نهار اللي بغا ياسين يدخلو معاه لاصال يعلمو البوكس حيحت حطيتلو القسم الا كان كيبغيني ما بغيتوش يدخل لداك المجال لأني أنا اللي كنشوف بعيني كمية داك العنف اللي كنحضرلو فمباريات ياسين...و باقي حتا الآن كيشارك و خا عييت معاه..ما بغيتش ولدي يمشي فنفس المسار لانها بلية ادمان,اقترحت عليه ندخلوه الكورة وخا كيجيني كلو موسخ ومضروب من جيهة ركابيه ..ماعليش الاهم انه كيفرغ ديك الطاقة اللي عندو زايدة على اللزوم..
مرة غلط فيا جرحني اه فلذة كبدي جرحني بانلي عاطيها غير للعب نضت درت فيه ينوض يحفض تزايدت معاه فلهدرة قالي:نتي اصلاً عندنا غير خدامة... كان سمعها من ياسين مرّة ضحك معايا بيها...شفت فياسين اللي كان كيدير الطراكسيون ودخلت للكوزينة سديت عليا كنت كنوجد لغدا...ااييه أوليدي انا غير خدامة ..فيك شبر ديال الطول جاي تطاول عليا ليوم يالاه بزيتك البارح...شفت ياسين خرج وداه معاه حطيتلهم لغدا بشنيت قبل ميجيو ورجعت جمعت الروينة كنغسل الماعن حتا حسيت بيهم دخلو بالحس ياسين مدلو شي حاجة كيهمسليه فوذنو ويشوف فيا...تم جاي عندي الياس بباقة ورد مرتبة عنقني من اللور كيدمع و يمسح فيا وجهو :سمحيلي ماما..بتاسمت و هزيتو :على انا إمتى تقلقت منك يا عيون ماما..
تعانقنا وتباوسنا خلط علينا بوجعران لكبير ههه جرنا بجوج لاحضانو ..غير قشعاتنا لوخرا جات كتهرول :وانا انا انا.. هزها ياسين لعندنا وتعانقنا بربعة كهابي فاميلي Happy Family
عشنا ولله الحمد كأي أسرة بسيطة مسالمة نستشعر بين طيات الايام السعادة الاسرية الحقيقية نسينا بها كل ما مضى من مآسي فالماضي بل أخدنا من الحياة دروس أهمها الصبر على البلاء لان الفرج دائما قريب..ياسين لعب دورو فيها على أكمل وجه كزوج محب و أب حنون ما حسسني ولا مرة بالنقص من جيهتي ولا من جيهة الدراري كيلبيلنا جميع طلباتنا من ملبس مأكل,سفر ومتعة ..مع أنه كان شوية صارم معاهم بعدلمرات كيبالغ فخوفو عليهم ..الا انه معذور...
اخيراً و بعد طول إنتظار تحقق المشروع اللي فبال ياسين..تمويل وبناء شركة ديالو لخاصة اللي تعب على انشائها بشراكة مع صديقه شكيب ..ولا مستاقل دنفسو
حبنا كيزيد يوم على يوم ونهار على نهار كنتأكدو اننا مستحيل نكونو بعاد لأننا ببساطة خلقنا لبعض لنكمل بعضنا البعض كلانا من دون الآخر ناقص..
حب بدأ بعناد طفولي ليرسمه القدر على شكل زواج إجباري ثم عشق جنوني وأسرة سعيدة بعد مشقات ...هذة قصتي أنا شيماء مع الفتى البارزي ...#النهاية ^_^ من تأليف إلهام الكركي الريفية
YOU ARE READING
زوجي محنتي!
Romanceقصة: *- زوجي محنتي -* -تأليف: الهام الريفية شفتو تعطل فدوش داكشي لاش نضت صليت جوج ركعات راسي أو درت الدعاء و مشيت رجعت بلاصتي كالسة على طرف الفوطاي و كانتسناه كلي شوق و نفس الوقت مخلوعة ...شوية خرج ياسين كان لابس سروال ديال الكيطمة بوحدو ..او كينشف...
