زوجي محنتي!

الجزء 25

أنا رجعت لمرجوحتي كنتمرجح..وكنفكر في مصيري وهادشي ألي غادا فيه ... كنفكر فحياتي ...كنفكر ونفكر فيا أنا وياسين ... جوج ديال الناس ضلمهم القدر وجمعهم في ضروف غير مناسبة ...
تضلمنا بجوج من جيهة هو ألي تفرق علا حبيبتو وتجبر أنه يدي وحداخر ... ومن جيهة أنا ألي كنت ضحية مؤامره ديال أب علا ولدوا ... ضحية وسلاح فتاك في حربهم الباردة ... ومن فوق هادشي كامل كفستها بل وزدت الطين بلة منين تعلقت فيه وتقت فتصرفاتو ألي كانت عبارة عن ندم من جيهتي وجيهة باه ...تقت في حنيتو ومعاملتو الحسنة مؤخراً ...و تصدمت صدمة حياتي ..صدمه قضات عليا وخلاتني جسد بلا روح ...لكن من ليوم هاد البهالة ألي فيا غادي نقتلها ... مع انني كنمووت فيه كنهبل علا شي حاجة اسمها ياسين ولكن بلا مانضحك علا راسي هو ماشي ديالي وعمرو ماكان ليا ..هو لوحداخرا ... هو كيعاملني وكيغير هاكا ويهتم بيا على أساس الندم والمسؤولية تيجاهتي لأنني باقا مرتو فالوراق ...فقط هاز تقليدي علامة يرجع باه ونلقاو شي حل ..ونحدو هاد الزواج ...الي ما عندو تا معنى .....
بقيت سارحة في تفكيري تا ولات وقفات عليا غيتة هاد المره بنضرات انتقام وإستهزاء... نزلت وحطات يديها بجوج على فخادي ...
غيتة : مابغيتيش تعرفي فين مشا كوزك (راجلك) ؟
أنا فنفسي ...(عند حبيبة القلب عندمن غيكون مشا من غيرها )... : عطيني بشبر التيساع الله يرحم الواليدين ...
غيتة : هه ماتخافيش ماشي عندها ...
أنا : أوووف ...غيتة بعدي مني
نضت وبغيت نمشي بحالي ..وهي تشدني من يدي ..
غيتة : شفتيهم البارح ياك ... شفتي انني مكنكدبش عليك
أنا رجعلي لمنضر بين عينيا وتفتحوا جروحي ألي كنت كمدتهم هاد الصباح ..سعرت و دفعتها.. غادا داخلا للدار بحالاتي ... وغيته كتغوت من ورايا : مازال مصرة ماتعرفيش قصتهم.... ؟؟؟!!!
سمعتها ووقفت ..من بعد كملت طريقي ..علاش غادي نرجع نسمع ...ما فيا مايزيد يتطبخ....راني شفتهم شحال كيبغيو بعضياتهم... طلعت والدموع فعينيا تاني ترميت فوق لفراش وبكيت حتا ما قدني ...نادو عليا الآمي و جروحي من جديد ... تخنقت ... وبردت جنوني فالبكا الجنوني ...تاساليت وشفت فساعة كانت جوايه هاديك 20:00 ..الليل جا ... نضت نخرج نشوف ما ناكل حيت حيدات مني هاديك الترويعه ...ساعا لقيت الباب مسدود ... ياك ما ياسين جا.. مشيت نطلل ما بانتليش سيارتو..إذاً هادي غيتة ...بنت لحرام ...قشعتها كتشوف فيا من لتحت وكضحك ... كنتحلف فيها من مور السرجم باش تحلي وهي غير ماكاتزيد تضحك... حليت السرجم
أنا (كنغوت) : ياغادي تطلعي تحليلي لباب ..يا بالله تا نتلاح عليك من هنا ..
غيتة : تلاحي ههه
أنا : عافاك ...
غيتة : أوووهووووو... راجلك لي بغاك تبقاي فالبيت ونطرق عليك ..
