"ရေ၊ ရေသောက်တာ များသွားတာ။"
"မင်းကိုယ်မင်း ကြည့်ဦး၊ ငါ မင်းကို ရေအများကြီး မသောက်ဖို့ပြောနေတာကို။ ညဘက်အိမ်သာသွားရတာ ဘယ်လောက်တောင် အေးလိုက်မလဲ။"
ပိုင်ရှင်းယွီ ကျယ်ကျယ်လောင်လောင် သန်းဝေလိုက်သည်။ နေ့စဉ် ပြင်းပြင်းထန်ထန် လေ့ကျင့်ရခြင်းက သူ့ခံနိုင်ရည် သက်လုံးအားကို ခြောက်ခမ်းမတတ်ဖြစ်စေသည်။ သူ မနေ့ကလည်း တစ်ညလုံးအိပ်မပျော်၊ ဒီနေ့ကို ကျော်ဖြတ်နိုင်ပါ့မလားတောင် သူ မသိတော့။ ဒါအကုန်လုံးက ဟိုဂြိုလ်မွှေကောင် 'ယွီဖုန်းချန်' အပြစ်တွေချည်းပဲ၊ ဒီကောင်က သူ့ကို အသေသတ်ဖို့ စေလွှတ်ထားခြင်းခံရတဲ့ သူပဲ!
သို့ပေမယ့်လည်း .. မနေ့ညက ချော့မြူခံရတဲ့ ခံစားချက်၊ သူ အခုထိ စွဲထင်အမှတ်ရနေသေးသည် ...
မနက်ခင်း လေ့ကျင့်ချိန်တစ်ချိန်လုံး ပိုင်ရှင်းယွီ စိတ်ပျံ့လွင့်နေသည်။ ယွီဖုန်းချန် သူ့အား တစ်ချိန်လုံး စိုက်ကြည့်နေသလို ခံစားနေရတာမို့ အမှားများစွာ လုပ်မိတော့သည်။ ဤအရာက ချန်းကျင်းကို ဒေါသတကြီးဖြစ်စေပြီး ပိုင်ရှင်းယွီမှာ အဖေ၊အမေကို တကာ အော်ငိုချင်မိသည်အထိ အပြစ်ပေးခံရတော့လေသည်။
သူတို့ထမင်းစားကြချိန်တွင် ပိုင်ရှင်းယွီ ယွီဖုန်းချန်နှင့် ဝေးရာမှာ ထိုင်ချင်ခဲ့ပေမယ့် ယွီဖုန်းချန်ကတော့ ဘာမှမသိသလို သူနှင့် မျက်နှာချင်းဆိုင်တွင် လာထိုင်လေသည်။ ပိုင်ရှင်းယွီ ခေါင်းငုံ့ထားသည်မှာ သူ့မျက်နှာတစ်ခုလုံး ဟင်းခွက်ထဲ ဝင်သွားတော့ မတတ်ပင်။
ချန်းလျန်လည်း သူ့ပန်းကန်သူ သယ်ကာ အနားရောက်လာပြီး ဝမ်းသာအားရပြောလာသည်။ "ဝါး၊ ဒီနေ့ ဒိန်ချဉ်ရတယ်၊ နှစ်လအတွင်း ဒိန်ချဉ်သောက်ရတာ ဒါ ဒုတိယအကြိမ်ပဲ။"
ဖုန်းသုန့်ယွမ် ပြုံးရင်း ပြောလိုက်သည်။ "မင်း သေသေချာချာကို မှတ်ထားတာပဲ။"
"သေချာပေါက်ပေါ့။"
ယွီဖုန်းချန် ပိုင်ရှင်းယွီကို ပိတ်ကန်ပြီး ပြောလိုက်သည်။ "မင်း ဘယ်လိုစားနေတာလဲ၊ ခေါင်းမော့ထားစမ်းပါ။"
YOU ARE READING
Xiao Bai Yang ||Myanmar Translation||
Mystery / ThrillerThis is just a translation work. It doesn't belong to me. My Little Poplar [小白杨] Author - 水千丞 [Shui Qian Cheng] Total Chapters - 115 chapters + 4 Extras