تنهدت من قلبي لين ارتعد سلسالي

البارت : ٤٤

« تبوك »
من بعد هوشتها مع البدر ما طلعت من غرفتها زارتها الضيقه ، ناظرت التقويم واخذته وشافت التاريخ اللي بعد يومين رمته بضيق : ليه هالتعاسه بحياتي؟ وانا حياتي قضيتها لعب وفرح واسعد فلان واهدي فلان وأواسي فلان،
طاحت دمعتها وبغصه : بهالتاريخ جينا ع هالدنيا ثنتين وهالعام بدونها ، مايقولو التؤام اذا مات توأمه يموت ليه انا ما مت؟
لحظات وتعوذت من الشيطان وطلعت لـ خاله رحمه وجلست جنبها وحطت راسها ع فخذها مسكة يد خاله رحمه وحطتها ع شعرها ، تنهدت بضيق :خاله رحمه،
ردت بابتسامه:هلا،
شروق بغصه:عادي تقرين علي، متضايقه..
رحمه بخوف:من ويش يمه؟
شروق تحتاج تتكلم وتفضفض ولأول مرهه تمر بشعور ودها تفضفض، وعادتها الكتمان نطقت ببحه: بعد يومين يوم ميلادي انا وشروق ، اشتقت لها رغم انها شبهي بالصفات ،بس الحين انا صرت شروق حتى بالطباع ، تخليت عن كوني غروب يا خاله وانتِ الوحيدهه اللي داريه عن قصتي مع تؤامي امي وهي امي مافرقت ، ودي اقول لها انا غروب واللي ماتت شروق ، لكن اللي يعرفوهه الناس ان غروب ماتت وشروق عايشه، كرهت اسم غروب رغم انه اسمي الحقيقي لكن والله تعبت ، احس بضياع مدري القاها من البدر وتعامله المتناقضى معي او من غروب اللي لها فترهه متغيرهه علي وهذا انا اللي متخليه عن حُبي لها ، لو تعرف اني زوجة البدر وش بتسوي؟ قلت للبدر يغير اسم غروب لكن اصر ع انه يحب الاسم ، طيب لو عرف ان اسمي الحقيقي غروب بيحبه؟ خاله رحمه انتِ سبب شتاتي لو انك ماجبرتيه علي، لو خليتيني اعيش بتخيلاتي ، ولا اجبرتينا نجيب حفيد لك ع امل تتحسن علاقتنا ، لكن شوفة عينك انا اللي اتعب وهو ولا طق لي بال ،
رحمه كانت ساكته تسمع لـ شكاويها وحزن قلبها المكتوم ، كانت تظن لو صارت زوجة البدر بتسعدها لكن للأسف سلبت سعادتها،
قاطعهم البدر وهو داخل البيت وبيده كيس صيدليه ، وكان طالع لـ غروب لكن وقفته رحمه: وين كنت،
البدر بأبتسامه: بالصيدليه،
رفعة حاجبها وودها بكل شيء يصير الا اللي ببالها مايصير لان هالشيء بيزعل شروق قبل يزعلها:ليه؟
ابتسم البدر ابتسامه عريضة :رحت اشتري جهاز حمل ، لان غروب شاكه انها حامل ،
وطلع لـها ..
طاحت دمعة شروق مو عشان غروب حامل لا ابداً الله يرزق من يشاء ولكن فرحة البدر لـ حمل غروب وهو احتمال مـو اكيد واضحة ، بدت تعاتب نفسها بتوجيه اسأله ما لها اجابه : ليه لما خبرته ما انبسط؟جاء يحقق بدل يفرح ..
هنا عرفت ان لازم تطلع من حياته لو تخسر حياتها ..
نطقت بغصه وصوت شبه حاد بعيد كل البعد عن رقتها المعتاده: خاله رحمه لو اطلب الطلاق وترفضي صدقيني بـنتحر قدامك وتشوفيني اموت ولاتقدري تسوي شيء ،
وقفت وهيا تعطيها نظرة عتب ومشت لـ غرفتها ..
-
« خارج السعوديه - لندن »
بعد سفر 7 ساعات تقريباً هبطت الطيارهه بمطار لندن ، نزلو من الطيارهه واخذ نايف الشناط بالعربه المخصصه واردف : تقدري تمشي او اخذ لك كرسي الى ان نوصل لسيارهه لان شوي بعيدهه ،
وتين تكرهه احد يحسسها بـ الشفقه رصت ع اسنانها : اي اقدر امشي ، لسه مافقدت رجولي ،
حس نايف انها تضايقة فمسك بيدها رغم انه مايبيها تحس بمشاعره الان لكن حب يعتذر عن الشعور اللي حسته من كلامه بهالطريقه ،
ماتنكر وتين انها انبسطت من الحركة ومشت وراه بدون لاتعترض ..
