UNICODE
Translator- Th/ Aster Editor- Aster
ထင်တဲ့အတိုင်းပဲ ထန်းမိုကထုံးစံအတိုင်းပြောစကားနားထောင်မှာမဟုတ်ပေ။
ထန်းကျင်းချီလည်းဒါကိုသိလေသည်။ သူလည်းဘာမှမတတ်နိုင်တာနဲ့ သူ့အလှည့်ရောက်ဖို့ခုန်ဆွခုန်ဆွနဲ့ စောင့်နေသည့် ထန်းကျင်းရှန်းကိုပဲ ဖုန်းလွှဲပေးလိုက်သည်။
ထန်းမိုကထန်းကျင်းရှန်းနဲ့ ထန်းကျင်းယီတို့နဲ့ ပြောပြီးသွားတော့မှ ဖုန်းကနောက်ဆုံးမှာ ထန်းဝမ်စစ်လက်ထဲပြန်ရောက်လာသည်။
သူဖုန်းချလိုက်ပြီးနောက် ထန်းမိုကသူ့ကိုကူညီဖို့ နာမည်ကြီးဒါရိုက်တာရှာပေးထားသည့်အကြောင်းကို ထန်းကျင်းချီကပြောပြလိုက်သည်။
"မိုမိုကအရမ်းတော်တာပဲ" ထန်းကျင်းရှန်းက ပါးစပ်ဟောင်းလောင်းတောင်ဖြစ်သွားသည်။
"ကျွန်တော်တို့ကအစ်ကို့ကိုဘာလို့မနာလိုရမှာလဲ? ဒါတွေကမိုမိုဒုက္ခခံပြီးလုပ်ပေးရမယ့်ကိစ္စတွေမှမဟုတ်တာကို" ထန်းကျင်းရှန်းက သက်ပြင်းတချချနဲ့ပြောသည် "ထန်းကျင်းယီနဲ့ကျွန်တော့်အတွက်ကိုပါ ညီမလေးက ဆရာတစ်ယောက်ဆီ တကယ်ရှာပေးချင်နေတာပဲ။ ကျွန်တော်တို့မိသားစုထဲမှာ သူမကအငယ်ဆုံးဆိုတာ သူမ မေ့နေတာလား?"
"ငါလည်းဒါပဲပြောချင်တာ။ သူ့ရဲ့အစ်ကိုကြီးတွေအနေနဲ့ သူမကိုငါတို့ဘာမှကူညီမပေးနိုင်ဘူး။ အဲ့အစား သူမအကူအညီတွေကိုပဲ ငါတို့ကလက်ခံနေရတယ်။ ဒါကလက်ခံနိုင်စရာမှမဟုတ်တာ" ဒီကိစ္စတွေအားလုံးကိုခြုံပြီးစဉ်းစားကြည့်လိုက်ပြီးနောက် ထန်းကျင်းချီက အလေးအနက်ပြောလာသည် "မိုမိုကငါတို့သုံးယောက်ကိုသိမ်ငယ်စေတာပဲ"
ထန်းကျင်းရှန်းနဲ့ထန်းကျင်းယီလည်းခေါင်းငုံ့သွားကြသည်။
ထန်းကျင်းချီလည်းသက်ပြင်းချလိုက်ကာ ပြောလာသည်။ "အခုငါတို့မှာက ဘာအစွမ်းအစမှရှိတာ မဟုတ်ဘူး။ ဒါကငါတို့အသုံးမကျတာကို ပြနေတာပဲ။ သိပ်ပြီးလည်းစိတ်ညစ်မနေနဲ့။ တကယ်လို့မင်းတို့နှစ်ယောက် မိုမိုလုပ်ပေးတာတွေကို စိတ်မလုံဘူးဆိုရင်လည်း ငါတို့ကိုမိုမိုထပ်ပြီးစိတ်ပူစရာမလိုတော့တဲ့အထိ သန်မာလာအောင် မြန်မြန်လေးသာ အလုပ်ကြိုးစားကြတော့"
ВИ ЧИТАЄТЕ
နှင်းနတ်သမီးလေးက အမြှောက်စာဇာတ်ကောင်ဖြစ်သွားသောအခါ
РомантикаI'm not own this novel.. Just translating to Myanmar Language Unicode & Zawgyi are available Eng Title : Top-notch master masquerading as cannon fodder femal companion Author(s): Like Daylight Genre(s): Drama, Romance Type:Web Novel (CN)
