ကံကြမ္မာဖျက်ဆီးခြင်း ဧကရာဇ်၏ ခရီးလမ်း စာစဉ် (၁၉)
မူရင်းရေးသားသူ - lazySageDao
ဘာသာပြန်သူ - Fortuna(ကြည်ဖြူ) (ရိုးရာ)
အခန်း (၂၆၀) : အစစ်အမှန် အုပ်ချုပ်သူများ
တာအိုအခွင့်အလမ်းဂိုဏ်း၊ စမ်းသပ်ချက် တောင်ထိပ်...
တောင်ထိပ်ပေါ်တွင် ဂိုဏ်း၏ အကြီးအကဲတစ်ယောက်က ရွှေရောင်အလင်းကို ကိုင်ထားရင်း ရပ်နေသည်။ သူ့အပြုအမူကို စောင့်ကြည့်နေသည့် အကြည့်များစွာကို ခံစားမိသော်လည်း သူက ဂရုမစိုက်ပေ။ ထို့နောက် သူက အသက်ပြင်းပြင်း ရှူလိုက်ပြီးနောက် ထိုရွှေရောင်ကုသိုလ်ကို စုပ်ယူလိုက်၏။
ထိုအခါ သူ့ခန္ဓာကိုယ်မှ စွမ်းအားပြင်း အရှိန်အဝါတစ်ခု ထွက်ပေါ်လာသည်။ ထိုအရှိန်အဝါက သူတော်စင်အဆင့် ကျင့်ကြံသူတစ်ယောက်၏ အရှိန်အဝါ ဖြစ်၏။ ပို၍အရေးကြီးသည်က သူ့အရှိန်အဝါက ဆက်တိုက် တိုးပွားလာသည်။ ကံကောင်းစွာဖြင့် တောင်ပေါ်ရှိ အစီအရင်များက သူ့အရှိန်အဝါကို ဂိုဏ်းရှိ တခြားတပည့်များအပေါ် သက်ရောက်မှု မရှိအောင် ကာကွယ်ပေးထားသည်။
သိပ်မကြာခင် ထိုသူတော်စင်အဆင့် ကျင့်ကြံသူရှိနေသည့် ပတ်လည်အတွင်း မိုးမြေစည်းမျဉ်းများက သူ့ထိန်းချုပ်မှုအောက်သို့ ရောက်သွားသည်။ အတိအကျဆိုရလျှင် မီးဓာတ်စည်းမျဉ်း ဖြစ်၏။ ထိုနေရာလေးအတွင်း သူက မိုးမြေကြားရှိ မီးထိန်းချုပ်မှုနှင့် ပတ်သက်လာသည့်အခါ အကြွင်းမဲ့ ချုပ်ကိုင်သူ ဖြစ်လာသည်။ ဤသည်က သူ၏ ပိုင်နက် ဖြစ်၏။
သူ့ပိုင်နက် ထွက်ပေါ်လာပြီးသည့်နောက် ထူးထူးဆန်းဆန်း စတင်ပြောင်းလဲမှု ဖြစ်ပေါ်လာသည်။ ထိုအရာက ပုံသဏ္ဌာန်တစ်ခုအဖြစ် စတင် ပြောင်းလဲသွားပြီး တဖြည်းဖြည်းချင်း ရုပ်လုံးကြွလာသည်။ ထိုအရာက အထွတ်အထိပ်အဆင့် ကျင့်ကြံသူတစ်ယောက်၏ ဓမ္မခန္ဓာ ဖြစ်သည်။
ဓမ္မခန္ဓာ ဖြည်းဖြည်းချင်း ထွက်ပေါ်လာသောကြောင့် စည်းမျဉ်းများစွာက သူ့စိတ်ထဲ ဝင်ရောက်သွားကာ သူက ဉာဏ်အလင်းပွင့်အခြေအနေသို့ ကျရောက်သွားသည်။ အချိန်ကုန်လွန်သွားသည့်အခါ ဓမ္မခန္ဓာက မျက်နှာမှလွဲ၍ ဖြည်းဖြည်းချင်း ပုံပေါ်လာသည်။
ထိုအကြီးအကဲက မျက်နှာ မဖြစ်ပေါ်ခင် စမ်းသပ်ချက်တစ်ခုကို အောင်မြင်ဖို့ လိုလေသည်။ ထိုစမ်းသပ်ချက်တွင် သူ့ကိုယ်ပိုင်တာအို ပါဝင်နေသည်။
သိပ်မကြာခင် ဓမ္မခန္ဓာ၏ မျက်နှာ ထွက်ပေါ်လာသည်။ သို့သော် ထိုအကြီးအကဲ၏ မျက်နှာ မဟုတ်ဘဲ ဧကရာဇ်ချီယွမ်၏ မျက်နှာ ဖြစ်နေသည်။ ဆိုလိုသည်မှာ ထိုအကြီးအကဲက မူလလမ်းစဉ်ကျမ်းကို ကျင့်ကြံနေသည်။
ထိုအရာကို မြင်ပြီးနောက် အကြီးအကဲက စိတ်ပျက်လက်ပျက် သက်ပြင်းချလိုက်သည်။ သူက ဤရလဒ် ဖြစ်နိုင်ခြေ များမှန်း သိထားပြီးသား ဖြစ်သော်လည်း ရွှေရောင်ကုသိုလ်က ကူညီပေးလိမ့်မလားဟု မျှော်လင့်နေခဲ့မိသေးသည်။
အထွတ်အထိပ် နယ်ပယ်အဆင့်တွင် အဆင့် ၃ခု ပြန်လည်ခွဲခြားထားသည်။ သူတို့ ကျင့်စဉ်အပေါ် မူတည်၍ အဆင့်ချိုးဖောက်ကြသူများသည် သူတို့၏ ဘိုးဘေးလမ်းစဉ်ကိုသာလိုက်၍ သူတို့၏ အနာဂတ်က မျှော်လင့်ချက် နည်းပါးလာသဖြင့် အောက်ဆုံးအခြေအနေတွင် တည်ရှိသည်။
