تنهدت من قلبي لين ارتعد سلسالي

البارت : ٨٢

ضمتها عبق وبغصه : بفتقد قصصك بليل مدري كيف بنام هالليله بدون قصه بعد ٣ سنوات من الاعتياد على قصصك قبل النوم ،
بادلتها مشاعل : بتنامي مرتاحه كونك بتشوفي شركتك وانجازك اللي انجتيرهه وانتِ بالسجن ، لما تشوفي اهلك مضاعف فرحهم بشوفتك وبانجازك ،
ناظرتها عبق بعيون لامعه : والله لولا الله ثم انتِ كان مابدر مني كل هالنجاح .. انتِ الداعم الخفي من بعد اهلي ،
نادت السجانه عبق ، ناظرت مشاعل : ما بوادعك .. لان عارفه بنلتقي كثير ان شاء الله ،
ابتسمت مشاعل : ان شاء الله ، بالتوفيق
اخذت شنطتها عبق : وياك ..
مشت وراء السجانه بخطوات ثابته ومرتاحه من هم وذنب القتل ، قتلت واخذت جزاها ماعاد بقلبها خوف من فضح هالسيرهه الكل عارف انها قتلته لحظة دفاعها عن نفسها .. وقفت قدام باب كبيـر اخذت شهيق عميييق وكتمته بصدرها لـ ثواني ثم زفرته بهدوء لما انفتح الباب وكان خلف هالباب ، سحر ورحيق وفيصل وفهد .. توجهت لهم بخطوات متسارعه وضحكتها توضح فرحتها بهاللحظه ، بعد دقائق من الاحضان والدموع والفرحه ..
نطقت رحيق بحماس : اكيد اول مشّوار بتشوفي شركتك!
نطقت عبق بابتسامه : لا ، ابي ازور بابا ،
لحظة صمت مرت ناظرتها سحر تحاول تخفي صدمتها : براحتك اليوم يومك ،
عبق مسكة كتفها : حتى انتِ معنا ، اخر زياره لنا قبل ٤ سنوات اكيد مشتتاق لنا اذا يحبنا ، انا كل يومين زايريني واحس بالوحشه كيف بيكون حاله اجل؟ اذا شفناهه تغير بعين له محامي ونرجع نسكن مع بعض ،
توجهو لـ زيارة محمد ..
بسجن الرجال كان يكنس الارضيه كـ شخص ينتظر اجله فقط لا غير ، بعد ما خلص دخل دورة المياه |تكرمون | توضئ واحسن وضوءهه ، واذن اذان العصر من لما انسجن وهو اللي يأذن ويصلي فيهم بسبب حسن صوته ..
بعد ما خلص الصلاهه جلس وفتح القرآن على سورة هود .. وطاحت عينه على الآية 115 " وَاصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ" .. تنهد براحه مايدري وش فيه بس يحس هالايه مسحت على قلبه وبدلت ضيقته لـ طمأنينه ، قفل القرآن بعد ماخلص قراءه .. برجاء دعى " يارب من ٤ سنوات وانا ادعيك بأن تجعل لي لقى مع عيالي قريب ولازلت الحّ عليك وبقلبي كلي امل ان بتستجيب ولابتخيب ظن عبدك يطلبك هالدعوه من ٤ سنوات " انهى دعوته ومسح ع وجه واستغفر وهلل وقراء اذكارهه لمدة دقيقتين ..
وقف كان بيطلع من المصلى لكن استوقفه السجان لما ناداهه : محمد ال **
لف محمد : هلا
السجان : عندك زيارهه ،
ضحك محمد بصدمه : يمكن غلطان؟..
السجان ناظرهه مايلومه هو السجين الوحيد اللي محد زاورهه : لا انت ، والواضح انه زوجتك وعيالك ..
ناظرهه محمد للحظات ثم جثى على الارض يبكي بصدمة ، سجد سجود شكر ووقف بحماس : وينهم وينهم ،
اخذهه السجان لـ عندهم فك الكلبشات بعد مادخله الغرفه ، قفل الباب لـف محمد والتقت عيونه بعيون سحر اللي ابعدت نظرها عنه ، نطقت عبق : هاي بابا؟ كيفك اشتقت لنا؟ ولا ما اهتميت كعادتك قبل ٤ سنوات ،
تقدم محمد بخطوات وعيونه تنهمر بالدموع وبغصه : واللي ينزع روحي بهاللحظه اني مشتااق وجداً ، وندمانن ليه يابوك هالقطعه؟ ادري اني مقصر وما استاهل اكون ابو بس بعدكم ونسيانكم صحاني من غفلتي وحسدت خالكم نايف وامكم بحبكم لهم ،
عبق : خالي نايف يطلبك انك تبيحه وتحلله ..
غمض عيونه بصدمه : ايشش؟
عبق تنهدت : الله يرحمه .. ما لك بالطويله انا اليوم زرتك لان حسيت بمعاناتك ، انا يا بابا اليوم طلعت من السجن ..
محمد جلس ع الكرسي بصدمه ، ضحكت رحيق : يوهه صاير كثير احداث لو نقولها اخاف يصير لك شيء من الصدمات ،
ضحكت سحر واردفت عبق : فهود وفيصل حرام يكبرو بدونك! وانا جايه عينت محامي بيرجع يفتح قضيتك وان شاء الله تخرج قريب ..
