تنهدت من قلبي لين ارتعد سلسالي

البارت : ٥٧

ناظر لسلطان اللي يحاول مايغمض عيونه : كنت .. عارف ان في خطاء .. بس سكت عشان تشوفيني .. اتعذب ياعـ ..
ما كمل جملته الا وهو مغمى عليه ، ركضو الممرضات لاسعافه بعد ما طلعو العهد المنهاره وبغصه وبين انهيارها : لو بس طلب السماح مني كان سامحته ..
-
« تبوك »
جلست شروق ع سريرها متردده تنزل تحت ، خايفه من تصرفات البدر مو مرتاحه ابداً له ، رغم ان كان التفاته لها امنيه بس هالامنيه ماتحققت الا بعد انطفاء الرغبه اتجاهها ، رن منبه جوالها ناظرته وكان تذكير لها بأن باقي يومين وتنحذف تسجيلات كاميرات المراقبه ،
فزت وسحبت جوالها ، كيف نست انها زارعه البيت كله كاميرات مراقبه واجهزة تنصت؟
ركضت لباب الغرفه وقفلته بالمفتاح ، توجهت لتسريحه اخذت مفتاح قفل دولابها وفتحته وظهرت لها شاشه كامله ظاهر فيها كل زاويه بالبيت ما عدا غرفتها ، ماهمها وش صار قبل شهر اللي همها تعرف وش صار امس قبل يدخل البدر غرفتها وبعد ما طلع من عندها ، بعد مرور ١٠ دقائق لقت البدر وغروب واقفين بالمطبخ بفضول دخلت تشوف وش كان يتكلمو فيه كانت تسمع لهم بقلبه قبل اذنها طاحت دموعها بقهر مكبوت كل شيء تتقبله بهالكون الا الشفقه والخداع وهذا اللي شافته من البدر مسحت دموعها بقوه وهنا عزمت ان ذي اخر مره تبكي بسببه الى هنا وينتهي البدر من حياتها نقلت كل التسجيلات بفلاش وبتتفضى لها بليل او باي وقت ثاني ، البدر وفعايله الكذبيه منعها تشوف باقي التسجيلات وتنقذ نفسها من فعايل غروب ، شالت الفلاش بنفس الدولاب وقفلته وتوجهت للحمام تاخذ شور بارد يطفي النار اللي بقلبها ، طلعت بعد ١٥ دقيقه لابسه فستان اصفر فاتح باكمام طويله رفعت شعرها ذيل الحصان نزلت خصله خفيفه منه رشت عطرها  .. ناظرت نفسها بالمرايه وجهها مشرق مثل اسمها ماتحتاج ولا مكياج ابتسمت بثقه وطلعت لهم ..
رحمه مترأسه طاولة الاكل وعلى يسارها البدر وبيمينها غروب ارتسمت ابتسامتها اول ما لمحت شروق وبفرحه : تصدقوني اذا. قلت لكم ان الشمس اليوم اشرقت مرتين ؟
البدر بدون اهتمام : يمه الله يهديك وش تشرق مرتين ، حتى يوم القيامه الشمس تغرب ماتشرق ،
تنهدت رحمه لو ترفع راسك وتشوف اللي اشوفه بتعرف وش اقصد ،
لفت غروب وناظرت باتجاه نظر رحمه وابتسمت : اتفق يا خاله ، الوحيدين اللي تشرق الشمس عندهم مرتين ..
البدر لف باستغراب ولحظات وفهى بشروق يحس المكان اللي واقفه فيه منور بزيادهه ..
نزلت شروق بخطوات ثابته وبابتسامه : بحياتكم ماتشرق شمسين انما ثلاث ، شمس ربي وطلتي وضحكة شفاي ، انا الشروق ولي من اسم نصيب ، ما احط طرف رجلي بمكان الا اشرق وتشجر ، بتقولو ياشين الغرور عليها وبقول الغرور اساسه خلق مني  ..
جلست بالكرسي المجاور للبدر وبرقتها : صحيح انطفيت قبل فتره ودخلت اكتئاب ، كل ذا كان بأرادتي ، محتاجه فترهه اريح وارجع اشرق مثل الشمس تاخذ استراحه بغروبها ..
ابتسمت رحمه وبحنيه : خفت اني خذيت ضحكتك ياشروق ، انا اسفه دخلتك بهالعالم والدوامه اللامتناهيه من الحزن ،
شروق : ليه مابديتو اكل ؟
اخذت صحن وحطت لها رز وقطعة دجاج وصبت لنفسها عصير سمت بالله وبدت تاكل ، متجاهله نظرات البدر المذهول من طلتها ومن تغيرها ، ونظرات رحمه المبسوطه من التغير اللي تشوفه ، اما غروب حاولت تبعد تفكريها عنها لان لو بتنشغل بالتفكير فيها بتنهي حياتها .. رغم انها متعاطفه معها كون داخله بحالة اكتئاب وحامل واحتمال هالحمل ينهي حياتها او مستقبلها الامومي ، تعوذت من الشيطان ..
