شوية هداك المصيبة ديال المنطاد بحالا مشا وجا غوت على أحر ما فجهدي ...ودرت لعندو تخشيت فيه لا إرادياً ..حيت مخلوعة ...ما تحكمتش فراسي ...
ياسين رقق صوتو : ما تخافيش ..هانا معاك ..ممكن نهدرو ...
أنا : نزلنا من هاد المصيبة ...ونهدرو هديك الساعات
ياسين : لا مايمكنش ...أصلاً ماغادي ينزل إلا مور هاديك نص ساعة تقريباً ...
ولا حيدني منو وقابلني معاه ...حط يديه علا كتافي ... هاد المره رسم ملامح جدية على وجهو...
ياسين : شيماء، مع أنه عمرني ما عتاذرت من شي حد أو ترجيتو ..عمرني درت علا شي واحد هادشي كامل...واش تقبلي تسامحيني على كولشي ...وتنساي كولشي درت فيك ...تنساي قضية الطلاق ...كولشي كولشي ...ونبداو من جديد ... تقبلي ؟
*وصلنا للاوطيل ألي كان حاجز فيه ياسين ... سطاسيونا في موقف السيارات ...نزلنا ..ياسين غادي وجارني من يدي اليمنا واليد لأخرى هازا بيها السيكان والميكات اللي معرفت شنو فيهوم ما عرفت شنو شاريلي عاود تاني ...غادا و تابعاه ..أما هو حاسا بيه فرحان واخا كيحاول يحتافض بالصرامة معايا ويفرض عليا سلطتو...هزيت عيني فدخله ديال الأوطيل مع الهزه مع سيلان ريوكي هه آش هدا ...وهيا المالك واهيا سيدنا واش أنا كنحلم ... فندق دو كوليكسيونير آرك دو تريومف..من أفخم فنادق باريس ومن أغلاها ...عمرني تصورت راسي نحط رجلي فيه ..كنت غير كنسمع بيه ...ستقبلونا الخدم ألي علا برا بإبتسامة مشرقة ...كل ما كانزيدو ندخلو كل ما فمي كيزيد يتحل ...وعيني كيخرجو ...هادشي بحال شي حلم ...كل معالم الفخامة والرقي والتحضر والجمال والأناقة والثراء تتجسد في هذا الفندق ...ياسين كان حاجز عبر الإنترنيت ..داكشي علاش مشا خدا لاكارط نيشان..لكن قبل منوصلو لغرفتنا ...دزنا علا عدة مراكز مجهزة بطريقة راقية ...مركز ينسيك فالآخور...منها مركز للياقة البدنيه ، مركز اليوكا والإستجمام ، مطاعم فرنسية فاخرة ،باحة أندلسية ،قاعات موسيقيه ونوادي ليلية تتوسطها بارات كبيرة ...وصلنا للغرفة بعدما كنا طلعنا فلا سانسور ..حل ياسين الباب وكلس ...أما أنا كتفيت باش نكتاشف الغرفة شبر شبر..كلشي هنا جديد وغريب عليا بزاف ..الغرفة ألي كانت علا شكل شقة *.* تتوسطها غرفة واسعة للنوم ،مكيف ، تلفزيون إل سي دي ،ميني بار وخزنة في المقابل ، حمام أنيق بمجفف شعر ورداء الحمام. كما يتوفر في بعض الغرف الصغيرة المفرعة تراس خاص يقدم إطلالة على باريس.... اطلالة رومانسية على مدينة الرومانسية ... حطيت السيكان فوق الناموسية ..واتجهت للدوش ناخد حمام دافئ ...بينما ياسين يطلب الماكلة ...
