تنهدت من قلبي لين ارتعد سلسالي

البارت : ٨١

بعد ما وصلت امال وحكت لـ سحر ورحيق اللي صار بين عبق وسايد .. اردفت بغصه : رغم انه قال لي الا اني مو مصدقه كلامه ..
وقفت رحيق : الشخص اللي تكلم عنه سايد هو ناصر ..
طلعت لـ غرفتها لبست عبايتها ثم توجهت لـ غرفة امها اخذت المسدس وخبته بشنطتها ونزلت : وصلوني بيت ناصر ، انا متأكده ان هو سبب سوء الفهم ذا ..
-
ببيت ناصر ..
مجتمعين كعادتهم رن الجرس فتح الباب سياف : يمه زوجة ناصر واهلها ..
تقدمت ام ناصر ترحب فيهم ، تجاهلت رحيق ترحيبها وبقهر صرخت: وين ناصر؟ ناصر .. ناصر ياحيون ..
اجتمعو اخوان ناصر وابوهم بصدمه ، نزل ناصر : خير خير؟
وقف قدامها ، طلعت المسدس ..
صرخو وابتعدو بخوف واردفت رحيق بعد ماجلس ناصر ع ركبه من الخوف : انت اللي كانت حضن عبق؟ باخر زياره؟ وربي لو ماتقول الصدق اني لأخلص هالرصاص براسك ..
امال دقي على سايد خلبه يكلمه ، دقت امال وبعد ماحطت المكالمه سبيكر عطت رحيق الجوال ، اخذته لما جاها الرد بصوت مبحوح : هلا امال ،
رحيق : انا رحيق اخت عبق .. اخلص من الحشرهه اللي هنا واتفضى لك لكن الحين اسمع الحقيقة و١٠ اشخاص يسمعون معك ..
ناظرت ناصر : قبل شهر جيتني كزيارهه صح؟
هز راسه ناصر ، صرخت : تكلم تكلم .. هو يشوفك ..
رمت رصاصه ع طرف الدرج صرخ ناصر بخوف : اي اي كنت موجود .. وانا اللي تعرضت لـ عبق لاني معجب فيها .. ما كانت تعرف انه انا كانت تظنني سايد ، ولما غمضت عيونها قالت وش جايب لي من مفاجئه وانا بهاللحظه هربت قبل تشوفني ..
رحيق بقهر : كانت تعرف عبق؟
ناصر بخوف : لا وربي ما كانت تعرف لو عرفت كانت طلعت من بيتكم مكفن ..
اخذت الجوال رحيق : الحين عرفت الحقيقه وانت ظلمت عبق وضيعت مستقبله ولا وثقت بحبها لك ..
قفلت الخط بوجه وتركته بصدمته ، اما رحيق ناظرت ابو ناصر : ولدك النسونجي مابيتعدل فض البندقيه براسه وريح العالم من شرهه ، بسببه اختي الحين بالسجن وانحكم عليها ب ٣ سنوات سجن ، وكل ذا بسبب تربيتك الفاشله لـ هالفاسق ،
ناظرت ناصر : والله ما اخليها بخاطري ،
وجهت عليه المسدس متجاهله صراخ اللي حولها ، نزلت المسدس لين هدا من خوفه واطلقت عليه بين اصابع قدمه : اذا ماوصلتني ورقة طلاقي .. مستعدهه اكون ارمله ،
انهت كلامها وطلعت من البيت واستندت ع اقرب سياره وبكت ،
-
« سجن النساء »
السجانه : عبق محمد عندك زيارهه ،
مشت عبق بعد ما ركبت لها الكلبشات ، مشت بخطوات هادي خلال الممر ، فكت لها الكلبش ودخلتها الغرفه ..
رفعت راسها وبكت لما شافت امها ركضت لها وضمتها ..
سحر بغصه : كيفك ياماما ان شاء لله كل شيء تمام ،
ناظرتها عبق : اسبوعين وفاقدتكم .. فاقده غرفتي فاقده فهد وفيصل ..
مسحت سحر دموعها : فتره وتعدي .. بنحاول بكل الطرق نطلعك ،
ابتعدت عبق : ما ابي اطلع ابي اخذ جزاي وارتاح من هالذنب ، انا قتلته بالنهايه لازم اخذ جزاتي بس لاتنسوني .. لاتنسوني مثل مانسينا بابا .. عشان اذا طلعت لاسايد يهددني ولاضميري يأنبني ،
رحيق ضمتها : كله بسببي لكن اوعدك اخذ حقك منه ،
سحر بحنيه : كل ماسمحو بالزياره بنزورك مابتركك ،
بعد لحظات لما هدت من بكاها .. مسحت دموعها : يالله معلينا انا قويه وبتحمل ، رحيق ..
ناظرتها رحيق وبغصه : هلا ،
عبق : حولي تخصصي من تخصص العلوم الجنائيه الى ادارة اعمال واذا تم التحويل اعتذري عن اول ترم .. بحيث ما اضيع مستقبلي الجامعي ويبقى معلق الى ان اطلع .. وشوفو اذا مسموح تجيبو لي كتب ومذكراتي اليوميه وخاتم استغفاري بالله جيبوهه فقدتهه مرهه ، وبخصوص سايد عطاني ورقتي وانفصلنا .. عشان كذا من هاللحظه لاتجيبو طاريه لي .. لو بضل دايم حزينه ع فعايله بضيييع بعالم مجهول .. ٣ سنوات متأكده بنجز كثير وبستغل بتعليم نفسي حتى لو اني مسجونه ..
عدلت جلستها ومسحت دموع سحر : لاعاد تبكي عشان لا اضعف ، شجعوني لو خالي نايف كان منعكم من البكاء  ..
ابتسمت سحر ومسحت وجهها بحنيه : كل مرهه تخليني اكون ممنونه لـ اليوم اللي جبتك فيه ..
نطقت رحيق تلطيف لـ الجو : الحمدلله اني حتى انا مولوده بنفس اليوم لان عارفه دشارتي مَ مني فايدهه ..
ضحكو سحر وعبق وبين ضحكاتها : اتمنى تجيبي معدل حلو لان بتكوني محامية شركتي مستقبلاً ..
بعد مدهه من السوالف والضحك انتهت الزيارهه ودعو بعض بابتسامه ع طلب عبق ، توجهت لـ السجانه ورجعت لـ عنبرها ومرت الايام يوم ورا يوم وعبق كانت ولازالت تحاول تتعايش ..
-
بعد مرور سنتين و١١ شهر .. اي ٣ سنوات من سجن عبق ، مرت بصعوبه لكن زيارة اهلها بين فترهه وفترهه ساعدتها تتخطى القليل من التعب ، لكن رغم الظروف الا انها خططت لـ شيء يغير عليها مُستقبلها ..
كانت واقفه جنب سريرها وترتب ملابسها ، ناظرتها احد المسجونات معها وبغصه : عجزت احدد شعوري افرح لك لانك بتطلعي او احزن على اني ماعاد بشوفك ..
تركت شنطتها عبق وتوجهت لها وهي تمسك يدها : حتى لو طلعت ما بنساك بزورك بين فتره وفترهه .. هانت باقي سنه وتنتهي هالمعاناهه ، ووظيفتك عندي جاهزهه انتظرك ،
عضت شفتها مشاعل تداري دمعتها لاتطيح ..