းချင်း ချဉ်းကပ်လာပြီလို့ ခံစားလာရတယ်။ တကယ်လို့ ငါ ဘာမှမလုပ်ဘူးဆိုရင် ဒီကပ်ဘေးအတွင်းမှာ သေဆုံးရမဲ့သူက ငါ ဖြစ်သွားလိမ့်မယ်။ အခုက သတိထားဖို့အချိန်ပဲ"
ထိုသို့ပြောပြီးသည့်နောက်တွင် သူမက လေဟာနယ်ဖြိုခွင်းကာ မီးနတ်ဘုရား နယ်မြေဆီ ဦးတည်လိုက်သည်။ သူမ ရောက်ရှိသည်နှင့် မီးနတ်ဘုရားက သူမ၏ တည်ရှိမှုအား ခံစားမိကာ ပေါ်ထွက်လာသည်။
" ကြမ္မာနတ်ဘုရားမ ကျုပ်နယ်မြေထဲ ဘာလာလုပ်တာလဲ"
" နတ်ဘုရားလျူကို လွှဲပေး"
" မဖြစ်နိုင်ဘူး။ သူ ကျုပ်တို့ကို သစ္စာဖောက်တယ်ဆိုပြီးတော့ သက်သေလည်း မရှိဘဲနဲ့။ အဲဒီမတိုင်ခင် သူက ကျုပ်ကာကွယ်မှုအောက်မှာ ရှိတယ်"
" မီးနတ်ဘုရား ကျွန်မက ရှင့်လူတွေကို ကာကွယ်ပေးပုံကို လေးစားခဲ့ပေမဲ့ ဒီတစ်ခါက ရှင့်ခွင့်ပြုချက်ကို တောင်းဖို့လာခဲ့တာ မဟုတ်ဘူး"
ကြမ္မာနတ်ဘုရားမ၏ လက်ထဲတွင် အနီရောင်ဓားတစ်ချောင်း ပေါ်ထွက်လာကာ ကြမ္မာစွမ်းအားဖြင့် တလက်လက် တောက်ပနေလေသည်။ သူက မီးနတ်ဘုရားအား သတ်ဖြတ်ငွေ့အပြည့်ဖြင့် ကြည့်လိုက်သည်။
" ဘေးဖယ်ရင်ဖယ် မဖယ်ဘူးဆိုရင် ကျွန်မ အတင်းအကြပ် လုပ်ရလိမ့်မယ်"
မီးနတ်ဘုရားက ထိုအရာကို ကြားပြီး ရှုံ့မဲ့သွားကာ အော်ပြောလိုက်သည် " ခင်ဗျားက မြင့်မြတ်ဟန်ချက် သဘောတူညီမှုကို ဖောက်ဖျက်ဖို့ လုပ်နေတာလား"
သူမက ထိုအရာကို ကြားပြီး နှာခေါင်းရှုံ့လိုက်သည် " ဒီသဘောတူညီမှုက နတ်ဘုရားတွေကြားမှာ သေဆုံးမှုကို ကာကွယ်ဖို့အတွက် ကျွန်မအဆိုပြုခဲ့တာပါ။ ဒါပေမဲ့ နှစ်တွေတစ်လျှောက်လုံးမှာ ရှင်တို့တွေက ဒီသဘောတူညီချက်ကို လျစ်လျူရှုပြီးတော့ အချင်းချင်း တိုက်ခိုက်နေခဲ့ကြတယ်။ ရှင် မိုးကြိုးနတ်ဘုရားနဲ့တိုက်ခိုက်ခဲ့တုန်းကလည်း ဒီသဘောတူညီမှုကို ချိုးဖောက်ပြီးသားပဲ။"
သူမက လက်ကို မြောက်လိုက်ပြီး သူ့အားစိုက်ကြည့်ကာ " ဘေးဖယ်မှာလား။ မဖယ်ဘူးလား"
" မင်း"
