تنهدت من قلبي لين ارتعد سلسالي

البارت : ٦٥

ابتسم سلطان لكن تلاشت ابتسامته لما اردفت : لما ابليس يسجد لله مؤمن فيه ، لما يكون فيه مرض متلازمة ستوكهولم اني احب الشخص اللي عذبني ، لما افقد عقلي واصير وحده مرفوع عنها القلم هنا ممكن نجتمع .. انا ما ني مثلك انسى بسرعه واخون ، اللحظه اللي بيصير فيها بيننا شيء مستعده انهي حياتي وانتحر ولا ابقى معك تحت مسمى الزوجة ابداً ..
قاطعها بغصه : بس ..
ما قدر يكمل باقي كلامه فقد الامل .. اردفت عهد : لو ضغطت علي شوي كنت بصدق اني قاتلة هيام كيف لك وجه تطلب السماح حافظ ع شوي من ماء وجهك افعالك ودتك اسفل السافلين ..
وقفت وخرجت من الغرفه تاركته ..
استلقى ع سرير سامح لنفسه يضيع بافكاره وندمه ..
-
« الرياض »
مجتمعين بالصاله سحر وعياله وفهد والالعاب منثوره بكل مكان وصوت التلفزيون عالي رن جوال سحر ، ناظرت الجوال والتعب واضح من عيونها استغربت الرقم مجهول قفلته وتركته لحظات ورجع رن اخذت الريموت وصمتت التلفزيون وردت : هلا
🗣: اهلين فيك ، ام عبق ..
سحر باستغراب : اي ام عبق !
🗣: كيفك وش اخبارك وكيف البنات ؟
سحر : الحمدلله تمام بس عفواً مين معي ؟
🗣: اعتذر اتصلت بوقت غير مناسب ، لكن بدخل بالموضوع على طول انا حابه اخطب بنتك عبق لـ اخوي .. وحبيت اتصل قبل اجيك البيت ، بالنسبه مين انا ان شاء الله نتعارف اذا جيت اخطبها رسمي ..
سحر ابتسمت بوهقه : والله اعتذر صراحه فاجأتيني لكن عبق لسه ماتخرجت من الثانوي وللامانه البنت رافضه فكرة الزواج هالوقت ..
🗣 : معليك لا عرفت مين انا ومين اخوي بتوافق ،
ضحكت سحر : ودي اقول وش هالثقه بس عيب علي ،
🗣: لان بنت ضلت شهور تتدور ع اخوي ..
تصنمت سحر مكانها ..
🗣: وكذلك اخوي من لحظت لقاه فيها وهو ناوي يخطبها .. ماودي اكثر حكي لنا لكم زياره قريب ان شاء الله وقتها نكشف الستار ونقرر اذا بتتم الخطوبه او لا ..
سحر : حياكم ..
🗣 : تسلمي ، قبل جيتنا بنعطيكم خبر وسلمي لي ع العروس ..
قفلت الخط سحر وناظرت عبق اللي كانت بالاساس معهم بالمكالمه : يسلمون عليك ..
عبق باستفهام : من؟
سحر بتفكير : اتوقع انها اخت المحقق اللي خليتي خالك نايف يدور عليه ،
تصنمت عبق وكأن احد كب عليها مويه بارده : مُستحيل!
هزت راسها سحر بتقليد لعبق : ليه مُستحيل ؟ ع كلامها انه هو بعد قعد يدور عليك لين حصلك مو بس انتِ ياعبق اللي بتدوري عليه !
عبق بصدمه : انا ما دورته عشان اتزوجه ! كنت ابي ارد له جميله لا اكثر ولا اقل يعني ..
سحر : ننتظر جيتهم ونشوف بالنهايه القرار قرارك ..
قاطعتها رحيق وهي تتذمر : ماما ذي ٣ رضاعه اسويها لو تقولي مو تمام بستقيل من هالوظيفه ..
ضحكت سحر واخذت الرضاعه رجتها ثم نقطت منها ع يدها اليمين وبابتسامه : هالوزنيه اعتمديها تمام اعطيه بس انتبهي لا يغص ..
رحيق ضحكت بفرح : واخيراً .. اخذت الرضاعه وعطتها لـ فهد ..
ابتسمت سحر من تقبل بناتها لفهد .. رفعت جوالها واتصلت ع نايف ..
جاها الرد .. وصارو ياخذو ويعطو مع بعض ..
-
« الشرقيه »
ع طاولة العشاء مجتمعين ، يترأس الطاوله ساير ابو ندى ، وعلى يمينه ندى وبجنبها الغيث ، ويسارهه غنادير وبجنبها سابر ..
بينما ندى تأكل ابوها والهدوء يعم المكان .. ما ارتاحت غنادير بدون لا تعكر المزاج نطقت بخبث : عقبال مانجتمع وبيدك ولد يا ندى ناظرتها ندى واكتفت بالصمت بينما الغيث انخطف لونه وخوفه ان ممكن ندى تبكي لكن انصدم من تجاهلها ، رجع ياكل وعيونه بين لحظه ولحظه ع ندى ..
لازالت مصرهه غنادير بازعاج ندى بطاري العيال : لا يكون ماتبين الحين؟ الحمل مناسب الحين .. نبي حفيد يملي علينا البيت ..
ندى نزلت الصحن وناظرتها ببرود : حتى لو جبت عيال مابيكونو احفادك .. استحي منك ما اتشرف اقدمك لهم كجدهه ..
