If I Could Turn Back The Time (Completed)

Chapter 40 part 2

Chapter 40 part 2

“Nana Aning pakisundo na po si Venice.” Almost 2 hours na itong naglalaro sa playground and she feels different that she couldn’t explain. Hindi mapakali si Jesica habang hindi dumarating ang anak. 

Mabilis na sumunod ang matandang katiwala, nagtataka rin siya sa ikinikilos ng alaga mula kanina. Ayaw na lamang niyang mag-usisa dito baka isipin pa nito na masyado na siyang nanghihimasok sa personal na buhay nila. 

Nakatalikod na si Nana Aning ng muling magsalita si Jesica. “Pagdating ninyo pakisabi kay Lena na kakausapin ko siya.” Tukoy ni Jesica ni sa yaya ng anak. 

“Okay sabihan ko siya.” Maikling tugon ng matanda at tuluyan ng umalis. 

Pagdating ni Nana Salud sa playground ay agad niyang nakita si Venice pero napakunot ang noo niya ng makitang nakikipag-usap ito sa isang lalaki. Mabilis niyang ginala ang paningin para hanapin si Lena. Napailing siya ng makitang masayang nakikipagdaldalan sa isa sa mga katulong na naroroon. Una niyang nilapitan si Venice at mabilis na hinila palayo sa kausap. 

“Sino yung kausap mo?” malumanay na tanong ni Nana Aning sa bata. Habang papalapit sila sa yaya nito.

“I don’t know him Nana; he’s just asking my name.” Inosenteng sagot ni Venice sabay hawak nito sa kamay ng matanda. 

“Lena! Naku, bata ka bakit pinapabayaan mo itong alaga mo? “ May bahid ng pagkainis sa boses ni Nana Aning.  Sa lahat ng mga kasambahay ng pamilyang Tenorio ay siya ang tinuturing na nanay ng mga ito. 

“Hindi naman po, hinahayaan ko lang siyang makipaglaro.” Depensa ni Lena. 

“Dapat kahit na nakikipaglaro ang alaga mo binabantayan mo. Paano na lang kung nadapa yan? Malalagot ka kay Ma’am Jesica baka makatikim ka pa ng sermon kay sir Vincent. Hindi mo nga alam na nakikipag-usap na kung kanino ang bata” Mahabang litanya ni Nana Aning. 

Samantalang ng mga oras na yun ay inabutan ni Lourdes ang anak na mukhang balisa. “May problema ba?” bungad ni Lourdes. 

Mabilis na napalingon si Jesica sa pinagmulan ng tinig. “I’m just waiting for Venice, kasama si Lena. Mommy, ano nga pala yung tungkol sa sinasabi mo kanina?” biglang naalala ni Jesica ang sinabi ng ina kanina sa telepono. 

Matamis na ngumiti si Lourdes bago nagsalita. “Nabalitaan ko na hiwalay na daw si Vincent at Mia. It means..”

“It means what?!” putol ni Jesica sa sasabihin ng ina. Gusto niya ring iparating sa ina na hindi niya gusto ang tumatakbo sa isipan nito. 

Natawa si Lourdes sa nakitang reaksiyon ng anak. “Honey, I know you still have feelings for Vincent and this is the right time or I should say perfect time for you.” Mababakas ang kasiyahan sa mukha ng ginang.