[Unicode]
'Bonnie and Clyde လို
တွဲဖက်ညီတဲ့လေ့ကျင့်ရေးတပ်သားနှစ်ယောက်'သူတို့နှစ်ယောက်၏သူတို့နှစ်ယောက်၏ ခြေရာဖျောက်သည့်အရည်အချင်းက တကယ့်ကို ကျွမ်းကျင်အဆင့်သို့ ရောက်နေပြီမို့ ညမှောင်သွားသည်အထိ သူတို့အား ရှာတွေ့သူများ ရှိမလာ။ အဝေးနေရာများမှ မကြာမကြာ ကြားနေရသည့် သေနတ်သံများကသာ သူတို့ အခုလက်ရှိ ရင်ဆိုင်နေရသည့် အန္တရာယ်အား သတိပေးလို့နေ၏။
ညမှောင်သွားသည်နှင့် သူတို့လည်း အိပ်ရေးဝပြီး ဗိုက်ဆာလာတာမို့ အစားအစာများရှာဖွေဖို့ ဂူအတွင်းမှ တွားသွား၍ထွက်လိုက်ကြသည်။ ဂူသေးသေးလေးအတွင်း နာရီပေါင်းများစွာရှိနေပြီးသည့်နောက် သူတို့အရိုးကြွက်သားများက အနည်းငယ်မျှ တောင့်တင်းလို့နေ၏။ ပိုင်ရှင်းယွီ အကြောဆန့်ရင်းနှင့် ဟာသပြောလာသည်။ "ဒီနေ့ အသားစားမှာလား၊ သက်သက်လွတ်လား။"
"ဘာရှာတွေ့လဲဆိုတာကို ကြည့်တာပေါ့။"
သူတို့ အနီးတစ်ဝိုက်တွင် အချိန်အတော်ကြာ ရှာဖွေပြီးသည့်နောက် ငှက်သိုက်တစ်ခုကို ရှာတွေ့သွားကြသည်။ ထိုအထဲမှ ငှက်ဥအချို့ကို ထုတ်ယူကာ အစိမ်းလိုက်ဖောက်သောက်ပြီးနောက် ပေါင်းမြက်များနှင့် အလားတူအစာများ သွတ်မြိုလိုက်တာမို့ သူတို့ ဗိုက်တင်းလုနီးပါးဖြစ်သွားတော့သည်။
သူတို့ သိုသိုသိပ်သိပ်နှင့် ဂူရှိရာနေရာသို့ ပြန်လာခဲ့ကြသည်။ အကယ်၍များသာ ထိုနေရာကို ရှာတွေ့သွားခြင်း မရှိသေးပါက သူတို့ဆက်ပုန်းနေလို့ ရနိုင်သည်။
ညသန်းခေါင်ယံချိန် သူတို့နှစ်ယောက် အနားယူနေစဉ်အတွင်း အလျင်စလိုနိုင်သည့် ခြေသံများကြောင့် ရုတ်တရက် လန့်နိုးလာရတော့သည်။ ခြေသံများက သူတို့ခေါင်းအထက်မှ လာတာဖြစ်၏။ တကယ်တမ်း လမ်းလျှောက်သံက တိုးဖွပေမယ့် အအိပ်ဆတ်လှတဲ့ သူတို့နှစ်ယောက်ကိုတော့ နိုးလာစေဖို့ လုံလောက်သည်။
သူတို့နှစ်ယောက် မည်းမှောင်နေမှုကြားထဲ တစ်ယောက်ကိုတစ်ယောက် ကြည့်လိုက်ရင်း စိတ်ထဲ 'မဟန်တော့ဘူး'ဟူ၍ အော်ဟစ်နေမိသည်။ သေချာသလောက် နောက်ဆယ်မိနစ်အတွင်း လမ်းလျှောက်သံများက ပိုမို ကသောင်းကနင်းနိုင်လာကာ တောအုပ်အတွင်းမှလည်း ထူးထူးဆန်းဆန်းအသံများ ထွက်ပေါ်လို့လာပြီး ထို့နောက်တွင်တော့ ကျောက်တုံးတစ်တုံး ပြုတ်ကျလာတော့သည်။ ထိုအရာမှာ ယွီဖုန်းချန် ပြင်ဆင်ထားသည့် ထောင်ချောက်လေးတစ်ခုဖြစ်သည်။ သူတို့ချက်ချင်းတွေးလိုက်မိသည်က လေ့ကျင့်ရေးတပ်သားအချို့ လိုက်လံတိုက်ခိုက်ခံရရင်း ဒီနေရာအထိ ရောက်လာကြသည်ဆိုတာကိုပင်။ သို့ပေမယ့် ထောင်ချောက်အတားအဆီး ပေါ်လှစ်လို့ သွားခြင်းက အနီးတစ်ဝိုက်တွင် လူရှိနေကြောင်း သက်သေပြသလိုဖြစ်နေတာမို့ သူတို့ ဒီနေရာတွင် ဆက်ပုန်းလို့မရတော့။
YOU ARE READING
Xiao Bai Yang ||Myanmar Translation||
Mystery / ThrillerThis is just a translation work. It doesn't belong to me. My Little Poplar [小白杨] Author - 水千丞 [Shui Qian Cheng] Total Chapters - 115 chapters + 4 Extras