زوجي محنتي!

الجزء 67

_ يالاه ، راه تعطلنا دبصح ...
_ نفاجرت بضحك : وا مسح غير فومك بعدا ههه .... ههههه
جبد تيلي ديالو كيشوف هه وكيتسدم ...مسحلي كاع العكار ألي كنت دايرا وعكر بيه هو خصوصاً كنت دايرا روج... فمو حمممررر وعامر بريوكي هههه مجخلط على الأخير حالتو حالة هههه .... : تفووو ....
غادي وكيمسح بطرف التريكو ديالو داخل للطواليط .. أنا كنمووت عليه بضحك ..دربني على مؤخرتي شوية ... : واخا فمك كضحكي ...
سبقتو للطابلة بعدما كنت قاديت حالتي ...شديت بلاصتي حدا ياسين كنشوف ففؤاد من بعيد ألي ما هزش عينيه فيا ولا مره كأني ماكايناش كيهدر ويتناقش مع أم ياسين ... كنا غير حنا استريلا فؤاد ياسين ومو ... واحد سيد معاهم كبير فسن كذلك معرفتوش شكون باينا عليه أجنبي ...
ياسين خلط عليا مخبي فمو محرج أنا غير شفتو بديت نفرنس ...
_ كيشوف فيا مفزوع : باقي ؟؟
_ ستغليت لا مبالاة الكل وخطفتلو بوسة بزربة من شفاهو الحمرة هه ...: ما بقا والو هه
_ زعمتي زعمتي ا شعيبية هه
_ الكوبل ... مين كتعرفهم ههه كل مره كتزيد تصدمني..
_ كنت متبعهم فيوتوب كيقتلوني بضحك ...هكاك أنوليو أنا وياك مور منشرفو ونهترو هههه غير أنا طويل ...
_ قول سلوم هه
شديناها أنا وياه كنضحكو كل مرة شادين فبعضنا ... كنتغرنو كيشي دراري صغار هههه حتا من أنا حسيت براسي رويت شوقي ليه وهاد الوحدة ألي كنت حاساها هاد الشهور الأخيرة مشات معاه ..كنتئمل فيه كيبتاسم ويعبر من نيتو حتا دمعو عيني باغا نبقاو عايشين ديما هاكا ديما ضاحكين ..ديما مجموعين.. : أنا عمرك تخليني وتبعد عليا ا ياسين ...
_ تنهد: علا أنا هبيل ههه ... نتي حياتي عايش علا ودك ..أصلاً منقدرش ...
درنا كنشوفو فيهم كيشوفو فينا كنتبادلو كلام الرومانسية بجهد بلاما نحسو منغامسين ...كولشي غلباتو الضحكة حتا من فؤاد وخا مكنطروليها.. دينا الماكلة ونغمست أنا كنهجم على كل ما هو مغربي ...الحريرة زلافة مور زلافة هه ... اللحم طايب على الطريقة المغربية بالمارقة والبرقوق ناري غير قشعتو بديت نتجبد ...ما وصلتش ...ياسين ألي غرفلي ...تفاجأت منو قالي غير كولي ألي بغيتي ليوم ..عارفك موحشة هادشي ... تا أنا كنت علا سبا ..غير كنخشي فوجهي ومراقبة دوك الجوج ألي نظراتهم غير مطمئنة بنسبة ليا ...
نظراتهم الغير مطمئنة لبعض ..شي حاجا تما ... كيشوفو فبعضياتهم ويرسموا إبتسامة مستفزة ..كأنهم كيعرفو بعضهم مزيان ...ياسين كيهدر مع كلشي و يضحك من قلبوو حاسا بيه فرحان بزاف ليوم على خلاف الأيام لأخرى ... كيهدر ويشد فهادا وهادا حتا من ستيلو اليوم كان مبدل عطاه مظهر طفولي تشورت لمارك فالبيض لابس عليك تجاكيطة كحلة محلولة مقطعة من الكمام ..و سروال فالباج ... فرحت مين شفتو هاكدا كناكل معمرة شدوقي وحاضياه كنلمس علا يديه اليسرى ألي كان حاطها فحجري مع ذلك بالي مابغاش يمشي مع دوك الجوج من غيرهم استريلا و فؤاد ... خايفا من هادشي خايفا تكون شي حاجا مخبية..خايفا علا ياسين من كولشي ..قلبي كيدرني ... إن شاء الله خير ... نغزتو كنمدغ وهو مشغول كيهدر..دار لعندي كيمسحلي فمي فلقطة عفوية ويضحك : هههه غير بشوية عليك ..الماكلة مغتهربش ...