أنا زدحت الشرجم ... كنضرب فالحوايج ونعاير ...عييت من هاد الحكام ديال الزمر ...مافهمتش هادا واش مريض ... تيعشق وحداخرا ..وفنفس الوقت دايرلي لحبس ... يخ ..عييت ..وأنا كنردخ هرستلو قرعة ديال الريحة ديالو ... هه فشلوا رجليا عليا وطلعات السخانة معايا ...ناري ميمتي... خصوصاً أنه العطر المفضل ديالو
نضت كنجري مشيت لطواليط جبت الجفاف ...كنجفف ..جمعت داكشي ..ورميت الزاج ..وخى تجرحت من صبعي بقوة الخلعة والقفقفة منو ....جمعت ورديت كولشي لبلاصتو..كيما كان ...ولكن الريحة مجهدة بزاف ...واخا حليت الشراجم ...ا ميمتي ليوما نحصل ... دازت شي ساعة هكاك وأنا كنهوي دنيا وكنرش ساني كروة باش تحيد الريحة ... عاد بدات تنقص أوف الحمدلله ..كان قلبي غادي يسكت ... فشلت ... سمعت صوت الطونوبيل كان ياسين جا... جاي وهو فرحان ... سطاسيونا ونزل كيفرنس.. فرحان بزاف ... خبار الخير إن شاء الله ...أكيد شاف حبيبتو وعملوا شويا ديال الشغب..داكشي علاش باينيلو ضروسو... هاه ... بقيت مراقباه ..كلس فجرده تيكمي ..الكماي لاخور ..كالس وتيفرنس غير بوحدو ....أكيد دارو دودو... باينة ...بقيت مراقباه شحال وهو حرام واش تحرك من بلاصتو ... كيكمي و يفرنس ... تا تفكرت لحوايج ألي كنت خديت البارح من لو بون مارشي ...نضت كنجري جبدتهم كنقيس .. تلفت فيهم لوقت .... تا كملت وبانتلي بواطة ديال التليفون ...التليفون ألي كنت نسيت انني شريتو ..كيفاش غادي نعقل مور داكشي كامل ألي داز عليا البارح ...فرحت بزاف ..شحال وأنا باغاه كان( سامسونج س 5 )... شعلتو ودرتو يتشارجا ...شديت الويفي ...ألي كان بلا كود ..أول حاجة درتها دخلت للفايسبوك ألي بيني وبينوا زمان ...لقيت هاكا ديال ميساجات من صحاباتي ..أولهم امال ...الي كانت مشطونة عليا..رديت على جميع الرسائل إلا وحدا..لأنني ستغربت منها بزاف ...كانت من صاحب المحل ألي كنت خداما عندو ...الشاف
.. ولكن علاش مسيفطلي رسالة ...فتحتها بسرعة وإستغراب ...
( عزيزتي شيماء ..اتمنى أن تكوني بخير ...وأحوالك تمام ...
ألف مبروك على الزواج ..كلمات مبروك لا تكفي ..وكل المعاني لا توفي...اعبر لك عن مدى هناي بزواجك يا غالية ..)
صدمت بل فزعت ..صحيح انني كانت كتجمعني بيه علاقة عمل نقية ...وفنفس الوقت داسرين حنا العمال ديالو عليه ...لكن في إطار العمل والضحك مره مره ...لا أقل ولا أكتر ...منين دبر على الفايسبوك ديالي .... استغربت واستغربت حتا ما وصلت لتا نتيحه ... وجاوبتو ب-(شكراً ) ...
هادا ردي ... تصفحت الفايسبوك ديالي شوية وحاولت نتناسا ...
