အဲ့ဒါသာကြည့်တော့...။
လုပ်ချင်ရာလုပ်ပြီးရင်ဒီခလေးကသူ့ကိုအလှဆုံးပြုံးပြတတ်၏။
ဒါတင်မကသေး...။
သူ့ရဲ့နှလုံးသားကိုတဖြုတ်ဖြုတ်ကြွေအောင်လည်းဒီခလေးကခြွေတတ်လွန်းသည်။အပြုံးလှလှ၊စကားလုံးလှလှလေးတွေနဲ့ဆိုတော့ဒီလူကဘယ်ခံနိုင်ရိုးလဲ...။နောက်ဆုံးမှာဒူးထောက်လက်မြှောက်ရသူကကိုယ်ပဲဖြစ်သည်။
အရင်နေ့တွေဆိုရင် " မသောက်ချင်တော့ဘူး "တို့ ၊ " နို့သောက်ရလွန်းလို့နွားရုပ်ပေါက်နေပြီ " တို့...။အဲ့ဒီစကားတွေကဘယ်တော့မှမရိုးနိုင်အောင်သူအမြဲကြားနေရတဲ့စကားတွေပေါ့...။
အခုမှသောက်လို့ကောင်းလိုက်တာတဲ့လား...။
ဒီစကားက(၄)လကျော်၊(၅)လတာကာလတစ်ခုမှာသူ့အနေနဲ့ပထမဆုံးကြာရတာဖြစ်သည်။အခုတော့လည်းဒီစကားတစ်ခွန်းကြောင့်မိုးညိုမောင်တစ်ယောက် " ခဲလေသမျှသဲရေကျ " ရလေပြီ...။
" ဟုတ်ပြီ...သောက်လို့ကောင်းရင်လာခဲ့...အိပ်မယ်..."
လက်ယက်ခေါ်လိုက်တော့ကိုရွှေဗိုက်လေးကသူ့အနားကိုလှုပ်တုတ်လှုပ်တုတ်နဲ့လျှောက်လာလေသည်။ကိုယ်ဝန်ကလမနည်းတော့တဲ့အတွက်ကိုရွှေဗိုက်ရဲ့ခန္ဓာကိုယ်ကပြည့်ပြည့်လေးဖြစ်နေသည်။အရင်ကခပ်သွယ်သွယ်လက်လေးတွေကလည်းအခုတော့ဖောင်းတုတ်နေ၏။ခပ်လုံးလုံးဗိုက်လေးနဲ့ဆံ့အောင်သူ့ရဲ့အင်္ကျီအကွက်လက်ရှည်ကိုဒီခလေးကဝတ်ထားပြန်သည်။အခုတော့အင်္ကျီထဲမှာဒီခလေးရဲ့ခန္ဓာကိုယ်ကမြှုပ်နေ၏။
" ကြည့်စမ်းကွာ...ခလေးလည်းမဟုတ်ပဲနဲ့...နို့သောက်တာပါးစပ်တစ်ခုလုံးပေအောင်သောက်ရလား...ဟမ်..."
လှုပ်တုတ်လှုပ်တုတ်နဲ့လာနေတဲ့ကိုရွှေဗိုက်လေးကိုသူ့အနားဆွဲခေါ်ကာနှုတ်ခမ်းထောင့်မှာစီးကျနေတဲ့နို့ရည်လေးတွေကိုလက်မနဲ့အသာလေးမိုးညိုသုတ်ပေးလိုက်၏။ကြာလေကြာလေသူ့ယောက်ျားကခလေးနဲ့တူလာလေပင်...။
အခုလည်းကြည့်...။
ဆူသလိုလေးပြောလိုက်တော့နှုတ်ခမ်းလေးကစူတက်လာသည်။သူ့ယောက်ျားကကျောင်းမှာတော့လူကြီးဆိုပေမယ့်အိမ်မှာတော့ခလေးလေးလိုပင်...။ခလေးမှသူ့ရဲ့တစ်ဦးတည်သောမူပိုင်ခလေးလေး...။
YOU ARE READING
အချစ် (သို့မဟုတ်) ကျွန်တော့်ယောက်ျားအမူးသမား (Completed )
Romanceအချစ်ကြောင့်ဒီလူသားကိုအဓမ္မသိမ်းပိုက်ခဲ့မိတယ်။ (မိုးညိုမောင်) မချစ်တတ်တဲ့ကိုယ်ကဒီလူသားရဲ့ဂရုစိုက်ကြင်နာမှုတွေကြောင့်အချစ်ဆိုတဲ့အဓိပ္ပါယ်ကိုဖွင့်ဆိုတတ်ခဲ့တယ်။ ...
အခန်း(၃၈)
Start from the beginning
