Translator- Th Editor- Aster
UNICODE
ထန်းကျင်းရီက မနေနိုင်ဘဲတတွတ်တွတ်ပြောနေတော့သည်။"ဒါပေမယ့် တစ်ယောက်ယောက်ကစာစီစာကုံးတစ်ပုဒ်ရေးပြီး တခြားသူတွေရဲ့အမှတ်ပြည့်ရနိုင်မဲ့အခွင့်အလမ်းကိုပိတ်ပင်နိုင်တဲ့ ဒီအခြေအနေမျိုးကိုတခြားဘယ်နေရာမှ ငါမမြင်ခဲ့ဖူးဘူး။ဒါပထမဆုံးပဲ"
"မင်းဘာတွေပြောနေတာလဲ?"ထန်းဝမ်စစ်က ထန်းကျင်းရီခေါင်းကိုရိုက်လိုက်ကာ ပြောသည်။"မိုမိုကအရမ်းကြင်နာတတ်လို့ သူမကအခုအပြစ်ရှိသလိုခံစားနေရတာ။သူမအမှားမဟုတ်တာအထင်အရှားကြီးကို ဒါပေမယ့် သူတို့ကလည်းလုံလောက်အောင်ထူးချွန်မနေတာလည်းပါတယ်။"
မင်ယဲ့ချင်: "..."
သူက ဝိဇ္ဇာတွဲဘက်မှာမတော်သော်ငြားလည်း ဒါကြီးကတော့ မညှာတာစတမ်းဝေဖန်နေတာဟု သူခံစားနေရဆဲပင်။
သူတို့ပိုပြီးသက်သက်ညှာညှာပြောသင့်တယ်။
ထိုအချိန်မှာပဲ ဝေကျီချင်ဆီဖုန်းဝင်လာလေသည်။
ဝေကျီချင်ကဖုန်းထုတ်ကာဖြေလိုက်သည်။ "ဘေကျင်းတက္ကသိုလ်ကျောင်းအုပ်ဆီကပဲ။"
ဘယ်သူကမှ ဒီအကြောင်းကိုတွေးတောမနေချေ။
အဆုံးကျရင် ဝေမိသားစုရဲ့အနာဂတ်ခေါင်းဆောင်ဖြစ်လာမဲ့ဝေကျီချင်အနေနဲ့ ဘေကျင်းတက္ကသိုလ်ကျောင်းအုပ်နဲ့အဆက်အသွယ်ရှိတာ အံ့ဩစရာမဟုတ်ချေ။
ဒီအချိန်မှာ ကျောင်းအုပ်ကသူ့ကိုဘာလို့ဖုန်းခေါ်သလဲဆိုတာ ဝေကျီချင်ကခန်းမှန်မိပြီးသားဖြစ်သည်။
"ကျောင်းအုပ်ကြီးမူ"ဝေကျီချင်ကဖုန်းဖြေလိုက်သည်။
"ကျီချင် ဒီနှစ်အမှတ်အမြင့်ဆုံးရတာက ဝိဇ္ဇာတွဲကလို့ ငါအခုပဲသိထားတယ်။ထန်းမိုက ကျီရှားအကယ်ဒမီကကျောင်းသူဆိုတော့ သူကမင်းရဲ့အငယ်တန်းက ကျောင်းသူတစ်ယောက်ပဲပေါ့" ကျောင်းအုပ်ကြီးမူက တခစ်ခစ်ရယ်မောရင်းပြောလာသည်။
ထန်းမိုသူ့ဘေးမှာထိုင်နေတာတောင်မှ ထန်းမိုနာမည်ကို တစ်ယောက်ယောက်ကပြောလိုက်တာနဲ့ ဝေကျီချင်ရဲ့နှုတ်ခမ်းထောင့်စွန်းတွေ ကော့တက်လာလေသည်။ "ဟုတ်ပါတယ်"
CZYTASZ
နှင်းနတ်သမီးလေးက အမြှောက်စာဇာတ်ကောင်ဖြစ်သွားသောအခါ
RomansI'm not own this novel.. Just translating to Myanmar Language Unicode & Zawgyi are available Eng Title : Top-notch master masquerading as cannon fodder femal companion Author(s): Like Daylight Genre(s): Drama, Romance Type:Web Novel (CN)
