تنهدت من قلبي لين ارتعد سلسالي

البارت : ٧٨

وليد بغصه يحاول يتمالك نفسه : ان لله وان اليه راجعون ، هذي سنة الحياهه ياضاري تصبر ،
كتم بكيته ضاري وبكى وببحه : لازم اسافر لـ لندن ،
وليد ناظرهه : وزوجتك مين يواسيها؟ اثنينكم الحين فاقدين غالين .. انا بسافر لاختك وبكمل اجراءات جنازة نايف .. وقف بعزا سفر وكون قوي الى ان ارجع ..
بكى ضاري ، ابتعد وليد عنه وهو يتصل يحجز له طيارهه باسرع وقت .. وما ان انتهى من الاتصال طاحت دمعته مسحها وابتعد عن انظار ضاري ،
« جدهه »
كانو وجد وام سلطان جالسين بالصاله .. وجد تدق لامها ع الناس اللي تعرفهم ام سلطان وتعايدهم ، دخلت عهد وهي تجر سلطان بكرسيه ، لما شافته امه وقفت ، لكن مسكة يدها عهد : خاله اجلسي ابي اتكلم معك بموضوع ..
ساميه تنهدت : نتكلم بغرفتي ،
جلست عهد عند رجل ساميه تكفين يا خاله ،
انصدمت ساميه لدرجة جلست معها ووقفتها : تمام تمام بس قومي ،
وقفت ساميه وجلست ع الكنبه ، اما عهد جلست عند رجل ساميه : خاله انا احترمك كثير ، لكن بكرهه عيد وخصامك مع سلطان مابيخلي اعمالك ترفع لله ، اللي واجهته مع سلطان اخذ سلطان جزاته ، ما ابي زعلك معه يطول اكثر من كذا بسببي ، اذا فعلاً تحبيني سامحيه ،
بلعت ريقها ساميه : احبك ياعهد لدرجة اشوفك بنتي اللي ماجبتها .. بس سلطان اللي سواهه فيك مو بهين لا يكون سامحتيه؟
ضربت ع افخاذها واردفت : ياطيبت قلبك ياعهد ياطيبت قلبك ياعهد ،
مسكت يدها عهد وبحنيه : ما سامحته .. حتى لو سامحته ربي ظنك بيغفر له فعلته؟ مابسامحه الا بيوم نوقف قدام ربي وياخذ بحقي منه .. الحين ابي انك تسامحينه انتِ ووجد اذا لي خاطر عندكم ، انتو صرتو لي اهلي بعد ما فقدت اهلي وهيام .. بخاطري هالعيد احس بجمعة الاهل بالعيد وهالامنيه بيدك ياخاله ساميه سامحيه او بترك البيت ولا بتشوفيني ..
شهقة ساميه وضمتها وبحنيه : يطلع سلطان ولا تطلعي انتِ ، بسامحه عشانك ياعهد .. عشانك ،
وقفت عهد وابتسمت : بما انك سامحتيه اكيد مشتاقه تضميه لـ صدرك؟
التقت نظرات ساميه بعيون سلطان واثنينهم الدمع بعيونهم ، وقفت ومشت باتجاهه وضمته .. لحظات وبكت وبغصه : ماهان علي ازعل كل هالفترهه لكن اللي سويته بهالمسكينه يسود الوجه ..
بادلها سلطان وبغصه : ندمان يمه والله ندمان .. كل يوم الكوابيس زايرتني .. وعاجز عن الحركه ، روحي ثقيله بسبب هالندم ،
ابتعدو عن بعض ، اخذت عهد سلطان : صار وقت علاجه بعطيه ثم سولفو وعوضو عن الفترهه اللي تزاعلتو فيها ،
وصلو الغرفه وقبل تبتعد مسك سلطان يدها : ليه؟
ناظرته عهد بعد مافهمت مقصده من سؤاله : ما ابي اكون طرف ثالث وافرق بين ولد وامه ، وانا قريب بترك البيت ،
شد ع يدها : ليه تتركي البيت؟
عهد ناظرته بهدوء : مابتركه بس عندي احساس ان يومي قرب ..
بلع ريقه سلطان وناظرها : تعوذي من الشيطان وش هالاحساس؟ الاعمار بيد الله ، ومحد يعلم بساعته ،
عهد تركته وتوجهت لـ الكومدينه : ونعم بالله لكن موتي مو امنيتك من لما شفتني؟ ليه خايف الحين؟
رجعت له وعطته العلاج وكوب المويه ،
اخذ العلاج واكتفى بالصمت ، يحس بسكين حاميه تغرس بقلبه ، اعتاد قربها مُستحيل يسمح لها تبعد وهي لسه ماسامحته ،
-
بداية يوم جديد ومُختلف ببهجة العيد ،
طلعت وجد بسلة الحلاوا وعهد معها بصينة القهوهه وكل وحدهه كاشخه احلا من الثانيه ومبتسمات ، دخلت ساميه وبيدها المبخرهه ، تقدمت من عهد وبخرتها وبحنيه : كل عام وروحك تزورها السعادهه ،
ابتسمت عهد : وياك يارب ،
توجهت لـ وجد : كل عام وانتِ بخير وان شاء الله السنه الجايه اعايدك وانتِ ببيت زوجك ،
وجد برجاء : امينن يارب متشفقه ع شوفة فارس الاحلام ،
ضحكت عهد ، اما ساميه ضربت كتفها بحنيه : استحي ع وجهك،
حطت المبخره ع الطاوله ومسكت طرف طرحتها وهي تفك العقده وتخرج 100‪0 ريال ،
اخذت خمس مئه وبابتسامة : ذي ياعهد عيديتك الاولى مني ،
تفاجئت عهد وارتبكت : لا خاله ما يصير ..