ဒုတိယအဆင့်မှာ လူအများက သူတို့၏ ကိုယ်ပိုင်တာအို သို့မဟုတ် သူတို့၏ ကိုယ်ပိုင်လမ်းစဉ်အပေါ် အနည်းငယ် နားလည်ထားသူများ ဖြစ်ကြသည်။ ထိုအဆင့်က သူတို့၏ ကျင့်စဉ်ကို သူတို့နှင့် အသင့်တော်ဆုံးဖြစ်အောင် မွမ်းမံပြုပြင်နိုင်ကြသည်။ ထိုအဆင့်ကို အသင်္ချေအင်ပါယာကမ္ဘာ၏ အဓိကအဖြစ် သတ်မှတ်ထားကြပြီး ပါရမီရှိသူ အများစုက ထိုအဆင့်တွင် ရှိကြသည်။
မည်သို့ပင်ဆိုစေကာမူ ထိုအဆင့်နှစ်ခုလုံး၏ ဓမ္မခန္ဓာများက သူတို့ကျင့်ကြံထားသည့် ကျင့်စဉ်ကို ဖန်တီးထားသည့်လူများသာ ဖြစ်ကြသည်။
နောက်ဆုံးအဆင့်အနေနှင့်မူ သူတို့ကိုယ်ပိုင်တာအို၊ ကိုယ်ပိုင်လမ်းစဉ် ရှိကြသည့် ထူးကဲသော ပါရမီရှင်များ ဖြစ်ကြသည်။ ထိုအဆင့်ရှိ လူများအားလုံးက သူတို့၏ ကျင့်စဉ်ကို အထွတ်အထိပ်နယ်ပယ်အဆင့် မရောက်ခင်ကတည်းက သူတို့နှင့် သင့်တော်သည့် ကျင့်စဉ်ကို ပြီးပြည့်စုံစွာ ဖန်တီးထားနိုင်သူများ ဖြစ်ကြသည်။ ထို့ကြောင့် သူတို့၏ ဓမ္မခန္ဓာများက သူတို့၏ မျက်နှာနှင့် ခန္ဓာကိုယ်သာ ဖြစ်ကြသည်။
သူတို့က ကောင်းကင်အလိုဆန္ဒကို ခံယူနိုင်သည့်သူများဖြစ်ကြပြီး တာအိုကို သက်သေပြနိုင်ကြသည်။ ထို့အပြင် ထိုအဆင့်ရှိလူများက တာအိုကို သက်သေ မပြနိုင်ခဲ့လျှင်ပင် ပါရမီရှိသူ တချို့က ဧကရာဇ်တစ်ပိုင်းဟူသော ကျင့်ကြံဆင့်ကို ဝင်ရောက်နိုင်ကြသေးသည်။
နာမည်အတိုင်း ထိုအစစ်အမှန် အုပ်ချုပ်သူများက မဟာဧကရာဇ်တစ်ယောက်၏ အရည်အသွေးတချို့ ပိုင်ဆိုင်ထားသောကြောင့် အလွန်အင်မတန် အားကောင်းကြသည်။ သူတို့၏ သက်တမ်းကလည်း အတော်လေး မြင့်မားသွားသည်။ သို့သော် အဆုံးသတ်၌ သူတို့က သေမျိုးများသာ ဖြစ်နေသေး၍ တစ်ရက်ရက်တွင် သေဆုံး ရမည်သာ ဖြစ်သည်။
..............
စမ်းသပ်ချက်တောင်ထိပ်၌
ဧကရာဇ်ချီယွမ်၏ မျက်နှာဖြစ်ပေါ်လာပြီးနောက် ထိုအကြီးအကဲအနားရှိ အရှိန်အဝါများက သူတော်စင်အဆင့်မှ အထွတ်အထိပ် နယ်ပယ်အဆင့်သို့ ပြောင်းလဲသွားသည်။ နောက်ဆုံး၌ ကောင်းကင်တွင် တိမ်တိုက်တစ်ခုပေါ်လာကာ ကောင်းကင်စမ်းသပ်ချက် ကျရောက်လာသည်။ သို့သော်လည်း ထိုအရာက မဆင်းသက်လာနိုင်ခင် အကြီးအကဲ၏ ခန္ဓာကိုယ်မှ ရွှေရောင်အလင်းတန်းများ ထွက်သွားကာ ကောင်းကင်ရှိ တိမ်တိုက်များက လွင့်ပြယ်သွားစေသည်။
ဤသည်မှာ ရွှေရောင်ကုသိုလ်၏ စွမ်းအား ဖြစ်၏။ မှန်ကန်သင့်တော်သည့် ပမာဏဖြင့် သူတော်စင်အဆင့်ကို အထွတ်အထိပ်နယ်ပယ်အဆင့် ပြောင်းလဲနိုင်ရုံသာမက ကောင်းကင်စမ်းသပ်ချက်ပင် ပြဿနာ မဟုတ်တော့ပေ။
ထို့နောက် ဓမ္မခန္ဓာက အကြီးအကဲ၏ ခန္ဓာကိုယ်အတွင်း ဝင်ရောက်သွားကာ သူ့ ခန္ဓာကိုယ်က ဖြည်းဖြည်းချင်း စတင်ပြောင်းလဲလာသည်။ ထိုဖြစ်စဉ်အတွင်း တာအိုအခွင့်အလမ်းဂိုဏ်းရှိ ပိုင်နက်ဝန်းကျင်အတွင်း အမြင်အာရုံများစွာ ဖြစ်တည်လာသည်။
ကောင်းကင်၌ ရွှေရောင်ကြာပန်းများ ပွင့်လန်းလာသလို ကောင်းကင်သံစဉ်လည်း ထွက်ပေါ်လာသည်။ ထို့နောက် ကောင်းကင်မိန်းမပျိုများက ကခုန်ရင်း ပညာရှိများက သံပြိုင်ရွတ်ဖတ်နေကြသည်။
လူများစွာက အပြောင်းအလဲများကို သတိထားမိကာ စတင်၍ လေ့လာစူးစမ်းလာကြသည်။
အမြင်အာရုံက ထိုအထွတ်အထိပ် အကြီးအကဲအသစ် ကူးပြောင်းမှု မပြီးဆုံးမချင်း နာရီအနည်းငယ် ကြာမြင့်ခဲ့သည်။
