البارت الخمسون
رماد القمر
بقلمى فاتن على
🌹🌹🌹🌹🌹🌹
كم كانت نبرته جادة مخيفة لتشعر أن وراءها أمرا خطيرا لتنتبه له وبداخلها تتمنى ألا يتحدث بشئ ربما يسبب لعلاقتهم بعض من التوتر
كان يرى ردة فعلها وقلقها وتوترها لتصعب الأمر عليه كثيرا ولكن لابد من أن يعترف لها لن يبنى حياته معها على كدبة لينقى حلقه عدة مرات ليردد بتوتر
- أنا مش عارف أبدأ إزاى .... بإختصار يا لمار مقابلاتنا كلها مكنتشى صدفة.... أنا عارفك من قبل ما نتقابل فى النادى.... ولما كلمت والدتك وعرفت علاقتك بطارق فى الأول كنت هبعد وفضولى خلانى أدور وراه... لما عرفت حقيقته بلغت يوسف أخوكى... ولما بعدتى عن طارق حاولت أدخل حياتك بكل الطرق.... كل حاجة عنك عرفتها من والدتك... الحاجات اللى بتحبيها.... الألوان... تصميم البيت اللى بتحلمى بيه... لمار أنا
هنا تنهض لمار لتشعر أنها تحلم فقط لتتلفت حولها بضياع لتردد بإستنكار
-يعنى كل ده كان مجرد لعبة..... لعبة إشتركتوا فيها كلكوا عشان تنقذوا البنت المسكينة من الديلر... ومثلت الحب عليا عشان تضمنوا مرجعلوش تاتى... قدكده كنت عبء عليكوا....الحب والمشاعر عندكم سهلة كده
ينهض مازن ليقف فى مقابلتها مرددا بإندفاع
- مثلت إيه... إيه الكلام اللى بتقوليه ده... إنتى خيالك وسع بيكى أوى أنا فعلا بحبك و....
لم تمهله فرصة لإستئناف حديثة لتصرخ بوجهه بملامح جامدة
- كفاية بقى تمثيل... كفاية مزهقتش
لتقوم بنزع دبلتها والإلقاء بها على الطاولة ثم تتركه وسط ذهوله وتغادر فام يتخيل فى أسوأ الأحوال أن تكون تلك نتيجة إعترافه فكان أقصى ما فكر به هو أن تغضب منه يوم أو إثنان
تدلف خلود إلى الغرفة وهى تهز رأسها بيأس مرددة بضيق
- قولتلك بلاش يا بنى... دى بنتى وأنا عارفاها دى حساسة أوى
يومئ لها مازن ثم يلتقط الدبلة ليعطيها لخلود بيدها مرددا بتأكيد
-أنا هسيبها تهدى... إديها الدبلة... أنا إستحالة أسيبها أو أعيش عمرى اللى جاى من غيرها... بالله عليكى حاولى تفهميها
يغادر مازن وقلبه يعتصر ألما على فراقه لمن عشقها منذ الوهلة الأولى
💔💔💔💔💔💔💔💔
منذ تلك الحادث الأخير وأصبحت الأجواء فى المنزل متوترة للغاية فكل فرد فى واد خاص به لا يجتمعون ولم تحاول مريم الجمع بينهم
كان كل ما يهم مريم هو أن تنجب إبنتها ولد لتحلم كثيرا بتلك اللحظة حتى تنتقم من أيمن
فى وسط كل ذلك التوتر كان عادل وكأنه مغيب تماما يتناول تلك السموم بشراهة تاركا فكرة العمل جانبا