မီးနတ်ဘုရားက ဒေါသထွက်လာသော်လည်း တစ်ဖက်လူအား အမှတ်ရသွားလေသည်။ ဤသည်က ကြမ္မာနတ်ဘုရားမ ဖြစ်၏။ သူမက အေးချမ်းသည့် သဘာဝကြောင့် လူသိများသော်လည်း အထွတ်အထိပ် နတ်ဘုရားများက သူမ မည်မျှအားကောင်းကြောင်း သိထားကြသည်။
သူမက အားအကောင်းဆုံး နတ်ဘုရားအဖြစ် ဂုဏ်ပုဒ်ကို မကိုင်ဆောင်ထားသည့် အကြောင်းအရင်းမှာ သေခြင်းတရား နတ်ဘုရားတွင် သူ့စည်းမျဉ်းကို ချပ်ဝတ်အဖြစ် ပြောင်းလဲနိုင်သည့် ထူးဆန်းသည့် လျှို့ဝှက်နည်းစနစ်တစ်ခု ရှိနေ၍ ဖြစ်ပြီး ဖျက်ဆီးခြင်း နတ်ဘုရားတွင်လည်း သူ့စွမ်းအားကို သိသိသာသာ မြှင့်တင်ပေးနိုင်မည့် ထူးဆန်းသည့် လက်နက်တစ်ခု ရှိနေလေသည်။
မီးနတ်ဘုရားက ထိုအရာများကို သိထားသော်လည်း နောက်ဆုတ်ဖို့ ငြင်းဆန်နေသည်။ သူ့မာနက ခွင့်မပြုပေ။ ထို့ကြောင့် သူက ကြမ္မာနတ်ဘုရားမနှင့် တိုက်ခိုက်လိုက်သည်။
..............
ထိုစဉ် မီးနယ်မြေအတွင်း အရိပ်က သူ့ကျောင်းဆောင်အတွင်း ရှိနေပြီး သူ့ရှေ့တွင် ပုံရိပ်များစွာ ရှိနေလေသည်။ ထိုပုံရိပ်များက တခြားနယ်မြေများ၏ အခြေအနေများကို ပြသနေလေ၏။ အတိအကျပြောရလျှင် ပွဲကို တက်ရောက်ထားသည့် လူများ၏ အမြင်မှ ဖြစ်လေသည်။
**********
ကံၾကမၼာဖ်က္ဆီးျခင္း ဧကရာဇ္၏ ခရီးလမ္း စာစဥ္ (၂၅)
မူရင္းေရးသားသူ - lazySageDao
ဘာသာျပန္သူ - Fortuna(ၾကည္ျဖဴ) (႐ိုးရာ)
အခန္း (၃၄၀) : နတ္ဘုရားမ၏ အမ်က္ေဒါသ
ခ်ပ္ဝတ္နတ္ဘုရားလ်ဴက တရားထိုင္ေနရာမွ မ်က္လုံးပြင့္လာခဲ့သည္။ အကယ္၍ တစ္ေယာက္ေယာက္သာ သူ႔ကို အနီးကပ္ ၾကည့္လိုက္ပါက သူ႔ မ်က္ဝန္းအတြင္း ထူးဆန္းသည့္ သေကၤတမ်ား ဖ်တ္ခနဲလက္သြားသည္ကို ျမင္ရလိမ့္မည္။ သူက အခ်က္ျပမႈတစ္ခုကို ရရွိလိုက္သည့္အလား တည္ေနရာတစ္ခုကို လွမ္းၾကည့္လိုက္သည္။
" အခုအခ်ိန္က်လာၿပီလား"