بعد 5 دقائق ،
وصلو لـ السيارهه وركبو وتوجهو للفندق اللي حجزهه ، دخلو كانت غرفتهم عباره عن غرفتين نوم وكل وحدهه بحمام | تكرمون | وصاله تطل ع نهر التايمز العظيم جنوب بريطانيا ومطبخ صغير ، ناظر المكان نايف وبتعب : غرفتك ذيك ،
اشر اتجاه غرفته واردف : وذي غرفتي ، كل الغرفتين والمطبخ فيها ثلاجات فيها من كل نا تشتهي ، اذا حسيتي بعطش او جوع ، وارقام المطاعم والكافيهات موجودهه عند التلفون وفي مبلغ كمان في ظرف اذا حابه تطلبي ، بيوصلك كل شيء لان معين لنا شخص يوصل اغراضنا الى هنا ، واي اذا بتطلعي في البلكونه في مظله ع الجنب ، احتمال اليوم تمطر ، فاذا بخاطرك تقعدي برا المظله موجودهه ، وباب الشقه لاتفتحي الا لما تشوفي بالعدسه مين هوا ، هالمنطقة امانه بس الاحتياط واجب ،
وتين كانت تناظرهه بذهول : بسم الله كيف جهزت كل شيء واحنا تونا وصلنا ؟
نايف كان ودهه يقول اني جيت قبل الزواج باسبوع عشان اجهز لك كل سبل الراحه لكن اكتفى بكذبته البيضاء : كلمت خويي وجهز كل شيء وماقصر ،
تثاوب واردف : بنام الحين لان التعب والنوم غلبني ارتاحي انتِ واذا صحينا ، ناخذ جوله بلندن وسواحلها ..
دخل الغرفه ورمى نفسه بتعب وما هي الا لحظات ونام ، بينما وتين اخذت شنطتها ودخلت غرفتها شالت الكمام اللي اخذته بدل النقاب وطرحتها وعبايتها الرصاصيه ، فتحت الدولاب رتبت ملابسها واخذت بجامه وتوجهت لـ الحمام اخذت شّور دافي ، طلعت نشفت شعرها ورشت من عطرها وطلعت لـ الصاله وكانت شنطة نايف مكانها وبنفسها : وتين اقل شيء تسويه له ترتبي ملابسه ،
ابتسمت واخذت الشنطه ودخلت الغرفه ، وناظرت نايف كان نايم بنص السرير وبملابسه وشوزه والنور شغال والمكيف ع درجة منخفضه من البرودهه ، قربت منه وخلعت شوزهه وجاكيته .. عدلته وغطته زين ، وسطة درجة المكيف وقفلت الستاير ، رتبت دولاب ملابسه وطفت النور وخرجت ..رن جوالها ودخلت الغرفه وكان اتصال فيد من ضاري ، فتحت الخط : اشتقت لي؟
ضحك ضاري : لا ،
وتين رمت نفسها ع السرير وبتعب : اجل وش تبي ترا بموت تعب ،
ضاري : بس ابي اشوف كيفك وكيف نايف معك ،
ابتسمت وتين : الحمدلله وماقصر كل شيء مجهزهه،
ضاري براحه : كويس سفرته قبل ما كانت خسارهه،
عقدة حواجبها : اي سفرهه؟
ضاري ضرب ع راسه بغباء كونه فضح نايف ضحك واردف:ابد سافر قبل زواجكم جهز كل شيء من حجز فندق ومستشفى وكل شيء بتحتاجوه ورجع قبل ليلة زواجكم بيوم ، وانا يالهطف قالي لاتعلم احد وكبيت عفشه عندك،
وتين بتساؤل مهموس : عشان كذا نام تعبان،
ضاري : هلا؟
وتين : ولا شيء ، بس بخاطري اطلع بالبلكونه واناظر للبحر شوي ،
ضاري عقد حواجبه : بحر؟ لاتقولي انكم ساكنين قدام نهر التايمز؟
وتين :اي ليه؟
ضاري عدل جلسته وبجديه :وتين نايف عندهه فوبيا من الماء ، لايقرب من الشاطئ ولا المسابح ، لان بيدخل بحالة هلع انتبهي له رغم انه عنده فوبيا لكن بسبيل راحتك النفسيه رمى بخوفه بعرض الحيط ، نايف الى متى اهخ منك،
وتين ناظرته : ضاري احجز لنا بفندق ثاني ، اتوقع لك صديق هنا اللي هو .. مين ياربي ..
ضاري : تقصدي طارق؟
وتين : اي اتوقع هوا ، بالله لايصحى نايف الا كل شيء جاهز وابي فندق بوسط لندن يكون بعيد كل البعد عن النهر ولا فيه مسبح ،
ضاري:ابشري بعزك، بقفل واذا تم كل شيء بديك خبر ع الواتس ،
وتين : تمام ، مع السلامه..
بعد ساعه من تفكيرها وصلتها الرساله من ضاري:حجزنا لكم بفندق ** وهذا موقعها .. قريب من المستشفى اللي بتراجعي فيه وكمان كل شيء جاهز ،
ابتسمت وتين توجهت لدولابها رجعت كل شيء رتبته بشنطتها وكذلك نايف ،بعد ما انتهت توجهت لسريرها تنام الى ان تصبح..
-
بداية يوم جديد بـالسعوديه..
« الرياض»
نزل من الدرج يتثاوب ويتمدد متوجه للمطبخ يشرب مويه ، قابل وداد بالصاله وتقهوي وليد ، جلس معهم : طيور الحُب صاحيه بدري؟
وليد:عادتنا نصحى بدري مو مثلك يا التيس النايم،
ضاري عقد حواجبه:افا ، ابو سالم ابوهه انا تيس؟
وليد : اي تيس قربت تصك ٢٦ ولسه ماتزوجت ، اللي اصغر منك..
قاطعه وليد :والله يبه انا اخذت اجازه اليوم عشان افاتحكم بهالموضوع،
عم الصمت للحظات وبترهه صوت زغريطة وداد : واخيراً بفرح فيك ، مين هيا سعيدة الحظ في احد ببالك؟
ضاري : لا لا اختاري لي اللي تعجبك وترضيك قبل ترضيني ،
وداد : اذا علي فالبنت موجوده بس احتاج موافقتك ،
ضاري عقد حاجبه : حركات مين؟
وداد بابتسامه : ميعاد ..