The Unkind Fate | ✔

71

"You may take your lunch. See you later class." Nag-uunahan pang lumabas ang mga bata dahil nasa labas ng classroom ang mga parents nila dala ang lunch boxes nila.

"Teacher, can I stay here?" Hawak ni Jianna ng lunch box niya at nakatayo malapit sa table ko.

"Of course, nasaan ang parents mo?" Tanong ko.

"Mommy went out for shopping with my grandma." Sagot niya.

"How about your Dad? Bakit hindi ka nila puntahan? Where's your yaya?"

"Daddy fired my yaya because she's always letting me go to school without eating breakfast and she's reasoning that I'm always late even though I'm more early than her. Daddy will come here and I'm waiting for him po."

Naupo muna si Jianna kasama si Faye habang hinihintay ang Daddy nya. . . . Ang Daddy nilang dalawa.

"What's in your lunch box?" Pakinig kong tanong ni Jianna kay Faye. Nakaupo lang ako sa upuan ko habang naghihintay na dumating ang Daddy ni Jianna. Hindi ko naman sya pwedeng iwan mag-isa dito dahil doon kami kumakain ni Faye sa faculty room ko.

"Papa prepared sinigang na shrimp and rice. I also have these chocolates." Masayang ipinakita ni Faye ang nasa loob ng lunch box niya.

"Wow! That looks good!" Nakangiti si Jianna.

"Papa's cook is always good! Share tayo sa sinigang na shrimp." Napangiti pa ako nang mahuli kong inaayos ni Faye ang buhok ni Jianna.

"No. . .  I can't eat shrimp." Biglang lumungkot ang mukha ni Jianna kaya maging ako ay nagka-interest malaman kung bakit biglang nagbago ang mood niya.

"But you eat shrimp before, we shared food when I came to your house 'diba? The buttered shrimp?" Tama nga naman si Faye. Naikwento ni Faye na binigyan nya si Jianna ng buttered shrimp at sarap na sarap raw ito dahil first time nakakain ng hipon.

"I don't know that I'm allergic to shrimp. Mommy and Daddy fought that time because I ate shrimp. Nag-away sila kasi Daddy let's me eat shrimp." Mas lalong nalungkot ang bata at tila ba maiiyak na ito.

Allergic si Jianna sa shrimp habang si Faye ay paboritong-paborito ang hipon at iba pang seafoods. Kung si Francis ang allergic sa hipon malamang ay maging allergic din si Faye pero hindi, siguro ay si Janaih ang allergic sa seafoods at iyon ang namana ni Jianna.

Habang abala ako sa pakikinig sa usapan ng dalawang bata hindi ko na namalayaan na dumating na pala ng Daddy ni Jianna at nakikinig lang rin sa usapan ng dalawa na wala ring kaalam-alam na nandito na ang hinihintay namin.

"Jianna inherited her Mom's allergy to shrimp." Napatingin ako sa gilid ko at halos malaglag ako sa upuan ko dahil sa gulat nang makita ko si Francis na nakaupo na sa tabi ko at ilang hakbang lang ang pagitan ng kinauupuan namin.

Hindi na lang ako sumagot sa sinabi niya dahil hindi ko pa kayang kausapin sya ng diretso lalo na't alam ko na alam na nya ang totoo tungkol sa pagkatao ni Faye. Alam kong sa oras na sumagot ako sa tanong nya at humaba ang usapan ay bigla niyang bubuksan ang topic tungkol kay Faye kaya mas mabuti nang hindi ko pansinin ang mga sinasabi nya.

"Jianna, your Dad is here." Sambit ko na lang at nang lumapit na si Jianna sa Daddy nya, tumayo na rin ako at nagpunta na kami ni Faye sa faculty room.

"Mama sabay na natin sila Jianna para po may kausap si Tito Francis, kawawa naman po sya lang mag-isa." Itinuro pa ni Faye mula sa bintana ang mag-amang si Francis at Jianna na tila hindi nagkikibuan.