ထို႔ေနာက္ သူက ဉာဏ္မ်ားစြာ ၿပဳံးလိုက္သည္။ ခ်ပ္ဝတ္နတ္ဘုရားလ်ဴ၏ နဂိုေမာက္မာမႈမ်ားက ေပ်ာက္ကြယ္သြားၿပီျဖစ္ကာ တည္ၿငိမ္ေအးေဆးသည့္ အျပဳအမူတို႔ အစားထိုး ဝင္ေရာက္လာေလသည္။ သူက လြန္ခဲ့သည့္ တစ္ႏွစ္ကလူႏွင့္ မတူညီသည့္ လူတစ္ေယာက္ ျဖစ္သြားဟန္ေပၚသည္။
သူက သူ႔ေက်ာင္းေဆာင္မွ ထြက္လာကာ ေကာင္းကင္ဘုံဗိမာန္အတြင္း ေလွ်ာက္သြားလိုက္သည္။ သူ သြားေလရာတိုင္း ေလ့က်င့္ေနသည့္ နတ္ဘုရားမ်ားစြာကို ျမင္လိုက္ရသည္။ ထိုနတ္ဘုရားမ်ားက သူ႔အား ျမင္ေတြ႕သည့္အခါ သူတို႔၏မ်က္ဝန္းမ်ားက ခ်က္ခ်င္းဆိုသလို ေသြးနီေရာင္ သေကၤတအျဖစ္ ေျပာင္းလဲသြားၿပီး သူ႔အား ဦးၫႊတ္လာၾကသည္။
သူက ေကာင္းကင္ဘုံဗိမာန္ရွိ အရာအားလုံးကို ျပန္လည္ၾကည့္လိုက္ၿပီးသည့္ေနာက္တြင္ ယခုအရိပ္ ျဖစ္ေနသည့္ ခ်ပ္ဝတ္နတ္ဘုရားလ်ဴသည္ သူ႔ဘာသာသူ ေတြးလိုက္မိသည္။
ဒီႏွစ္ေတြမွာ ငါ ေသြးပူးကပ္ျခင္း က်ိန္စာကို အသုံးျပဳၿပီးေတာ့ မီးနတ္ဘုရား ပိုင္နက္အမ်ားစုကို က်ဴးေက်ာ္ႏိုင္ခဲ့တယ္။ ငါ မထိႏိုင္ဘဲ က်န္ရွိေနတဲ့ တစ္ခုတည္းေသာေနရာက မီးနတ္ဘုရားရဲ႕ ေကာင္းကင္ဘုံဗိမာန္ပဲ ...
ေစာင့္ၾကည့္ေနတဲ့ စည္းမ်ဥ္းေတြေအာက္မွာ နတ္ဘုရားေတြကို တိတ္တဆိတ္ ထိန္းခ်ဳပ္ဖို႔ အရမ္းကိုခက္ခဲလြန္းတယ္။ ၿပီးေတာ့ စေတးမႈက မထိုက္တန္ဘူး။ အခု အားလုံးက မရဏနယ္ေျမအေပၚ အာ႐ုံစိုက္ေနၾကတာဆိုေတာ့ အခု လႈပ္ရွားဖို႔ အခ်ိန္ေကာင္းပဲ ....
ထို႔ေနာက္ အရိပ္က တျခားနယ္ေျမမွ သူ႔မိတ္ေဆြမ်ားဆီ ဖိတ္ၾကားခ်က္ ပို႔လိုက္သည္။ နယ္ေျမမတူသည့္ နတ္ဘုရားအမ်ိဳးမ်ိဳးႏွင့္ ေတြ႕ဆုံျခင္းက ပုံမွန္ျဖစ္ေလသည္။ အထူးသျဖင့္ သူတို႔၏ ေခါင္းေဆာင္မ်ားက မိတ္ေဆြရင္း သို႔မဟုတ္ မဟာမိတ္မ်ား ျဖစ္ေနသည့္အခါတြင္ ျဖစ္၏။
တခ်ိဳ႕ကိစၥမ်ားတြင္ နတ္ဘုရားတစ္ပါးက သူတို႔၏ သစၥာရွိမႈကို ေျပာင္းကာ တျခားအထြတ္အထိပ္ နတ္ဘုရားတစ္ပါးထံ ခစားဖို႔ ေ႐ြးခ်ယ္တတ္ၾကသည္။ ထိုအေျခအေနက ရွားပါးလြန္းေသာ္လည္း မေတြ႕ရွိရျခင္းေတာ့ မဟုတ္ေပ။ သို႔ေသာ္လည္း ထိုအရာက အထြတ္အထိပ္ နတ္ဘုရားႏွစ္ပါးၾကား စစ္ပြဲကို ျဖစ္ပြားသြားေစႏိုင္သည္။