သူက သက်ပြင်းချလိုက်သည်။ ထို့နောက် သူက လက်ဝှေ့လိုက်သည့်အခါ သူ့ရှေ့တွင် မီးဓာတ်စည်းမျဉ်း ဖြစ်ပေါ်လာသည်။ ထိုစွမ်းအားက ယခင်ထက်အားကောင်းနေသော်လည်း သူက ကွဲပြားမှုကို ပြောနိုင်နေသည်။ ထိုအရာထဲတွင် မူလစွမ်းအား ပါရှိနေ၏။
ထိုအထွတ်အထိပ် အကြီးအကဲအသစ်က သူသည် အထွတ်အထိပ်အဆင့် ပထမအလွှာသို့ ရောက်ရှိသွားကြောင်း သိလိုက်သည်။ ထို့ကြောင့် မူလလမ်းစဉ်ကျမ်း၏ သက်ရောက်မှု ခံရသောကြောင့် သူ့ စည်းမျဉ်းများက အခြေခံအားဖြင့် ပြောင်းလဲသွားလေသည်။
မူလတာအိုက သူ ယခင်ကျင့်ကြံသည့် ဓာတ်ငါးပါးထက် အလွန်အားကောင်းသည်ဟု ထင်ကြမည် ဖြစ်သော်လည်း သူ့အနေနှင့် မပျော်ရွှင်နိုင်ပေ။ ထိုတာအိုက သူ့အပိုင် မဟုတ်သည့်အတွက် ထိုစွမ်းအား အစစ်အမှန်၏ ဆယ်ပုံတစ်ပုံပင် မထိန်းချုပ်နိုင်ပေ။
အထွတ်အထိပ် အကြီးအကဲအသစ်က ထိုအရာသည် သူ့အတွက် အကောင်းဆုံးရလဒ်မှန်း သိထားသောကြောင့် အကြာကြီး စိတ်ပျက်နေခြင်း မရှိပေ။ သူ့ပါရမီက အလွန်ကို နိမ့်ကျပြီး သူတော်စင်အဆင့်သို့ ရောက်ရှိခဲ့သည်မှာလည်း ကံအပြောင်းအလဲ အခွင့်အရေးတစ်ခုကြောင့်သာ ဖြစ်၏။
အထွတ်အထိပ် နယ်ပယ်အဆင့်သို့ ဝင်ရောက်နိုင်သည့် အကြောင်းအရင်းမှာလည်း ဂိုဏ်းက အန္တရာယ်များသည့် စမ်းသပ်ချက်တစ်ခု လုပ်စေချင်ပြီး သူက တုံ့ဆိုင်းခြင်းမရှိ နေရာဝင်ယူခဲ့၍ ဖြစ်သည်။ ထို့ကြောင့် သူက အထွတ်အထိပ်အဆင့်တွင် ရှိနေသရွေ့ အနိမ့်ဆုံး ဖြစ်နေလျှင်ပင် ကိစ္စမရှိပေ။
..........
ထျန်းဝေတောင်ထိပ်
မဟာအကြီးအကဲများနှင့် အကြီးအကဲအားလုံးက အစီအရင်မှတဆင့် စောင့်ကြည့်နေကြသည်။
" ကုသိုလ်ကို သုံးလိုက်တာက အထွတ်အထိပ် နယ်ပယ်အဆင့်ကို အတင်းအကြပ် တက်လှမ်းနိုင်စေတာလား ... ငါတို့ အထွတ်အထိပ် လမ်းစဉ်က ဖြတ်တောက်ခံထားရတာတောင်လေ"
" ဒါပေမဲ့ သူက အဲလိုလုပ်လို့ ဘာကုသိုလ်မှတော့ မရလိုက်ဘူး"
" သူက သူ့ဘာသာသူ လုပ်တာ မဟုတ်ဘူးလေ။ အဲဒါကြောင့် ကောင်းကင်တာအိုက သူ့ကို ဆုလာဘ်ပေးမှာ မဟုတ်ဘူး"
" ဒါပေမဲ့ ကိစ္စမရှိဘူး" မဟာအကြီးအကဲ ယန်းမိန်က ပြောလိုက်သည် " တကယ်တမ်း အရေးကြီးတာက ဒီနည်းလမ်းက အထွတ်အထိပ်လမ်းစဉ်ကို ဖွင့်နိုင်ပြီး ငါတို့ စွမ်းရည်နဲ့ အဆင့်တက်နိုင်ခွင့် ပြုလား မပြုဘူးလားဆိုတာကိုပဲ"
ထိုအရာကို ကြားပြီး သူတော်စင်အဆင့် ကျင့်ကြံသူများက မိုးမြေ၏ လျှို့ဝှက်ချက်များကို စတင်တွက်ချက်ကြည့်ကြသည်။ ကံဆိုးစွာဖြင့် သူတို့ရရှိသည့်အဖြေက အဆိုးဘက်သာ ဖြစ်နေသည်။ သူတို့အတွက် ကုသိုလ်ကို မသုံးမချင်း အစစ်အမှန်အုပ်ချုပ်သူများ ဖြစ်လာဖို့ မဖြစ်နိုင်သေးပေ။
" အဲဒါဆိုတော့ ငါတို့ အစီအစဉ် ကျရှုံးသွားတာလား"
" အဲလိုလည်း မဟုတ်ဘူး" ဂိုဏ်းချုပ် ဝမ်ထျန်းက ရုတ်တရက် ပြောလိုက်သည် " အဖေ့ဆီကနေ အထွတ်အထိပ်လမ်းစဉ်က ဖြတ်တောက်ခံထားရသေးတယ် ဆိုပေမဲ့ ပြန်ဖွင့်ဖို့ အချိန်က အတော်လေး လျော့ကျသွားပြီဆိုပြီး သတင်းရလိုက်တယ်"
" အစစ်အမှန် အုပ်ချုပ်သူဖြစ်လာဖို့ အတင်းအကြပ်လုပ်မဲ့ လူအရေအတွက် များလာမယ်ဆိုရင် လမ်းစဉ်က ဖွင့်ဖို့ ပိုမြန်မလာနိုင်ဘူးလား" ယန်းမိန်က မေးလိုက်သည်။
" မှန်တယ်"
