ယွီဖုန်းချန် တိုးဖွဖွရယ်သွားသည်။ "အသံတိတ်"
ပိုင်ရှင်းယွီ ချက်ချင်း သူ့လည်ချောင်းသံကိုညှစ်ထား၍ အော်ခေါ်လိုက်သည်။ "လောင်ကုန်း~"
ယွီဖုန်းချန် ထရယ်မိတော့သည်။
ပိုင်ရှင်းယွီ ရှောင်ချောင်ရဲ့တမင်လုပ်ယူထားတဲ့အော့အန်သံကို နားထောင်ရင်း ရုတ်တရက် ရှက်ဖို့မလိုအပ်သလိုခံစားလိုက်ရသည်။ သူ့စိတ်ထဲ နောက်တစ်ကြိမ်ကျ ရှောင်ချောင် သောက်ထားသမျှပါ ပြန်အန်ထွက်အောင် လုပ်ပေးရမည်ဟူသည့်အတွေးများတောင် ဝင်နေလေသည်။
သူတို့ အခုတလော ကြက်သားစားရတဲ့ဂိမ်းတစ်ခုကို အတူဆော့ဖြစ်နေသည်။ များသောအားဖြင့် သူလည်း အလုပ်မှပြန်ရောက်၊ ယွီဖုန်းချန်လည်း အတန်းမှဆင်း၍ အိပ်ရာ မဝင်သေးကခင်အချိန်လေး သူတို့ duo နှစ်ပွဲလောက် ဆော့ဖြစ်ကြသည်။ ကစားရင်း စကားပြောလိုက်၊ ဖလစ်လိုက်နှင့် မတူညီတဲ့ချိုမြိန်မှုလေးတစ်ခုကို ခံစားနေရတော့သည်။ ထို့အပြင် မြေပုံတစ်လျှောက် ဒီလိုမျိုး ပြေးလွှားရင်း ဘေးချင်းယှဉ်တိုက်ခိုက်နေရခြင်းက ပြင်းပြင်းထန်ထန်တိုက်ပွဲများအကြား စိတ်လှုပ်ရှားမှုတစ်ခုကိုဖန်တီးပေးနေပြီး သူတို့ရဲ့သွေးသံရဲရဲနေ့ရက်များကို ပြန်အမှတ်ရစေ၏။
တကယ်ကို သူတို့အကြိုက်နှင့် ကိုက်လွန်းလှသည့်ဂိမ်းတစ်ခုပင်။
"Port M ဘက်မှာ ကားရှိတယ်။ Port M ဘက် သွားတာပေါ့။" ပိုင်ရှင်းယွီ zone အနေအထားကို လှမ်းကြည့်ပြီးပြောလိုက်သည်။ "မြန်မြန်သွားရအောင်။"
သူတို့ ရှေ့ဆင့်နောက်ဆင့်ပြေးနေရင်း ယွီဖုန်းချန်က ပိုင်ရှင်းယွီအဆင်တန်ဆာများကို လှမ်းကြည့်လိုက်သည်။ "မင်း ဘာလို့ အခုထိ Lvl 1 ကျည်ကာ ဝတ်ထားရသေးတာလဲ။ မင်း ပစ္စည်းကို ဘယ်လိုများရှာလဲ။"
"ခုနတုန်းက နေရာက အရမ်းမွဲတေနေတာလေ။ မင်း လေထီးခုန်တဲ့နေရာ အဆင်မပြေဖြစ်သွားတာကျ ဘာလို့မပြောလဲ။" ပိုင်ရှင်းယွီ နှုတ်ခမ်းဆူထော်သွားသည်။ "အစွမ်းအစရှိရင် မင်းမှာရှိတဲ့ဟာ ချွတ်ပြီး ငါ့ပေးလိုက်။"
YOU ARE READING
Xiao Bai Yang ||Myanmar Translation||
Mystery / ThrillerThis is just a translation work. It doesn't belong to me. My Little Poplar [小白杨] Author - 水千丞 [Shui Qian Cheng] Total Chapters - 115 chapters + 4 Extras
Special Chapter 8
Start from the beginning