နတ္ဘုရားတစ္ပါးက ယုံၾကည္မႈစြမ္းအားအတြက္ အားေကာင္းေသာ အရင္းအျမစ္ ျဖစ္ေပသည္။ အထြတ္အထိပ္ နတ္ဘုရားမ်ားက သူတို႔ကို ခစားေနသည့္လူကို တျခားသူဆီ မည္သို႔ ေပးႏိုင္မည္နည္း။ အထူးသျဖင့္ ထိုနတ္ဘုရားမ်ားက သူတို႔ဘာသာသူတို႔ ကိုးကြယ္ယုံၾကည္မႈမ်ား ရွိထားသည့္ ေလဟာနယ္ နတ္ဘုရားအဆင့္ဆိုလွ်င္ ပိုဆိုးေပသည္။ သူတို႔အတြက္ အရႈံးအႀကီးႀကီး ျဖစ္လာလိမ့္မည္။
တစ္ပတ္ၾကာျမင့္ၿပီးသည့္ေနာက္တြင္ တျခားနယ္ေျမမွ နတ္ဘုရားအမ်ားစုက အရိပ္အား လာေတြ႕ကာ ဂုဏ္ျပဳေပးၾကသည္။ အေၾကာင္းမွာ အထြတ္အထိပ္ နတ္ဘုရားအသီးသီးၾကားမွ တင္းၾကပ္သည့္ ဆက္ဆံေရးမ်ားေၾကာင့္ တျခားလူ၏ နယ္ေျမအတြင္း ဝင္ဖို႔အတြက္ သင့္ေတာ္သည့္ ေလာကဝတ္မ်ား သို႔မဟုတ္ စာ႐ြက္စာတမ္းမ်ားစြာ လိုအပ္ေပသည္။
အထြတ္အထိပ္နတ္ဘုရားက သူ႔နယ္ေျမအတြင္း တျခားနတ္ဘုရားမ်ား ဝင္လာၿပီဆိုလွ်င္လည္း သိၾကေလသည္။ ဤသည္က သူတို႔နယ္ေျမအတြင္း ဝင္ေရာက္ကာ တျခားနတ္ဘုရားမ်ား၏ ယုံၾကည္မႈစြမ္းအားမ်ားကို တိတ္တဆိတ္ မစုေဆာင္းႏိုင္ေစရန္ ျဖစ္၏။
မ်ားျပားလွသည့္ လူဦးေရေၾကာင့္ အရိပ္၏ ေတြ႕ဆုံပြဲအတြက္ တစ္လတာ အခ်ိန္ယူလိုက္ရသည္။ ၾကာေနရသည့္ အေၾကာင္းအရင္းမွာ နတ္ဘုရားအမ်ားစုကို တစ္ခါတည္း ဧည့္ခံဖို႔အတြက္ ခက္ခဲေန၍ ျဖစ္သည္။ ထို႔ေၾကာင့္ သူက သူ႔ပြဲကို ေသးေသးေလးေတြအျဖစ္ ျပန္လည္ခြဲလိုက္ရသည္။
ပြဲစတင္သည့္အခါ အရိပ္က အားလုံးဆီ ေရာက္လာကာ စကားေျပာဆိုခဲ့သည္။ သူက လတ္တေလာ ျပဳလုပ္ထားသည့္ နာမည္ေက်ာ္ ဝမ္းနည္းမႈ ေမ့ေပ်ာက္ ေသရည္ကို ထုတ္တိုက္လိုက္ေသာေၾကာင့္ ဧည့္သည္မ်ားက ေပ်ာ္႐ႊင္သြားၾကသည္။
ထိုအသစ္ဖန္တီးထားသည့္ ျမင့္ျမတ္ေသရည္က အရသာေကာင္းမြန္႐ုံသာမက လူအမ်ားအား သူတို႔၏ စိတ္ထဲမွ လိုအင္ဆႏၵမ်ားအား ယာယီပုံရိပ္ေယာင္အျဖစ္ ေျပာင္းလဲေပးႏိုင္ေလသည္။ ထိုအရာက သူတို႔အား လက္ေတြ႕မွ လြတ္ေျမာက္ကာ ဝမ္းနည္းမႈမ်ားကို ေမ့ေပ်ာက္သြားေစေလသည္။ ထို႔ေၾကာင့္ ထိုနာမည္တြင္ေနျခင္း ျဖစ္၏။