_ بدلال ..تمسكين فنفس الوقت : فيا الجوووووع ....
_ راسم إبتسامة عريضة : بصحتك ....
كلا الجميع أخيراً منهم ياسين ألي غير نقب كيف العادة .. ماكلتو خايبة مكيكلش بزاف ... ما عرفت منين جايب هاد الصحة ... ناد كولشي غيمشي لصالون ..الخدم غادين بالقهوة ناويين يقصروا ...أنا تبعتهم وخا ياسين مخلانيش ..ولكن درتلو لعكس لا بد منعرف شنو تحت راس دوك الجوج دارولي الشك وخا حاولت نتناسا ... كلست حدا راجلي حبيبي طبعاً جرني لعندو وخا تحرجت قدام الكل ولكن هوما أصلاً عندهم هادشي عادي كيديرو ما كتر نيت مكرهتش نبقا غير لاصقا فيه ...مخشية تحت باطو ومتكية علا صدرو..هو حاط يديه على فخادي كيطبطب علا وركي ويتناقش مع فؤاد بالفرونسي..داك الفرونسي المتادخل ديالهم ولمزروب لهذا مافهمتش شحال من حاجة ..الموضوع الأساسي علا الخدمة والأزمة المالية ألي فيها ياسين ... كيهدرو ويشربوا القهوة والآهيلا صحاب ديال بصح ..لاخور فؤاد كيخطف مره مره شوفات مغشوشين فيا بلاما يحسس ياسين ...حتا ياسينو شاف فساعة كان الوقت تعطل بزاف 2 ديال الليل ... ستاذن باش ينوض ...ودعناهم و تمينا غادين وخليناهم فسهرتهم بحالهم ..حتا عيطلي شهي حد بسميتي أنا .. ياسين دار هو يعرف مالو ...أنا تقدمت لعندو قدام الكل ..ياسين مربع يديه وكيتسنا من بعيد يسمع شغادي يقول..داير تخنزيرة خفيفة ... تقابلت معاه ..
فؤاد بإبتسامة بريئة كيشوف فكرشي البارزة : مبروك ما عندك ..
بخجل : الله يبارك فيك ...شكراً ..
فؤاد : آخر تسميكة كانت قاسحة بزاف خلاتلي الأثر سيمانة ...
كانعقد علا يديا ..عيني فلأرض : عارفا ما كاين تا عذر لداكشي الي درتو حاسا بغلطي ..درتها ناقصة ..ولكن ما تحملت تا واحد يهين ياسين ...كنت مغيبة ما عرفاش راسي اش كندير ... لهذا استسمح فعلاً والله ..تسرعت بزاف وفنفس الوقت كنشكرك علا كولشي .. نتا إنسان مزيان وتستاهل ما حسن مني ..
فؤاد : الماضي فات وأنا نسيتو ..وحتا مني أنا غلطت ..كلنا غلطنا ودابا كولشي فمحلو ...وواخد ألي إيستاهلو ... فعلاً فرحتليكم بزاف ومن أعماقي ...ومبروك ليكم مره اخرا ...
بيتاسمت بخجل كتر حمررت .. هو : كنا دائماً أصدقاء ... وغادي نبقاو علا هاد العهد ألي عهدنا عليه راسنا ديما .. رفع يدو لعندي : أصدقاء من جديد ...
ما جيت نهز يدي لعندو حتا حسيت بأنفاس ياسين الملتهبة من ورايا واقف شدليه يديه دغيا كيسلم عليه بلاستي بإبتسامة صفرا... أنا جمعة يدي لعندي هو جرني بزربة موراه ..طالعين هه مغيار لاخور ..
ملويا يدي على خصرو...كنتمخسس عليه : مكنفهمكش!!
_ معنديش لمرا ألي تسلم علا الرجال...