وليت طليت ما بانلي تا واحد ...ياسين غابر ولكن طنوبلتو باقا ادن راه دخل للدار ...دربتها بجرية وحدة لفراشي ...وطفيت الضواو... مابغيتش نولي نتقابل معاه ..حيت قدامو تنضعف...لازم نسيطر على المشاعر ديالي ونطفي شوقي ليه ..ونفكر مزيان تا نوصل لشي حل وننهي معاناتي... سمعت خطواتو كتقرب من الباب و زدت تغميت فالكاشة ..زعما راني ناعسا
*دخل ودار يديه علا فومو ...هه الريحة ...حل الشراجم ...وجا قرب لجيهتي شعل الضواو..بقا تيشوف فيا شحال.. من بعد بدل عليه لبس سروال ديال الكيطمة بوحدو او من الفوق والو ...حيت كانت الغرفة دافيا بزاف ...تخشا حدايا كيف العادة وقرب ..أنا تخلعت وقلبي ولا بين يديا ... دورني بشويا لعندو ..وبقا تيشوف فيا وأنا معنقه واحد نونوس هه ...بغا يحيدلي نونوس ..وأنا والو شاداه بيدي ورجلي هه كيجر وأنا كنجر ..تا ستسلم زعما باش مينوضنيش..قشع الضربة ألي فصبعي وهز يدي الصغيوره قدام يديه ألي كانت كي لبالا...كيقلب صبعي ..باس الجرحة...وولا حط يدي ...غطاني مزيان وشد بلاصتو دار للجهة لوخرا ينعس ...أما أنا عاد تحلو عينيا ...وغرقت فتساؤلاتي وتخمامي ... مالو داير هاكا ؟ مالو متناقض مع راسو ... واش كيمشي يبوس لوخرا فنهار ويجيلي أنا فليل...درت لعندو لقيتو مشا ...طاح كاو ...بقيت شحال وأنا كنتئمل فسقف.. النعاس حرام واش جاني .. خصوصاً الجوع قضى عليا ..النهار كامل ما كليت ...حتا ديك الشنيولة حرام واش طلعاتلي شي حاجا... بقيت حالا عيني تال ديك 03 ديال الليل ...كنتقلب .... صافي قررت نهبط ناكل ألي ليها ليها ..الجوع هو ألي ما خلانيش ننعس .... غادي نموت ..واللي زاد شجعني ريحة الحوت ألي كنشمها من قبيلة ..لحمي بدا يسفك عليا ...وماحسيت براسي تا سرقة سوارتو وحليت الباب ...تا لقيت راسي فالكوزينة كنبقشش كي الحمقة علا الحوت..كنترعد... من بعد لقيت شي شياطة ديال لعشاء ...مغطيينها ...يمكن بغاو يرميوها لا غدا ... عريتها وطلعات معايا ريحة الحوت ...أووه ...واحد الشعور منقدرش نوصفو..بقيت غير كنخشي فوجهي ونبرد جنوني ...ونتنهد هه بحالا عمرني حطيت النعمة فكرشي ...كليت داكشي كامل ألي تما ...ماغيلقاو مايرميو غدا ... ههه ... شربت كاس ديال الماء عاد حسيت براسي رتاحيت ... وعمرت لكريشا ...لخرجة ألي غنخرج من باب الكوزينة لقيت ياسين مقابل معايا ..كيخنزر ... ومخرج عينيه فيا
واقف وجامع يديه عندو ..كيخنزر فيا مزيان ..أنا رجلي مشاو وجاو و حسيت براسي بحالا تفافيت ...كيطيح فيا النص باش كيدير فيا هدوك الشوفات ...

ياسين : آش كاديري هنا ؟
أنا : جيت أو مشيت ..كليت أو خججكج ...
ياسين : كليتي داك الحوت ألي تماك ياك ؟!
أنا : الصمت
ياسين ضرب يديه مع الباب : هاداك الويل غير شياطة ..ألي لقيتيه كتخشيه فهداك الفم ...
أنا دمعو عينيا ديما كنحس بالحكرة معاه ..ولكن هاد المره تا أنا خرجت عيني : فيا الجوع وااآه ..تالماكلة ناوي تحرمني منها ... زدتي فيه ... هادي كرشي وانا حرة فيها ...عييت من هاد الحكام الخاوي ..
ياسين حل فيا فومو ...وجاء شدني من قمقومي وزير : هي هي علا الزعامة ..تحليك الفم ..آه ..مابقيتيش تخافي ..
أنا : أي اى ..طلقني راه كتدرني ...
ياسين : بقاي تجمعي هاد الفم حسنليك معايا...راكي عارفاني كيداير
أنا :عارفاك ...حكار...ياسين هز يدي باش يضرب وانا هزيت يدي مخلوعة باش نطاكي...
ساعا منزلات عليا تا ضربة ..
جرني من يديا مطلعني للبيت ...
أنا : طلق مني ..بغيت نمشي نبات مع غيتة
ياسين : البنت ناعسة ..باغا تنوضيها فنص الليل..
أنا : ماغاتقول والو ..
وليت طحت فالأرض حيت زلقت وحلفت ليه لاوليت نضت تيخليني نمشي لعند غيتة ...ماشي حيت مشتاقة فيها ..ولكن بغيت ندير الضد وصافي ...