ေသရည္အျပင္ ေတးဂီတမ်ား၊ ကခုန္ျခင္း၊ ျပဇာတ္ႏွင့္ တိုက္ပြဲမ်ားပင္ ပါရွိေလသည္။
အားလုံးက ေပ်ာ္႐ႊင္ေနၾကစဥ္ ေလဟာနယ္ နတ္ဘုရားတစ္ပါးက အားလုံးကို တိတ္တဆိတ္ ေစာင့္ၾကည့္ေနေလသည္။ အထူးသျဖင့္ ခ်ပ္ဝတ္နတ္ဘုရားလ်ဴကို ျဖစ္၏။ သူက ေသရည္ကို ေသာက္လိုက္ရင္း သူ႔မ်က္ဝန္းက အားလုံးကို စစ္ေဆးေနဟန္ေပၚသည္။
လူအခ်င္းခ်င္း၏ စကားဝိုင္းမွ အျပဳအမူ၊ မ်က္ႏွာအေနအထားႏွင့္ အျခားအရာမ်ားလည္း ပါဝင္သည္။ သူက ထိုသို႔လုပ္ေနစဥ္ အရိပ္က သူ႔ဆီ အၿပဳံးေလးျဖင့္ ခ်ဥ္းကပ္လာေလ၏။
" နတ္ဘုရားဟန္ ပြဲကို သေဘာက်ရဲ႕လား" အရိပ္က ေမးလိုက္သည္။
" နတ္ဘုရားလ်ဴ"သူက ေသရည္တစ္ငုံေသာက္ၿပီး ျပန္ေျဖလိုက္သည္ " တကယ္ကို ေသရည္ေကာင္းပဲ။ ဘယ္လိုလုပ္ ဒီလိုအရာမ်ိဳး လုပ္ႏိုင္လဲဆိုတာ သိခ်င္မိသား။ နတ္ဘုရားလ်ဴက တကယ္ကို ပါရမီရွိတာပဲ ျဖစ္ရမယ္"
နတ္ဘုရားဟန္က ၿပဳံးေနေသာ္လည္း သူ႔စိတ္ထဲတြင္ တျခားတစ္ခုကို ေတြးေနေလသည္။
ဒီႏွစ္ေတြတစ္ေလွ်ာက္မွာ နတ္ဘုရားလ်ဴက ေတာ္ေတာ္ေလးကို ေျပာင္းလဲသြားတယ္။ သူ႔ရဲ႕ သေဘာထားက ေျပာင္းလဲသြားၿပီးေတာ့ မိတ္ေဆြေတြေတာင္ ဖြဲ႕ေနတယ္။ ဒီတစ္ခ်က္ထဲက သူ႔ကို သံသယရွိဖို႔ လုံေလာက္ေနၿပီ။ အထူးသျဖင့္ လက္ရွိအေျခအေနမ်ိဳးမွာ ၿပီးေတာ့ ဝမ္းနည္းမႈေမ့ေပ်ာက္ ေသရည္လိုမ်ိဳးေပါ့။
ဒီလိုမ်ိဳး နတ္ဘုရားတစ္ပါး လုပ္ထားတဲ့ ေသရည္က သူ႔ဘဝတစ္ေလွ်ာက္လုံး ေသရည္ကို ေလ့လာေနတဲ့ ေသရည္နတ္ဘုရားထက္ေတာင္ ေကာင္းေနတယ္ဆိုတာ ဘယ္လိုလုပ္ျဖစ္ႏိုင္မွာလဲ။ ဒါက ယုတၱိမရွိဘူး
နတ္ဘုရားလ်ဴက ျပင္ပအကူအညီသာ မရွိႏိုင္သေ႐ြ႕ေပါ့။ နမူနာအေနနဲ႔ဆိုရင္ ငါတို႔ကမာၻကို က်ဴးေက်ာ္လာတဲ့ အျပင္လူေတြပဲ။