ابتسم محمد : هل انا بحلم؟
تنهدت عبق : بابا .. اوعدنا انك بتتغير عشاننا وعشان لاتخسرنا ، الدنيا بغيابك اثقلت علينا كثييير واوله هو موت خالي نايف الله يرحمه .. بابا ماعاد نبي الا اننا نعيش مع بعض واحنا مبسوطين اذا بتطلع من هنا وترجع لـ حياتك قبل احنا هنا نعلن استسلامنا وبنواصل حياتنا بدونك ..
محمد بغصه : ما ابي اطلع مستعد اقعد هنا واموت هنا دام بتزوروني ، مابي من الدنيا الا شوفتكم ..
ماتحملت سحر وطلعت تاركتهم تبكي برا ، لفت عبق: اعلمك سر؟
عقد حاجبه محمد من تغير عبق : وش؟
ابتسمت عبق : ماما رفعت قضية خلع وبيوم المحكمة الغت الطلب يعني ..
قاطعتها رحيق : مابقى من زوجاتك الا ماما ، خاله سمر ..
قفلت اذاني فهد واردفت بهمس : ماتت ،
نفض راسه محمد يحس بشعور ماينوصف تمنى انه فاقد ذاكرته ع الاقل معروف باللي يحسه من ضياع ،
ناظرهم فيصل : بابا اصدمك اكثر؟ صرت صف خامس .. لا لا ذا مايصدم .. عبق ورحيق ملكو وانفصلو ، وازيدك من الشعر بيت؟ رحيق تخرجت هالسنه وصارت محاميه ، وعبق صارت صاحبة شركة .. وفهود ..
قاطعهم ضحكت محمد الهستيريه ، كان يضحك مصدوم : كل ذا صار؟
رحيق تنهدت : واكثر في تفاصيل ماتنحكي ، او احنا نحاول نتناساها ما ادري ، بس ودنا نقول لك كل التفاصيل عشان كذا وافقنا نزورك اليوم ..
عبق : معلينا الحين قبل نحاول نطلعك لازم تنفذ شروطنا ،
الاول تعامل ماما افضل معامله ثانياً مافي عمل ومافي سفر وتتركنا مثل قبل ، وظيفتك هيا توصل فيصل المدرسه ومواعيده وفهود الروضه ، ثالثاً بيكون معك شخص مخصصته انا يراقبك السبب احتفظ فيه ، رابعاً انا ورحيق بنتكفل بالمصاريف البيت لاتشيل هم انت الحين متقاعد وظيفتك تهتم فينا ،
ابتسم محمد بين دموعه : موافق بما انكم بتبقون حولي وتسامحوني ،
عيق : لو اننا مو مسامحينك كان ماشفتنا نتكلم معك بهالطريقه ونضحك ..
رحيق : للأسف اننا تغيرناللأفضل بشكل الكل ملاحظ اننا متغيرين .. وهذا بسبب ان كننا نحارب الحياه ونساعد ماما ،
سحر دخلت وبهدوء : انتهى وقت الزياره يالله ،
عبق ورحيق : تمام ،
اردفت عبق : مع السلامه ،
محمد وهو يبكي : مع السلامه ،
طلعو وتركو محمد بحالة اندهاش ضحك بصدمة ومشى على عنبرهه ،
-
طلعت عبق ناظرت سحر : ماما روحي انتِ وفيصل وفهود البيت ، انا وعبق بناخذ اوبر ونروح الشركه،
سحر تنهدت : تمام بس لاتطولو وانتبهو على انفسكم ،
رحيق لبست نظارتها الشمسيه : تمام ،
مشت سحر وبعد ١٠ دقايق من الانتظار وصل اوبر ، ركبو وبطريقه لـ شركة عبق العقاريه ، سألت رحيق وعيونها ع يدها : عبق لسه شايله بخاطرك علي؟
عبق وعيونها بجوالها : على وش؟
رحيق باحراج : صورك اللي كنت ارسلها لـ ناصر ..
عم الصمت لـ لحظات وتذكرت عبق لما قالت لها رحيق عن السالفه ..
فلاش باك❗:
بعد ما انسجنت عبق بشهرين ، جلست رحيق مقابل غبق وبغصه : كيفك؟
تنهدت عبق : بخير ، غريبه جايه لـ حالك؟ وين ماما؟
نزلت راسها رحيق : انا رفضت انها تجي لان ابي اكلمك بشيء ،
عبق عقدة حاجبها : واللي هوا؟
رحيق بارتباك : قبل اقوله انا عارفه اني غلطانه وكثييير بس .. بس كل شيء صار بسببي بسبب عدم ثقتي بنفسي ..
ناظرتها عبق : اذا خلصتي اللف والدوران اديني خبر! تكلمي ترا ما بقتلك بيني وبينك حاجز ، وش في؟ خوفتيني ،
رحيق بكت : اسف انا اللي وصلتك لـ هالمكان بسبب طيشي ، عبق انا كنت ارسل .. ارسل صورك له على اساس انه انا ، الصور اللي هددني بنشرها كانت صورك بس هذا مو معناته اني استهنت فيها لا والله اخترقت جهازهه وحذفتها وعاد انتي عارفه وش اللي صار .. بعد ما جاء خطبني وعرف اني غير عن اللي بالصور ورفضت وقتها قال ان مُستحي انه يحبني وان ما يحب الا البي بالصور .. بعد مُدهه من وفاة خالي نايف شافك بالصدفه وعرف انك توأمي ، فرجع خطب مو عشاني انما عشان يكون قريب منك .. وبعدها صار اللي صار مع سايد ..