تنهدت من قلبي لين ارتعد سلسالي

البارت : ٦١

تجاهلت كلامه العهد ومشت سُبحان من نزعه حُبه من قلبها ، مشى وراها ونطق بسخريه : الله وين اللي كانت تقول ما اعيش من دونك؟ وش غيرها الحين ..
وقفت ولفت بسرعه وبدون حس ووعي صفقته كف وصرخت : يا قليل الحيا كيف تتحرش بوحده متزوجه وتغازلها بمكان مثل المستشفى ..
سحب النطارهه والكمام وبحده : وين زوجتك خلها تشوف قرفك وكيف تلاحق بنات الناس ..
ارتبك تركي وصار يلتفت يمين ويسار اردفت العهد بعد ما شافت الامن بكت ونطقت : تكفي ابعد يتحرش فيني .. ويهددني يقتل زوجي اذا ماطلعت معاهه ..
مسكو الامن تركي اللي صرخ : كذابه وبعدين هيا زوجتي ..
قاطعته العهد : وين عقد الزواج ووين كرت العائله لاتحاول تكذب ،
تركي بحدهه : عهد قولي انهم يكذبون ولله مابيحصل لك خير...
عهد بكت بكذب : اتوقع شفتو بعينكم يهددني ،
وجد مسكة كتف العهد وبخوف : عهد وش فيك؟
لفت عهد وضمتها : تركي ياوجد ..
ابتعدت وجد واخرجت عقد زواج عهد وسلطان وبحده وجهت كلامها لـ تركي  : وش تبي فيها ؟ ماعاد هيا زوجتك ياتركي الحين هيا حرم سلطان ولو يعرف انك كلمتها انت عارف وش ممكن يسوي فيك ..
بلع ريقه تركي ووجه كلامه لعهد : الظاهر فعلاً نسيتيني وتزوجتي زوج صديقتك ، خنتي اعز صديقاتك ياخاينه وقفت علي يعني هذا وانا جاي اصلح العلاقه واردك لي .. حسافة فرحتي لما شفتك
سحب يده بعنف من الامن وابتعد ..
ابتسمت عهد ع حالها .. غريب امرها .. ابتعدت عن التجمع اللي صار ببال شارد ، دخلت الغرفه عند سلطان وجلست لحظات وضحكت لدرجه انسدحت ع الكنب ولا زالت تضحك ..
استغرب سلطان من ضحكها لكن ما انكر انه استانس شوي لما شافها تضحك وهيا بقربه سألها بابتسامه : وش يضحكك؟
ردت باستهزاء : اضحك ع حظي ف الرجال .. اللي مافيهم من الذره رجوله الاول يقول ي خنتي صاحبتك والثاني يقول قتلتيها ..
سلطان عرف انه مقصود بالثاني لكن مين الاول؟ كان بيسألها لكن قاطعه صوت بكاها بعد الضحك الهستيري .. فجاءهه صرخت بحده : هيييامم .. هيامم اكرهككك اكرههك
مسكت ع اذنها ورجعت تصارخ : اكرهكك والله اكرهكك ..
بكت بانهيار ونطقت بغصه : بسببك اعيش الالم مع طاريك الف مرهه .. الصداقه اللي كنت اعتز فيها صرت كارهتها ..
وقفت وقلبت الطاوله بالفطور اللي عليها .. تصارخ بقلبها حزن تعجز عن وصفه .. دخلت بحاله هستيريه من الصراخ والتكسير حتي المغذيه اللي بيد سلطان فكته وكسرت كل الاجهزه اللي حوله ، سلطان يناظرها بصدمه وهو ينادي ع الممرضه ، دخلت الممرضه مفجوعه من حالة الفوضى اللي بالغرفه .. تقدمت من عهد لكن وقفت لما شافت بيدها قطعت زجاج .. صرخت ع الممرضات ودخلو اربع ووجد معاهم ..
رمت قطعت الزجاجه وجلست ع الارض وضمت نفسها وبكت وهيا تردد : اكرهك ياهيامم اكرهكك حياتي متدمرهه وانتِ بموتك دمرتيها.. قلت لك انتِ اللي باقي لي بحياتي واخترتي تطلعي منها اككرهككك
ناظرت الممرضه ومسكت يدها بتعب : تكفين ابي اموتت ، اكرهك ياهيامم ..
ركضت لها وجد وضمتها : عهد ،
اخذت الممرضه ابرت المسكن وحقنتها بيد العهد الى نامت وهيا لا زالت تكرر اكرهك ياهيام ..
سلطان كان بصدمه دموعه تطيح بلا شعور الندم اللي بقلبه يقتله بكل مرهه يشوفها تبكي .. كرهها حياتها لدرجة كرهت اعز انسانه ع قلبها ..
نقلو عهد لغرفه لحالها ورتبو غرفة سلطان وهو لا زال بقهرهه نطق بحده : عهد من شافت برا ياوجد ..
نطقت ببرود : تركي وقال انها خانت صديقتها لما تزوجتك ..
طاحت دموعها : سلطان انت السبب انت تتهمها بالقتل وهو بالخيانه .. مشكلتها حبت واحد وتركها والثاني اجبرها عليه .. اتعبتم يتيمه لدرجة تطلب الموت!! ارخصت بحياتها عشان ترتاح .. هيام موتها ما كان بهين ع عهد وانت وتركي الحقير تحطو ع جرحها ملح وتدهسوه ولاتبالو ..
