تنهدت من قلبي لين ارتعد سلسالي

البارت : ٢٢

عند سفر وميعاد كانو يناظرو امهم بفرحة ميعاد ضمتها وسفر نزل عند رجولها يسلم عليها ، اما طيف كانت تناظرهم باستغراب كونها طفله بعمر الـ ٥ سنوات تجهل وجود امهم ، ابتعدت ميعاد عن امها وسجدت سجود شكر ، وبكت بفرح وشعور متلخبط نست تعبها والمها .. ماتدري كيف وصلت امها وهنا ومين السبب لكن حالياً تشكر الله ع هالفرحة ، وقفت تناظر امها ورجعت تضمها وصارت بجنب وسفر بجنب وثلاثتهم يبكون ..
نطقت ببحة : ياهه يايمه ماتدرين كيف قست علينا الحياهه بدونك ، وكم اهانه وتنمر عشناهه ،
سفر : اسكتي خلينا ننسى بس هاللحظة وبعدها نشتكي ، تكلمي يايمه اطربينا بصوتك ..
عايشة "اسم ام ميعاد" : بشوفتكم ضاعت الحروفف الابجديهه .. اشتقت لشوفتكم ابي بس امعن النظر فيكم واعوض الشوقق ..
تكلمو وعبرو عن مشاعرهم الليل كله ..
وقفت ميعاد وكانها استوعبت البيت اللي فيه لفت ع سفر حطت يدها ع فمها وشهقت : ضاري برا نسيناهه ..
فز سفر وراح يشوفه كان ضاري جالس عند باب الشقه ع الدرج ونايم بالبرد .. رغم ان الباب فاتح كان يقدر يدخل المجلس ، او يروح لكن لسه ماخلص من الامانه والمسؤوليه اللي توكلها ،
هزهه سفر بهدوء  ، فز ضاري مفجوع ناظر المكان ثم سفر ، مسح عيونه ووقف يكح ويتنحنح وبنبرهه نوم : معليش غفيت ، ماقدرت ادخل ولا اروح لين انتهي من المسؤوليه اللي علي ،
ابتسم سفر وضم ضاري رغم ان مو من عادته يضم احد غير ميعادهه ، بس احساس الامتنان اللي يحسها لـ ضاري كبيرهه تعجز الحروف عن وصفها ..
لكن كان ضاري مكسر مو بحيله للاحضان لاحظ سفر ارتفاع حرارة ضاري ، ابتعد عنه سفر وحط يدهه ع جبينه يقيس حرارته : ادخل نحط لك كمادات حرارتك مرتفعه ،
ضاري دايخ ويكح لف لشقته اللي قدام الشقه اللي جهزها لسفر وامه وميعاد ، متجاهل سفر .. وقف عند الباب ولف ع سفر وبتعب : الشقة ذي شقتكم والعقد باسمك ياسفر ..
كح واردف : ولاتخاف من الاجار علي و .. وبكرهه نتكلم بالتفاصيل ، دخل البيت ولاتأكد من الباب وترك جزء بسيط منه مفتوح ، دخل الصاله ورمى نفسه بتعب ونام ..
-
بداية يوم جديد ..
« تبوك »
بعد تفكير ليالي واستخارهه واستشارهه وقعت عقد العمل بشركة البدر واليوم اول يوم لها بالدوام ..
قامت وتبت سريرها بعد ما انتقلت لغرفتها وفضت غرفة نومها لغروب والبدر و بواجباتها من ترتيب وتنظيف وتجهيز فطور ..
واخر لمساتها كان كوب قهوة البدر ..
شروق ابتسمت لشوفة الخاله رحمه : عسى ربي يكتب لهالوجه اللي يبهج الروح بالجنه ،
رحمه ضمتها : امين ومن قال ياعيوني ،
جلست الخاله رحمه وصبت لها شروق قهوهه ، لمحت البدر وبرقتها : بدر ..
لف لها بدر وهو مستعجل : هلا ،
شروق اخذت كوب قهوته وبحنيه : قهوتك ،
اخذها البدر ومشى بدون لايشكرها ،
شروق نادته باحراج بسبب استعجاله وهيا ماخلصت كلامها : بدر ،
تنهد البدر بضيق ولف وبدون نفس : هلا ،
شروق رجعت خصله وراء اذنها ونظرها للارض : اليوم اول يوم عمل مابتاخذني معك؟
ضرب راسه البدر لانه نسى وبأسف : اسف مقدر عندي مشوار مع غروب وبعدها اجتماع ، وش رايك مع السواق ،
ابتسمت شروق وهزت راسها : تمام مافي مشكله ،
طلع البدر وشروق احتلها الحزن بعد ماكانت تقضي وقت معه حتى لو من البيت لـ السيارهه ، لكن مخططها بات بالفشل ، لبست عبايتها وتوجهت لشركة مع السايق ..
دخلت وتطالع ضايعه ، توجهت لـ الاستقبال : السلام عليكم ،
موظفه الاستقبال : وعليكم السلام اختي في ايش اساعدك؟
شروق بنعومتها ورقتها : انا شروق ال ** موظفه جديدهه ،
وقفت الموظفه بخوف لاسمها : اهلين اخت شروق اعتذر ع اسلوبي لو تواقحت بلا سبب ،
شروق رفعت حاجبها : عفواً ..
