ဒုက္ခပါပဲ...။
သူ(မ)နည်းတူသားဖြစ်သူနဲ့သမက်ဖြစ်သူရဲ့မျက်နှာတွေကလည်းပြိုတော့မယ့်မိုးလိုညှို့မှိုင်းနေကြ၏။ပြီးတော့တစ်ညလုံးလည်းမအိပ်ကြဘူးဖြစ်မည်။နှစ်ယောက်လုံးကဆံပင်ဘုတ်သိုက်နဲ့မျက်ကွင်းတွေကလည်းမည်းနက်နေ၏။ဝတ်ထားတဲ့အင်္ကျီတွေကအိမ်နေရင်းဝတ်စုံတွေဖြစ်တဲ့အပြင်စီးထားတဲ့ဖိနပ်တွေကလည်းအရောင်ခပ်မွဲမွဲယိုဒယားဖိနပ်တွေဖြစ်သည်။
ကြည့်ရတာနှစ်ယောက်လုံးကသားဇောကြောင့်စိတ်နဲ့ကိုယ်နဲ့ကပ်ပုံမရပေ...။
မြင်ရ၊တွေ့ရတာဒုက္ခများလိုက်တာ...။
မြေးကြီးကမျက်လုံးနာလို့ငိုတယ်တဲ့လား...။
မျက်လုံးလေးရိုးရိုးနာရုံလောက်နဲ့တော့ဒီခလေးတစ်ညလုံးမငိုလောက်ပေ...။ပြီးတော့မျက်လုံးကအိပ်လို့မရအောင်နာစရာအကြောင်းမရှိပေ...။မြေးကြီးရဲ့မျက်လုံးကတစ်ခုခုဖြစ်နေတာများလား...။
စဥ်းစားမိရုံနဲ့ပေါ်လာတဲ့အတွေးတို့ကြောင့်ဒေါ်ချိုမြကမိုးညိုရဲ့လည်ပင်းကိုသိုင်းဖက်ပြီးအိပ်ပျော်နေတဲ့မြေးဖြစ်သူကိုယောင်းယမ်းကာလှမ်းကြည့်လိုက်မိသည်။မြေးကြီးကညအိတ်ဝတ်စုံမိုးပြာရောင်လေးနဲ့သူ့ဖေကြီးရဲ့ကိုယ်ပေါ်မှာနှစ်နှစ်ခြိုက်ခြိုက်အိပ်ပျော်နေ၏။မြေးငယ်လေးကတော့သားဖြစ်သူရဝေရဲ့ကိုယ်ပေါ်မှာအိပ်ပျော်နေလေရဲ့...။
ဒီခလေးတွေအခုမှကောင်းကောင်းအိပ်ပျော်နေပုံရသည်။မြေးဖြစ်သူရဲ့ကိစ္စကခေါင်းထဲရောက်နေတာမို့ဆွမ်းမလောင်းလိုက်ရတဲ့ဘုန်းကြီးတွေလည်းတစ်ပါး၊နှစ်ပါးပင်မကတော့...။သူ(မ)အရှေ့မှာလာလာရပ်ကြတဲ့ဘုန်းကြီးတွေကိုလည်း " ကန်တော့ဆွမ်း " လို့ပြောနေမိတာလည်းအကြိမ်ကြိမ်အခါခါပင်...။
သားဖြစ်သူနဲ့သမက်ဖြစ်သူလိုပဲဒေါ်ချိုမြလည်းစိတ်နဲ့ကိုယ်နဲ့ကပ်ပုံမရပေ...။ခုနကမှဘုရားရှိခိုးပြီးလို့အေးချမ်းနေတဲ့ဒေါ်ချိုမြရဲ့စိတ်တွေကမြေးဖြစ်သူရဲ့ကိစ္စကြောင့်စောစောစီးစီးပူလောင်နေရပြီ...။
" အခုရွာထိပ်ကိုဘာနဲ့သွားကြမှာလဲ...နင်တို့က..."
" ဝတုတ်ကိုခေါ်ထားတယ်အမေ..."
YOU ARE READING
အချစ် (သို့မဟုတ်) ကျွန်တော့်ယောက်ျားအမူးသမား (Completed )
Romanceအချစ်ကြောင့်ဒီလူသားကိုအဓမ္မသိမ်းပိုက်ခဲ့မိတယ်။ (မိုးညိုမောင်) မချစ်တတ်တဲ့ကိုယ်ကဒီလူသားရဲ့ဂရုစိုက်ကြင်နာမှုတွေကြောင့်အချစ်ဆိုတဲ့အဓိပ္ပါယ်ကိုဖွင့်ဆိုတတ်ခဲ့တယ်။ ...
အခန်း(၅၃)
Start from the beginning