قاطع تفكيرها شروق : غروب اشبك تلعبي بالاكل؟ ناسيه انك حامل لازم تتغذي .. الا صح شو بتسمي بنتك؟ او ولدك؟
ابتسمت غروب بتصنع : ولد .. اخترت سند ، بنت .. اخترت سدن
شهقت بصدمه شروق وتجمعت الدموع بعيونها اخذت زوجها وحياتها بتاخذ حتى اسم عيالها؟ ابتلعت غصتها وحاولت ماتختفي ابتسامتها ، لاحظت غروب تغيرها ونطقت تلطف الجو : لايكون اخترتي الاسماء قبلي؟
ناظرتها شروق وهزت راسها بـ اي : لكن عادي بغيرهم ،
رجعت تبتسم وتأكل ، تنهدت غروب وبنفسها : لا تسكتي دافعي قولي انا ابي الاسم ، لاتسكتي ياشروق لاتضعفي من حقك تاخذي الاشياء اللي لك ،
نطق البدر ببرود : هالمره بعارضك ياغروب الاسماء اختارتها شروق قبلك ..
قاطعته شروق : لا عادي بختار غيرهم ،
غروب : معليش شروق انا ابي اسمي سند اذا ولد ، لان البدر يحب اسم سند ..
شروق : خلاص ياعيوني عليك بالعافيه ، انتِ خذيتي البدر ومكاني ، والحين اسم عيالي ماعاد تفرق معي ..
ناظرتها غروب بصدمه واردفت شروق : انا اعرف وانتِ تعرفي اني زوجة البدر مُش اخته بالرضاعه ، وحابه تنتقمي بالاسماء ، انا هنا اكتفي ولا لي خلق اعاتب وافتح باب من المشاكل عشان الاسم ، الولد اول ما يجي ع الدنيا يجي اسمه معه ، ومن الى يوم ولادتي بكون قد اخترت اسم احلا  .. واسم سند اخترته لان البدر يحبه فدام انتِ تبينه فاسم سند يكون للولد اللي تجيبه حبيبة البدر ..
انا هنا كومبارس "عديمة فايده" ، تعودت ع التهميش ..
قاطعتها رحمه : انتِ الاصل ياشروق والباقي استنساخ ، كيف تقولي عن نفسك عديمة فايده؟
شروق ابتسمت : انا احاول واجاهد عشان اطلع نفسي من الاكتئاب لاتفتحو مواضيع مثل كذا  ..
انهت كلامها بتنهيدهه عميقه ، لفتت انتباههم ،
مسك البدر يدها وبحنيه : شروق .. شروق ،
استوعبت شروق وصحت من عالم خيالها ، ياقساوة الدنيا حتى بخيالها قسوه ، ناظرت يد البدر ع يدها سحبتها بهدود : هلا؟
غروب : سألتيني عن اسم ولدي ولما قلته لك قلتي عادي واختفيتي من عالمنا! وين راح بالك ،
ضحكت شروق .. لحظات وارتفع صوت ضحكها لضحك هستيري ، لدرجة دمعت عيونها ومن بين ضحكها : اعتذر اتوقع ان عقلي ماهو بصاحي ،
سكتت للحظات وبغصه : باقي عقلي وشكلي بودعه ،
رحمه بحده لـ البدر : لمها لصدرك ..
وقفت بتعب ومتوجهه لـ شروق : ولا وخر وخر عن طريقي ..
تجاهلها البدر وسحب شروق لصدره وضمها وهو يمسح ع شعرها : استهدي بالله ..
تحت نظرات غروب تحس ان شروق تتصنع وتحاول تكسب عطفهم ، الاول اخذ الخاله رحمه والان البدر ، رغم عارفه سبب تصرف البدر مع شروق لكن مو مرتاحه ولاهي ضامنه قلب البدر ..
فلاش باك ❗.
المطبخ - اللقطة اللي شافتها شروق بكاميرا المراقبه ..
البدر ماسك يد غروب : غروب افهميني شروق صح زوجتي لكن يشهد الله معتبرك انتِ الاولى ،
سحبت يدها غروب بعصبيه : هيا حامل يا البدر حامل بعيالك كيف كيف .. لاتجنني
غروب مسكها من اكتافها : حمل انانيب .. امي رفضت اتزوجك لين تحمل شروق ..
غروب ناظرته بحده : لاتكذب لاتكذب يالبدر ..
صرخ البدر : اقسم بالله انه حمل انانيب وان ماقربت منها .. وشروق صاحبة الفكرهه ، وبعدين لو ابيها كان مابيننا الحين اتفاق سنه وننفصل .. انا قلت لك انها زوجتي لان هيا الحين تحتاجني اختارت حمل الانانيب ووافقت عليه رغم انها عارفه بخطورته ع حياتها .. بس عشان اخذك .. شروق لو تحبني مثل ما تتخيلي كان ماوافقت تحمل بمقابل اتزوجك  .. وفوق ذا دخلت بحالة اكتئاب بسبب اهمالي لها .. انا ماقلت لك عشان اخذ الاذن منك ، شروق زوجتي لمدة سنه وابي انهي هالسنه باحداث ارد بها جميلها لان لولا الله ثم شروق كان ماتزوجتك ..
غروب طاحت دمعتها : توعدني ان بس هالمده تهتم فيها؟ ماتعطيها قلبك؟
البدر مسح دمعتها : قلبي معك كيف اعطيه غيرك؟
غروب : يعني اهتمامك بشروق ماهو الا شفقه ورد جميل؟
ابتسم البدر وهز راسه بـ اي وكمل : ما ابي منها الا انها تتطلق مني وهيا بصحه وعافيه مع الاولاد ، ما ابي اخذ ذنبها برقبتي .. انت الاوله بقلبي مابعدك ولا قبلك احد ..