عمرت البانيو بماء دافئ ودرت فيه برودويات منعشة ومهدئة في نفس الوقت ...تعريت لكن قبل ما نتخشا ...سديت عليا الباب تحسباً من أي هجوم يقدر يشن عليا ياسين لأن نظراتو المفترسة ليا طول الطريق ماكاطمأنش...تكيت فوسط حمامي الراقي ...واسترخيت ...هنا بداو تساؤلاتي اللامحدودة كيرجعو ...تناقض نفسي ...وفسق اتفاقي مع نفسي .. ندمت آه ندمت حيت كان جوابي _اه ..مافهمتش كيفاش
استسلمت لقلبي من جديد و قلتها .. ما فهمتش كيفاش قررت نكمل معا واحد قلبو مع واحداخرا ...حتى انني ما حاولتش نسولو أو نعرف سبب قرارو المفاجئ...كتفيت بقول آه ... هاد الكلمة ألي خرجات لا إراديا.. ماشي شيماء ألي نطقاتها ولكن قلب شيماء ..كيفاش نسيت كولشي وقررت نبدا من جديد ...كيفاش وليت تقت فهاد التغير المفاجئ ..اللي يقدر يصدمني من بعد..علاش ياربي هاد القلب عندي داير بحال هاكا ...دغيا كنستسلم ونولي نسامح من جديد ...دغيا كننسا كولشي داز عليا ونبدا من جديد ..لهاد الدرجة ضعيفة ا شيماء ... اااه ...تنهدت ووليت تفكرت ياسين الجديد ...وليت غرقت فتخمامي فيه هو وهاديك الزعرة ...واش دغيا نساها ...أو كيحاول ينسي راسو فيها ..علاش بغا يبدا معايا من جديد مع أنه كيبغيها وعندهم فرصة كبيرة فاش يرجعو ..خصوصاً أن عمي برا و قرب يخرج...وياسين ندم ...يعني غيتصالحو ...علاش ختارني أنا مع أنها فقلبوا ...كلها اسئلة وتراتني وأنا فوسط الدوش ...اسئلة بدون إجابة ...اسئلة محيرة ...حاولت نتناساها وأنا كنلوي عليا بنوار الحمام ... وننتضر كيما العادة القدر شنو مخبيلي وياسين فين غادي يوصل معايا بهادشي
*حليت الباب بسكوتي ...وطليت يمين وشمال ...ما بانليش ياسين يمكن خرج .. طمأنت وخرجت باش نلبس ..مخشية فبينواري ...حليت دوك السيكان نشوف هاد الحوايج ألي خدالي من المتجر فطريقنا ..قالك شرالي كاع الحوايج ألي غادي يكفيونا فهاد المدة ألي قرر هو اننا ندوزوها منفاردين ...حليت وكان المفاجأة بل الصدمة ..... خويت السيكان ألي كلهم كانوا شوميزاات دو نوي ..ديال النعاس ..و َلَا بيجامة...قلبت وعاودت ..كلهم ملابس فاضحة ومثيرة ...هنا سكتليا القلب ...علاياش هادا ناوي ...داكشي علاش جابني لهنا ...ياربي كي غادي نقدر نفك راسي دابا من هاد الوحلة .. يا الله .. شفت تا عييت وعلامات الحيرة و- الخوف مرسومة على وجهي ..رجعت لبست كسوتي البسيطة ألي جيت بيها ...نشفت شعري وشديت الأرض ...كنتسناه وأنا مرعوبة .. سمعت البواني كيتحل ..أكيد هو ..مشيت كنجري للبيت الصغير ديال الكلاس ..بحالا بغيت نتخبى ..خفت من هاد الغموض ألي ولا فيه .. قشعتو تيقلب عليا .. تا سمعتوا كيعيط وخرجت لعندو ... طلعني وهبطني بإستغراب ..
ياسين : علاش ما بدلتيش ؟!
أنا بتردد : لا لا هااكاا مرتاااحة ..
ياسين مشا وجبد شوميز وحدة قصيرة فلحمر رماها عليا وقالي لبسيها ...تصدمت من هاد الحركه ..شنو أنا زعما واش جارية عندو ... ماقلهاش تا بلطف راميها عليا!! ... مشا و كلس هز حاسوبو.... بقيت واقفة فبلاستي مصدومة... كأنني مصدر للمتعة ليه ..بحالا جايبني لهاد العز باش يتمتع بيا ..واخا هو راجلي ومن حقو ولكن ماشي بهاد الطريقة ..ماشي يعاملني هاكدا... رميت ديك الشوميز بالأعصاب ...درت شالي وخرجت نطلل بقيت شحال تا تهدنت و وليت دخلت ..خرجت ناكل حيت كان جاب الماكلة ... كليت حتا شبعت ..وهو حاضيني من بعيد ..هاد المره مخنزر ...
ياسين : كتلعبي معايا ؟
أنا : الصمت ...
ياسين : نودي لبسي ...
أنا : الصمت
ياسين زدح هاد المره فوق الطابلة ألي حداه كتهديد ليا ...نضت على سعدي ووعدي نلبس ديك المصيبة ...الي ماحملتش راسي بيها .. مشيت قدامو بيها وهو مترقبني من بعيد بنظرات مفترسة ..ماعرفاش اش ناوي يدير ...تكيت بحالاتي باش ننعس ومع ذلك حاضيا جنابي ... خايفا بزاف ...هاد الخوف ألي ركبني من أول ليلة معاه ..معاملتو ليا فديك الليلة وبداك العنف والهمجية ترسخات فذهني ... كتخليني نتهرب من الممارسة ..ومن أي حاجة كتخص هاد الجانب ..
