အခန်း(၂)
" ဟျောင့်...မြန်မြန်လာစမ်း..."
" လာပါပြီ ကိုကြီးညိုရဲ့..."
ကိုကြီးညိုထိုင်နေတဲ့ဝိုင်းကိုခလုတ်မတိုက်ရုံတမယ်ဖိုးစီပြေးသွားရသည်။ထို့နောက်ယူလာတဲ့ထန်းရည်အိုးကိုစားပွဲခုံပေါ်ကိုချပေးဖို့လုပ်တုန်းမိုးညိုကဖျက်ခနဲ့ဆွဲယူလိုက်လေသည်။ကြွက်ကင်ပန်းကန်ကိုကြည့်တော့လည်းပန်းကန်ပြားသာရှိတော့သည်။ကြွက်ကင်ကမိုးညိုလက်ထဲမှာခန့်ခန့်ကြီး...။
ပြောပါတယ်...။
'မိုးညိုမောင်'ဆိုတာလက်ကမော်တာတပ်ထားသလိုမြန်ပါတယ်ဆိုတာ...။
" လခွီး...ကြွက်ကလည်းအရင်ဘဝကမော်ဒယ်သေလို့ဝင်စားတာလားမသိဘူး...ပိန်လိုက်တာမှ..."
မိုးညိုရဲ့စကားကြောင့်ဖိုးစီမျက်နှာကရွဲခနဲ့ဖြစ်သွားလေသည်။သို့သော်မိုးညိုရှေ့မှာတော့မရွဲ့ရဲပေ...။မျက်နှာလေးစောင်းပြီးတော့ရွဲ့ရသည်။တော်ကြာကိုကြီးညိုကိုင်ထားတဲ့ထန်းရည်အိုးကဖိုးစီရဲ့ခေါင်းကိုလာကျီစယ်လိမ့်မည်။
သူ့ကြွက်ကိုများပိန်တယ်လို့ပြောရက်ပါ့...။ဒီနယ်တခွင်မှာဖိုးစီဆိုင်ကကြွက်ကင်ဆို'လေထိုးထားသလားအောက်မေ့ရအောင်ဝတယ်'လို့စားတဲ့သူတိုင်းချီးမွှန်းနေကျ...။
သူ့အလှည့်ကျမှ...။
မိုးညိုအပေါ်ဖိုးစီရဲ့မကျေနပ်ချက်တွေကရင်ထဲမှာတော့မီးလိုလောင်ကျွမ်းလို့နေ၏။
" ဟျောင့်...ဖိုးစီ..."
" ဗျာ...ကိုကြီးညို..."
မကျေနပ်တာကမကျေနပ်တာပဲ..။မိုးညိုခေါ်ရင်တော့ချက်ခြင်းထူးရမှာကဖိုးစီရဲ့တာဝန်...။
" သွား...နောက်တစ်အိုးသွားယူ..."
" ဟုတ်ကဲ့ ကိုကြီးညို..."
မိုးညိုရဲ့ခိုင်းစေချက်ကြောင့်ဖိုးစီကအနားကနေခပ်သုတ်သုတ်လေးပြေးထွက်သွားလေ၏။ဗိုက်ထဲကိုအရည်လေးဝင်သွားတော့မှပဲလူကနေသာထိုင်သာရှိသွားတော့သည်။မဟုတ်ရင်လူကဘာလုပ်လုပ်အဆင်ကိုပြေမနေပေ...။ထိုစဥ်မိုးညိုရဲ့အနားကိုခပ်ကုတ်ကုတ်လေးလာနေကြတဲ့ဝတုတ်နဲ့ငကျော်...။ဝတုတ်နဲ့ငကျော်ဆိုတာကမိုးညိုရဲ့ဘက်လက်ရုံးနဲ့ညာလက်ရုံးသောက်ဖော်၊သောက်ဖက်တပည့်ကျော်တွေဖြစ်သည်။
YOU ARE READING
အချစ် (သို့မဟုတ်) ကျွန်တော့်ယောက်ျားအမူးသမား (Completed )
Romanceအချစ်ကြောင့်ဒီလူသားကိုအဓမ္မသိမ်းပိုက်ခဲ့မိတယ်။ (မိုးညိုမောင်) မချစ်တတ်တဲ့ကိုယ်ကဒီလူသားရဲ့ဂရုစိုက်ကြင်နာမှုတွေကြောင့်အချစ်ဆိုတဲ့အဓိပ္ပါယ်ကိုဖွင့်ဆိုတတ်ခဲ့တယ်။ ...
