အခန်း(၅၂)
" ဘာ..."
" အမလေး..."
ဟိန်းထွက်လာတဲ့မိုးညိုရဲ့အသံကြောင့်ယပ်ခတ်နေရင်းနဲ့ဒေါ်ချိုမြကအလန့်တကြားထအော်၏။ပြီးနောက်တုန်နေတဲ့ရင်ဘတ်ကိုလက်တစ်ဖက်နဲ့အသာဖိရင်းသမက်ဖြစ်သူကိုမသိမသာလေးဒေါ်ချိုမြမျက်စောင်းထိုးလိုက်သည်။
ခွေးကောင်လေး...။
နေအရမ်းပြင်းလို့လူကနှလုံးတုန်၊ရင်တုန်နေပါတယ်ဆို...။တမင်သက်သက်လူကိုလန့်ပြီးသေအောင်လုပ်နေတာ...။ဟိုနေ့ကလည်းသူ့ကျေးဇူးကြောင့်ကိုယ့်မှာအိပ်ခါနီးပုတီးစိပ်လိုက်ရပြီးပြီ...။
အခုလည်း...။
ဟိုနေ့ကအကြောင်းခေါင်းထဲရောက်လာတော့ဒေါ်ချိုမြကအီလည်လည်ဖြစ်နေတဲ့သမက်ဖြစ်သူရဲ့မျက်နှာကိုနောက်တစ်ကြိမ်ထပ်ပြီးမျက်စောင်းထိုးပစ်လိုက်၏။
ဝမ်းမနာသားလေး...။
ဘယ်တော့ကတည်းကလူကိုသေစေချင်နေတာလဲမသိဘူး...။
သမက်ဖြစ်သူကိုစိတ်ထဲကနေကြိမ်ဆဲလို့ဝမှဒေါ်ချိုမြကဘေးမှာချထားတဲ့ယပ်တောင်ကိုပြန်ကောက်ကာယပ်ပြန်ခတ်လိုက်၏။ပူပြင်းတဲ့နေကြောင့်ကျောပူ၊ရင်ပူ၊တစ်ကိုယ်လုံးပူရုံတင်မကဘူး...။အခုတော့သမက်ဖြစ်သူရဲ့မိုက်လွတ်တဲ့အသံကြောင့်ချိုမြတို့နားပါအူနေရပြီ...။
တော်တော်ကောင်းကျိုးမပေးတဲ့သမက်...။
" လန့်လိုက်တာကိုမိုးညိုရာ..."
" ဟုတ်ပ..."
သားဖြစ်သူရဲ့စကားကိုဒေါ်ချိုမြကနှုတ်ခမ်းလေးရွဲ့ပြီးထောက်ခံလိုက်၏။ယောက်ျားအရင့်အမာကြီးဖြစ်တဲ့သားဖြစ်သူတောင်လန့်တယ်ဆိုတော့၊သူ့သမက်ရဲ့အသံကဘယ်လောက်ထိတောင်ကျယ်လဲဆိုတာစဥ်းစားသာကြည့်တော့...။
ဒေါ်ချိုမြတို့ကသာအသံအကြောင်းဋီကာဖွင့်နေပေမယ့်မိုးညိုကတော့ထိုကိစ္စကိုဂရုမစိုက်အားပေ...။သူ့ဖာသာ " ထန်းရည်(၁)လဖြတ်ရမယ် " ဆိုတဲ့ဒေါ်ချိုမြရဲ့စကားတစ်ခွန်းကြောင့်ကမ္ဘာပျက်နေလေရဲ့...။
လန့်သွားတယ်တယ်တဲ့လားဝေရယ်...။
ဝေကလန့်ရုံပဲလန့်တာ၊ကိုမိုးညိုကဒူးပါတုန်နေပြီ...။
YOU ARE READING
အချစ် (သို့မဟုတ်) ကျွန်တော့်ယောက်ျားအမူးသမား (Completed )
Romanceအချစ်ကြောင့်ဒီလူသားကိုအဓမ္မသိမ်းပိုက်ခဲ့မိတယ်။ (မိုးညိုမောင်) မချစ်တတ်တဲ့ကိုယ်ကဒီလူသားရဲ့ဂရုစိုက်ကြင်နာမှုတွေကြောင့်အချစ်ဆိုတဲ့အဓိပ္ပါယ်ကိုဖွင့်ဆိုတတ်ခဲ့တယ်။ ...
