UNICODE
Translator- HMM Editor- Aster
လင်းဖူရှီ က ရှက်ရွံ့စွာပြုံးပြီး ပြောလာသည်။ "ငါတို့ပြည်နယ်ရဲ့ကျောင်းမှာ ဆရာက ငါတို့ရဲ့ဘဝတွေကို တိုက်ရိုက်ပြောင်းလဲချင်ရင် အထိရောက်ဆုံးနည်းလမ်းက ကောလိပ်ဝင်ခွင့်စာမေးပွဲကအ ခြေခံ အဆင့်ပဲလို့ အမြဲပြောခဲ့တာ... ငါ့မိသားစုက ကျေးလက်ဒေသကလူတွေဆိုတော့ ငါ့က ချမ်းသာတဲ့နောက်ခံ တွေ အဆက်အသွယ် ကောင်းတွေအများကြီး မရှိဘူး။ အဲဒါနဲ့ငါတို့လဲ ဘယ်လိုမှ တိုးတက်ဖို့ ဘာမှ မလုပ်နိုင်ခဲ့ဘူးလေ။ ဒါကြောင့် စာမေးပွဲမှာ အမှတ်ကောင်းကောင်းရဖို့ မကြိုးစားခဲ့ရင် ဘေဂျင်းတက္ကသိုလ်ကို မရောက်နိုင်ပဲ နောက်ဆုံးတော့ ကိုယ့်ပြည်နယ်မှာပဲ နေပြီးသံသရာလည်နေမှာ။ ဒါပေမဲ့လည်း မြို့ကြီးတွေမှာ နေထိုင်မှုစရိတ်ကအရမ်း ကြီးတာပဲ ငါ့ပြည်နယ်နဲ့ ယှဉ်ရင် အများကြီး မြင့်လွန်းတယ်။ ငါ့မှာငါ့မိသားစု ဝန်ထုပ်ဝန်ပိုး မဖြစ်ဖို့ ပညာသင်ဆုရ အောင်အစွမ်းကုန် ကြိုးစားခဲ့ရတာ မဟုတ်ရင် ငါ တက္ကသိုလ်တက်နိုင်မှာ မဟုတ်ဘူး..."
"နင်အခုအောင်မြင်ပြီလေ နင်အရမ်းတော်တာပဲ။" ကျင်းယွဲ့လင်က လီဖူရှီရဲ့ ပခုံးကို ပုတ်ပြီး ပြောလာသည်။ "နင်က ဘေဂျင်းတက္ကသိုလ်ကို တက်ခွင့်ရရုံတင်မကဘဲ ပညာသင်ဆု အပြည့်လည်းရခဲ့တာ.....ငါတို့ ဒီနှစ်မှာ ပညာသင်ဆုသုံးခုပဲရှိပြီး၊ နှစ်ခုက မြို့တော် B ရဲ့ တစ်နိုင်ငံလုံးမှာ ကောလိပ်ဝင်ခွင့်စာမေးပွဲ အမှတ်အများဆုံး နှစ်ယောက်နဲ့ နောက်တစ်ခုက နင်ပဲရခဲ့တာလေ။"
ထန်းမိုက သူတို့ သုံးယောက်ကို တိတ်တဆိတ်သာ ကြည့်နေသည်။
သူတို့သုံးယောက်ဟာ တစ်ယောက်ကိုတစ်ယောက် သိကျွမ်းခဲ့ကြတာ အချိန်တိုလေးပဲမို့ အရမ်းခင်မင်ရင်းနှီးနေစရာအကြောင်းမရှိပေ။
ဒါပေမယ့် သူတို့သုံးယောက်ထဲကထိုနှစ်ယောက်ရဲ့အပြုအမူကို အလွန်တိကျစွာ ဖော်ပြနိုင်တဲ့ စကားတစ်ခွန်းကို ထန်းမိုက တွေးခဲ့မိသည်။
အရမ်းပူးကပ်နေတာပဲ......။
သူမနတ်သမီးဘဝတွင် တခြားနတ်သမီးလေးတွေက သူမကို လှိုဏ်ဂူထဲပြောင်းလာတုန်းက သူမကို ပယ်ကျဉ်ဖို့ ဝိုင်းဖွဲ့နေချိန်နဲ့တူနေလွန်းသည်။
ဒါဟာ သေချာပေါက် စိတ်ရင်း ကြောင့်မဟုတ်ပဲ အပေါ်ယံလူမှုရေးအရကောင်းပြနေတဲ့ အပြုအမူတစ်ခုသာ ဖြစ်ကာထန်းမိုက အဲဒါကို မနှစ်သက်ပေ။
BINABASA MO ANG
နှင်းနတ်သမီးလေးက အမြှောက်စာဇာတ်ကောင်ဖြစ်သွားသောအခါ
RomanceI'm not own this novel.. Just translating to Myanmar Language Unicode & Zawgyi are available Eng Title : Top-notch master masquerading as cannon fodder femal companion Author(s): Like Daylight Genre(s): Drama, Romance Type:Web Novel (CN)
