" ရသော်..."
အနီးအနားကနေညီမလေးရဲ့နာမည်ကိုရုတ်တရပ်ခေါ်လိုက်တဲ့အသံကိုကြားလိုက်ရတာကြောင့်အသံလာရာဆီသူတို့လှည့်ကြည့်မိလိုက်တော့လူအုပ်ကြားထဲကနေသူတို့ဆီကိုဦးတည်လာနေတဲ့ကိုမိုးညိုရဲ့သူငယ်ချင်းနှစ်ယောက်...။
ဝတုတ်နဲ့ငကျော်...။
" ရသော်...နင့်ကိုဘဘုန်းကခေါ်ခိုင်းလိုက်လို့...လုပ်အားပေးတဲ့အပျိုအဖွဲ့တွေနည်းနေလို့တဲ့..."
" သြော်...ဟုတ်လား..."
" အေ...ဟုတ်တယ်...ဒါနဲ့...ဒီကညီမလေးကဧည့်သည်ထင်တယ်နော်...တကယ်လို့အပန်းမကြီးဘူးဆိုရင်လေ...အစ်ကိုတို့နဲ့ခဏလောက်လိုက်ခဲ့ပါလား...လုပ်အားပေးတဲ့အပျိုကအရမ်းကိုနည်းနေတော့လေ..."
ငကျော်ရဲ့အားမနာလျှာမကျိုးဖိတ်ခေါ်မှုကြောင့်ယမင်းတစ်ယောက်မျက်နှာအီလည်လည်ဖြစ်သွားတော့သည်။
အရေးထဲဓမ္မမိတ်ဆွေနဲ့လာတွေ့နေရတယ်လို့...။
ကိုရဝေနဲ့နှစ်ယောက်သားလွတ်လွတ်လပ်လပ်လည်ပတ်ရတော့မယ်ဆိုပြီးသူ(မ)ကပျော်နေမိတာလေ...။
အခုတော့...။
ငြင်းလိုက်ပြန်ရင်လည်းကိုရဝေကသူ(မ)ကိုတစ်မျိုးမြင်သွားနိုင်သည်။
" အင်း...အဟင်း...လိုက်...လိုက်ခဲ့မယ်...လိုက်ခဲ့မယ်..."
" ကဲ...အဲဒါဆို...လာ...သွားစို့...သြော်...ညီလေးရဝေကဝတုတ်နဲ့ခဏနေခဲ့လိုက်နော်..."
ပြောပြီးတာနဲ့ရသော်တို့မိန်းကလေးနှစ်ယောက်ကိုခေါ်ပြီးငကျော်ကပွဲခင်းထဲကထွက်သွားလေတော့သည်။
" လာ...ညီလေးရဝေ...အစ်ကိုတို့ဆိုင်တစ်ဆိုင်မှာထိုင်ပြီးစောင့်နေရအောင်..."
" ဟုတ်ကဲ့ အစ်ကို..."
ဘယ်အချိန်မှပြန်လာမှန်းမသိပေမယ့်ဒီမှာပဲစောင့်နေခိုင်းတာကြောင့်ရဝေနဲ့ဝတုတ်တို့နှစ်ယောက်လူအုပ်ထဲကနေထွက်ပြီးအနီအနားကလူရှင်းတဲ့အအေးဆိုင်တစ်ခုမှာဝင်ထိုင်ကာရသော်တို့ကိုစောင့်နေလိုက်၏။မိုးချုပ်ခါနီးဖြစ်တဲ့အတွက်ပွဲခင်းတစ်ခုလုံးကတိုးမပေါက်အောင်စည်ကားလွန်းနေသည်။
ŞİMDİ OKUDUĞUN
အချစ် (သို့မဟုတ်) ကျွန်တော့်ယောက်ျားအမူးသမား (Completed )
Romantizmအချစ်ကြောင့်ဒီလူသားကိုအဓမ္မသိမ်းပိုက်ခဲ့မိတယ်။ (မိုးညိုမောင်) မချစ်တတ်တဲ့ကိုယ်ကဒီလူသားရဲ့ဂရုစိုက်ကြင်နာမှုတွေကြောင့်အချစ်ဆိုတဲ့အဓိပ္ပါယ်ကိုဖွင့်ဆိုတတ်ခဲ့တယ်။ ...
အခန်း(၂၃)(🦋🦋🦋🦋)
En başından başla