قاطعتها ساميه : ذي عيديه في احد يرد العيديه؟
مسكة عهد يد ساميه وناظرتها بعيونها الدامعه : ما بعمري جتني عيديه .. م ماعرفت اتصرف ،
حست ساميه بحزنها فحبت تغير مودها ، اخذ الـ خمس مئة الثانيه وعطتها وجد : ذي عيديتك خل اشوفك تبلشيني وتقولي ماعطيتيني عيديه ،
اخذتها وجد : خمس مئه كيف بنسى ،
ناظرت ساميه عهد : شفتي تموت بالفلوس كأن مو قبل يومين مستلمه طلبيتها بـ ١٥٠٠ ،
ابتسمت عهد : الله يحفظكم لـ بعض ،
قاطعها سلطان : وانا يمه ما لي عيديه؟
ساميه بتمثيل شهقة : ااا كيف انسى قطع الله روحي ، ابداً ما نسيتك ذي عيديتك ،
طلعت من جيبها ريال فتحت كفه وحطت الريال : اعذرني ع القصور ..
ضحكت عهد : الحمدلله على الـ ٥٠٠ ،
ناظرها سلطان يمثل الغضب : اي اي اضحكي اخذتي مكاني بالعيديات ،
عهد مدت لسانها .. ضحك سلطان : دام كذا فدا ،
ناظر امه واردف : اتوقع استبدلت ،
ساميه : اي استبدل ولدي سلطان ببنتي عهد ،
مشت وهي تضحك وتركت عهد وسلطان ، كانت بتمشي عهد لكن مسكة سلطان لـ يدها وقفتها لفت عليه : محتاج شيء ،
تنهد سلطان : كل عام وانتِ بخير ،
عهد ناظرته : الحمدلله صار لي مايقارب الشهرين وانا بخير ،
بلع ريقه سلطان لما فهم مقصدها وهو معرفته لـ الحقيقة، تجاهل الاحساس اللي زارهه ، اخرج من جيبه علبه صغيرهه وبدون لا يناظرها : ذي هديتك اتمنى تقبليها ،
عهد بدون لاتشوفها : اعتذر ما اقبل هدايا ،
ناظرها سلطان : اقبليها كتعويض لـ مساعدتك لي بـ هالفترهه الصعبة ،
عهد زفرت وهي تتكتف : اكبر تعويض ممكن اقبل هو فرقاك ، ورقة طلاقي منك هي اكبر هدية وتعويض ،
سلطان ناظرها ولاول مرهه يشوف الندبه اللي بوجهها مختفيه بسبب عضته باول لقى بينهم ، غمض عيونه لما تذكر اللحظه بتفاصيلها ، كيف قدر يشوه وجهها ..
نزل الهديه بعد ما طاحت دمعته وبغصه : تمام ، ان شاء لله توصلك قريب ،
مشت عهد متجاهلته تماماً رغم ان ماودها تكسر خاطر احد او تجرحه بيوم مثل يوم العيد ..
-
« الشرقيه »
دخلت ندى الحمام |تكرمون| بعد ما تركت جوالها بدون باسورد ، كونها حاسه بشك الغيث وتغيرهه ، دخل الغيث بعد صلاة العيد ولما شاف جوال ندى وهي مو موجودهه حس انها فرصته اخذ الجوال واستغرب انه بدون رمز ، فتش وما لقى شيء ضدها او يثبت شكه ، رجع الجوال ومسك ع راسها بعد ما رمى الشماغ وهو يتعوذ من الشيطان ، ندى كانت تراقبه قفلت الباب وناظرت المرايه وهي تبكي بعد دقايق غسلت وجهها وعدلت مكياجها وطلعت ، والتقت عيونها بعيون الندى ، الغيث ماخفى عنه عيونها الحمراء والمتورمه ، حس بنار تحرقه قلبه كونها عارفه انه شاك فيها .. توجه لها وحضنها وبندم : اسف ،
ندى حاولت تتصنع عدم فهمها مقصدهه : عادي مو يعني اول عيد لنا يعني لازم هديه .. انت اكبر هديه بهالعيد ،
ضمته وبغصه : اتمنى مايجي اليوم اللي نفترق فيه ،
ابتعد الغيث : هديتك موجودهه ،
مسك يدها ونزلها معه بعد ما مرو بساير وسابر وغنادير ، طلعو برا البيت وكان في كرتون كبير بالحيل ابتسم الغيث : اسحبي الشريط ،
ركضت ندى بحماس وسحبت الشريط وابتعدت ، طاحت جهات الكرتون الاربع وخرجت بلالين وبوسطها سيارة جي كلاس ، شهقة بصدمه وناظرت الغيث وعيونها تحكي فرحتها لما بكت : جي كلاس؟؟ مو منجدك ،
الغيث تنهد : وش اسوي اجتمعت كل المناسبات مع بعض ، تخرجك .. درجاتك العاليه بالمدرسه والقدرات .. اول عيد بزواجنا .. وعيد .. يعني هالـ جي كلاس شامل لكل المناسبات ،
ضحكت ندى وضمته : شكراً ..
ابتسم الغيث ومسح ع شعرها ،
غنادير كانت تراقبهم من بعيد رفعت جوالها واتصلت واول ما جاها الرد تكلمت بعصبيه : ليه السحر مابدا مفعوله؟ ليه ما اشوف تغيرات عليه؟
👥: لانه جالس يقاوم السحر لكن بلحظه حينفجر ويفقد السيطرهه بس اصبري ،