ضحك غيث بلا شعور لكن اكتفى بكتمها لما لاحظ اشتحان الجو وبذات لما نطقت غنادير : لايكون انك عقيم وخايفه تقولي فتتحجي بهالكلام الماصخ ،
ابتسمت ندى : اي عقيم وعقمي ما له علاج ..
قاطعها الغيث لما لفها باتجاهه وبعيون فيها لمعة حزن ويرص ع اسنانه : القدر بالمنطوقق باندى ..
حست وكأن جمره انحطت ع قلبها من نظرت غيث لها وبغصه : بس هذي الحقيقة ،
تكرهه تكذب بس عشان ماينجرح مستعدهه تكذب الف مرهه مو بس مرهه ..
ابتسمت غنادير لما وصلت لـ غايتها اخذت الملعقه ورجعت تأكل وباستهزاء : حدكم كم شهر وتطلقو ..
ما كملت كلامها بسبب غيث اللي وقف وضرب الشوكة بالطاوله الا ان تثبت ، فز سابر وكذلك غنادير وساير وقفت ندى بخوف ومسكته ولفته باتجاهها وحاوطت بيدها ع وجهه : عششاني اهدئ ،
الغيث تجاهل ندى وكلمتها وناظر غنادير : حياتنا الشخصيه ما تدخلي فيها .. لاتنشغلي فينا لا قسم بالله لا اسكنك بمستشفى المجانين .. ها انا اقسمت برب العباد ارجعي تدخلي وشوفي وش بيصير فيك ..
ارتعبت غنادير لما شافت عصبيته وعيونه الحمر وعروقه البارزهه ،  لكن مابينت خوفها : ما هلا خمنت لا تاكلني الله ..
ندي تكلمت قبل الغيث : المره الجايه لو خمنتي خمني المكان افلي بتنامي فيها كمان ..
غنادير بقهر : بتطرديني؟
ندى : اي وبدون لا يرمش لي جفن ..
انهت كلامها من غنادير ووجهت باقي الكلام لـ غيث : اهدى عشان حبيبة الليل ..
زفر بضيق مكتوم وتوجه لـ غرفته ، اخذت ندي ابوها لغرفته .. اعطته علاجه وهي جاهله انه مبدل وان هيا اللي جالسه توديه لطريق الموت بيدهه .. سدحت ع السرير وبحنيه : اليوم بخليك لازم اشوف الغيث ..
اشر لها بعيونه بمعنى تمام ، غطته زين طفت النور وقفلت الباب وتوجهت للغيث .. دخلت غرفتهم وناظرته واقف عند البلكونه ويدخن .. مشت له بخطوات هاديه ضمته من الخلف وهي تسند راسها ع ظهرهه : اسفه ..
ابتسم وهو يشد يدهه ع يدها وبتنهيدهه : اذا نهاية كل مشكله  هالوقفه اجل راضي ..
ضحكت ندى حررت نفسها من يده وابتعدت ، لكن غيث مسك بمعصم يدها ولفها باتجاهه لدرجة مايفصلهم شيء بحنيه رجع خصله من شعرها ورا اذنه وهمس : ابيك اليوم ..
تلون وجهها بلون الاحمر وباحراج نزلت وجهها ، رفع يده بهدوء وسحب ربطة شعرها الى ان انسدل ع ظهرها .. انحنى بهيام وشم ريحة شعرها وبحُب : انا مُتيم فيك .. انهى جملته وهو يطبع قبلة بخدها ثم بدا يتجرء شوي شوي الى ان وصل لـ غايته و ..
-
« الرياض »
منسدحه ع سريرها وتقلب برسايل ناصر .. خرجت من المحادثه بملل من انتظار رساله منه ، لحظات وصلتها رساله محتواها " اليوم كملنا سنه مع بعض ..
دخلتها ع السريع" اليوم كملنا مع بعض سنه .. جهزتي هديتي؟
ارسل صوره وكتب تحتها " هديتك جاهزهه "
ابتسمت وبفرحه ارسلت : اي جاهزهه ..
رد " اجل وش رايك بعد حُب دام سنه واكيد صرتي واثقه مني وش رايك نتقابل بس لين نتبادل الهدايا .."
بدون لاتفكر ردت بـ" لا " ..
رفضت لان اللي حبها ناصر مو هيا كانت اختها عبق .. تجزم ان جوال ناصر فيه البوم لصور عبق مُستحيل توافق ع طلبه ..
رد " السبب؟ ماتثقين فيه؟ "
تنهدت بضيق لو على الثقه فهيا واثقه فيه ثقه عميا بس مو عارفه وش بتكون ردت فعله لما يعرف ان الصور مو صورها ؟
اكتفت تناظر الجوال لما شافته يكتب .. لحظات ووصلها رد " انا عند الباب اذا ماجيتي اعتبري ان اليوم منتهيه علاقتنا" فزت من سريرها وتوجهت لشباكها وشافت سيارته وبخوف " طيب خله بيوم ثاني .. احتاج افكر" ارسلتها وناظرت له ..
فزت ع صوت الرساله " سنه وانتِ تأجلي"..
جمعت قواها وكتبت " مثلك سنه تأجل تجي تخطبني رغم انك متوظف ومستقر وبعمر الزواج ، مابضيع نفسي انت المفروض تبادر وتخطبني مو تجبرني اطلع معك .." ارسلتها ولحظات وصلها الرد اللي صعقها " قدها؟ اجل كل شيء بيننا انتهى من هاللحظه وبالنسبه لصورك يومين بالكثير وهي منتشرهه ورقمك وموقع بيتك بنشرهه باسم بياعة هوى ..