" ကျစ်...ဒီမှာ...ကိုမိုးညို..."
ဘယ်လိုမှသည်းမခံနိုင်တော့တဲ့အဆုံးမိုးညိုမောင်ဆိုတဲ့လူကိုသူကုန်းအော်ပစ်လိုက်၏။ဒီလူကြီးကသူ့ရဲ့စိတ်ရှည်သည်းခံမှုကိုအမျိုးမျိုးစမ်းသပ်နေတာပဲ...။သူ့ပုံစံကတစ်ဖက်သားကိုကူညီရာမရောက်ပဲ၊ဒုက္ခပေးသလိုမျိုးဖြစ်နေတယ်ဆိုတာဒီလူကြီးနည်းနည်းလေးမှမတွေးမိဘူးလား...။
အခုလည်းကြည့်...။
အော်ခံရတော့မျက်နှာကရုပ်ကြမ်းကြီးနဲ့မလိုက်အောင်အိုပြနေပြန်ပြီ...။မသိရင်အော်လိုက်မိတဲ့သူကပဲမှားသလိုလို...။
" ဘာ...ဘာလဲ...လူချောလေး..."
တော်တော်လည်းတတ်နိုင်တဲ့လူ...။
မျက်နှာကိုအမျိုးမျိုးလုပ်တတ်ပ...။
အခုလိုမျက်နှာငယ်လေးနဲ့ကြည့်နေပြန်တော့လည်းဒီလူ့အပေါ်ထွက်နေတဲ့သူ့ရဲ့ဒေါသတွေကမီးကိုရေနဲ့ငြိမ်းလိုက်သလိုငြိမ်ကျသွားတော့သည်။ဆက်ပြီးတော့လည်းမပြောရက်တော့သလို၊ကြိတ်မှိတ်ပြီးဆက်ပြောနေပြန်ရင်လည်းသူ့အလွန်ကကိုယ့်အလွန်ဖြစ်နေဦးမည်။
" ဘာ...ဘာဖြစ်လို့လဲ...လူချောလေး..."
" ခင်...ခင်ဗျားဗျာ...ကျစ်...ဘေးနားကလိုက်မယ်ဆိုလည်းပါးစပ်လေးကိုပိတ်ပြီးလိုက်...ဟုတ်ပြီလား..."
ထန်းလက်ကိစ္စကိုတော့သူမသိသလိုသာနေဖို့ဆုံးဖြတ်လိုက်တော့သည်။ဆက်ပြောလည်းဒီမျက်နှာရူးကနားလည်မှာမှမဟုတ်တာ...။ဒါကြောင့်မသိသလိုနေလိုက်တာကသူ့အတွက်အကောင်းဆုံးပဲဖြစ်မည်။
" ဟုတ်ပြီ...ဟုတ်ပြီ..."
သူပြောတာကိုလက်ခံတဲ့အနေနဲ့ထိုလူကသူ့ရဲ့ပါးစပ်ကိုဇစ်ပိတ်တဲ့ပုံစံမျိုးလုပ်ပြ၏။သူလည်းဘာမှဆက်မပြောတော့ပဲအမျိုးစုံကြိုးခုန်တတ်တဲ့ထိုလူကြီးကိုတစ်ချက်သာစိုက်ကြည့်ပြီးလှည့်ထွက်လာခဲ့လိုက်တော့သည်။
အခုဆိုရင်တော့ဖြင့်ပူပြင်းတဲ့နေရောင်အောက်မှာကောင်လေးနှစ်ယောက်ကတစ်ယောက်နဲ့တစ်ယောက်ဘာစကားမှမပြောဖြစ်ကြပဲသွက်လက်တဲ့ခြေလှမ်းတွေနဲ့တစ်နေရာကိုသာဦးတည်လျှောက်လှမ်းနေကြ၏။သို့သော်ကောင်လေးတစ်ယောက်ကတော့သူ့နံဘေးကကောင်လေးနေပူဒဏ်မခံရအောင်ထန်းလက်တစ်ခုနဲ့အုပ်မိုးပေးနေလေရဲ့...။
YOU ARE READING
အချစ် (သို့မဟုတ်) ကျွန်တော့်ယောက်ျားအမူးသမား (Completed )
Romanceအချစ်ကြောင့်ဒီလူသားကိုအဓမ္မသိမ်းပိုက်ခဲ့မိတယ်။ (မိုးညိုမောင်) မချစ်တတ်တဲ့ကိုယ်ကဒီလူသားရဲ့ဂရုစိုက်ကြင်နာမှုတွေကြောင့်အချစ်ဆိုတဲ့အဓိပ္ပါယ်ကိုဖွင့်ဆိုတတ်ခဲ့တယ်။ ...
အခန်း(၉)
Start from the beginning