تعطل باش جاء يتكا حدايا ..حيت كان مشغول يمكن بالخدمة ...ديك ساعا كنت بدا النعاس يغلبني
شويا كنحس بشي يد تحطاتلي على كرشي ..وطالعة لصدري كتلمس فيه بشهوة ..وبشي وجه كيبوسني فعنقي ودورني لعندو كيلتهم فشفاهي بهمجية ...حليت عيني ..أوف كورس كان ياسين..صافي ناوي يديرها عوتاني ...بقيت كالصنم مكنتحركش وهو ولا كيشي ذئب بشري من جديد ...حيد التيشورت بواحد السرعة وحاصرني ... بدا كيلتهم فيا من جديد كيشي أكلة شهية ... هاد المره ما قدرتش نحبس دموعي بالخلعة ... بديت نبكي بصوت مسموع ..تا سمعني ياسين وحبس ...هز راسو وبقا تيشوف فيا كنبكي وكنحك فعيني ...بتاسم ومسحلي دموعي ... غطاني وباسني من شفاهي بوسة حنونة ...
ياسين : ما غنبزز عليك والو تا تولفي
*وليت شفت فيه بملامح مطمئنة ...كنمسح دموعي ونلبس حوايجي الفاضحين ...أما هو رجع لبلاصتو وتكا مور ما ناض عليا..بقا شحال وهو فايق بحالا تيفكر ...أما أنا درت لجيهتي ونعست ...نعست وفراسي ألف سؤال من جيهتي وجيهتو ...
صبح الصباح نهار جديد وزوين مشمش ...فقت على صوت عصافير باريس.. لقيت راسي راميا لغطا على بعد 100 متر...شادا الناموسيه كلها بوحدي ..كل رجل فجيهه..ياسين ماكاينش...بوحدي فالغرفة بغيت نقول الشقة ...ندت و فيا موت الجوع..ولكن الماكلة ما كايناش...بانولي شي سيكان ما جبناهمش معانا.. شدني لفضول وقلبتهم وكانت المفاجأة جوج كيطمات نسائية .. وعباءة طويلة بشالها الطويل ..دايرا كلخمار ولكن لاش ؟ وفوقاش خداهم؟ ...لبست وحدة من هادوك الكيطمات الطويلة فيهم ودرت شالي...مور مغسلت وجهي..درت ميكاب خفيف بزاف ... تسنيت حتا شبعت وهو مازال ما بان ...حتا قتلني الجوع ...شفت الساعة كانت الوحدة ديال النهار...مصارني تيغرغروو عليا وهو مازال غابر... قررت نهبط ندور تا أنا مع راسي ..علاما يجي ...واخا خفت فالاول يدوي ...ولكن غندور غير فلوتيل بحال الدار لهيه ماعليش ... تشجعت و خرجت كانت الباب محلولة ياس ...نزلت فالأسانسور ويدي فجيابي ... بقيت ندور من طابق لطابق ...هادشي زوين ..عجبني لحال ..بحالا راني فمتاهة...ندخل من طابق ونخرج فواحداخر بحالا كنلعب مع راسي كاش كاش هه ...
نزلت لسفلي وبديت ندور فالمراكز مره أخرى نستكشف تا وصلت لواحد المقها هادئ ...طالقين موسيقا كلاسيكية هادئه ومريحة للأعصاب... كانوا دايرين فدخله أن الخدمة مجانية للنازلين بالفندق.. فهمت لكتابة بصعوبة ..ودخلت باش نطلب شي حاجة ..داخلة وكنرتب الكلمات الفرنسية فراسي هه ... بديت كنتفتف عليهم فالإستقبال ...وحرام واش فهموني ...شوية بانلي ياسين كيضحك مع واحد المشعكة ..كالسين حدا واحد البار وشاد الويسكي فيديه تيشرب على خاطرو...
تعصبت و مشيت لعندهم نوريه كيف سامح فيا ومخليني بجوع.
غير شافني ياسين ..وحلو الشراب ..وبدا يكحب..يالاه بغا ينودلي ..
أنا : شوف بلاما تغوت ولا تضرب نتا ألي خليتيني بجوع ..زيدون شكون هاد المشعكة ؟..آه
ياسين غلباتو الضحكة : هه ..غير كتسرطي..راه خليتلك الفطور فالبيت الصغير
أنا وكنخنزر فديك خيتي : مشفتوش ...
ياسين : حيت عورة .. زيدي قدامي ..
سلم علا ديك الكاورية وجرني ..
أنا معرفة منين جاتني الجرأة : وايني نتا بو بنات ..عجباتك ياك !!