" ဒါက ပါရမီနဲ႔ ဘာမွမဆိုင္ပါဘူး။ ကံေကာင္းလို႔ ျဖစ္သြားတာပါ။ ခင္ဗ်ားလည္း သိတဲ့အတိုင္း က်ဳပ္အျပင္လူေတြနဲ႔ တိုက္ပြဲရႈံးနိမ့္ၿပီးတဲ့ေနာက္မွာ က်ဳပ္ နာက်င္မႈေတြကို ေမ့ေပ်ာက္ခ်င္ေတာ့ ေသရည္ေသာက္ခ်င္တယ္။
ဒါေပမဲ့ ကံဆိုးတာက ေသရည္နတ္ဘုရားရဲ႕ ေသရည္က အရမ္းကို ေဈးႀကီးလြန္းၿပီးေတာ့ က်ဳပ္ အလိုဆႏၵကို မျဖည့္စည္းေပးႏိုင္ဘူး။ အဲဒါေၾကာင့္ က်ဳပ္ဘာသာက်ဳပ္ လုပ္ၾကည့္ဖို႔ ျပင္ခဲ့တာ။ ၾကည့္ရတာ ကံေကာင္းသြားတယ္ ထင္ပါတယ္"
အရိပ္က သူ႔မ်က္ႏွာအထက္ ျပန္လည္ေတြးဆဆ အမူအရာျဖင့္ ေျပာလိုက္သည္။
ဒီေန႔ အထြတ္အထိပ္ နတ္ဘုရားေတြက ငါ့ကို သံသယရွိေနၿပီလား။
အရိပ္က ေတြးလိုက္မိသည္။ သို႔ေသာ္လည္း အစီအစဥ္မ်ားက အသက္ဝင္ေနၿပီျဖစ္၍ ကိစၥမရွိေတာ့ေပ။
" ခင္ဗ်ားဘာသာ အျပစ္တင္ဖို႔ မလိုပါဘူး။ က်ဳပ္တို႔ၾကားမွာ က်ရႈံးမႈကို မခံစားဖူးတဲ့သူက ဘယ္သူရွိမွာလဲ။ အေရးအႀကီးဆုံးက ျပန္လည္ထႏိုင္လာဖို႔ပဲ"
ၾကမၼာနတ္ဘုရားမကမ်ား မွားေနတာလား။ ဒီနတ္ဘုရားနဲ႔ပတ္သက္ၿပီး ဘာမွမွားယြင္းေနတာ မရွိဘူး။ မျဖစ္ေသးဘူး မျဖစ္ေသးဘူး။ ငါ နတ္ဘုရားမစကားကို သံသယ မျဖစ္သင့္ဘူး။ ငါ့အလုပ္က ေျပာတဲ့အတိုင္း လုပ္ဖို႔ပဲ။ အခု ဆက္လက္ေစာင့္ၾကည့္တာပဲ ေကာင္းမယ္။
သူတို႔ ေခတၱမွ် ဆက္လက္စကားေျပာၿပီးသည့္ေနာက္တြင္ အရိပ္က တျခားသူမ်ားထံ သြား၍ေျပာလိုက္သည္။ ထိုစဥ္ နတ္ဘုရားဟန္က အားလုံးကို ဆက္လက္ေစာင့္ၾကည့္ေနသည္။ ကံဆိုးစြာျဖင့္ ပြဲၿပီးဆုံးသြားသည့္ေနာက္တြင္ပင္ သူက ဘာမွမေတြ႕လိုက္ရေပ။
ထို႔ေၾကာင့္ သူက ပြဲမွထြက္လာၿပီးသည့္ေနာက္တြင္ ၾကမၼာနယ္ေျမရွိ သူ႔ေခါင္းေဆာင္ထံ သတင္းသြားပို႔ခဲ့သည္။
အျဖစ္အပ်က္ကို ၾကားၿပီးသည့္ေနာက္တြင္ ၾကမၼာနတ္ဘုရားမက မ်က္ေမွာင္ၾကဳတ္ကာ စဥ္းစားလိုက္သည္။ သူမက အားေကာင္းသည့္ ဝိညာဥ္ျဖင့္ နတ္ဘုရားဟန္၏ ခႏၶာကိုယ္ကို စစ္ေဆးၾကည့္လိုက္ေသာ္လည္း ဘာမွမေတြ႕ရေပ။ ထို႔ေၾကာင့္ သူ႔အား ျပန္လႊတ္လိုက္၏။
ၾကမၼာနတ္ဘုရားမက ေျပာလိုက္သည္ " ရွင္တို႔ေတြေရာ ဘယ္လိုထင္တုန္း။ တစ္ခုခုမ်ားေတြ႕ခဲ့ေသးလား"
