အခန်း(၅၃)
(၃)နှစ်ခန့်ကြာပြီးတဲ့နောက်....,
" ဟဲ့...ဘယ်လိုဖြစ်လာကြတာတုန်း...ရေးကြီးသုတ်ပြာနဲ့..."
အာရုဏ်ဆွမ်းလောင်းဖို့အတွက်အိမ်ရှေ့ခြံတံခါးဖွင့်နေတုန်းသူ(မ)ဆီရေးကြီးသုတ်ပြာလာနေကြတဲ့သားဖြစ်သူနဲ့သမက်ဖြစ်သူတို့ကြောင့်ဒေါ်ချိုမြအံ့ဩတကြီးဖြစ်သွားရသည်။အံ့ဩလွန်းလို့ခြံတံခါးဖြစ်တဲ့ဝါးကပ်ပြားကြီးကိုကိုင်ပြီးကြောင်အ,ကာမတ်တပ်ရပ်နေမိတဲ့အထိပင်...။
နှစ်ယောက်လုံးကအမြွှာလေးနှစ်ယောက်ကိုတစ်ယောက်စီချီထားကြပြီးလက်ထဲမှာလည်းအထုပ်တွေကိုယ်စီနဲ့ဖြစ်၏။ပြီးတော့မျက်နှာတစ်ခုလုံးလည်းချွေးသီးချွေးပေါက်တွေကျကာတစ်ခုခုကိုထိတ်လန့်နေဟန်ရှိကြသည်။အနောက်ကနေကျားလိုက်သလိုလမ်းလျှောက်လာနေကြတဲ့နှစ်ယောက်လုံးရဲ့ပုံစံကမသိရင်ဒုက္ခသည်စခန်းကိုထွက်ပြေးကြမယ့်လူတွေလိုလို...။
သားဖြစ်သူနဲ့သမက်ဖြစ်သူကိုကြည့်ပြီးမနက်စောစောစီးစီးရင်ထဲမှာကုလားဘုရားလှည့်သလိုဒေါ်ချိုမြခံစားနေရသည်။ထို့အပြင်အာရုဏ်ဆွမ်းလောင်းရင်းရွတ်နေတဲ့ပုရိတ်ကြီး(၁၁)သုတ်သည်လည်းသားဖြစ်သူနဲ့သမက်ဖြစ်သူရဲ့ရုပ်တွေကိုမြင်လိုက်ရတော့မေ့သွားလေပြီ...။
မိုးတောင်ကောင်းကောင်းမလင်းသေးဘူး၊သူ့အပူကနေကိုယ့်အပူဖြစ်နေရပြီ...။
ဒုက္ခ...။
" ဟဲ့...ဘာဖြစ်လာတာတုန်းလို့...မထိတ်သာမလန့်သာရှိလိုက်တာဟယ်...မြန်မြန်ပြောစမ်းပါ...ဘာဖြစ်လာကြတာလဲလို့..."
" အမေ့မြေးကြီး...ညကတစ်ညလုံးမအိပ်ပဲငိုနေလို့အမေ...နာတယ်၊နာတယ်ပြောပြီးမျက်လုံးကိုပဲပွတ်နေလို့...အဲ့ဒါ...မြို့တက်ပြီးဆေးခန်းပြမလို့အမေ..."
" ဟယ်...ဟုတ်လား..."
သားဖြစ်သူရဲ့စကားကြောင့်ဒေါ်ချိုမြအထိတ်တလန့်ဖြစ်သွားရ၏။ထိုအခါဒေါ်ချိုမြကကိုင်ထားတဲ့ခြံတံခါးဖြစ်တဲ့ဝါးကပ်ပြားကိုယောင်ယမ်းကာလွှတ်ချလိုက်တော့သည်။ကြားလိုက်ရတဲ့စကားကမထိတ်သာမလန့်သာရှိလိုက်တာ...။မြေးကြီးကခန္ဓာကိုယ်မှာအရေးကြီးဆုံးအစိတ်အပိုင်းဖြစ်တဲ့မျက်လုံးကနာနေတယ်တဲ့လား...။
YOU ARE READING
အချစ် (သို့မဟုတ်) ကျွန်တော့်ယောက်ျားအမူးသမား (Completed )
Romanceအချစ်ကြောင့်ဒီလူသားကိုအဓမ္မသိမ်းပိုက်ခဲ့မိတယ်။ (မိုးညိုမောင်) မချစ်တတ်တဲ့ကိုယ်ကဒီလူသားရဲ့ဂရုစိုက်ကြင်နာမှုတွေကြောင့်အချစ်ဆိုတဲ့အဓိပ္ပါယ်ကိုဖွင့်ဆိုတတ်ခဲ့တယ်။ ...