ياسين : لبنات شابعهم ...
أنا : كتعتارف بعدا ..
ياسين : ياكما غرتي
أنا : لاش غنغير ..لمخيرة فيهم كولها تجميل ..
ياسين : علا نتي زوينة ؟
أنا : عارفا رايي خيبوعة شكراً ...
ياسين : مابيكش ..المهم طبيعية وبنينة هه
أنا : بنينة ؟ كفاش ؟
ياسين : ههههههه والو والو
..دخلنا للبيت وكلية علا خاطري تشبعت أما ياسين بدل ...
ياسين : نوضي دغيا وجدي راسك حيت غادي نخرجو ..وجمعي حوايجك حيت من تما غادي نزيدو للدر ..
أنا : فين غادي نخرجو ؟
ياسين : مين جينا مخرجنا أنا وياك .. طلقي راسك !!
فرحت الصراحة ..حيت تا أنا محتاجة نفوج ... لبست علييا كسوتي ألي جيت بيها ... ودرت هاد المره الماكياج بايaن ..جمعت شراوطي وتميت خارجا كنفرنس هنا ياسين وقفني ..
ياسين ومخرج عينيه : تحركي بدلي عليا هاد الحالة ..ومسحي هداك الوجه
أنا : شغادي نلبس؟
ياسين : راني خديتلك عباية ...وإنطلاقاً من ليوم هداك هو لباسك
أنا : ولكن
ياسين : تحركي
أنا : ولكن حوايجي العاديين مستورين !!
ياسين : شيماااء !!
أنا : حشومة عليك والله ... بزاف علا لحكام ..راه أنا مرتك ماشي عبدة عندك ...ومن حقي نلبس ألي نرتاح فيه ... زيدون لكسوة ما مزيراش ...!!
ياسين تنفس شهيق وزفير ..يالاه غادي ينفاجر هه دربتها بجرية وحدا للبيت نلبس شنو بغا ... لبست ديك مولاتي عباية ألي جاتني كيشي جحلال ...كبيرة عليا شوية ..خليت درتي ونقصت الماكياج خليت غير لكحول ..خرجت وأنا كنتنفخ ونضرب ...
ياسين : تفركعي كاع ... قدامي ...
نزلنا وركبت لقدام بنتير غادا ومخنزرة ..أما ياسين حط حوايجنا فالكوفر ...وإنطلق ...
بعد مدة صمت طويل ...جبدت التليفون ألي خدالي وبديت نفتش فيه كان فيه تطبيقات جديدة وجديدة فرحت بيه وعجبني ..هنا جاتني لحالا عاوتاني ولفضول ألي شي نهار غادي يخرج عليا
أنا : ممكن نسولك ؟
ياسين : واخا !
أنا : ومتعصبش..
ياسين : علا حساب السؤال !
أنا : منين جاتك فكرة الورد والهدايا... ما مامولفاليكش..
ياسين : تشاورت مع غيتة ...
أنا : همم ..
ياسين : كيفاش ما مولفاليش ...
أن تنهدت : حييت ديما عاقد دوك الحجبان .. معصب وغير كتفرشخ..
ياسين : شناوا ..
أنا بنظرات الخوف : اا بغيت نقول ااا زعما حيت هادي طبيعتك...
ياسين : هههه علاش نتي دايرا هاكا ...
أنا بإستغراب : كيفاش ...
ياسين : دايرا كيشي كروفيتا حلوة ...عفوية بزاف ..
أنا : لواه سردينة ههههه
ياسين : خليك ديما هاكا ...كتعجبيني كيما نتي..
أنا زعمت ههه : واخا ..بشرط
ياسين : أما هو ؟
أنا : الله يرحم الواليدين .. بقا تجمع دوك اليدين شويا ..راه أنا صحتي على قد الحال و عضامي هشاش...
ياسين : واخا كنضرب ونقيس ؟ كنحاول ما أمكن ما نقصحكش... ههه كون جيت نضربك ديال بصح ..كون متيلي بين يدي شحال هادي هههه
أنا :ما تضربش كاع وهني راسك ...
ياسين : نتي كاديري لبسالة ..كون كنتي كتسمعي الهدرة منحطش يدي عليك ...
أنا : شكون هاديك البنت ألي كانت معاك الصبح ..
ياسين : غير من المعارف ...
أنا :الصراحة زوينا واخا مشعكة ...
ياسين : كاع بنات باريس زوينات ...
أنا تعصبت ولكن كمدتها : فهادي عندك ألحق...
ياسين : ياك كلهم تجميل هه ؟
أنا : لا لا زوينات ..