အခန်း(၅၁)
🎶🎶နှစ်ပြောင်းလရှည်ကြာခဲ့ပြီ မောင်ရေ🎶🎶ငယ်ကကျွမ်းလို့လည်း လွမ်းရပါတယ်လေ🎶🎶ဒါကြောင့်သာပဲ🎶🎶မောင်နဲ့နှစ်ယောက်သားတွေ့ရာ🎶🎶အညာကတမာလမ်းကလေးတွေ...🎶🎶
ငိုမဲ့မဲ့ဖြစ်နေတဲ့ပုခက်ထဲကအမြွှာလေးနှစ်ယောက်ကိုဒေါ်ချိုမြသီချင်းဆိုပြနေခြင်းဖြစ်သည်။လူကအထည်ထုပ်တွေကြားမှာအလုပ်ရှုပ်နေတော့မြေးနှစ်ယောက်ကိုပုခက်ထဲမှာခဏထည့်ထားရ၏။
ချီပိုးထားမှငြိမ်နေတတ်တဲ့အမြွှာနှစ်ယောက်ကလည်းပုခက်ထဲကိုရောက်သွားတာနဲ့အငြိမ်မနေတော့ပေ...။ဒါကြောင့်အားနေတဲ့ပါစပ်ကိုအသုံးချပြီးမြေးနှစ်ယောက်ကိုဒေါ်ချိုမြသီချင်းဆိုပြနေရခြင်းဖြစ်၏။
🎶🎶မောင်ရေ မောင်ရေ🎶🎶ပြေးကြည့်မိလေတော့🎶🎶တမာတွေဆယ်ကြိမ်ဖူး🎶🎶နှစ်ဦးခွဲခွာ🎶🎶ဆယ်လီနှစ်များ🎶🎶
" အဲ...အဲ...အင်း..."
" အေး...အေး...ကျွတ်...ကျွတ်..."
အမြွှာနှစ်ယောက်ကပါးသည်။အလုပ်ထဲစျာန်ဝင်သွားလို့သီချင်းဆိုဖို့မေ့သွားတယ်ဆိုရင်ပဲဒေါ်ချိုမြကိုငိုသံပေးကြတော့သည်။ထို့ကြောင့်ပဲဒေါ်ချိုမြမှာဦးနှောက်ကမွေးရာပါပစ္စည်းထက်ကြီးကြတဲ့မြေးနှစ်ယောက်အလိုကျပါးစပ်ကိုဘုရားစာရွတ်သလိုလှုပ်ပြနေရသည်။
လူလည်လေးတွေ...။
ဖအေဖြစ်သူရဲ့ခြေရာကိုတော့အမှီလိုက်နိုင်ကြတဲ့ဟာလေးတွေ...။
သီချင်းဆိုပြလို့ငြိမ်နေလားဆိုတော့လည်းမဟုတ်ပေ...။ပုခက်ထဲကနေဒေါ်ချိုမြရဲ့သီချင်းဆိုသံနဲ့အပြိုင်နှစ်ယောက်သားဝူးဝူးဝါးဝါးလိုက်အော်နေကြ၏။အရွယ်မရောက်ခင်ကတည်းကလူလည်ပန်ကာဖြစ်နေတဲ့မြေးနှစ်ယောက်ကြောင့်ဒေါ်ချိုမြနားရတယ်လို့ကိုမရှိပေ...။
ဒီကြားထဲရသော်ကကိစ္စရှိလို့ဆိုကာရွာထဲကိုထွက်သွား၏။ဒေါ်ချိုမြခမျာအထည်ကတစ်ဖက်၊ကလေးနှစ်ယောက်ကတစ်ဖက်နဲ့တစ်ယောက်တည်းလုံးလည်လိုက်နေတော့သည်။
အမြွှာလေးနှစ်ယောက်ကသီချင်းဆိုပြရုံနဲ့အဆင်ပြေလို့တော်သေးသည်။မဟုတ်ရင်ဒေါ်ချိုမြခမျာဝတ်ထားတဲ့ထမြိန်ကိုခါးတောင်းကျိုက်ရမယ့်ကိန်း...။
YOU ARE READING
အချစ် (သို့မဟုတ်) ကျွန်တော့်ယောက်ျားအမူးသမား (Completed )
Romanceအချစ်ကြောင့်ဒီလူသားကိုအဓမ္မသိမ်းပိုက်ခဲ့မိတယ်။ (မိုးညိုမောင်) မချစ်တတ်တဲ့ကိုယ်ကဒီလူသားရဲ့ဂရုစိုက်ကြင်နာမှုတွေကြောင့်အချစ်ဆိုတဲ့အဓိပ္ပါယ်ကိုဖွင့်ဆိုတတ်ခဲ့တယ်။ ...