" ဒီလိုဆိုရင် ငါတို့လုပ်ရမှာ စောင့်ရုံပဲ။ ငါတို့က ပထမဆုံး လှုပ်ရှားထားတာဆိုတော့ တခြားဧကရာဇ်မျိုးနွယ်တွေကလည်း နောက်ကနေ လိုက်လာကြမှာ အသေအချာပဲ"
" အဟုတ်ပဲ" ဝမ်ထျန်းက ပြောလိုက်သည် "ဒါပေမဲ့ အဲဒီမတိုင်ခင် ငါတို့တွေ ကုသိုလ်နဲ့ ဘယ်သူ အဆင့်တက်ချင်လဲဆိုတာကို ဆုံးဖြတ်ရအောင်"
သို့သော်လည်း အခန်းတွင်းရှိ မည်သူကမှ မလုပ်ချင်ကြပေ။ တာအိုအခွင့်အလမ်းဂိုဏ်း၏ အထက်ပိုင်းများအနေနှင့် အားလုံးက ပါရမီနှင့် ပတ်သက်လာသည့်အခါ ထိပ်ဆုံးထဲမှ ထိပ်ဆုံးသာဖြစ်ကြသည်။ ထို့ကြောင့် မည်သူကမှ သူတို့ အစစ်အမှန် အုပ်ချုပ်သူ ဖြစ်လာဖို့အတွက် အကူအညီ လိုအပ်သည်ဟု မယုံကြည်ကြပေ။
ထို့အပြင် ကုသိုလ်အသုံးပြုခြင်းက ဖြတ်လမ်းတစ်ခုဖြစ်ပြီး ထိုနည်းလမ်းကို အသုံးပြုသူတို့တွင် အလွန်နိမ့်ကျသော အခြေခံအုတ်မြစ်တို့ ရှိကြသည်။ ထို့ကြောင့် ကုသိုလ်ကို အသုံးပြု၍ ကျင့်ကြံဆင့် တက်လှမ်းခြင်းက အဆင်မပြေပေ။ အကောင်းဆုံးအသုံးပြုမှုက ကျင့်ကြံသူအား တာအိုဉာဏ်အလင်းပွင့်ဖို့ ကူညီပေးမည့် နေရာရာ၌သာ ဖြစ်၏။
မည်သူကမှ ဖြတ်လမ်းကို မလုပ်ချင်ကြကြောင်း မြင်သည့်အခါ ဝမ်ထျန်းက တိတ်တဆိတ် ကျေနပ်စွာ ခေါင်းညိတ်လိုက်သည်။ ထို့နောက် သူက ပြောလိုက်၏ "ဒီလိုဆိုရင် ငါတို့ ကုသိုလ်တွေ ခွဲဝေပြီးတဲ့အခါ မင်းတို့တွေ အထွတ်အထိပ် လမ်းစဉ် ပွင့်လာတဲ့အခါထိ သိမ်းထားလိုက်။ ကျန်တဲ့ဟာကိုတော့ တခြားသူတော်စင်တွေက အကျိုးပြုမှတ်နဲ့ လဲလှယ်ပြီး အဆင့်တက်လှမ်းလို့ရတယ်"
အစည်းအဝေးပြီးဆုံးသွားပြီး သိပ်မကြာခင် ကမ္ဘာကြီးက ရုတ်ရုတ်ချည်းချည်း ပြောင်းလဲသွားသည်။
ကုသိုလ် လုံလောက်သည့် ဧကရာဇ်မျိုးနွယ်အများစုရှိ သူတော်စင်များက အထွတ်အထိပ် နယ်ပယ်အဆင့်သို့ စတင်တက်လှမ်းလာကြသည်။ ကုသိုလ် မလုံလောက်သည့်သူများအနေဖြင့် သူတို့က မဟာမိတ်ဖြင့် ပူးပေါင်းခြင်း သို့မဟုတ် တစ်ယောက်နှင့်တစ်ယောက် တိုက်ခိုက်ခြင်း သို့မဟုတ် စာသင်ကျောင်းများအပေါ် အာရုံစိုက်ထားပြီး သေမျိုးများကို စာသင်ပေးခြင်းဖြင့် ကုသိုလ်များ စုဆောင်းကြသည်။
ထို့ကြောင့် နောက်လအနည်းငယ်အတွင်း အသင်္ချေအင်ပါယာကမ္ဘာအထက် ကောင်းကင်တစ်ဝှမ်းတွင် အမြင်အာရုံများစွာကို မြင်တွေ့နိုင်လေသည်။
နောက်ပိုင်းတွင် အားလုံးက ကောင်းကင်ရွေးချယ်ခံ ထိုက်တန်သူ စစ်ဆေးပွဲကို သတိရသွားသည့်အခါမှသာ ငြိမ်ကျသွားလေ၏။ ထိုအခါ သူတို့၏ အာရုံက ဧကရာဇ်ဉာဏ်အလင်းပွင့် ကျောင်းတော်ဆီ ရောက်ရှိလာသည်။
နောက်ဆုံးတွင် သိုသိုသိပ်သိပ်နေဖို့ ကြိုးစားသည့် ကျောင်းတော်က လက်ရှိအခြေအနေကို ပါဝင်ယှဉ်ပြိုင်သူများနှင့် သူတို့နောက်မှ ဂိုဏ်းများအား ထွက်၍ ရှင်းပြရတော့မည် ဖြစ်သည်။ ထို့ကြောင့် ပြိုင်ပွဲ၏ ကြီးကျယ်ခမ်းနားသော ဖွင့်ပွဲကဲ့သို့ ရုပ်သံလွှင့်လိုက်သည်။
**********
ကံၾကမၼာဖ်က္ဆီးျခင္း ဧကရာဇ္၏ ခရီးလမ္း စာစဥ္ (၁၉)
မူရင္းေရးသားသူ - lazySageDao
ဘာသာျပန္သူ - Fortuna(ၾကည္ျဖဴ) (႐ိုးရာ)
အခန္း (၂၆၀) : အစစ္အမွန္ အုပ္ခ်ဳပ္သူမ်ား
တာအိုအခြင့္အလမ္းဂိုဏ္း၊ စမ္းသပ္ခ်က္ ေတာင္ထိပ္...