الموظفه : المدير بدر موصينا اننا نهتم فيك كونك اخته ،
شروق : بعصب اذا عاملتيني كدا ، انا حالي حالكم ، بس حابه اعرف مكتبي وماله داعي الرسميات بيننا ،
انهت كلامها بابتسامه ..
ابتسمت الموظفه باحراج : ابشري ..
تفضلي معي لمكتبك ..
دخلت مكتبها لكن الوضع اللي بالمكتب ماعجبها كيف ان ٣ رجال معها يشتغلو وهيا البنت الوحيدهه ، دخلت بارتباك واخذت التعليمات اللي عليها .. وبنهاية التعاليم نطقت بهدوء : ممكن توصليني لمكتب البدر؟
الموظفه : ليه اخطيت بشيء؟
شروق : لا لا .. بس ابي اروح لمكتبه تعرفي اول مرهه اجي الشركة ولي حق كوني اخته اروح له ..
ابتسمت ودلتها ع مكتب بدر وليتها ما دلتها ،
طقت الباب وماكان في استجابه ظنت انه مشغول مع غروب فدخلت وتصنمت ..
لحظات ولفت وجها ويدها ع قلبها ودمعتها ع الطرف كانت غروب مع البدر ويسولفو ويضحكو مقابلين بعض ،
البدر بضحكته : اهلين شروق وش بغيتي ،
شروق كانت تعاتب البدر لان كذب عليها .. وصرفها وابعدها عنه متعمد بس عشان ماتشوفه غروب معها ، مسحت دمعتها ولفت وباحراج : اسفه .. ما ماكان قصدي ،
البدر بابتسامه وروقان : لا عادي وش بغيتي ،
شروق : ابي اغير مكتبي ،
البدر اسند نفسه ع الكرسي : ليه؟
شروق : ابي اكون بقسم نساء ، بمكتبي ٣ رجال وما اقدر اخذ راحتي ، والوضع خلوهه ولا ارضى ع نفسي .
غروب : عادي احس بعدين مابيسو لك شيء ،
شروق وكأن جت فرصتها تدق غروب بالكلام : يمكن لو وصلة لمستوى جرأتك بختلي برجال وانا مو متسترهه ، رغم ان لابسه نقاب ومتسترهه الا اخلاقي ماتسمح لي اختلي مع احد و من محارمي .
البدر : لكن مافي قسم نساء بشركتي؟ الوضع مختلط واتوقع قريتيه بالعقد ووافقتي عليه؟
شروق بحدهه : بس كونك ز..
سكتت للحظات واردفت : كونك اخوي المفروض ماتخليني اختلط مع الغريب؟ وين رجولتك وغيرتك ع محارمك ، انا ما ابي احط نفسي بمكان بيوم راح تتلطخ فيه سمعتي ،
تنهد البدر لما شروق تداركت الوضع ولا زلت وبهدوء : وين ودك يكون مكتبك؟
شروق بتحدي جاهله عصبيتها : هنا معك بنفس المكتب ،
البدر : ابشري باللي يعزك ،
غروب تخصرت : لا والله انا ليه حاذفني برا مكتبك؟ مو انت ع اساس ماتحب احد معك ،
البدر مسك يد غروب : انت ياحُبي متعودهه ، لكن لساتها موظفه جديدهه ،
غروب بدلع : لا يابدر ابي اكون معك ،
وارتمت بحضنه بتمايع ، ضمها البدر وهمس لها بعبارهه ، وكانه مصتقصد شروق ماتسمعها ، فزت غروب : وعد؟
البدر ابتسم ومسك ارنبت انفها : وعد ،
اخذت غروب شنطتها ومشت وبابتسامه عريضة : بكون بانتظارك ،
وطلعت ارتمى البدر ع الكرسي وناظر شروق : ليه اصريتي تكوني معي بالمكتب؟
شروق تحس انها مضغوطه بسبب افعاله لها وبحدهه : تفضل اني اقعد مع غريب وزوجي مثل البغل يختي بوحده ماصار لها محرم؟
مسكت فمها بصدمه اول مرهه تتكلم عليه وناظرت ردة فعله ، لكن صدمها لما ناظرها بنظرات حادهه ولما لاحظ خوفها ضحك : حبيت تعليقك ع كلمة زوجي ، ناسيه اننا الحين نمثل دور الاخوان؟ قبل شهرين مخلصين دور الزوجين المثالين ،
شروق اكتفت بالصمت هو الحل المناسب مع البدر واردف :اجلسي لين اقول لهم يرتبو لك مكتب  ..
-
« الرياض »
خامس يوم مر ع فقدانها البيت بدونها باهت ، وكأن ارواحهم منزوعه من اجسادهم وجيههم بهتت والهالات والتعب تغلبو عليهم جالسين سحر لازالت تبكي وتدعي ورحيق عايشه ع صور عبق اما نايف عايش بذنب اختطاف عبق وهو ماله دخل ، محمد منزعج من الاتصالات اللي توصله وكان اخر اتصال يوصله ولكن سحر ماتحملت وسحبت الجوال وردت بحدهه وعصبيه : عسى ربي يذوقك مر الفقد والخوف اللي عايشته ع هالازعاج ،
رمت الجوال بوجه محمد وجلست ترجف و.