_ معنديش الراجل ألي يسلم علا العيالات...
_ الأمر مختالف بزاف .. نتي مرا وأنا راجل ...
دايزين علا بار صغير فطريقنا للبيت محطوطين فيه جميع أنواع المشروب هو هز قرعة بلا ما يحسسني .أنا غوت بلا ما نحس : حط...حط هداك السم والله متشربو..يقطعليك لمصارن ..
_ هو تيهز بيديه : كالم طوا ..كالم ...عارف هادشي عندكم فشكل ..مي حنا عادي ... وأنا من بلغت سن رشد او كنشربو ..
_ بغيتي تفهمني أنك مدمن !!!
_ بستهزاء..كيحك مور الرقبة ديالو : هيه لا ... كنشرب مين نكون معصب أو فرحان ...
_ يعني ديما ... !!!!!!
_ ماشي ديما ..راكي كتشوفيني صاحي ...
_ راه حرام ا ياسين حرام ... كنحيدليه دكشي من يدو : رمي عليا هاد الويل الكحل... رمي
كنتجبد أنا وياه ونتجارو : متبقايش دخلي فخصوصياتي... أنا عارف شنو كيصلاحلي...
_ ندخل كيما نتا كتدخل فكلشي كيخصني .. زيدون أنا منبغيلكش المضرة..هادشي ما فيه خير غير مسكر أيخرجليك علا صحتك ...
_ سمح فيا أون تم غادي ..وزاد قرعة كاع ناوي يسكر ليوم ... ولله متبعتوو حتى أنا إلا بغا غير الضد أنا هي مولاتو كلست فالأرض ..ولله منتحركليه من هنا ...كنتسناه يدير لقطتو المعتادة يهزني ساعا مدرهاش غادي ما مسوقليش هبط علا ديك القرعة .كيشرب معا راسو ...نضت كنجري تبعتو ...دخلت موراه للبيت : والله تا حرام هادشي ألي كتدير كتلعبلي بأعصابي كتحرقهم ..عاجبك الحال
ببرودة واللامبالاة المعتادة تلاح فوق الفراش حيد تقاشرو وداك التشورت ألي كان لابسو على اللحم لاحهم عليا خاشي داك السم ففمو السكايري لاخر ومراقبني من بعيد ... بديت كنردخ : مخاصمة معاك ...مجوبنيش وزدت شعلت من برودو ... مشيت كلست علا بيروه جبدت ورقة كبيرة رسمت فيها جدول زماني بعنوان شحال من مره كندابزو فنهار بديت باليوم وعلقتو فو راسو أنبقا ديما نعمرو و غير مين يكون المشكل منو آش يعرف انو هو سبب كولشي ... لسقتو فوق راسو .. هو غير ما كيزيد كيضحك ...الدورة ألي غندور كيبانلي مشمون الورد فالحمر حداه شي سيكان صغار مزيونين ديال الكادوات فالقنت .. يمكن داكشي ألي كان مخبي قبيلة مورا ضهرو ..قشعني مترقباهم ومخرجة عيني كيبريو مزنكة.. فنفس الوقت مبتاسمة يالاه غنقض عليهم بزربة هجم عليا كندافعو أنا وياه سبقني وهزهم ..كيتعلا ويعليهم أنا كندابز معاه او نضربو فصدروا كنتعلق باش نوصل ووالو ..كيلعب بيا عاجبو لحال يعدبني ويديني او يجيبني ... كان عريان من لفوق شوية بعدت ضحكت ضحكة شريرة وهزيت حجباني .. هجمة معلنة الحرب مخرجا نيابي ..طرت عليه بعضا من بزولتو هههه وجمعت معاه بركبة طلعتها للمعلوم ... خليتو كيتعوج ويشطح قدامي فالأرض بالحريق نيهاهاها
كلست عليه فوق كرشو فالأرض كيتوجع قدامي ...ومابقيتي فيا ههه ... حاط يديه علا ديالو كيلمس فيه ويبرد هههه ...لويت يدي على عنقوا كنضحك وزيرت ..هو الضربة باقا مدوخاه قضيت عليه... شديتو من نقطة الضعف ..غمزتو : شكون ألي غلب دابا ها !!! عرفت مين نشدك هههههه