ေတာင္ထိပ္ေပၚတြင္ ဂိုဏ္း၏ အႀကီးအကဲတစ္ေယာက္က ေ႐ႊေရာင္အလင္းကို ကိုင္ထားရင္း ရပ္ေနသည္။ သူ႔အျပဳအမူကို ေစာင့္ၾကည့္ေနသည့္ အၾကည့္မ်ားစြာကို ခံစားမိေသာ္လည္း သူက ဂ႐ုမစိုက္ေပ။ ထို႔ေနာက္ သူက အသက္ျပင္းျပင္း ရႉလိုက္ၿပီးေနာက္ ထိုေ႐ႊေရာင္ကုသိုလ္ကို စုပ္ယူလိုက္၏။
ထိုအခါ သူ႔ခႏၶာကိုယ္မွ စြမ္းအားျပင္း အရွိန္အဝါတစ္ခု ထြက္ေပၚလာသည္။ ထိုအရွိန္အဝါက သူေတာ္စင္အဆင့္ က်င့္ႀကံသူတစ္ေယာက္၏ အရွိန္အဝါ ျဖစ္၏။ ပို၍အေရးႀကီးသည္က သူ႔အရွိန္အဝါက ဆက္တိုက္ တိုးပြားလာသည္။ ကံေကာင္းစြာျဖင့္ ေတာင္ေပၚရွိ အစီအရင္မ်ားက သူ႔အရွိန္အဝါကို ဂိုဏ္းရွိ တျခားတပည့္မ်ားအေပၚ သက္ေရာက္မႈ မရွိေအာင္ ကာကြယ္ေပးထားသည္။
သိပ္မၾကာခင္ ထိုသူေတာ္စင္အဆင့္ က်င့္ႀကံသူရွိေနသည့္ ပတ္လည္အတြင္း မိုးေျမစည္းမ်ဥ္းမ်ားက သူ႔ထိန္းခ်ဳပ္မႈေအာက္သို႔ ေရာက္သြားသည္။ အတိအက်ဆိုရလွ်င္ မီးဓာတ္စည္းမ်ဥ္း ျဖစ္၏။ ထိုေနရာေလးအတြင္း သူက မိုးေျမၾကားရွိ မီးထိန္းခ်ဳပ္မႈႏွင့္ ပတ္သက္လာသည့္အခါ အႂကြင္းမဲ့ ခ်ဳပ္ကိုင္သူ ျဖစ္လာသည္။ ဤသည္က သူ၏ ပိုင္နက္ ျဖစ္၏။
သူ႔ပိုင္နက္ ထြက္ေပၚလာၿပီးသည့္ေနာက္ ထူးထူးဆန္းဆန္း စတင္ေျပာင္းလဲမႈ ျဖစ္ေပၚလာသည္။ ထိုအရာက ပုံသဏၭာန္တစ္ခုအျဖစ္ စတင္ ေျပာင္းလဲသြားၿပီး တျဖည္းျဖည္းခ်င္း ႐ုပ္လုံးႂကြလာသည္။ ထိုအရာက အထြတ္အထိပ္အဆင့္ က်င့္ႀကံသူတစ္ေယာက္၏ ဓမၼခႏၶာ ျဖစ္သည္။
ဓမၼခႏၶာ ျဖည္းျဖည္းခ်င္း ထြက္ေပၚလာေသာေၾကာင့္ စည္းမ်ဥ္းမ်ားစြာက သူ႔စိတ္ထဲ ဝင္ေရာက္သြားကာ သူက ဉာဏ္အလင္းပြင့္အေျခအေနသို႔ က်ေရာက္သြားသည္။ အခ်ိန္ကုန္လြန္သြားသည့္အခါ ဓမၼခႏၶာက မ်က္ႏွာမွလြဲ၍ ျဖည္းျဖည္းခ်င္း ပုံေပၚလာသည္။
ထိုအႀကီးအကဲက မ်က္ႏွာ မျဖစ္ေပၚခင္ စမ္းသပ္ခ်က္တစ္ခုကို ေအာင္ျမင္ဖို႔ လိုေလသည္။ ထိုစမ္းသပ္ခ်က္တြင္ သူ႔ကိုယ္ပိုင္တာအို ပါဝင္ေနသည္။
သိပ္မၾကာခင္ ဓမၼခႏၶာ၏ မ်က္ႏွာ ထြက္ေပၚလာသည္။ သို႔ေသာ္ ထိုအႀကီးအကဲ၏ မ်က္ႏွာ မဟုတ္ဘဲ ဧကရာဇ္ခ်ီယြမ္၏ မ်က္ႏွာ ျဖစ္ေနသည္။ ဆိုလိုသည္မွာ ထိုအႀကီးအကဲက မူလလမ္းစဥ္က်မ္းကို က်င့္ႀကံေနသည္။
ထိုအရာကို ျမင္ၿပီးေနာက္ အႀကီးအကဲက စိတ္ပ်က္လက္ပ်က္ သက္ျပင္းခ်လိုက္သည္။ သူက ဤရလဒ္ ျဖစ္ႏိုင္ေျခ မ်ားမွန္း သိထားၿပီးသား ျဖစ္ေသာ္လည္း ေ႐ႊေရာင္ကုသိုလ္က ကူညီေပးလိမ့္မလားဟု ေမွ်ာ္လင့္ေနခဲ့မိေသးသည္။
အထြတ္အထိပ္ နယ္ပယ္အဆင့္တြင္ အဆင့္ ၃ခု ျပန္လည္ခြဲျခားထားသည္။ သူတို႔ က်င့္စဥ္အေပၚ မူတည္၍ အဆင့္ခ်ိဳးေဖာက္ၾကသူမ်ားသည္ သူတို႔၏ ဘိုးေဘးလမ္းစဥ္ကိုသာလိုက္၍ သူတို႔၏ အနာဂတ္က ေမွ်ာ္လင့္ခ်က္ နည္းပါးလာသျဖင့္ ေအာက္ဆုံးအေျခအေနတြင္ တည္ရွိသည္။
ဒုတိယအဆင့္မွာ လူအမ်ားက သူတို႔၏ ကိုယ္ပိုင္တာအို သို႔မဟုတ္ သူတို႔၏ ကိုယ္ပိုင္လမ္းစဥ္အေပၚ အနည္းငယ္ နားလည္ထားသူမ်ား ျဖစ္ၾကသည္။ ထိုအဆင့္က သူတို႔၏ က်င့္စဥ္ကို သူတို႔ႏွင့္ အသင့္ေတာ္ဆုံးျဖစ္ေအာင္ မြမ္းမံျပဳျပင္ႏိုင္ၾကသည္။ ထိုအဆင့္ကို အသေခ်ၤအင္ပါယာကမာၻ၏ အဓိကအျဖစ္ သတ္မွတ္ထားၾကၿပီး ပါရမီရွိသူ အမ်ားစုက ထိုအဆင့္တြင္ ရွိၾကသည္။