" မေတြ႕ဘူး" ရွင္သန္ျခင္း နတ္ဘုရားမက ေျပာလိုက္သည္ " တျခားအထြတ္အထိပ္ နတ္ဘုရားေတြအကုန္လုံးကလည္း အကုန္စစ္ေဆးၿပီးသြားၿပီ။ ဘာမွမူမမွန္တာ မသိရဘူး"
" ဒီလူေတြရဲ႕ နည္းလမ္းနဲ႔ဆိုရင္ တစ္ခုခုရွာေတြ႕ေနတာမွ ထူးဆန္းေနဦးမယ္" ၾကမၼာနတ္ဘုရားမက ခဏရပ္လိုက္ကာ " ငါ နတ္ဘုရားလ်ဴကို ဖမ္းၿပီးေတာ့ စစ္ေဆးၾကည့္ရမယ္"
" မီးနတ္ဘုရားက ဒါကို ခြင့္ျပဳမွာ မဟုတ္ဘူးဆိုတာကို သိတယ္မလား"
" ကိစၥမရွိဘူး။ သူ တကယ္လို႔ ငါ့လမ္းမွာ ဝင္ရႈပ္တယ္ဆိုရင္ သူ႔ကိုပါ သတ္ပစ္မယ္" ၾကမၼာနတ္ဘုရားမက တည္ၿငိမ္စြာ ေျပာလိုက္သည္။
" အရာအားလုံး အဆင္ေျပရဲ႕လား" ရွင္သန္ျခင္း နတ္ဘုရားမက ေမးလိုက္သည္။
" ငါ့အခ်ိန္က ျဖည္းျဖည္းခ်င္း ခ်ဥ္းကပ္လာၿပီလို႔ ခံစားလာရတယ္။ တကယ္လို႔ ငါ ဘာမွမလုပ္ဘူးဆိုရင္ ဒီကပ္ေဘးအတြင္းမွာ ေသဆုံးရမဲ့သူက ငါ ျဖစ္သြားလိမ့္မယ္။ အခုက သတိထားဖို႔အခ်ိန္ပဲ"
ထိုသို႔ေျပာၿပီးသည့္ေနာက္တြင္ သူမက ေလဟာနယ္ၿဖိဳခြင္းကာ မီးနတ္ဘုရား နယ္ေျမဆီ ဦးတည္လိုက္သည္။ သူမ ေရာက္ရွိသည္ႏွင့္ မီးနတ္ဘုရားက သူမ၏ တည္ရွိမႈအား ခံစားမိကာ ေပၚထြက္လာသည္။
" ၾကမၼာနတ္ဘုရားမ က်ဳပ္နယ္ေျမထဲ ဘာလာလုပ္တာလဲ"
" နတ္ဘုရားလ်ဴကို လႊဲေပး"
" မျဖစ္ႏိုင္ဘူး။ သူ က်ဳပ္တို႔ကို သစၥာေဖာက္တယ္ဆိုၿပီးေတာ့ သက္ေသလည္း မရွိဘဲနဲ႔။ အဲဒီမတိုင္ခင္ သူက က်ဳပ္ကာကြယ္မႈေအာက္မွာ ရွိတယ္"
" မီးနတ္ဘုရား ကြၽန္မက ရွင့္လူေတြကို ကာကြယ္ေပးပုံကို ေလးစားခဲ့ေပမဲ့ ဒီတစ္ခါက ရွင့္ခြင့္ျပဳခ်က္ကို ေတာင္းဖို႔လာခဲ့တာ မဟုတ္ဘူး"
ၾကမၼာနတ္ဘုရားမ၏ လက္ထဲတြင္ အနီေရာင္ဓားတစ္ေခ်ာင္း ေပၚထြက္လာကာ ၾကမၼာစြမ္းအားျဖင့္ တလက္လက္ ေတာက္ပေနေလသည္။ သူက မီးနတ္ဘုရားအား သတ္ျဖတ္ေငြ႕အျပည့္ျဖင့္ ၾကည့္လိုက္သည္။
" ေဘးဖယ္ရင္ဖယ္ မဖယ္ဘူးဆိုရင္ ကြၽန္မ အတင္းအၾကပ္ လုပ္ရလိမ့္မယ္"