طلعت تبكي تاركه سلطان يتقطع قلبه ولاقادر يسوي شيء ..
مرت نصف ساعه ودخل الدكتور وبيده اوراق سلطان : كيفك اليوم ،
سلطان ببرود : الحمدلله ،
الدكتور : اليوم لك خروج  ..
قاطعه سلطان : مو مهم خروجي كيف عهد؟
الدكتور : مرت بانهيار عصبي حاد ، وهالنوبه بتتكر كثير اذا انضغطت حاولو ترفقو فيها لان بدا يظهر عندها مشاكل بالقلب ويمكن تحتاج لزراعة قلب وو ..
الخبر كان مثل الكف ع سلطان ، غمض عيونه بتعب اخذ شهيق وزفير .. المرض اللي اخذ حبيبته منه بياخذ حتي صحبتها .. نطق وهو يبي الاجابه اللي تريح قلبه : متى ظهرت مشاكل قلبها؟
الدكتور بحزن : قبل فتره سوينا لها فحوصات كونها اشتكت من قلبها وكان سليم .. والان عكس
شد سلطان ع قبضة يدهه بقهر لدرجة جرحت اطافرهه يده الى ان نزفت دم .. فكها لما دخلت عهد ووجد وراها تحاول ترجعها الغرفه ، 
نطقت بتعب : دكتور بطلع على مسؤوليتي ..
قاطعها سلطان بحده والعبره خانقته : صحتك مدهورهه مافي ،
ناظرته بتعب رفعت يدها تأشر عليه لكن بلحطه غيرت رأيها انها تناقشه الدموع بعيونها والتعب هلك جسدها وصوتها اختفي بسبب صراخها نطقت بصوت مشحوب : ماهميتني .. بطلع وبس،
طلعت من الغرفه بخطوات متثاقله وتوجهت لباب المستشفى متجاهله صراخ وجد ونداها لها ،
ركضت وجد ووقفت قدامها وبحدهه : خلاصص عرفت انك تبي البيت انا بوصلك .. مسكت يدها ومشت معها لسيارة السواق واتجهو لـ البيت ..
سلطان ابعد المفرش من عليه ويحاول يقوم ويلحقها لكن عجزه عن الحركه منعه صرخ بقهر كونه ماقدر يقوم .. نادى الممرضه تساعدهه ، جلس ع الكرسي المتحرك وبخروجه التقى بأمه ، كان بيكلمها لكن تراجع لما شاف انها معصبه عرف انها زعلانه عليه ، مشى بالكرسي متجه لباب المستشفى بعد ماوقع اوراق خروجه واوراق تنازل عن الخطاء اللي صار .. لحقته امه وركب مع اوبر .. وتوجهو للبيت ..
-
« الرياض »
صحت منزعجه من الجرس ، فتحت الباب رحيق وما كان في احد كانت بتقفل لو ماسمعت صوت طفل ناظرته بنعاس : يالله صباح خير مين بيجينا الحين الساعه ٨ ؟ اوفف
ناظرت يمين يسار ما كان في احد غير شنطه وطفل بعمر الـ ٧ شهور .. احتارات بين تنادي امها وبين تاخذ الطفل ، لكن اختارت تاخذ الطفل وشنطته ..
دخلت وحطته بالصاله نادت امها .. نزلت سحر ووراها فيصل : هاه ياماما وش فيك تنادين ..
سكت لما شافت الطفل ، نطقت رحيق : في احد دق الجرس وتركه هنا .. ومع هالشنطه ،
اخذت سحر الشنطه وفتحتها وكان بالبدايه في ظرف ابيض اخذته وفتحت وكان في رساله قرتها وكانت هنا الصدمه .. جلست ع الكنبه بصدمه من المكتوب اللي يتضمن ..
" هذا فهد بن محمد ..
بتركه امانه عندك تنازلت عن حضانته بسبب ضغط اهلي علي بعد ماعرفو ان محمد مروج مخدرات ومتعاطي .. كانو بيقتلونه مثل ما قتلو اللي ببطني .. محمد كان يعتز بحنيتك عشان كذا متطمنه لك ، والله لولا رفض اهلي لـ فهد ما كان ابتعدت عنه ، لكن حرمانهم للجنين اللي ببطني وتهديدهم بقتل فهد واجباري ع خلع محمد .. ايقنت ان الحل الصح اترك عندك ياسحر .. طالبتك لاتقولي له اذا كبر اني تركته ما ابيه يكرهني .. كل اثباتاته من كروت تطعيم وشهادة ميلاد و نوع حليبه وكل شيء موجود .. عندك داخل الظرف .. سحر ابي اقول لك ان الظروف اجبرتني اتزوج محمد ونفس الظروف الان اجبرتني اتركه واترك قطعه من روحي لك "
الان اقدر اروح من هالدنيا وانا مأمنه على اغلى مافي دنيتي وتاركه اهلي وعاداتهم اللي دمرتني ..
المرسله : سمر "
ناظرت سحر فهد وبغصه والدموع بعيونها : وش ذنبه تختاري الموت وتتركيه؟ ليه صرتي ضعيفه وتركتيه ..
رحيق باستغراب : ماما وش فيك؟ مين هالولد؟
سحر : اخوك من ابوك ..
شهقت بصدمه : كيف مو كانت حامل؟
سحر تنهدت تحاول تتخذ قرار صائب : عندها ولد وحامل لكن اهلها اجبروها ع الاجهاض وهددوها بقتل طفلها بعد ماعرفو ان ابوك متعاطي مخدرات ..