မည္သို႔ပင္ဆိုေစကာမူ ထိုအဆင့္ႏွစ္ခုလုံး၏ ဓမၼခႏၶာမ်ားက သူတို႔က်င့္ႀကံထားသည့္ က်င့္စဥ္ကို ဖန္တီးထားသည့္လူမ်ားသာ ျဖစ္ၾကသည္။
ေနာက္ဆုံးအဆင့္အေနႏွင့္မူ သူတို႔ကိုယ္ပိုင္တာအို၊ ကိုယ္ပိုင္လမ္းစဥ္ ရွိၾကသည့္ ထူးကဲေသာ ပါရမီရွင္မ်ား ျဖစ္ၾကသည္။ ထိုအဆင့္ရွိ လူမ်ားအားလုံးက သူတို႔၏ က်င့္စဥ္ကို အထြတ္အထိပ္နယ္ပယ္အဆင့္ မေရာက္ခင္ကတည္းက သူတို႔ႏွင့္ သင့္ေတာ္သည့္ က်င့္စဥ္ကို ၿပီးျပည့္စုံစြာ ဖန္တီးထားႏိုင္သူမ်ား ျဖစ္ၾကသည္။ ထို႔ေၾကာင့္ သူတို႔၏ ဓမၼခႏၶာမ်ားက သူတို႔၏ မ်က္ႏွာႏွင့္ ခႏၶာကိုယ္သာ ျဖစ္ၾကသည္။
သူတို႔က ေကာင္းကင္အလိုဆႏၵကို ခံယူႏိုင္သည့္သူမ်ားျဖစ္ၾကၿပီး တာအိုကို သက္ေသျပႏိုင္ၾကသည္။ ထို႔အျပင္ ထိုအဆင့္ရွိလူမ်ားက တာအိုကို သက္ေသ မျပႏိုင္ခဲ့လွ်င္ပင္ ပါရမီရွိသူ တခ်ိဳ႕က ဧကရာဇ္တစ္ပိုင္းဟူေသာ က်င့္ႀကံဆင့္ကို ဝင္ေရာက္ႏိုင္ၾကေသးသည္။
နာမည္အတိုင္း ထိုအစစ္အမွန္ အုပ္ခ်ဳပ္သူမ်ားက မဟာဧကရာဇ္တစ္ေယာက္၏ အရည္အေသြးတခ်ိဳ႕ ပိုင္ဆိုင္ထားေသာေၾကာင့္ အလြန္အင္မတန္ အားေကာင္းၾကသည္။ သူတို႔၏ သက္တမ္းကလည္း အေတာ္ေလး ျမင့္မားသြားသည္။ သို႔ေသာ္ အဆုံးသတ္၌ သူတို႔က ေသမ်ိဳးမ်ားသာ ျဖစ္ေနေသး၍ တစ္ရက္ရက္တြင္ ေသဆုံး ရမည္သာ ျဖစ္သည္။
..............
စမ္းသပ္ခ်က္ေတာင္ထိပ္၌
ဧကရာဇ္ခ်ီယြမ္၏ မ်က္ႏွာျဖစ္ေပၚလာၿပီးေနာက္ ထိုအႀကီးအကဲအနားရွိ အရွိန္အဝါမ်ားက သူေတာ္စင္အဆင့္မွ အထြတ္အထိပ္ နယ္ပယ္အဆင့္သို႔ ေျပာင္းလဲသြားသည္။ ေနာက္ဆုံး၌ ေကာင္းကင္တြင္ တိမ္တိုက္တစ္ခုေပၚလာကာ ေကာင္းကင္စမ္းသပ္ခ်က္ က်ေရာက္လာသည္။ သို႔ေသာ္လည္း ထိုအရာက မဆင္းသက္လာႏိုင္ခင္ အႀကီးအကဲ၏ ခႏၶာကိုယ္မွ ေ႐ႊေရာင္အလင္းတန္းမ်ား ထြက္သြားကာ ေကာင္းကင္ရွိ တိမ္တိုက္မ်ားက လြင့္ျပယ္သြားေစသည္။
ဤသည္မွာ ေ႐ႊေရာင္ကုသိုလ္၏ စြမ္းအား ျဖစ္၏။ မွန္ကန္သင့္ေတာ္သည့္ ပမာဏျဖင့္ သူေတာ္စင္အဆင့္ကို အထြတ္အထိပ္နယ္ပယ္အဆင့္ ေျပာင္းလဲႏိုင္႐ုံသာမက ေကာင္းကင္စမ္းသပ္ခ်က္ပင္ ျပႆနာ မဟုတ္ေတာ့ေပ။
ထို႔ေနာက္ ဓမၼခႏၶာက အႀကီးအကဲ၏ ခႏၶာကိုယ္အတြင္း ဝင္ေရာက္သြားကာ သူ႔ ခႏၶာကိုယ္က ျဖည္းျဖည္းခ်င္း စတင္ေျပာင္းလဲလာသည္။ ထိုျဖစ္စဥ္အတြင္း တာအိုအခြင့္အလမ္းဂိုဏ္းရွိ ပိုင္နက္ဝန္းက်င္အတြင္း အျမင္အာ႐ုံမ်ားစြာ ျဖစ္တည္လာသည္။
ေကာင္းကင္၌ ေ႐ႊေရာင္ၾကာပန္းမ်ား ပြင့္လန္းလာသလို ေကာင္းကင္သံစဥ္လည္း ထြက္ေပၚလာသည္။ ထို႔ေနာက္ ေကာင္းကင္မိန္းမပ်ိဳမ်ားက ကခုန္ရင္း ပညာရွိမ်ားက သံၿပိဳင္႐ြတ္ဖတ္ေနၾကသည္။
လူမ်ားစြာက အေျပာင္းအလဲမ်ားကို သတိထားမိကာ စတင္၍ ေလ့လာစူးစမ္းလာၾကသည္။
အျမင္အာ႐ုံက ထိုအထြတ္အထိပ္ အႀကီးအကဲအသစ္ ကူးေျပာင္းမႈ မၿပီးဆုံးမခ်င္း နာရီအနည္းငယ္ ၾကာျမင့္ခဲ့သည္။