မီးနတ္ဘုရားက ထိုအရာကို ၾကားၿပီး ရႈံ႕မဲ့သြားကာ ေအာ္ေျပာလိုက္သည္ " ခင္ဗ်ားက ျမင့္ျမတ္ဟန္ခ်က္ သေဘာတူညီမႈကို ေဖာက္ဖ်က္ဖို႔ လုပ္ေနတာလား"
သူမက ထိုအရာကို ၾကားၿပီး ႏွာေခါင္းရႈံ႕လိုက္သည္ " ဒီသေဘာတူညီမႈက နတ္ဘုရားေတြၾကားမွာ ေသဆုံးမႈကို ကာကြယ္ဖို႔အတြက္ ကြၽန္မအဆိုျပဳခဲ့တာပါ။ ဒါေပမဲ့ ႏွစ္ေတြတစ္ေလွ်ာက္လုံးမွာ ရွင္တို႔ေတြက ဒီသေဘာတူညီခ်က္ကို လ်စ္လ်ဴရႈၿပီးေတာ့ အခ်င္းခ်င္း တိုက္ခိုက္ေနခဲ့ၾကတယ္။ ရွင္ မိုးႀကိဳးနတ္ဘုရားနဲ႔တိုက္ခိုက္ခဲ့တုန္းကလည္း ဒီသေဘာတူညီမႈကို ခ်ိဳးေဖာက္ၿပီးသားပဲ။"
သူမက လက္ကို ေျမာက္လိုက္ၿပီး သူ႔အားစိုက္ၾကည့္ကာ " ေဘးဖယ္မွာလား။ မဖယ္ဘူးလား"
" မင္း"
မီးနတ္ဘုရားက ေဒါသထြက္လာေသာ္လည္း တစ္ဖက္လူအား အမွတ္ရသြားေလသည္။ ဤသည္က ၾကမၼာနတ္ဘုရားမ ျဖစ္၏။ သူမက ေအးခ်မ္းသည့္ သဘာဝေၾကာင့္ လူသိမ်ားေသာ္လည္း အထြတ္အထိပ္ နတ္ဘုရားမ်ားက သူမ မည္မွ်အားေကာင္းေၾကာင္း သိထားၾကသည္။
သူမက အားအေကာင္းဆုံး နတ္ဘုရားအျဖစ္ ဂုဏ္ပုဒ္ကို မကိုင္ေဆာင္ထားသည့္ အေၾကာင္းအရင္းမွာ ေသျခင္းတရား နတ္ဘုရားတြင္ သူ႔စည္းမ်ဥ္းကို ခ်ပ္ဝတ္အျဖစ္ ေျပာင္းလဲႏိုင္သည့္ ထူးဆန္းသည့္ လွ်ိဳ႕ဝွက္နည္းစနစ္တစ္ခု ရွိေန၍ ျဖစ္ၿပီး ဖ်က္ဆီးျခင္း နတ္ဘုရားတြင္လည္း သူ႔စြမ္းအားကို သိသိသာသာ ျမႇင့္တင္ေပးႏိုင္မည့္ ထူးဆန္းသည့္ လက္နက္တစ္ခု ရွိေနေလသည္။
မီးနတ္ဘုရားက ထိုအရာမ်ားကို သိထားေသာ္လည္း ေနာက္ဆုတ္ဖို႔ ျငင္းဆန္ေနသည္။ သူ႔မာနက ခြင့္မျပဳေပ။ ထို႔ေၾကာင့္ သူက ၾကမၼာနတ္ဘုရားမႏွင့္ တိုက္ခိုက္လိုက္သည္။
..............
ထိုစဥ္ မီးနယ္ေျမအတြင္း အရိပ္က သူ႔ေက်ာင္းေဆာင္အတြင္း ရွိေနၿပီး သူ႔ေရွ႕တြင္ ပုံရိပ္မ်ားစြာ ရွိေနေလသည္။ ထိုပုံရိပ္မ်ားက တျခားနယ္ေျမမ်ား၏ အေျခအေနမ်ားကို ျပသေနေလ၏။ အတိအက်ေျပာရလွ်င္ ပြဲကို တက္ေရာက္ထားသည့္ လူမ်ား၏ အျမင္မွ ျဖစ္ေလသည္။