تنهدت من قلبي لين ارتعد سلسالي

البارت : ٤٣

بغرفة الغيث فتح عيون بصعوبه وهم هم بخفة ، فزت ندى وناظرته : غيث تحس بألم؟ انت بخير في شيء يعورك؟
ناظرها وبتعب : مين انتِ؟
تجمعت الدموع بعيونها وبغصه : حبيبة الليل نسيتني؟،
ضحك ع شكلها واردف : وكيف للانسان ان ينسى روحه ،
ضربة ع صدرهه بخفة وتألم وبخوف : اسفه اسفه عورتك؟
ابتسم وسحبها لحضنه : كنت خايف افقدك ، بالحادث من خوفي صرت ادعي اني اموت ولا يصير لك شيء ،
باست خدهه وشدة ع حضنه : بعيد الشر ، تحسب لو صار لك شيء بكون موجوده بهالحياه بدونك؟
ناظرها : افا انا حصان يانداي ، ما اترك الا اذا ربي كتب هالشيء ،
وبعدين ليه واقفه وش قال لك الدكتور فحصوك زين ،
رن جرس اللي عند سريرهه ،
ودخلت الممرضه ،
نطق بخوف : ممكن تسوين لها فحص شامل ،
الممرضة : سوينا له والنتيجة ..
قاطعتها ندى : انا بقول له ،
ناظرتها الممرضة : اوك ، وخرجت بينما ندى بلعت ريقها وبتوترت جلست بجنب الغيث ومسكة يده وطاحت دمعتها وبغصه : اسفه غيث ..
كانت تتأسف وهيا ماتعرف السبب بس فكرة تخبي الحقيقة عنه تحس لازم تعتذر بالبدايه ..
ناظرها عاقد حواجبه : ليه؟
اخذت نفس وزفرته : لكل داء دواء ، وما في شيء يصعب ع الله وبيخلي المستحيل ممكن .. وانا اقول هالكلام لنفسي قبل اقوله لك .. انا ياغيث احتمال ٩٠ ٪ راح اكون عقيم ..
غيث بالبدايه ما استوعب لكن للحظات حس وكأن اخد عطاهه كف خلاهه يستوعب ، زعل اي حس بالضيق بصدرهه بس مو عشانها عقيم لا هو اكبر من انه يحط هالشي بباله لا ضاق صدرهه لانه هو السبب ، طاحت دمعته ولا نطق بكلمه ، اكتفى انه يضمها ، بعد لحظات نطق بغصه : اسف انا السبب ..
ابتعدت عنه وقفلته فمه بيدها : مو بسببك ولا بسببي الله ابتلانا ويختبرنا ، ومايأخذ الله شيء الا لـ يعطينا ، اخذ امي مني وعوضني فيك ، لا بيوم تزعل من هالموضوع ،
مسك يدها اللي ع فمه وباس باطنها ، ابتسمت من بين دموعها ،
كان ودها تبوس عيونه الدامعه لكن حياها منعها ، اكتفت تناظرهه بابتسامه رضا وحُب ..
-
« الرياض »
مدرسة عبق ورحيق ..
رن جرس انتهاء الفسحه ودخلو الطالبات الفصول وابتدت الحصه الرابعه ، سألت رحيق بملل : مين علينا الحين؟
توجهت لباب الفصل وناظرت الجدول وبفرح : مهارات حياتيه ، كويس حصة فاضيه بعد حصة الرياضيات والاحياء اللي تصدع ،
عبق جلست بطاولتها : ماعاد هيه حصة فراغ ،
رحيق ناظرتها : لاتقولي انها داومت وهيا ماصار لها اسبوع من ولدت؟
عبق : لا ، استاذه جديدهه لها شهر من لما تعينت بتدرسنا ، اللي اغلب البنات خاقين عليها ..
جلست رحيق بضيق : باعوص ياعبق باععووص ،