သူက သက္ျပင္းခ်လိုက္သည္။ ထို႔ေနာက္ သူက လက္ေဝွ႔လိုက္သည့္အခါ သူ႔ေရွ႕တြင္ မီးဓာတ္စည္းမ်ဥ္း ျဖစ္ေပၚလာသည္။ ထိုစြမ္းအားက ယခင္ထက္အားေကာင္းေနေသာ္လည္း သူက ကြဲျပားမႈကို ေျပာႏိုင္ေနသည္။ ထိုအရာထဲတြင္ မူလစြမ္းအား ပါရွိေန၏။
ထိုအထြတ္အထိပ္ အႀကီးအကဲအသစ္က သူသည္ အထြတ္အထိပ္အဆင့္ ပထမအလႊာသို႔ ေရာက္ရွိသြားေၾကာင္း သိလိုက္သည္။ ထို႔ေၾကာင့္ မူလလမ္းစဥ္က်မ္း၏ သက္ေရာက္မႈ ခံရေသာေၾကာင့္ သူ႔ စည္းမ်ဥ္းမ်ားက အေျခခံအားျဖင့္ ေျပာင္းလဲသြားေလသည္။
မူလတာအိုက သူ ယခင္က်င့္ႀကံသည့္ ဓာတ္ငါးပါးထက္ အလြန္အားေကာင္းသည္ဟု ထင္ၾကမည္ ျဖစ္ေသာ္လည္း သူ႔အေနႏွင့္ မေပ်ာ္႐ႊင္ႏိုင္ေပ။ ထိုတာအိုက သူ႔အပိုင္ မဟုတ္သည့္အတြက္ ထိုစြမ္းအား အစစ္အမွန္၏ ဆယ္ပုံတစ္ပုံပင္ မထိန္းခ်ဳပ္ႏိုင္ေပ။
အထြတ္အထိပ္ အႀကီးအကဲအသစ္က ထိုအရာသည္ သူ႔အတြက္ အေကာင္းဆုံးရလဒ္မွန္း သိထားေသာေၾကာင့္ အၾကာႀကီး စိတ္ပ်က္ေနျခင္း မရွိေပ။ သူ႔ပါရမီက အလြန္ကို နိမ့္က်ၿပီး သူေတာ္စင္အဆင့္သို႔ ေရာက္ရွိခဲ့သည္မွာလည္း ကံအေျပာင္းအလဲ အခြင့္အေရးတစ္ခုေၾကာင့္သာ ျဖစ္၏။
အထြတ္အထိပ္ နယ္ပယ္အဆင့္သို႔ ဝင္ေရာက္ႏိုင္သည့္ အေၾကာင္းအရင္းမွာလည္း ဂိုဏ္းက အႏၲရာယ္မ်ားသည့္ စမ္းသပ္ခ်က္တစ္ခု လုပ္ေစခ်င္ၿပီး သူက တုံ႔ဆိုင္းျခင္းမရွိ ေနရာဝင္ယူခဲ့၍ ျဖစ္သည္။ ထို႔ေၾကာင့္ သူက အထြတ္အထိပ္အဆင့္တြင္ ရွိေနသေ႐ြ႕ အနိမ့္ဆုံး ျဖစ္ေနလွ်င္ပင္ ကိစၥမရွိေပ။
..........
ထ်န္းေဝေတာင္ထိပ္
မဟာအႀကီးအကဲမ်ားႏွင့္ အႀကီးအကဲအားလုံးက အစီအရင္မွတဆင့္ ေစာင့္ၾကည့္ေနၾကသည္။
" ကုသိုလ္ကို သုံးလိုက္တာက အထြတ္အထိပ္ နယ္ပယ္အဆင့္ကို အတင္းအၾကပ္ တက္လွမ္းႏိုင္ေစတာလား ... ငါတို႔ အထြတ္အထိပ္ လမ္းစဥ္က ျဖတ္ေတာက္ခံထားရတာေတာင္ေလ"
" ဒါေပမဲ့ သူက အဲလိုလုပ္လို႔ ဘာကုသိုလ္မွေတာ့ မရလိုက္ဘူး"
" သူက သူ႔ဘာသာသူ လုပ္တာ မဟုတ္ဘူးေလ။ အဲဒါေၾကာင့္ ေကာင္းကင္တာအိုက သူ႔ကို ဆုလာဘ္ေပးမွာ မဟုတ္ဘူး"
" ဒါေပမဲ့ ကိစၥမရွိဘူး" မဟာအႀကီးအကဲ ယန္းမိန္က ေျပာလိုက္သည္ " တကယ္တမ္း အေရးႀကီးတာက ဒီနည္းလမ္းက အထြတ္အထိပ္လမ္းစဥ္ကို ဖြင့္ႏိုင္ၿပီး ငါတို႔ စြမ္းရည္နဲ႔ အဆင့္တက္ႏိုင္ခြင့္ ျပဳလား မျပဳဘူးလားဆိုတာကိုပဲ"
ထိုအရာကို ၾကားၿပီး သူေတာ္စင္အဆင့္ က်င့္ႀကံသူမ်ားက မိုးေျမ၏ လွ်ိဳ႕ဝွက္ခ်က္မ်ားကို စတင္တြက္ခ်က္ၾကည့္ၾကသည္။ ကံဆိုးစြာျဖင့္ သူတို႔ရရွိသည့္အေျဖက အဆိုးဘက္သာ ျဖစ္ေနသည္။ သူတို႔အတြက္ ကုသိုလ္ကို မသုံးမခ်င္း အစစ္အမွန္အုပ္ခ်ဳပ္သူမ်ား ျဖစ္လာဖို႔ မျဖစ္ႏိုင္ေသးေပ။
" အဲဒါဆိုေတာ့ ငါတို႔ အစီအစဥ္ က်ရႈံးသြားတာလား"
" အဲလိုလည္း မဟုတ္ဘူး" ဂိုဏ္းခ်ဳပ္ ဝမ္ထ်န္းက ႐ုတ္တရက္ ေျပာလိုက္သည္ " အေဖ့ဆီကေန အထြတ္အထိပ္လမ္းစဥ္က ျဖတ္ေတာက္ခံထားရေသးတယ္ ဆိုေပမဲ့ ျပန္ဖြင့္ဖို႔ အခ်ိန္က အေတာ္ေလး ေလ်ာ့က်သြားၿပီဆိုၿပီး သတင္းရလိုက္တယ္"