ضحكت عبق والتفت لـ أفياء لما نادتها :هلا ،
ابتسمت أفياء وناظرت عبق :ياحظك يارحيق كل ماضاقت بكل الدنيا عندك اخت وجهها يزيل الهم ، الضغط اللي اعيشه ف البيت وهواش اهلي الامتناهي ،والله وانتو ما حلفتوني اني انتظر الصبح بفارغ الصبر بس عشان اعوض اليوم السيء بوجهها ، قطعه من الجنه ..
نطت سماهر وجلست ع الطاوله :والله منجد .. علي بالحرام لو الحرام حلال لتزوجتها ..
رحيق بعصبيه : هيه هيه تراها اختي لاتتغزلو فيها سلامات ،
ضحكو البنات ، وقاطعهم دخول الاستاذهه وبمداخله لطيفه : عسى ضحكتكو دايم رنانه تبهج المكان وتزيدهه حلا ، ابتسمو ورجعت كل وحدهه لمكانها وطلعو كتبهم لحظات وبادرت بالسلام  : السلام عليكم ،
ردو السلام بحماس : وعليكم السلام ورحمة الله وبركاته ،
ابتسمت : انا امال ، امكم او اختكم قبل اكون استاذتكم ، صح جديدهه عليكم لكن بأذن الله اكون عند حسن ظنكم بي واتكونو عند حسن ظني بكم ، طبعاً مادتنا ناخذها مرهه بالاسبوع ولا بيتغير موعدها ، المادهه متطلباتها سهله ، وبما تونا ببدايه الترم الثاث وانتو اخر سنه بالثانوي .. قررت اذا اعطيتموني الاحترام الكامل لي وللحصه ..
سكت لحظات واردفت : خلوها مفاجئة ..
رفعت كيس وكان كله ورد ، وجمعته بيدها ووزعته ع الطالبات ابتدت بـ عبق اللي ببداية الفصل وانتهت برحيق باخر الفصل وهي توزع كان تتسأل عن اسمائهم وبعد ما خلصت اردفت : ادري الحين ضغط اختبار قدرات وتحصيلي ومناهج الدراسه ومضغوطين ، وانا جالسه احاول بالمعلمات يخففو عليكم .. والحمدلله لقيت استجابه من بعض المعلمات فـ اللي ابيه منكم حاولو تهدو هالترم عشان انتو تربحو بالنهايه ، وبما ان اول حصه لي معكم فـ ماررح ناخذ درس وتكون حصه تجديد نشاط ،
بعد مَ انهت امال كلامها نطقت عبق : هالورد يشبهك يا استاذهه ، بس الفرق هو يذبل وانتِ لا ،
رحيق : صح اول حصه لك عندنا بس هالحصه هيا احسن شيء صار بالمدرسه ،
صرخو البنات بحماس ونطقت سهى بصدمه : اول مرهه استاذهه تعجب رحيق محظوظه يا استاذهه ،
رحيق بحدهه : هيهه خير اص ،
ضحكت امال واردفت : الحمدلله اني نلت اعجابك يا رحيق الورد!.
رحيق دمعة عيونها واستحت ، وبسبب حركتها صرخو البنات وضحكو ..
وقفت امال اول ما سمعت جرس الحصه وبابتسامه : القاكم الاسبوع الجاي كونو بخير ..
طلعت ولحظات لحقتها عبق ونادتها :استاذهه ،
لفت : هلا ،
عبق ابتسمت: بس ابي اقول لك شكراً ،
ابتسمت وهيا تمسح ع شعرها : حُباً وكرامه ياعسل ،
ومشت امال متوجهة لـ غرفة المعلمات ،
[امال اخت المحقق سايد]
« جدهه »
انتهى من دوامه او بالاصح من انقاذ وظيفته قبل يفصلونه ، زفر بضيق ودخل البيت ، كانو وجد وعهد وساميه جالسين ع الطاوله ويتغدو ، رفع حاجبه : ليه ما انتظرتوني ،
ردت ساميه بحدهه: مثل ما تجاهلتني الصباح بتجاهلك الحين ، ما اعطيت امك وجه تبيني ادور عليك وانتظرك؟ ارجع سلطان الاول ارجع امك اللي تسأل عنك ،
ناظرهه نظرهه مليانه وجع ، امه ماقدرت تفهم وجعه وتشوفه غلطان ، طلع لـ غرفته ، وقفت عهد وبغصه : خاله لاتعامليه بهالطريقه ، لاتبتعدو عن بعض بسببي ، خليه يسوي اللي يسويه بس لاتوقفي بوجه وانا اكون السبب ،
اخذت الصحن وحطت له غداء ولحقته وهيا مرعُبه ، تحت نظرات الدهشه من وجد وساميه ،
دخلت الغرفه واول ما شافها حس ببراكين بداخله وبتنفجر بأي لحظه سألها وهو يحاول يمسك اعصابه ويينفذ اللي مخطط له : وش تبين؟
رجف جسمها والدليل صوت الملعقة بالصحن من خوفها وقلبها يتسارع نبضه وبربكة : جبت لك غداء ،
ناظر يدهه ورجفتها وابتسم ورفع حاجبه : لهالدرجة خايفه مني؟
وقف وقرب منها خطوهه ورا خطوهه ، العهد تحاول ما تتحرك ودها تقوى بهاللحظه ، وقف قبالها واخذ الصحن من يدها : عشان امي ما تزعل بحاول اتناسى انك قتلتي هيام ..
كانت بتقاطعه بس اردف : اسس لا تبرري الا بأدله ،
قرب منها وبهمس : بنبدا من جديد .. بس بالنهايه بتبقي قاتله بالنسبه لي ،
ناظرته عهد وخايفه خوف ماتدري كيف ان عظامها ما خارت ، دمعت عيونها لما حست بسايل دافي ع ملابسها ، ناظرت تحتها وبكت هيا تعرف ان سلطان ما نوى خير ، وقربه وخوفها منه تسبب لها بمرض التبول اللارادي ، ناظر سلطان للي تناظرهه وابتسم كونها تخاف منه هالكثر ، وبدون لا يفكر : غيري وبنروح السوق ،
طلعت من عندهه بسرعه ودخلت غرفه وجد وعلى الحمام وبكت ..
بعد ساعه بالمول ..
واقفه معه بنص المول مرعوبه من نظراته ومن حركاته ، قرب منها وهمس بخبث : صدقتي اني جبتك عشان تتسوقي؟ لا ياعهد لا ، انا ممكن الان اصرخ واقول انك قاتله وياخذوك الامن ويجروك لـ السجن وكل الناس تشوفك ،
ابتعد وصرخ صرخه باسمها خلت كل المارين يلتفتون ، فزت العهد وتجمعت الدموع بعيونها لما انعاد عليه الحال وسوتها بملابسها ، ابتسم سلطان لما وصل لـ غايته وبقرف وصوت مسموع : مستحيل تركبي السيارهه وانتِ بهالنجاسه ، مَرهه شكبرك وتسويها بملابسك ، سحب نقابها واردف : مايحتاج النقاب وش خليتي للأطفال ،
تجمعو الناس وانسحب سلطان لما شاف في ناس بدو يصورون عهد واقفه بدون نقاب وملابسها معدومه وتركها لـ نظرات الناس اللي بين شفقه وبين قرف ..