" အစစ္အမွန္ အုပ္ခ်ဳပ္သူျဖစ္လာဖို႔ အတင္းအၾကပ္လုပ္မဲ့ လူအေရအတြက္ မ်ားလာမယ္ဆိုရင္ လမ္းစဥ္က ဖြင့္ဖို႔ ပိုျမန္မလာႏိုင္ဘူးလား" ယန္းမိန္က ေမးလိုက္သည္။
" မွန္တယ္"
" ဒီလိုဆိုရင္ ငါတို႔လုပ္ရမွာ ေစာင့္႐ုံပဲ။ ငါတို႔က ပထမဆုံး လႈပ္ရွားထားတာဆိုေတာ့ တျခားဧကရာဇ္မ်ိဳးႏြယ္ေတြကလည္း ေနာက္ကေန လိုက္လာၾကမွာ အေသအခ်ာပဲ"
" အဟုတ္ပဲ" ဝမ္ထ်န္းက ေျပာလိုက္သည္ "ဒါေပမဲ့ အဲဒီမတိုင္ခင္ ငါတို႔ေတြ ကုသိုလ္နဲ႔ ဘယ္သူ အဆင့္တက္ခ်င္လဲဆိုတာကို ဆုံးျဖတ္ရေအာင္"
သို႔ေသာ္လည္း အခန္းတြင္းရွိ မည္သူကမွ မလုပ္ခ်င္ၾကေပ။ တာအိုအခြင့္အလမ္းဂိုဏ္း၏ အထက္ပိုင္းမ်ားအေနႏွင့္ အားလုံးက ပါရမီႏွင့္ ပတ္သက္လာသည့္အခါ ထိပ္ဆုံးထဲမွ ထိပ္ဆုံးသာျဖစ္ၾကသည္။ ထို႔ေၾကာင့္ မည္သူကမွ သူတို႔ အစစ္အမွန္ အုပ္ခ်ဳပ္သူ ျဖစ္လာဖို႔အတြက္ အကူအညီ လိုအပ္သည္ဟု မယုံၾကည္ၾကေပ။
ထို႔အျပင္ ကုသိုလ္အသုံးျပဳျခင္းက ျဖတ္လမ္းတစ္ခုျဖစ္ၿပီး ထိုနည္းလမ္းကို အသုံးျပဳသူတို႔တြင္ အလြန္နိမ့္က်ေသာ အေျခခံအုတ္ျမစ္တို႔ ရွိၾကသည္။ ထို႔ေၾကာင့္ ကုသိုလ္ကို အသုံးျပဳ၍ က်င့္ႀကံဆင့္ တက္လွမ္းျခင္းက အဆင္မေျပေပ။ အေကာင္းဆုံးအသုံးျပဳမႈက က်င့္ႀကံသူအား တာအိုဉာဏ္အလင္းပြင့္ဖို႔ ကူညီေပးမည့္ ေနရာရာ၌သာ ျဖစ္၏။
မည္သူကမွ ျဖတ္လမ္းကို မလုပ္ခ်င္ၾကေၾကာင္း ျမင္သည့္အခါ ဝမ္ထ်န္းက တိတ္တဆိတ္ ေက်နပ္စြာ ေခါင္းညိတ္လိုက္သည္။ ထို႔ေနာက္ သူက ေျပာလိုက္၏ "ဒီလိုဆိုရင္ ငါတို႔ ကုသိုလ္ေတြ ခြဲေဝၿပီးတဲ့အခါ မင္းတို႔ေတြ အထြတ္အထိပ္ လမ္းစဥ္ ပြင့္လာတဲ့အခါထိ သိမ္းထားလိုက္။ က်န္တဲ့ဟာကိုေတာ့ တျခားသူေတာ္စင္ေတြက အက်ိဳးျပဳမွတ္နဲ႔ လဲလွယ္ၿပီး အဆင့္တက္လွမ္းလို႔ရတယ္"
အစည္းအေဝးၿပီးဆုံးသြားၿပီး သိပ္မၾကာခင္ ကမာၻႀကီးက ႐ုတ္႐ုတ္ခ်ည္းခ်ည္း ေျပာင္းလဲသြားသည္။
ကုသိုလ္ လုံေလာက္သည့္ ဧကရာဇ္မ်ိဳးႏြယ္အမ်ားစုရွိ သူေတာ္စင္မ်ားက အထြတ္အထိပ္ နယ္ပယ္အဆင့္သို႔ စတင္တက္လွမ္းလာၾကသည္။ ကုသိုလ္ မလုံေလာက္သည့္သူမ်ားအေနျဖင့္ သူတို႔က မဟာမိတ္ျဖင့္ ပူးေပါင္းျခင္း သို႔မဟုတ္ တစ္ေယာက္ႏွင့္တစ္ေယာက္ တိုက္ခိုက္ျခင္း သို႔မဟုတ္ စာသင္ေက်ာင္းမ်ားအေပၚ အာ႐ုံစိုက္ထားၿပီး ေသမ်ိဳးမ်ားကို စာသင္ေပးျခင္းျဖင့္ ကုသိုလ္မ်ား စုေဆာင္းၾကသည္။
ထို႔ေၾကာင့္ ေနာက္လအနည္းငယ္အတြင္း အသေခ်ၤအင္ပါယာကမာၻအထက္ ေကာင္းကင္တစ္ဝွမ္းတြင္ အျမင္အာ႐ုံမ်ားစြာကို ျမင္ေတြ႕ႏိုင္ေလသည္။
ေနာက္ပိုင္းတြင္ အားလုံးက ေကာင္းကင္ေ႐ြးခ်ယ္ခံ ထိုက္တန္သူ စစ္ေဆးပြဲကို သတိရသြားသည့္အခါမွသာ ၿငိမ္က်သြားေလ၏။ ထိုအခါ သူတို႔၏ အာ႐ုံက ဧကရာဇ္ဉာဏ္အလင္းပြင့္ ေက်ာင္းေတာ္ဆီ ေရာက္ရွိလာသည္။
ေနာက္ဆုံးတြင္ သိုသိုသိပ္သိပ္ေနဖို႔ ႀကိဳးစားသည့္ ေက်ာင္းေတာ္က လက္ရွိအေျခအေနကို ပါဝင္ယွဥ္ၿပိဳင္သူမ်ားႏွင့္ သူတို႔ေနာက္မွ ဂိုဏ္းမ်ားအား ထြက္၍ ရွင္းျပရေတာ့မည္ ျဖစ္သည္။ ထို႔ေၾကာင့္ ၿပိဳင္ပြဲ၏ ႀကီးက်ယ္ခမ္းနားေသာ ဖြင့္ပြဲကဲ့သို႔ ႐ုပ္သံလႊင့္လိုက္သည္။